رحلة أبو ناصيف - Abu Nassif Trip

رحلة أبو ناصيف - Abu Nassif Trip أبحث عن البلد المناسب للسفر � من التخطيط و الفيزا حتى بداية جديدة � شاركوني الرحلة خطوة بخطوة

13/06/2026

⁨ هنا روحي هنا لغتي هنا جسدي 🤍🌸 #دمشق مدينة السلام ارض المحبة و الخير 🫰🏻 قد ما مرق ايام صعبة بترجع بتطلع احلى و ادفى و اقوى من قبل ❤️‍🩹 الجميع يرحل و تبقى الشام 🫶 #سوريا #تراث #سياحة #شوارع⁩

10/06/2026

من مخيمات اللجوء و النزوح ⛺️
للكرة الذهبية و ٦ مرات دوري ابطال اوروبا 🏆🥇
بعد ما شاف الحرب و قتلوا جدو قدام عيونو
و رغم جسمو الضعيف و حجمو الصغير
وصل للعالمية و حقق حلمو و صار ايقونة بعالم كرة القدم ⚽️
عم احكي عن لوكا مودريتش
اللاعب يلي اتحدى كل الظروف الصعبة
و طلع من تحت ركام الحرب
مودريتش مو بس ربح الكرة الذهبية
مودريتش ربح قلوبنا باخلاقو العالية
لان حتى لو كنت ما بتشجع الريال
مافيك تكره هاد اللاعب بسبب اخلاقو العالية و طيبة قلبو
مع انو شخص تاني لو عاش تجربتو كان يمكن يخلق وحش بس هو اختار يكون انسان
انسان ناجح بالرياضة و الاخلاق و العيلة
ظروفك الصعبة انت بتختار
يا تكون جسر لتعبر في و تحقق اهدافك
يا تكون حجة و تبرير تستخدمو بفشلك .
هاد اخر مونديال بيشارك فيو لوكا
بس اول مونديال لكتير احلام

#مونديال

03/06/2026

تخيل معي...
نحلة عادية وملكة نحل = نفس البداية تماماً.
الفرق كان بـ"الغذاء" اللي قبلت تاكله وقررت تبلعه.

بايولوجياً اسمه "غذاء ملكات". بحياتنا اسمه "أفكارك".

جيمس كليير بكتاب "العادات الذرية" بيقول: "أنت ما بتصير اللي بدك ياه، أنت بتصير اللي عم تعيده كل يوم".

كل فكرة سلبية بتكررها = عم تسمم ملكتك الداخلية.
كل فكرة إيجابية بتختارها = عم تبني تاج على راسك.

ما حدا انولد "فاشل" أو "ناجح". نحنا منقرر شو نوع الغذاء اللي بنغذّي فيه دماغنا كل صبح.

فاسأل حالك: أنا اليوم عم آكل غذاء ملكات... ولا فتات؟

‏Save للبوست إذا لمسك 🐝
#طاقةايجابية #تحفيز #تطويرالذات #تفكيرايجابي

31/05/2026

🖤 قتلوني عيونا السود 😉✨
بستغرب من العالم يلي بتوصي عل مشاوي !!
يا اخي الشوي و الوقفة فوق المنقل اطيب من الاكل الله وكيلكون 😂
يلي ما شوا بايدو ما بيعرف طعمة الشوي على اصولها 😉
#مشاوي #صيدنايا #نجوى كرم

29/05/2026

لمة العيلة، الضحكة العفوية، والذكريات اللي عم تنحفر بالقلب..❤️🫰🏻 هدول هني الدفى الحقيقي بهالدني.✨
لا تضيعوا أي فرصة لتكونوا سوا، لتشربوا كاسة شاي، أو لتضحكوا من قلبكم على قصة قديمة. الأيام عم تركض، وما حدا فينا بيعرف المستقبل شو مخبي.. بين سفر، غربة، أو
ظروف بتاخدنا بغفلة.
استغلوا كل ثانية مع عيلتكم، لانو اللحظة اللي بتروح ما عاد ترجع. طمنوني، متى كانت آخر لمة لعيلتكم؟ 9
#العيلة #ذكريات #الغربة #عائلتي
#ريلزانستغرام

