https://www.facebook.com/103054601967129/

Knowledge Bee

Home
Singapore
Singapore
Knowledge Bee

We are sharing information for Education, Travel and News.

16/06/2026

🚨🗣️ ထိုင်းနိုင်ငံ၊ ဖူးခတ်မှာ အရင်ကတည်းက ရုန်းရင်းဆန်ခတ် ဖြစ်အောင် လုပ်နေတဲ့ မူးယစ်ရမ်းကားနေတဲ့ ရုရှားအမျိုးသမီး ကမ္ဘာလှည့်ခရီးသည်တစ်ဦးဟာ ထိုင်းထရန်စဂျင်ဒါ အမျိုးသမီး (Ladyboys) အုပ်စုတစ်စုဆီ ချဉ်းကပ်သွားပြီး “သူတို့ရဲ့ လိင်အမျိုးအစားကို သက်သေပြဖို့” တောင်းဆိုကာ ရန်စစော်ကားခဲ့ပြီး၊ အဲဒီထဲက တစ်ဦးကို အရင်ဆုံး စတင်ထိုးနှက် တိုက်ခိုက်ခဲ့ပါတယ်။

အဲဒီနောက်မှာတော့ Ladyboys တွေက ဆံပင်ဆွဲတာ၊ ပါးရိုက်တာ၊ ထိုးနှက်တာတွေနဲ့ ပြန်လည်ခုခံခဲ့ကြပြီး တစ်ဦးကဆိုရင် အဲဒီရုရှားအမျိုးသမီးရဲ့ ခေါင်းကို လေထဲပျံပြီး ကန်ကျောက်ခဲ့တဲ့အထိ ဖြစ်ပွားခဲ့ပါတယ်။

လမ်းသွားလမ်းလာတွေ ဝင်ရောက်တားဆီးပြီး ရန်ပွဲကို ခွဲလိုက်ရတဲ့အချိန်အထိ ဖြစ်ခဲ့တာပါ။ အဲဒီရုရှားအမျိုးသမီးကတော့ ပြင်းထန်တဲ့ ဒဏ်ရာရရှိမှုမျိုး မရှိဘဲ သူ့အစီအစဉ်နဲ့သူ လမ်းလျှောက်ပြီး ပြန်လည်ထွက်ခွာသွားခဲ့ပါတယ်။

16/06/2026

အစ်မရဲ့ယောကျာ်းနဲ့ ညီမက ခိုးစားကြတာ အခန်းထဲမှာ ပက်ပင်းမိ😱

လူတွေလည်း မလုပ်သင့်မလုပ်အပ်တဲ့အလုပ်တွေကို မျက်နှာပြောင်ပြောင်နဲ့ လုပ်နေကြပြီ။😳

15/06/2026

မူလတန်းကျောင်းသားက ဆရာမကို ဓားနဲ့လိုက်ခုတ်မှုဖြစ်ပွား

ထိုင်းနိုင်ငံ၊ ဆကွန်နာခွန်းခရိုင်ရှိ မူလတန်းကျောင်းတစ်ခုမှာ ကိုးနှစ်အရွယ် ကျောင်းသားတစ်ဦးက ဆရာမကို ဓားမြှောင်ကိုင်ပြီး လိုက်လံတိုက်ခိုက်ဖို့ ကြိုးပမ်းခဲ့တဲ့ ဖြစ်ရပ်တစ်ခု ဖြစ်ပွားခဲ့ပါတယ်။

ဒီဖြစ်ရပ်မှာ ဇွန်လ ၁၂ ရက်နေ့က မူယန်ခရိုင်ရှိ ကျောင်းတစ်ကျောင်းမှာ ဖြစ်ပွားခဲ့တာပါ။ အွန်လိုင်းမှာ ပျံ့နှံ့နေတဲ့ ဗီဒီယိုဖိုင်ထဲမှာ ကျောင်းဝတ်စုံ ဝတ်ဆင်ထားတဲ့ ကလေးငယ်က ဆရာမကို ဓားကိုင်ပြီး လိုက်လံတိုက်ခိုက်ဖို့ ကြိုးစားနေပုံကို မြင်တွေ့ရပါတယ်။

