เว็บไซต์คืออะไร?

https://www.facebook.com/141522505704858/

Tin Naing Oo - ထိုင်း/မြန်မာ လေယာဥ်လက်မှတ် - ခရီးသည် ကြို/ပို့ ဝန်ဆောင်မှု, Phetchaburi (2026)

22/03/2026

ဒီနေ့ ဝန်ဆောင်မှုလေးပါ လိုအပ်သူများ ဆက်သွယ်နိုင်ပါတယ် #နေ့စဉ်တိုးတက်အောင်လုပ်ပါ
#ခရီးသည်ကြိုပို့ဝန်ဆောင်မှု

20/03/2026

တစ်လကို သိန်း ၅၀၀ နဲ့ ၁၀၀၀ ဝန်းကျင်
ဝင်ငွေရှိတဲ့ အသိမိတ်ဆွေတစ်ယောက်
နေ့ချင်းညချင်း အကြွေးတွေတင်သွားတဲ့သတင်း
ကြားရတယ်။
အရက်မသောက် ၊ ဆေးမချ ၊ မိန်းမကိစ္စကင်း ၊
လုပ်တဲ့အလုပ်ကလည်း ပညာနဲ့ စီးပွားရှာတဲ့
သမ္မာအာဇီဝကျကျ တည်တည်ငြိမ်ငြိမ် အလုပ်။
ချစ်စရာ သမီးလေးတစ်ယောက်နဲ့..။
ကိုယ်အားကျ ငေးမောရတဲ့ လူတစ်ယောက်
သို့မဟုတ် မိသားစု တစ်စု။
ဒီလူ အကြွေးတွေ ပတ်လည်ဝိုင်းနေတယ်လို့
တမြေ့မြေ့နဲ့ သတင်းပျံ့လာတော့
ကြားကြားချင်း ကျွန်တော် မယုံ ..။
နောက်ဆုံး သူကိုယ်တိုင် အကြွေးတွေ
မပေးနိုင်တော့ကြောင်း ဝန်ခံလိုက်တော့မှ
ကိုယ်တွေမှာ လက်ခံသွားခဲ့ရတယ်။
ဘာကြောင့်လို့ထင်လဲ...။
ဟုတ်ကဲ့...
စလော့ဂိမ်းပါပဲ..။..............................
နောက်တစ်ယောက်ကျတော့ သူကိုယ်တိုင်
စလော့ဆော့သူ မဟုတ်။
အပျော်အပါး လောင်းကစားဘာမှ မရှိ။
ငွေကိုသာ ကုန်းရုန်းရှာတဲ့ အိမ်ထောင်ဦးစီး
ကောင်းတစ်ယောက်။
အောက်ခြေက တက်လာသူ ဆိုတော့
တကယ့်ကိုပဲ မိသားစုတာဝန်ကျေရှာတယ်။
ဒါပေမဲ့...
သူ့အမျိုးသမီးက စလော့ဆော့မိတယ်။
ပတ်ဝန်းကျင်ကိုဆပ်စရာ အကြွေးတွေ ဝုန်းခနဲ
ပေါ်လာမှ သူ့ခမျာတအံ့တသြ သိသွားရရှာတာ။
မိသားစုကို ချစ်ရှာသူမို့ နိုင်သလောက်
လိုက်ဆပ်ပေးပါသေးတယ်။
ရှိသမျှ အိမ် ခြံ မြေ ကား လုပ်ငန်းအကုန်လုံး
ဆုံးရှုံးရတဲ့အပြင် ခုထိ နလံပြန်မထူတော့ဘူး..။..................................
လွန်ခဲ့တဲ့ ၂ နှစ်လောက်ကပေါ့။
သူ့ တစ်သက်တာ ဘယ်တော့မှ မမွဲနိုင်ဘူးလို့
ကျွန်တော် ထင်ခဲ့ရတဲ့ စီးပွားရေးလုပ်ငန်းရှင်
လူငယ်တစ်ဦး မွဲတေသွားတယ်။
စလော့ပါပဲ...။
လင်ရော မယားရော ရှယ်ဆော့တာ..
၁ နှစ်ပဲ ကြာတယ်...
ရှိသမျှ ကုန်တဲ့အပြင် ''သိန်းပေါင်း သောင်းချီ''
အကြွေးတင်သွားတယ်။
အခုပြေးပြီ....။.....................................
ဒါ ကျွန်တော့် အသိထဲကနေ စလော့ကြောင့်
ဒုက္ခရောက်သွားကြတဲ့ ဒိတ်ဒိတ်ကြဲ တချို့..။
သာမန် သူဌေးဘဝကနေ ဘဝပျက်သွားရတဲ့
လူတွေကတော့ ပတ်ဝန်းကျင်မှာ ဥပမာပြလို့ မကုန်။
ငွေကို ခက်ခက်ခဲခဲ ရှာစရာမလိုတဲ့
ဒီလို လူမျိုးတွေတောင် မွဲတေသွားဖို့မြန်တဲ့
စလော့ဂိမ်းကို (နှိမ်တဲ့ စကားလုံးမဟုတ်)
ဆိုက်ကားဆရာ ၊ ကုန်ထမ်းသမား ၊ ကယ်ရီ ၊
လက်သမား ပန်းရံ ၊ စားပွဲထိုး
နေ့စားသမားတွေ ပါမကျန် တောရော မြို့ပါ
ကစားကြလေရဲ့..။
သူတို့ကို စလော့မဆော့နဲ့လို့ သွားမတားရဲ..။
သူတို့ထက် အသိပညာကြွယ် ၊ နယ်ပယ်ကျယ်
ဗဟုသုတပိုများ ၊ အိုင်ကျူမြင့် ၊
အကွက်မြင်ပါတယ်ဆိုတဲ့ သူဌေးသူကြွယ်
ပညာတတ်တွေတောင် တားမရ ဆီးမရ
စလော့စွဲနေကြတာကိုး။
လောင်းကစားကို ကျွန်တော် မဆန့်ကျင်ပါ။
လောင်းကစား (Gambling) သဘောဆိုတာ
အနိုင် ၊ အရှုံး နှစ်မျိုးပဲ ရှိတယ်။
နိုင်ချင် နိုင်မယ် ..
ရှုံးချင် ရှုံးမယ်..
လောင်းကစားထဲ သမ္မာ ၊ သမတ် အကျဆုံးဟာ
ဘောလုံးပွဲလို့ (ကျွန်တော် အပါအဝင်)
အများက သတ်မှတ်ကြလေရဲ့။
ဒိုင်က ကြေးဖွင့်တယ်။
အားနည်းတဲ့ အသင်းကို အားကြီးတဲ့ အသင်းက
ဂိုးကျောပေးတာပေါ့။
ဒါ ထုံးစံ..။