23/05/2026

في أحلى من مشوار بحارات الشام القديمة؟ مابعتقد! 😍✨
الواحد قد ما لف ودخل حارات، بس يرجع يتمشى بهالأزقة الضيقة، بينبسط وبيرتاح نفسياً. ريحة الياسمين يلي طالعة من فوق الأبواب، وصوت البحرة بقلب البيوت العربية، وطق الأقدام عالحجر.. هدول التفاصيل لحالهم حكاية ثانية. 🌱🍋
الموضوع مو بس قصة تاريخ ومباني قديمة، القصة هي "الروح" يلي بهالمكان. الأسواق يلي بتعج بالناس، ريحة التوابل والقهوة، الضحكة والترحيب من أهل الشام.. كلو بيخليك تحس بالأمان والدفا، وكأنك ببيتك وبين أهلك وين ما رحت. ❤️🇸🇾
القديمة بتضل غير، والكل بيمر وبيروح.. وهي بتضل واقفة وعم ترحب بكل مين دخلها.
مين منكم اشتهى هلا على مشوار بالشام القديمة، وكاسة شاي بـ "النوفرة"؟ ☕️👇
#دمشق #سوويا #شام #حضارة #فن #فيروز

26/04/2026

ما حدا فينا مبسوط!
يلي بدبي بيحلم بأوروبا وكندا.. ويلي بالمانيا ناطر الجنسية ليخلص ويرجع يعيش بالخليج.
يلي بأميركا وكندا؟ مو عاجبهم شي.. لا الطقس، ولا الرواتب، ولا نمط الحياة.
أما اللي لساته جوّا سوريا؟ هدول.. هدول لا تجرب حتى تسألهم عن أخبارهم.
طيب شو القصة؟ ليش ما حدا فينا رضيان؟ وليش الكل عم يدور على "حياة وردية" تانية؟

بعد تفكير طويل، عرفت الجواب.
السبب هو إنو نحنا عشنا جنة حقيقية يوما ما.
نحنا جيل التمانينات والتسعينات.. نحنا الوحيدين اللي لحقنا نعيش سوريا بـ "عزها".
كنا عايشين ببلد فيها كل مقومات الحياة:
شغل، مصاري، عيلة، وأحلى رفقة.
بلد فيها ٤ فصول حقيقية.. بترضي يلي بيحب الصيف وبترضي عشاق الشتي.
فيها الجبل والغابات.. البحر والسهل والصحراء.

لما تعيش بقمة الهرم وتشوف الجمال بعينك.. صعب كتير تقنع حالك تعيش بأقل من هيك.
فصدقوني.. المشكلة مو فينا.
المشكلة إنو انفرضت علينا غربة، ونحنا لسا عم ندور على وطن بيشبه اللي ضاع مننا.
#سوريا #ذكريات #المهاجرين #ألمانيا #دبي #التسعينات

09/04/2026

( ٢٠٢٥ ) جناز السيد المسيح في كنيسة الصليب المقدّس - القصاع - دمشق

هل لاحظت يوماً أن الكنيسة في رتبة الجناز (الجمعة العظيمة) لا تبدأ الصلاة بعبارة "مبارك هو الله" كالعادة؟
السبب: أن الكنيسة تعتبر أن يسوع، الذي هو مصدر البركة، موجود الآن في القبر "جسدياً". لذلك يسود صمت طقسي خاص، وتبدأ الصلاة مباشرة بالمزامير الحزينة.
وأيضاً تُطفأ جميع شموع الكنيسة تدريجياً خلال صلوات الآلام حتى يبقى "نور واحد" فقط يمثل المسيح، ليعبروا عن الظلمة التي حلت على الأرض لحظة الصلب.

🕊️✨✝️🤍

#المسيح #إيمان #سينمائي #روحانيات #كنيسة

05/04/2026

( ٢٠٢٥ ) كنيسة الصليب المقدس - دمشق / القصاع

"أوصنّا في الأعالي.. مباركٌ الآتي باسم الرب" 🌿✨
بهذه الهتافات التي زلزلت أبواب أورشليم، بدأت حكاية النصر المتواضع. في أحد الشعانين، لم يأتِ الملك على صهوة جوادٍ حربي، بل دخل راكباً على حمارٍ بسيط، ليعلّم العالم أن القوة الحقيقية تسكن في الوداعة. هي اللحظة التي افترشت فيها القلوب قبل الطرقات بأغصان النخيل والزيتون، وتعالت فيها أصوات الأطفال بصفاءٍ لم تعرفه البشرية من قبل.
أحد الشعانين: هو عرس "الاستقبال المهيب". فيه نرفع سعف النخيل علامةً للنصر، وغصن الزيتون رمزاً للسلام الذي حمله "ملك السلام" لكل بيت. هو اليوم الذي يمتزج فيه بياض ملابس الأطفال بنقاء الإيمان، لنعلن جهاراً بأن الآتي باسم الرب هو وحده مخلص نفوسنا.
🌿 مخلصنا آتٍ، فافتحوا له الأبواب.. والقلوب. 🕊️🤍☦️
#أوصنا #إيمان #روحانيات #كشاف

Address

Damascus

Website

Alerts

Be the first to know and let us send you an email when رحلة أبو ناصيف - Abu Nassif Trip posts news and promotions. Your email address will not be used for any other purpose, and you can unsubscribe at any time.

Shortcuts

Share

Category