လူမှုရေးလှုပ်ရှားသူ Ton Or Pen Nueng ပြောပြချက်အရ ကလေးငယ်က အတန်းဖော်တစ်ဦးနဲ့ အချင်းများခဲ့ပြီးနောက် ကျောင်းနေဖက်ဆရာမက ဝင်ရောက်တားဆီးပြီး ဆူပူအပြစ်ပေးခဲ့တာ ဖြစ်ပါတယ်။ ကလေးငယ်က ဒေါသထွက်ပြီး ဆရာမကို အော်ဟစ်ဆဲဆိုခဲ့လို့ မိဘတွေထံ အကြောင်းကြားကာ အိမ်ပြန်လွှတ်ခဲ့ပါတယ်။

ဒါပေမဲ့ ကလေးငယ်က ဓားတစ်ချောင်းကိုင်ပြီး ကျောင်းကို ပြန်လာကာ ဆရာမကို တိုက်ခိုက်ဖို့ ကြိုးစားခဲ့ပါတယ်။ ဆရာမက ကြောက်လန့်ပြီး အကူအညီတောင်းဖို့ ပြေးလွှားခဲ့ရပြီး ကျောင်းသားတွေကလည်း ထိတ်လန့်တကြား ငိုယိုခဲ့ကြပါတယ်။

နောက်ဆုံးမှာ ကျောင်းစောင့်က ဝင်ရောက်ကာ ကလေးငယ်ကို ကစားကွင်းအနီးရှိ ကွင်းပြင်တစ်ခုဆီ ခေါ်ဆောင်သွားပြီး ဓားကို ချထားဖို့ စည်းရုံးနိုင်ခဲ့ပါတယ်။

ဒေသခံတွေ ပြောပြချက်အရ အဆိုပါကလေးက အတန်းဖော်တွေကို အနိုင်ကျင့်တာ၊ ခြိမ်းခြောက်တာနဲ့ ငွေကြေးတောင်းခံတာ စတဲ့ ရန်လိုတဲ့ အပြုအမူတွေကို ယခင်ကတည်းက ကျူးလွန်လေ့ရှိသူ ဖြစ်ပါတယ်။

ကျောင်းဘက်ကလည်း ကလေးရဲ့ မိသားစုနဲ့ အကြိမ်ကြိမ် ဆွေးနွေးခဲ့ဖူးပြီး ယခင်က ကျောင်းဆိုင်းငံ့ကာ အွန်လိုင်းကနေတစ်ဆင့်ပဲ စာသင်ကြားစေခဲ့ပေမဲ့ ကျောင်းကို ပြန်ရောက်လာချိန်မှာ အပြုအမူတွေ ပိုဆိုးရွားလာတာပါ။

ကျောင်းသား၊ ဆရာတွေရဲ့ လုံခြုံရေးအတွက် စိုးရိမ်လို့ Ton က ဆကွန်နာခရိုင် ကလေးသူငယ်ကာကွယ်ရေးဌာနကို ဆက်သွယ်အကူအညီတောင်းခံထားပါတယ်။ လက်ရှိမှာ ကလေးစိတ်ပညာရှင်တွေနဲ့ လူမှုရေးဝန်ထမ်းတွေပါဝင်တဲ့ အဖွဲ့တစ်ဖွဲ့က ဖြစ်ရပ်ကို စုံစမ်းစစ်ဆေးသွားမှာပါ။

ကလေးရဲ့ မိသားစုနောက်ခံအခြေအနေနဲ့ ဖြစ်ရပ်ဖြစ်ပွားရတဲ့ အကြောင်းရင်းတွေကို စုံစမ်းပြီးနောက် ကျောင်းအတွင်း လုံခြုံရေးအတွက် ဆောင်ရွက်ချက်တွေ ချမှတ်ပေးခြင်းနဲ့ ကလေးငယ်ကို ပြန်လည်ပြုစုပျိုးထောင်ပေးခြင်းတွေကို လုပ်ဆောင်သွားမှာ ဖြစ်ပါတယ်။

14/06/2026

ထိုင်းမှာ ဇနီးဖြစ်သူကို အပိုင်းပိုင်းဖြတ် သတ်ခဲ့တဲ့ စားဖိုမှူးကို ဟင်္သာတမှာ ဖမ်းမိ