ဒိုင်က ကြေးဖွင့်ပေမယ့် သူ နေရာကောင်းမယူ။
ထိုးသားကို ဦးစားပေးတယ်။
ထိုးသား ဘယ်ဖက်နေနေ ရတယ်။
ဒါဟာ ဘောလုံးပွဲရဲ့ သမာဓိပဲ။
ဒိုင်ကတော့ ကြေးဖွင့်ပြီဟေ့..
မင်းတို့ လောင်းချင်လား..
နေချင်တဲ့ဘက်က နေ...
သိပ် တရားမျှတတယ်။
ဟုတ်ကဲ့..
အဲဒီလို နှစ်သင်းထဲ ရွေးရပြီးဘယ်ဖက်က နေနေ
(ဦးစားပေး) နေလို့ရတဲ့ ဘောလုံးပွဲမှာတောင်
ထိုးသား နိုင်အောင် မလောင်းနိုင်။
အကောက်ဆိုတဲ့ 5 % နဲ့ ဒိုင်က
နှာတဖျား အသာယူထားတယ်။
ထိုးသားနိုင်ရင် အပြည့်မရ..
5 % လျှော့ပြီး အလျော် ရတယ်..
ထိုးသားရှုံးရင် အပြည့်ရှုံးတယ်..
အနိုင် အရှုံး ရာခိုင်နှုန်း 50 - 50 မျှတလွန်းတဲ့
ဘောပွဲမှာတောင် အကောက် %ပမာဏ
အနည်းငယ်မျှနဲ့ ရေရှည်မှာ ဒိုင်သာပါတယ်။
ထားပါတော့။
စလော့ အကြောင်းဆက်ရင်
စလော့ဂိမ်းကို လောင်းကစားလို့တောင် ပြောမရ။
လိမ်ညာမှု (Scamming) သက်သက်ပဲ ဖြစ်ပါတယ်။
အရှုံး ၁၀၀ % ဖြစ်အောင် နဂိုထဲက
နည်းပညာနဲ့ ဆော့ဝဲသွင်းပြီးသား..။
ထိုးသား နိုင်နေလား...
ဟုတ်တယ်....
ခဏတဖြုတ် နိုင်ချင် နိုင်ပါလိမ့်မယ်..
စစချင်းနိုင်အောင်လည်း မြှူဆွယ်ထားတယ်။
ဒါပေမဲ့ ဆက်မဆော့ရ မနေနိုင်။
ဂိမ်းကို စွဲလမ်းမှုသဘောကြောင့် မရပ်ချင်ကြ။
ဆက်ပြီး ကစားချင်တယ်။
ဆက်ပြီး ကစားတယ်။
သိပ်မကြာခင် အရှုံး အလှည့်ကို
ရောက်လာပါတော့တယ်။
၂ လုံး ၊ ၃ လုံး ၊ ဖဲ ၊ ဘောပွဲ ၊ ကြက်ဝိုင်း
အံဂလုန် စတဲ့ လူသိများ လောင်းကစားတွေက
ငွေကုန်ရင် ရပ်ပါတယ်..
ဒါမှမဟုတ်
လုံးခနဲ ငွေရလို့ ရပ်သင့်ပြီ ယူဆတဲ့
(လူနည်းစု) ရပ်သွားပါတယ်။
စလော့ကျ ငွေရနေလည်း မရပ်နိုင်။
မရပ်နိုင်တော့ ရှုံးပါတယ်။
ရှုံးလွန်းမက ရှုံးလို့
အကြွေးတွေတင်သွားလည်း မရပ်နိုင်။
ငွေရဖို့ ဂိမ်းဆော့ရဖို့ ဘာမဆိုကြံတော့တယ်။
ဒုစရိုက်မှုတွေကျူးလွန်ဖို့ ဝန်မလေး။
စလော့ဂိမ်းတွေရဲ့ သဘောကိုက
လောင်းကစားစွဲလမ်းမှုမှာ ဂိမ်းစွဲလမ်းမှုကို
ထပ်ဆင့်ပေါင်းထားတာ ဖြစ်လို့
လူ့စိတ်က လုံးဝ မရပ်ချင် ၊ မရပ်နိုင်။
ဒါ့ထက်ပိုဆိုးတာက လောင်းကစားနည်း တစ်ခု
လုပ်ဖို့ရာ ဒိုင် ၊ အခြားကစားဖော်တွေနဲ့
အခြေအနေ အချိန်အခါ လိုပါတယ်။
ဘောလုံးဆိုလည်း ကန်မယ့်ရာသီ ၊
ကန်မယ့်အသင်း ရှိမှ..
ဖဲဆိုလည်း ကစားဖော် ကစားဖက်ရှိမှ..
ကြက်ပွဲဆိုလည်း တိုက်ကြက်ဝိုင်းရှိမှ..
၂ လုံး ၊ ၃ လုံး ဆိုလည်း ဒိုင် ၊ ကော်စား ၊
ထွက်မယ့်ရက် စသည်ဖြင့်..
စလော့မှာကျ ဒိုင်လည်းမလို ၊
ကစားဖော်လည်းမလို...
ဖုန်း နဲ့ လိုင်းရှိရုံနဲ့
အိပ်ခါနီးငါးမိနစ်လောက် ကစားမလား ၊
အိမ်သာတက်ရင်း ကစားမလား ၊
ထမင်းစားရင်း ကစားမလား ...။
တစ်ယောက်ထဲ နေရာမရွေး အချိန်မရွေး
ကစားနေလို့ရတယ်။
(ဘယ်သူမှ သိစရာလည်း မလိုတော့
ဒုက္ခရောက်ပြီး အကြွေးပတ်လည်ဝိုင်းသွားမှ
မိသားစုက သိရတယ်...)
စလော့ဂိမ်းကို ဘွဲ့ပေးရမယ်ဆို
"ဘက်ပေါင်းစုံက ပြည့်စုံနေတဲ့ မွဲဆေးကြီး...''
လို့သာ အမည်ပေးလိုက်ချင်တယ်။
ကိုယ့်အသိမိတ်ဆွေတွေထဲမှာ စလော့ဂိမ်း
စ ဆော့နေတဲ့ လူတွေရှိပါတယ်...။
မိတ်ဆွေတို့ ဝတ္တရားနဲ့ ကျွန်တော်
တစ်ကြိမ် နှစ်ကြိမ် တားပါတယ်။
(ဒီထက်ပိုပြီးတော့ မတား...သူ့ထိုက်နဲ့သူ့ကံ)
ဒီပိုစ့်ကိုလည်း ခုမှ စဆော့မယ့် လူတွေအတွက်
ရည်ရွယ်ပြီး ရေးပါတယ်။
စွဲနေပြီဆိုတဲ့ လူတွေကိုတော့ သိကြားမင်းလည်း
ဆင်းမကယ်နိုင်။
ဒုက္ခရောက်မယ့် ကံတရားက သူတို့ဆီ
ဆိုက်ဆိုက်မြိုက်မြိုက် ရောက်လာလေပြီ
ဆိုပြီးတော့သာ ဥပေက္ခာပြုထားရပါတော့တယ်။

