10/09/2021
ناس بكري قالوا :
إذا ملست ملس من طينك
لا ماجاش برمة يجي كسكاس
أخطيك من الدنيا و تبع دينك
و ما تتعداش على زرع الناس
إلي نساك متقولوش وينك
و ما تحوسش على الناس
كول خبزتك بعرق جبينك
برضاية والديك تعيش لاباس ماتحسدش قول ربي يعينك
ما تنفعش لقرعة و الكاس
و يا وردة كان عجبك زينك
غدوة تكبري تمشي بين الأعفاس
ما تعورش بيدك عينك
عيش بكرامة متكونش لحاس
الذكريات توجع ما تضيعش سنينك
يقتلك الحنين و يموت الإحساس
إحفر بيرك بإبرة تعينك
و ما تطلبش من الرخيص فاس
مساء الخير ياوجوه الخير ✋