ထိုင်းနိုင်ငံ၊ ဘန်ကောက်မြို့မှာ ဇနီးဖြစ်သူကို ရက်ရက်စက်စက် သတ်ဖြတ်ပြီး ခန္ဓာကိုယ်အစိတ်အပိုင်းတွေကို ပုံးထဲထည့်ဖျောက်ဖျက်ကာ မြန်မာနိုင်ငံကို ထွက်ပြေးလာတဲ့ ခင်ပွန်းဖြစ်သူ အောင်ပြည့်ကို ဒီကနေ့မနက်ပိုင်းက ဧရာဝတီတိုင်း၊ ဟင်္သာတမြို့နယ်မှာ ဖမ်းဆီးရမိခဲ့ပါတယ်။

ရဲတပ်ဖွဲ့သတင်းစာမျက်နှာတစ်ခုဖြစ်တဲ့ SH အထူးဟစ်တိုင်ရဲ့ ဖော်ပြချက်အရ ဘန်ကောက်မြို့ ဒင်းဒန်း ခရိုင်မှာ လူသတ်မှုကျူးလွန်ပြီး ထွက်ပြေးလာတဲ့ အသက် ၃၆ နှစ်အရွယ် တရားခံ အောင်ပြည့် (ခေါ်) အောင်ပေ (ဖခင်အမည် ဦးသိန်းထွဋ်စိုး) ကို ဇွန်လ ၁၃ ရက် မနက် ၇ နာရီ ၄၅ မိနစ်လောက်က ဟင်္သာတမြို့၊ မြဝတီရပ်ကွက်၊ သီတာလမ်းမှာရှိတဲ့ သူ့ရဲ့နေအိမ်မှာ ဖမ်းဆီးနိုင်ခဲ့တာပါ။

သူဟာ ထိုင်းနိုင်ငံ၊ ရာချ်ပရာရော့ လမ်းသွယ် ၁ က တိုက်ခန်းတစ်ခုမှာ အသက် ၃၄ နှစ်အရွယ် မြန်မာအမျိုးသမီး ဇနီးဖြစ်သူ မအေးအေးနွဲ့ကို သတ်ဖြတ်ခဲ့တာဖြစ်ပြီး ထိုင်းရဲတပ်ဖွဲ့က ဖမ်းဝရမ်းအမှတ် 3342/2569 နဲ့ လိုက်လံရှာဖွေနေတဲ့ တရားခံပြေးတစ်ဦး ဖြစ်ပါတယ်။

ဒီအမှုဟာ သေဆုံးသူနဲ့ ဖုန်းအဆက်အသွယ်ပြတ်ပြီး စိတ်ပူနေတဲ့ ဆွေမျိုးဖြစ်သူ မောင်အောင်မျိုးဝင်းက ဒင်းဒန်းရဲစခန်းကို သွားရောက်အကူအညီတောင်းရာကနေ စတင်ပေါ်ပေါက်လာတာပါ။

ရဲတပ်ဖွဲ့ဝင်တွေ၊ ဆွေမျိုးတွေနဲ့ တိုက်ခန်းပိုင်ရှင်တို့ အခန်းကို ဖွင့်ကြည့်တဲ့အခါ အခန်းထဲမှာ ရုန်းရင်းဆန်ခတ်ဖြစ်ထားတဲ့ လက္ခဏာတွေနဲ့အတူ အပုပ်နံ့တွေ ပြင်းပြင်းထန်ထန် ထွက်နေတာကို တွေ့ခဲ့ရပါတယ်။ အဲဒီနောက် အခန်းနောက်ဘက် ဝရန်တာမှာရှိတဲ့ အနက်ရောင် ပလတ်စတစ်ပုံးကြီးထဲကနေ အပိုင်းပိုင်းဖြတ်ခံထားရတဲ့ အမျိုးသမီးရုပ်အလောင်းကို ရှာဖွေတွေ့ရှိခဲ့ပါတယ်။

မှုခင်းဆရာဝန်တွေ စစ်ဆေးချက်အရ သေဆုံးသူမှာ ခေါင်း၊ ပခုံးဆစ်ကနေ လက်မောင်းနှစ်ဖက်နဲ့ ဒူးဆစ်ကနေ ခြေထောက်နှစ်ဖက်စလုံး ဖြတ်တောက်ခံထားရပါတယ်။ ဒါ့အပြင် ပေါင်နှစ်ဖက်ကို ဖြတ်ဖို့ကြိုးစားထားတဲ့ ဓားဒဏ်ရာတွေနဲ့ ဝမ်းဗိုက်လှီးဖြတ်ခံထားရတဲ့ ဒဏ်ရာတွေကိုပါ တွေ့ခဲ့ရပြီး သေဆုံးခဲ့တာ ရက်အတော်ကြာနေပြီလို့ သိရပါတယ်။