ကိုစိုးထိုက် (ဖဒို)
crd
#နေ့စဉ်တိုးတက်အောင်လုပ်ပါ
#ခရီးသည်ကြိုပို့ဝန်ဆောင်မှု

19/03/2026

အသက်ကြီးလာတာနဲ့ အမျှ
ကိုယ်လုပ်တဲ့ အရာရာတိုင်းကို
တခြားလူ အသိအမှတ်ပြုရဖို့ မဟုတ်သလို
တစ်ခါတလေ အသိအမှတ်ပြုခံရတိုင်းလည်း
မှန်ချင်မှ မှန်တယ်ဆိုတာကို တွေ့လာမိတယ်။

ကိုယ်တို့က ကိုယ်ပိုင်ရွေးချယ်မှုကို
သတ္တိရှိရှိ ရွေးချယ်ဖို့နဲ့
သက်ဆိုင်တဲ့တာဝန်ကို ထမ်းရဲဖို့ပဲ လိုပါတယ်။

မှားရင် ဒါဟာ အတွေ့အကြုံဖြစ်ပြီး
မှန်ရင် ဒါဟာ ကံကောင်းခြင်းဖြစ်ပါတယ်။

💌

#နိုင်းနိုင်းစနေ
#နေ့စဉ်တိုးတက်အောင်လုပ်ပါ
#ခရီးသည်ကြိုပို့ဝန်ဆောင်မှု

18/03/2026

🌍 ကမ္ဘာတစ်ဝန်း စစ်ပွဲတွေ ဖြစ်နေတဲ့အချိန်မှာ…
မြန်မာနိုင်ငံလို အခြားနိုင်ငံတွေကို မှီခိုနေရတဲ့နိုင်ငံအတွက်
ဒီအခြေအနေက မထင်မှတ်တဲ့ အခက်အခဲတွေကို ဖြစ်လာစေနိုင်ပါတယ်။
⛽ ဆီဈေးတက်မယ်
🍚 အစားအသောက်ဈေးတက်မယ်
💸 ကျပ်တန်ဖိုးကျမယ်
🏭 အလုပ်အကိုင်တွေ လျော့နိုင်မယ်
ဘာကြောင့်လဲဆိုတော့
ပြည်ပကနေ တင်သွင်းရတဲ့ပစ္စည်းတွေ မလုံလောက်တော့ဘူး၊
သယ်ယူပို့ဆောင်ရေးခတွေ တက်လာမယ်။
နောက်ဆုံးမှာတော့
👉 သာမန်ပြည်သူတွေဘဲ အထိခိုက်ဆုံး ဖြစ်လာတယ်။
ဒီလိုအချိန်မှာ
✔️ အသုံးစရိတ်ကို သတိထားပါ
✔️ မလိုအပ်တာ မဝယ်ပါနဲ့
✔️ အရေးကြီးပစ္စည်းတွေ ကြိုတင်စဉ်းစားထားပါ
“စစ်ဆိုတာ နိုင်ငံတစ်ခုထဲမဟုတ်ဘူး
ကမ္ဘာတစ်ဝန်း လူတိုင်းကို ထိခိုက်စေတယ်” 💔
#နေ့စဉ်တိုးတက်အောင်လုပ်ပါ
#ခရီးသည်ကြိုပို့ဝန်ဆောင်မှု

17/03/2026

အမရေထီနှစ်လုံးတိုက်ပေါက်တာနှစ်ခါသွားထုတ်တာရတဲ့ပိုက်ဆံမတူလို့ဘာဖြစ်လို့လဲမေးထားလို့ဖြေပေးလိုက်ပါတယ်💜🖤❤️

ထိုင်းအစိုးရထီကို ထုတ်ပေးတဲ့အဖွဲ့က Government Lottery Office ဖြစ်ပါတယ်။
ထိုင်းထီလက်မှတ်မှာ Thai Government /Thai Charity လို့ရေးထားတာတွေ တွေ့ရတတ်ပါတယ်။ ဒါက လက်မှတ်အမျိုးအစားနဲ့ အခွန်ဖြတ်ပုံ မတူတာကြောင့်ပါ။

⸻

1️⃣ Thai Government Lottery (ထိုင်းလက်မှတ်)
• လက်မှတ်ပေါ်မှာ THAI Government လို့ရေးထားတတ်ပါတယ်
• အများဆုံးတွေ့ရတဲ့ လက်မှတ်အမျိုးအစားပါ
• ဆုရရင် အခွန် 0.5% ပဲ ဖြတ်ပါတယ်

