08/06/2023
السيدة هاذي اسمها السيدة سعيدة الخليفي كانت قاضية في منوبة القاضية الي تترأس دائرة الشخصي
نهار توقف شخص على شاك وقال عندو ما يفيد الخلاص في دارهم وقتها السيد سعيد بالرمضان وكيل جمهورية كيف كيف راجل فاضل وإنساني كيف قال الموقوف عندو أوراق قلو كلم عايلتك قالولهم الاستاذة تعرفهم كلموني عالاوراق قلتهم عند العايلة واتصلت بالعايلة بلش يجيبو الأوراق..
و الموقوف الحكم الي صادر ضده فيه نفاذ عاجل معناها ميجيبش ما يفيد الخلاص يتعدى للحبس..
السيدة القاضية الفاضلة هاذي الي اليوم بين ايدين ربي قعدت للعشرة بتاع الليل حتى العايلة جابت الأوراق هيا والنيابة اي للعشرة بتاع الليل وهيا تعوض لانه موش دايرتها... وكانت معاها القاضية الدوس
وقت بطات العايلة باش تجيب الاوراق وانا تحرجت لانه المحكمة مفروض تكون سكرت من الخمسة و الدايرة والكتابة والنيابة تستنى قتلي كيفاش نروح لداري ونرقد وهو ينجم يكون بلحق خالص..
و منجمش نسيبو من غير منثبت بلحق خالص والا لا لانه مبلغ الشاك كبير وهذه حقوق ناس.....
المهم ماروحو كان كيف جات الأوراق وروح الراجل لدارو
السيدة هاذي اليوم بين يدين ربي الله يرحمها وينعمها
السيدة هذه أيقونة اخلاق وتمكن وخوف من ربي برك
انا مربطش الاسم بالشخص كان تو كيف ريت الصورة.. تو كيف عرضتني التصويرة حبيت نحكي الحكاية ونقول قداش محلاها وقداش تتحرى في الحقوق قداش انسانة. يارب ارحمها واعفو عنها يا رب كانت رحيمة فلا تحرمها رحمتك
ياااااارب هي بين يديك فاشملها برحمتك وصبر عيلتها لانه الأكيد كانت استثنائية... تصرفها اذكره لأقول كانت مثالا يحتذى به
الله يرحمها وينعمها ويرحم عادل وخي وجميع موتانا وموتى المسلمين
#فهمتو اش معناها ارحم من في الأرض يرحمك من السماء
#فهمتو اش معناها الدنيا فيها موت
#فهمتو اش معناها الطيبون يغادرون سريعا😭😭😭😭
