24/04/2025
၂၀၂၅ခုနှစ် ဧပြီလ ၂၄ရက်နေ့
ထိုင်းကို တရားမဝင်လာကြသည့် မြန်မာအလုပ်သမား သုံးဆယ်ဦးအဖမ်းခံရ
အလုပ်သမားဟစ်တိုင်
တရားမဝင် ထိုင်းနိုင်ငံထဲ ဝင်ရောက်လာကြသည့်
မြန်မာအလုပ်သမား ၃၀ ဦးကို ယမန်နေ့က
နခေါစဝမ်ခရိုင် အင်နခေါစဝမ်မြို့ နောင်ကရွတ်ကျေးရွာ
အုပ်စု ၁အနီး ဖဟွန်ယိုထင် လမ်းမကြီးပေါ်တွင် နယ်မြေခံ
အာဏာပိုင်များက ဖမ်းဆီးရမိခဲ့ကြောင်းသိရသည်။
ယင်းလမ်းမကြီးပေါ်တွင် တာဝန်ရှိသူများက စစ်ဆေးရေး
များဆောင်ရွက်နေစဉ် ပစ်ကပ်ကားနှစ်စီးသည် ပုံမှန်ထက်
အလေးချိန်များပြီး အရှိန်ဖြင့်မောင်းနှင်လာသည်ကို မသင်္ကာ
သဖြင့် မီးအချက်ပြပြီး ရပ်တန့်စေကာ ယင်းကားကို စစ်ဆေး
ရာတွင် မြန်မာကားသမား နှင့် မြန်မာ နိုင်ငံသား ၂၀ ဦးတို့ကို
လည်းကောင် နောက်တစီးတွင် မြန်မာကားသမားနှင့် မြန်မာ
အလုပ်သမား၁၀ ဦးတို့ကို တွေ့ရကြောင်းသိရသည်။
ကားမောင်းသူများ၏ ထွက်ဆိုချက်အရ ယင်းအလုပ်သမားများ
ကို မဲ့ဆောက် မှ စမွတ်ဆာခွန်သို့ ပို့ဆောင်ပေးရမည်ဖြစ်ကြောင်းနှင့်
ပို့ဆောင်ခ တခေါက်လျှင် ဘတ် ၁၀၀၀၀ ရကြောင်းနှင့် အလုပ်
သမားများက ယခုလိုလာရောက်သည့် ကုန်ကျစရိတ်မရှိကြောင်း
အလုပ်သမားခေါ်ယူသူက ခရီးကုန်ကျစရိတ်ထုတ်ပေးကြောင်း
သိရှိရသည်။
ဆက်လက်ပြီး ဖမ်းဆီးမိသူအားလုံးကို ဥပဒေအရ ဆက်လက်
အရေးယူမည်ဖြစ်ကြောင်းသိရှိရသည်။