ဥပမာ
• ပထမဆု 6,000,000 ဘတ်
• အခွန် 0.5% = 30,000
• လက်ကျန် ≈ 5,970,000 ဘတ်

⸻

2️⃣ Thai Charity Lottery (การกุศล)
• လက်မှတ်ပေါ်မှာ Charity သို့မဟုတ် การกุศล လို့ရေးထားတတ်ပါတယ်
• ဒီလက်မှတ်က လူမှုကူညီရေး အဖွဲ့အစည်းတွေကို ထောက်ပံ့ဖို့ ထုတ်တာပါ
• ဆုရရင် အခွန် 1% ဖြတ်ပါတယ်

ဥပမာ
• ပထမဆု 6,000,000 ဘတ်
• အခွန် 1% = 60,000
• လက်ကျန် ≈ 5,940,000 ဘတ်
#ထိုင်းထီ
#ထိုင်း
#သတင်း
#နေ့စဉ်တိုးတက်အောင်လုပ်ပါ
#ခရီးသည်ကြိုပို့ဝန်ဆောင်မှု

16/03/2026

ဘဝမှာ
ဈေးကြီးတာတွေ
ဝတ်မထားရင်တောင်
သူတစ်ပါးက လေးစားနေပြီဆို..
သေချာတယ်..
အဲဒါ တန်ဖိုးရှိတဲ့ လူပါပဲ။

အသက်လေး ရလာတာတောင်
အိပ်ဆေးမလိုဘဲ အိပ်ပျော်နေတယ်ဆိုရင် သေချာပါတယ်...
အဲဒါ တကယ် ကျန်းမာတဲ့ သူပါပဲ။

ကိုယ်က နေနိုင် စားနိုင်ပါရက်နဲ့
သူတစ်ပါး ဒုက္ခရောက်ချိန်
မစားနိုင် မသောက်နိုင်ဖြစ်တယ်ဆို
သေချာတယ်...
အဲဒါ ကိုယ်ချင်းစာတရားနဲ့ စာနာတတ်တဲ့သူပါပဲ။

ဘယ်လောက်ပဲ စိတ်ဆိုးဆိုး၊
ဘယ်လောက်ပဲ ထိခိုက်ခိုက်၊
ဘယ်လောက်ပဲ ဒုက္ခရောက်ရောက်
မပြောသင့်တာကို မပြောတာ၊
မလုပ်သင့်တာကို မလုပ်တာ၊
မပေါင်းသင့်တာကို မပေါင်းတာဆိုရင်
သေချာပါတယ်...
သူဟာ စာရိတ္တနဲ့ ပညာအရာမှာ ပြည့်တဲ့သူပါပဲ။

အစစ်တွေကို မရဖူးရင် နေပါ။
အတုတွေ ပေးတဲ့သူတော့ မဖြစ်ပါစေနဲ့။
အချစ်စစ်တွေ မရဖူးရင် နေပါ။
အပြုံးတုတွေ ပေးတဲ့သူတော့ မဖြစ်ပါစေနဲ့။

ဘယ်လောက် စိတ်ဆိုးဆိုး
မပစ်ရက်တာ ညီအစ်ကို ဖြစ်ပြီး
စိတ်ဆိုးစရာ မရှိလည်း ပေါင်းလို့ မရတာ
ကိုယ်နဲ့ မဆိုင်တဲ့ သူပါ။

ဘဝမှာ အစစ်တွေကို မရဖူးရင်တောင်
အစစ်တွေကိုပဲ ပေးခဲ့တယ်ဆိုရင် သင်ဟာ တကယ်ချစ်ဖို့ ကောင်းတဲ့သူ ဖြစ်နေပါသေးတယ်။

#နေ့စဉ်တိုးတက်အောင်လုပ်ပါ
#ခရီးသည်ကြိုပို့ဝန်ဆောင်မှု
#ထိုင်းမြန်မာငွေလွဲဝန်ဆောင်မှု

24/02/2026

ဘာကြောင့်ဖြစ်ဖြစ် ဘယ်သူဖြစ်ဖြစ် ဘယ်အရွယ်ဖြစ်ဖြစ် စာသင်ပါ , ပညာသင်ပါ။

စာမသင်ဘဲနေဖို့ ပညာမသင်ဘဲနေဖို့
ဘယ်မိဘ ဘယ်ဆရာသမားကမှ မတိုက်တွန်းပါဘူး။

စာမသင်စေချင်ရင်
ပညာမတတ်စေချင်ရင်
ဘယ်သူဖြစ်ဖြစ် ဘာကြောင့်ဖြစ်ဖြစ်
စိတ်ကောင်းမဟုတ်ပါဘူး။

ကိုယ့်သား ကိုယ့်သမီး,
ကိုယ့်တပည့်ဆိုတာ,
နောင်တချိန်မှာ မိသားစုရဲ့, နိုင်ငံရဲ့, ဘာသာရဲ့ ခေါင်းဆောင်တွေ ဖြစ်လာမှာပါ။

ပညာမဲ့မိသားစု,
ပညာမဲ့နိုင်ငံ,
မဖြစ်ချင်ရင်
ဘာကြောင့်ဖြစ်ဖြစ်
စာသင်ပါ၊ ပညာသင်ပါ။

အရှင်ဝရသာမိ
#နေ့စဉ်တိုးတက်အောင်လုပ်ပါ
#ခရီးသည်ကြိုပို့ဝန်ဆောင်မှု
#ထိုင်းမြန်မာငွေလွဲဝန်ဆောင်မှု

23/02/2026

တစ်ခြားသူတွေကိုသာ လိမ်လို့ ၊
ရချင်ရမယ်၊ ကိုယ့်စိတ်ကိုတော့ လိမ်လို့၊
မရဘူး၊ ဟန်ဆောင်ခြင်းက ပင်ပန်းမှုကို
ဖြစ်စေတယ်..။

နေသားကျလာတဲ့ ဟန်ဆောင်ခြင်းက
လူရဲ့ပါဝါတွေကို တဖြည်းဖြည်း၊
တိုက်စား စိတ်ဓာတ်တွေ ခြောက်ခြားလာမှ၊ နောင်တတွေ မရမိပါစေနဲ့....။

အကြိုက်မို့ ကောင်းတာ မဟုတ်ဘဲ၊
အကောင်းကို ကြိုက်တတ်မှ ..
ဘဝရဲ့အလှဆိုတာ ရှာစရာမလိုပဲတွေ့ရမှာ..

ကိုယ်ချင်းစာတယ်ဆိုတဲ့စကားက
ပါးစပ်ဖျားမှာ ထားရမှာ မဟုတ်ဘူး။
နှလုံးသားနဲ့ ခံစားပြီးမှ ပြောသင့်တယ်။

ကျေးဇူးပါ လို့ ..
ခပ်ပေါ့ပေါ့လေးပြောပြီး
အပြုံးတုတွေ လာပေးနေတဲ့ ၊
မျက်နှာတချို့ကို ကြည့်ရင်း
ကျေးဇူးရဲ့ အဓိပ္ပာယ်ကို
သူတို့ သိပါ့မလား တွေးမိတယ်....။

အခွင့်အရေးကို လက်တဆုံးနှိုက်ပြီးမှ
အားနာပါတယ်ဆိုတဲ့ စကားက
စော်ကားသလို ဖြစ်မနေဘူးလား၊
တချက်လောက်တော့ စဉ်းစားကြည့်စေချင်တယ်...။

စေတနာကောင်းဆိုတာ
လူတိုင်းခံစားခွင့်ရှိတယ် ။
ဒါပေမယ့် တန်ဖိုးဖြတ်ခွင့်တော့
မရှိဘူး၊ စော်ကားခွင့်လဲ မရှိဘူး...။

#နေ့စဉ်တိုးတက်အောင်လုပ်ပါ
#ခရီးသည်ကြိုပို့ဝန်ဆောင်မှု
#ထိုင်းမြန်မာငွေလွဲဝန်ဆောင်မှု

23/02/2026

#သေချိန်တန်ရင်ကိုယ်ရဲ့အိပ်နေကျနေရာလေးကလည်းကိုယ့်ရဲ့သေရမယ့်နေရာလေးဖြစ်သွားတတ်တယ်။

ပစ္စည်း ဥစ္စာ ကုန်ခမ်းသွားတာကို မြင်နိုင်တယ်

ဉာတိဆွေမျိုး ဝေးသွားတာကို မြင်နိုင်တယ်

ဒါပေမယ့် ကိုယ်ရဲ့ ကံကြမ္မာ ကုန်ခမ်းသွားတာကို

မသိမမြင်နိုင်ဘူး ။

ထို့ကြောင့် နေ့စဉ် ကုသိုလ်တစ်ခုစီ

လုပ်ထားဖို့ မပေါ့ဆပါနဲ့။

အသက်ရှိစဉ် မာနထောင်လို့ရတယ်။

သေခါနီးဆိုက်ရောက်လို့ ခုတင်ပေါ်လဲလိုက်တာနဲ့

မာနဆိုတာ အာလကားပါလားလို့ သိလိမ့်မယ်။

ဒါပေမယ့် ပြုပြင်ဖို့ အချိန် ရလိမ့်မယ် မဟုတ်တော့ဘူး။

ထို့ကြောင့် အချိန်ရှိတုန်းလေ ပြုပြင်သင့်တာတွေ

ပြုပြင်ပါ။

ကုသိုလ်ဆိုတာ သေပြီးမှ လုပ်ရတဲ့ အရာ မဟုတ်ဘူး။

အသက်ရှိနေစဉ် လုပ်ထားရတဲ့ အရာပါ။

မူရင်းပို့အားcrd ပေးပါတယ်
#နေ့စဉ်တိုးတက်အောင်လုပ်ပါ
#ခရီးသည်ကြိုပို့ဝန်ဆောင်မှု

14/02/2026

မိမိမိသားစု နဲ့ မျိုးဆက် ကို ဒါတွေသိအောင် သင်ပေးပါ။

အမေရိကန်နိုင်ငံရဲ့ ဘီလီယံနာ ၄၀% ဟာ အမေရိကန်ဂျူးတွေဖြစ်တယ်။ ကမ္ဘာ့လူဦးရေရဲ့ ၀.၂% ဘဲရှိတဲ့ ဂျူးလူမျိုးတွေ ဘာလို့ ကျိကျိတက် ချမ်းသာလဲ??

ဂျူးကလေးငယ်တွေဟာ ၇ နှစ်သားကတည်းက မိဘတွေက ဒီလိုသင်ပေးတယ်။ “ငွေရဖို့ အလုပ်မလုပ်နဲ့ ၊ ငွေရှာပါ- ရှာလို့ရတဲ့ငွေကို အလုပ်လုပ်ခိုင်းပါ “

ငွေရဖို့အလုပ်လုပ်တဲ့လူတွေဟာ ဘယ်သူတွေလဲ?? ကိုယ်တနေ့တာ အလုပ်လုပ်တယ်၊ ရတဲ့ငွေကို သုံးတယ်ဆွဲတယ်၊ ကိုယ်မလုပ်နိုင်ရင် ငွေမဝင်တော့ဘူး။ အဲ့လိုလူတွေဟာ ငွေရဖို့ အလုပ်လုပ်တဲ့လူတွေ။

ရှာလို့ရတဲ့ငွေနဲ့ အလုပ်လုပ်ခိုင်းသူတွေက ဘယ်သူတွေလဲ? မိမိ ရတဲ့ငွေထဲက ငွေပိုအောင်ချန်တယ်၊ အချိုးကျ ပြန်ပြီး ရင်းနှီးမြုပ်နှံတယ်၊ ငွေလည်ပါတ်နေအောင်လုပ်တယ်၊ မိမိအိပ်ချိန်မှာလည်း ငွေလည်ပါတ်နေအောင် ကြိုးစားတယ်၊ ဒီလိုနဲ့ငွေဟာ မိမိရဲ့ လုပ်သားတဦး employee ဖြစ်လာတယ်။ ဂျူးတွေဟာ ငွေအပေါ်မှာ အဲ့လို သဘောထားရှိအောင် ငယ်ငယ်လေးကတည်းက ရိုက်သွင်းပေးထားကြတယ်။

မိမိက work for money လား? Money works for you လား? ဘယ်လိုခွဲမလဲ??

Work for money = လစာရတယ်၊ လစာရဖို့ ကာယ ဉာဏသုံးရတယ်၊ အလုပ်လုပ်မှ ငွေဝင်တယ်၊ ငွေရဖို့ လူအား စိုက်ထုတ်ရတယ်။ လူက အလုပ်ဆီသွားရတယ်။

Money works for you= ကိုယ်မရှိလည်း ငွေက ဝင်နေတယ်၊ အချိန်တန်ရင် တိုက်ရိုက် သို့မဟုတ် သွယ်ဝိုက်ဝင်မယ်၊ ငွေက အလုပ်လုပ်နေတယ်။

စီးပွါးရေးတခုမှာ ကိုယ်မပါ အလုပ်မဖြစ်ဘူး ဆိုရင် မိမိဟာ work for money ဘဲ။

မိမိဟာ ( system နဲ့) စနစ်တကျလည်ပါတ်နိုင်တဲ့ စီးပွါးရေးတခု တည်ဆောက်နိုင်သူဖြစ်ရင် ( မန်နေဂျာတွေ၊ လုပ်သားတွေ စနစ်တွေနဲ့ လည်ပါတ်အောင်လုပ်နိုင်ရင် ) အဲ့ဒီစီးပွါးရေး က ဝင်လာတဲ့ငွေကို ထပ်ပြီး ရင်းနှီးဖို့ မိမိမှာ အချိန်ရှိနေမယ်။ ဒီလိုနဲ့ လုပ်ငန်းတွေ ကြီးထွားလာတယ်။ လုပ်ငန်းရှင်ကြီးတွေဟာ စနစ်နဲ့ လည်ပါတ်အောင်တည်ဆောက်နိုင်ကြလို့ လုပ်ငန်းရှင်ကြီးတွေ ဖြစ်လာတယ်။

မိမိမှာ သေးငယ်တဲ့ငွေပမာဏဘဲရှိလည်း မပူပါနဲ့၊ စနစ်နဲ့တည်ဆောက်ထားတဲ့လုပ်ငန်းတွေမှာ ငွေဝင်ထည့်ရင်း ကိုယ့်ငွေလည်းတိုးလာနိုင်တယ်။ ဒါကြောင့် stock market ဆိုတာပေါ်လာတာ။

“ သင့်အချိန်ကို ငွေရှာဖို့ မသုံးနဲ့၊ အချိန်ကို ဝင်ငွေတိုးဖို့ သုံးပါ” သင့် အသက် က အကန့်အသတ်ရှိတယ်။ ငွေက အကန့်အသတ်မရှိဘူး။ အချိန်ကိုအသုံးပြုပြီး အကန့်အသတ်မရှိတဲ့ ငွေဝင်နည်း ရှာပါ။ system ဆောက်ပါ။

Never work for money ဆိုတာ ငွေအတွက် အလုပ်မလုပ်နဲ့ လို့ပြောတာမဟုတ်ဘူး၊ အကန့်အသတ်ရှိနေတဲ့ သင့်လုပ်အားကိုသာမှီခို ပြီး တသက်လုံး ဝင်ငွေ ရှာမနေနဲ့၊ ရတဲ့ငွေကိုပြန်ခိုင်း လို့ပြောတာ။ create system. Let capital generate capital.

ဂျူးကလေးတွေဟာ asset နဲ့ liability ကို
ငယ်ငယ်ကတည်းက သင်ထားကြတယ်။ ဘယ်အရာတွေဟာ asset မိမိ ပိုင်ဆိုင်မှု ၊ ဘယ်အရာတွေဟာ liability မိမိရဲ့ ကြွေးမြီ( တာဝန်ခံရမှု) လဲ သိအောင် သင်ရမယ်။ ဒီနေရာမှာ asset ဆိုတာ ကိုယ့်ကိုတိုးပွါးအောင် လုပ်ပေးနိုင်တာ ကို asset လို့ခေါ်ပြီး ကိုယ့်ဝင်ငွေကို ယုတ်လျော့စေတာကို liability လို့ခေါ်တယ်။

မြေပိုင်တဲ့ လူတယောက် က ဒီမြေ ငါပိုင်တယ်။ ဒါ ငါ့ပိုင်ဆိုင်မှု လို့ စိတ်ကြီးဝင်တယ်။ မြေခွန် ရေခွန်ကို သူ့လစာထဲက ထုတ်နှုတ် ဆောင်တယ်။ သူက asset လို့ထင်ပေမယ့် - ချမ်းသာတဲ့သူက မြေရဲ့ မီးဖိုး ရေဖို့ မြေခွန် နောင်ဖြစ်လာနိုင်ခြေ တွက်တယ်၊ အတိုး အရင်း ပြန်ရနိုင်ခြေတွက်တယ်။ သူက liability လို့ထင်ရင် မြေကို ရောင်းပစ်တယ်။ assets လို့ထင်ရင် ပိုတိုးအောင် စျေးဆိုင်ဖွင့်မယ်၊ စီးပွါးရေးလုပ်မယ်။

မိတ်ကပ်ဝယ်လိမ်းတာ၊ အဝတ်အစားဝယ်ဝတ်တာတွေ အားလုံး ငွေပြန်မရရင် liability တွေချည်းဘဲ၊ liability က asset ထက်များရင် မွဲမယ်။ ( မင်းသား မင်းသမီးဆိုရင်တော့ assets ပေါ့) ။ assets တွေ နဲ့ liabilities တွေကွဲကွဲပြားပြား သိမှ assets တိုးပြီး liabilities လျော့အောင် လုပ်တတ်မယ်။

ဂျူးကလေးငယ်တွေအတွက်စာသင်တာဟာ ကျောင်းသားကောင်းဖြစ်အောင်၊ အလုပ်သမားကောင်း ဖြစ်အောင်သင်တာမဟုတ်ဘူးတဲ့၊ အလုပ်ရှင်ကောင်းဖြစ်လာအောင် သင်ကြတာတဲ့။ ပညာရေးဟာ လုပ်သားကောင်းတွေ မွေးထုတ်တဲ့ပညာရေးမဟုတ်ရဘူး၊ အလုပ်အကိုင်သစ်တွေ ဖန်တီးတတ်တဲ့ ပညာတတ် ပညာရှင် မျိုးဆက် ကို မွေးပေးတာ လို့ခံယူကြတယ်။

ဂျူးတွေဟာ ငယ်စဉ်ကတည်းက မိမိဘဝကို လှေကားထောင်ပြီး ဒီထက်မြင့်တဲ့နေရာ ရောက်စေတဲ့နည်း ထက် အဲ့ဒီ အဆောက်အအုံကို ပိုင်အောင် ကြိုးစားတဲ့နည်း ကို ငယ်စဉ်ကတည်းက သင်ကြားပေးသူတွေ ဖြစ်တယ်တဲ့။ မှတ်သားနိုင်ကြပါစေ။

#နေ့စဉ်တိုးတက်အောင်လုပ်ပါ
#ခရီးသည်ကြိုပို့ဝန်ဆောင်မှု
#ထိုင်းမြန်မာငွေလွဲဝန်ဆောင်မှု

10/02/2026

#မေတ္တာအတု‌တဲ့
အရိပ်စစ်စစ်ပေးဖို့က မိမိတာဝန်ပါ။ မေတ္တာစစ်စစ်ရဖို့က မိမိတာဝန်မဟုတ်။
မန်ကျည်းပင်ကြီးကို မိတ်ဆွေ မြင်ဖူးတယ် မဟုတ်လား။ နွေရာသီရောက်လို့ ရွက်ဟောင်းတွေကြွေ၊ ရွက်သစ်တွေ ဝေလာလိုက်တာများ စိမ်းစိုပြီး အရိပ်အာဝါသ ကောင်းလိုက်တာလေ။ အဲဒီအချိန်ဆိုရင်ဖြင့် ခရီးသွားတွေက အဲဒီအပင်အောက်မှာ နားကြ၊ နွားကျောင်းသားတွေက ထမင်းထုပ်ဖြေစားကြ၊ ငှက်ကလေးတွေက သီချင်းဆိုကြနဲ့ စည်ကားလို့။

လူတွေက ပြောကြတယ်။ "ဒီအပင်ကြီးက သိပ်အေးတာပဲ၊ သိပ်နေလို့ကောင်းတာပဲ" တဲ့။ မန်ကျည်းပင်ကြီးခမျာမှာတော့ သူ့ကိုပဲ ဝိုင်းချစ်နေကြသလားမှတ်ပြီး သဘောတွေကျလို့ပေါ့။ ဒါပေမဲ့ မိတ်ဆွေ... တကယ်တမ်းကျတော့ လူတွေ၊ ငှက်တွေ ခင်တွယ်နေတာက မန်ကျည်းပင်ကြီးကို မဟုတ်ဘူးဗျ။ မန်ကျည်းပင်ကြီးက ပေးတဲ့ "အရိပ်" ကို ခင်တွယ်နေကြတာ။

ကျွန်တော်တို့ လူ့ဘဝတွေကလည်း ဒီသဘောတရားနဲ့ သိပ်မကွာလှပါဘူး။ ကိုယ့်မှာ ရာထူးဂုဏ်ရှိန်တွေ တောက်ပြောင်နေချိန်၊ ငွေကြေးဓနတွေ ပြည့်စုံနေချိန်ဆိုရင် အိမ်ရှေ့မှာ ကားတန်းကြီးတွေ စီလို့၊ ဧည့်သည်တွေ စည်လို့၊ ဖုန်းသံတွေ ညံလို့ပေါ့။ "ခင်ဗျားမှ ခင်ဗျား၊ ဆရာမှ ဆရာ" လုပ်နေကြတဲ့ အသံတွေကြားရရင် ကိုယ့်စိတ်ထဲမှာ ထင်မိတတ်ကြတယ်။ "ဪ... ငါ့ကို ချစ်တဲ့သူတွေ၊ ငါ့ကို လေးစားတဲ့သူတွေ ဝိုင်းဝိုင်းလည်နေပါလား" လို့ပေါ့။

ဒါပေမဲ့ သတိထားကြည့်စမ်းပါ မိတ်ဆွေ။ သကြားအိုးတစ်လုံး အဖုံးဖွင့်ထားရင် ပုရွက်ဆိတ်တွေ အုံလာတာ သဘာဝပါပဲ။ အဲဒီ ပုရွက်ဆိတ်တွေဟာ သကြားအိုးကို ချစ်လို့ ရောက်လာကြတာလား၊ ဒါမှမဟုတ် အထဲက "သကြား" ကို စားချင်လို့ ရောက်လာကြတာလား ဆိုတာ ခွဲခြားသိဖို့ လိုပါတယ်။ လူအများစုဟာ ကိုယ့်ဆီက ရနိုင်တဲ့ အခွင့်အရေး၊ ကိုယ့်ဆီက ရနိုင်တဲ့ အကူအညီ၊ ကိုယ့်ဆီက ရနိုင်တဲ့ "အရိပ်" ကို ခိုလှုံချင်လို့ ပြုံးပြနေကြတာ ဖြစ်ကောင်းဖြစ်နိုင်ပါတယ်။

ကျွန်တော် ပြောဖူးတဲ့ စကားတစ်ခွန်း ရှိတယ်။ "မီးလင်းနေတဲ့ ပွဲခင်းထဲမှာ ဘယ်သူက မိတ်ဆွေစစ်လဲဆိုတာ ရှာရခက်တယ်" တဲ့။ မီးတွေ အကုန်မှိတ်လိုက်ပြီး မှောင်အတိ ကျသွားတဲ့အချိန်၊ လူတွေအကုန်လုံး ကိုယ့်အိမ်ပြန်ကိုယ်ပြန်ပြီး ကွင်းပြင်ကြီးထဲမှာ ကိုယ်တစ်ယောက်တည်း ကျန်ခဲ့တဲ့အချိန်... အဲဒီအချိန်ကျမှ ကိုယ့်ဘေးနားမှာ မီးအိမ်လေးတစ်လုံးဆွဲပြီး ကျန်ရစ်ခဲ့တဲ့သူ ရှိသလားလို့ ရှာကြည့်ရတယ်။ အဲဒီလူကမှ ကိုယ့်ကို တကယ်ချစ်တဲ့သူပါ။

ပွဲလမ်းသဘင် စည်ကားနေတုန်းမှာတော့ "ဟေ့လူ... ခင်ဗျားကို ချစ်တယ်ဗျာ" လို့ အော်ပြောနေတဲ့သူတွေရဲ့ စကားကို သိပ်ပြီး အဟုတ်မမှတ်လိုက်ပါနဲ့။ သူတို့က ပွဲခင်းထဲက အငြိမ့်မင်းသမီးကို ကြည့်ရင်း ပြောလိုက်တာလည်း ဖြစ်နိုင်တာကိုး။

ဒါကြောင့် မိတ်ဆွေတို့ကို ပြောချင်တာက... လက်ရှိအချိန်မှာ အဆင်ပြေနေလို့ လူတွေ ဝိုင်းဝိုင်းလည်နေတာကို ကြည့်ပြီး သိပ်မသာယာမိပါစေနဲ့။ သူတို့ဟာ ရာသီဥတုသာယာတုန်း လာနားခိုကြတဲ့ "ဧည့်သည်ငှက်" တွေပဲ ဖြစ်ချင်ဖြစ်နေမှာ။ ရာသီဥတု အပြောင်းအလဲဖြစ်ပြီး မုန်တိုင်းလာတာနဲ့ တောင်ပံခတ်ပြီး ပျံသန်းသွားကြမယ့်သူတွေလည်း ပါနိုင်ပါတယ်။

ဒါကို စိတ်ဆိုးစရာလို့ မမြင်ပါနဲ့။ လောကသဘာဝလို့ပဲ သဘောပိုက်လိုက်ပါ။ အရိပ်ရှိတုန်း ခိုမယ်၊ အရိပ်မဲ့သွားရင် ခွာမယ်။ ဒါ ပုထုဇဉ်တွေရဲ့ ထုံးစံပဲလေ။ အဓိကကတော့... သကြားကုန်သွားတဲ့ တစ်နေ့ကျရင် ကိုယ့်ဘေးမှာ ဘယ်ပုရွက်ဆိတ်မှ မကျန်တော့ဘူး ဆိုတာကို ကြိုတင်နှလုံးသွင်းထားနိုင်ရင်... မိတ်ဆွေရဲ့ စိတ်နှလုံးဟာ ဒဏ်ရာရစရာ အကြောင်းမရှိတော့ပါဘူး။

#နေ့စဉ်တိုးတက်အောင်လုပ်ပါ
#ခရီးသည်ကြိုပို့ဝန်ဆောင်မှု

#ထိုင်းမြန်မာငွေလွဲဝန်ဆောင်မှု

09/02/2026

လွန်ခဲ့တဲ့ ၅ နှစ်က သူငယ်ချင်းနှစ်ယောက်ရှိပါတယ်။ ကိုထွန်းကတော့ ရသမျှလစာကို ရွှေပဲ ဝယ်စုပါတယ်။ သူက 'ငါ့ပိုက်ဆံတွေ တန်ဖိုးမကျအောင် လုပ်တာ' လို့ ဆိုပါတယ်။ ကိုမင်းကတော့ ရတဲ့လစာထဲက တစ်ဝက်ကို ရွှေစုပြီး ကျန်တဲ့တစ်ဝက်ကိုတော့ နည်းပညာသင်တန်းတွေ၊ အင်္ဂလိပ်စာသင်တန်းတွေနဲ့ စီးပွားရေးစာအုပ်တွေ ဝယ်ဖတ်ရင်း ကိုယ့်ကိုယ်ကိုယ် ရင်းနှီးမြှပ်နှံခဲ့ပါတယ်။

၅ နှစ်အကြာမှာ... ရွှေစျေးတက်လာတဲ့အတွက် ကိုထွန်းရဲ့ ပိုင်ဆိုင်မှုက ၃ ဆလောက် တက်လာပါတယ်။ ဒါပေမဲ့ ကိုမင်းကတော့ သူသင်ထားတဲ့ ပညာရပ်တွေကြောင့် လစာ ၅ ဆကျော် ပိုရတဲ့ နိုင်ငံတကာကုမ္ပဏီတစ်ခုမှာ မန်နေဂျာ ဖြစ်နေပါပြီ။ ကိုထွန်းရဲ့ ရွှေတွေက တန်ဖိုးတက်လာပေမဲ့၊ ကိုမင်းရဲ့ 'ငွေရှာနိုင်စွမ်း (Earning Capacity)' ကတော့ အဆပေါင်းများစွာ သာလွန်သွားခဲ့ပါပြီ။

ဒါဟာ မြန်မာနိုင်ငံက လူငယ်တွေအတွက် အရမ်းအရေးကြီးတဲ့ သင်ခန်းစာပါ။ အရာဝတ္ထုတွေကို စုဆောင်းတာဟာ ကောင်းပေမဲ့၊ ကိုယ့်ရဲ့ 'ဦးနှောက်' ထဲမှာ ပညာရပ်တွေ ရင်းနှီးမြှပ်နှံတာကသာ အမြင့်ဆုံးသော အတိုးနှုန်းကို ပေးနိုင်တာပါ။ ခေတ်က မြန်မြန်ပြောင်းနေပါတယ်။ သင်ကော... ရွှေစျေးတက်မှာကိုပဲ ထိုင်စောင့်နေမလား၊ ဒါမှမဟုတ် သင့်ရဲ့ တန်ဖိုးကို မြှင့်တင်ပြီး ငွေတွေ ပိုရှာနိုင်အောင် ကြိုးစားမလား?သင်အခုလက်ရှိမှာ ကိုယ့်ရဲ့ 'ဦးနှောက်' ထဲကို ဘယ်လို ပညာရပ်တွေ ရင်းနှီးမြှပ်နှံနေသလဲ? တစ်ခုလောက် ချရေးခဲ့ပါဦး။

#နေ့စဉ်တိုးတက်အောင်လုပ်ပါ
#ခရီးသည်ကြိုပို့ဝန်ဆောင်မှု
#ကူးယူဖော်ပြချင်း
#ထိုင်းမြန်မာငွေလွဲဝန်ဆောင်မှု

Tin Naing Oo - ထိုင်း/မြန်မာ လေယာဥ်လက်မှတ် - ခရီးသည် ကြို/ပို့ ဝန်ဆောင်မှု

22/03/2026

20/03/2026

19/03/2026

18/03/2026

17/03/2026

16/03/2026

24/02/2026

23/02/2026

23/02/2026

14/02/2026

10/02/2026

09/02/2026

ที่อยู่

เว็บไซต์

แจ้งเตือน

ทางลัด

แชร์

ประเภท