CCTV မှတ်တမ်းတွေမှာတော့ အခင်းဖြစ်ပြီးနောက် ခင်ပွန်းဖြစ်သူဟာ ခရီးဆောင်အိတ်အကြီးကြီးတစ်ခုဆွဲပြီး တိုက်ခန်းထဲကနေ ထွက်ပြေးသွားတာကို တွေ့ရပါတယ်။

သေဆုံးသူ မအေးအေးနွဲ့ဟာ ဘန်ကောက်မြို့ ခလုံတွဲမှာရှိတဲ့ စားသောက်ဆိုင်တစ်ခုက စားပွဲထိုးတစ်ဦးဖြစ်ပြီး၊ ကျူးလွန်သူ အောင်ပြည့်ကတော့ ပေချာဘူရီလမ်းက စားသောက်ဆိုင်တစ်ခုမှာ စားဖိုမှူးအဖြစ် လုပ်ကိုင်နေသူပါ။

ဒီလို ရက်ရက်စက်စက် သတ်ဖြတ်ရတဲ့ အကြောင်းရင်းဟာ အိမ်ထောင်ရေးဖောက်ပြန်မှု (သို့မဟုတ်) အလွန်အကျွံ သဝန်တိုမှုတွေကြောင့် ဖြစ်နိုင်တယ်လို့ ထိုင်းရဲတပ်ဖွဲ့က ကနဦး သုံးသပ်ထားပါတယ်။

လတ်တလောမှာတော့ ဖမ်းဆီးရမိထားတဲ့ တရားခံကို ဟင်္သာတမြို့မရဲစခန်းမှာ ထိန်းသိမ်းထားပြီး အသေးစိတ် ဆက်လက်စစ်ဆေးနေသလို သက်ဆိုင်ရာဌာနတွေအနေနဲ့ ဥပဒေနဲ့အညီ အရေးယူဆောင်ရွက်သွားမယ်လို့ သိရပါတယ်။
#ထိုင်းရောက်ရွှေမြန်မာ

14/06/2026

လှိုင်သာယာ လူသတ်မှုနှင့် ဆီဒိုးနားဟိုတယ် ခုန်ချမှု နောက်ကွယ်မှ တရားခံ၏ ဝန်ခံစာ

ရန်ကုန်မြို့တွင် ရက်စက်လှသည့် လူသတ်မှုနှင့် မိမိကိုယ်ကိုယ် အဆုံးစီရင်မှု ဖြစ်စဉ်တစ်ခု ဇွန်လ ၁၀ ရက် မနက်ပိုင်းက ဆက်တိုက်ဖြစ်ပွားခဲ့သည်။

ဆီဒိုးနားဟိုတယ် အထပ် ၂၉ မှ ခုန်ချအဆုံးစီရင်သွားသည့် အမျိုးသားတစ်ဦး၏ အရေးပေါ်ထွက်ပေါက်တွင် ချန်ထားခဲ့သော ပစ္စည်းများနှင့် ဝန်ခံစာတစ်စောင်ကြောင့် လှိုင်သာယာမြို့နယ်အတွင်းက လျှို့ဝှက်ဆန်းကြယ် လူသတ်မှုတစ်ခု ပေါ်ပေါက်လာခဲ့ရသည်။

ရဲအရာရှိများထံ လိပ်မူထားသည့် အဆိုပါစာတွင် ၎င်းအနေဖြင့် ချစ်သူဖြစ်သူ မရှုလင်က လမ်းခွဲရန် ပြောဆိုသဖြင့် စိတ်မထိန်းနိုင်ဘဲ သတ်မိခဲ့ခြင်းဖြစ်ကြောင်း၊ ထို့နောက် အိမ်သာထဲတွင် ကြိုးဆွဲချသေကြောင်းကြံစည်သော်လည်း မအောင်မြင်သဖြင့် ဟိုတယ်ပေါ်မှ ခုန်ချခြင်းဖြစ်ကြောင်း ရေးသားထားသည်။

ရဲတပ်ဖွဲ့က စာပါအတိုင်း နဝဒေးအိမ်ရာသို့ သွားရောက်ရှာဖွေရာ မြေညီထပ်တွင် အမျိုးသမီးငယ်၏ ရုပ်အလောင်းကို ဓားဒဏ်ရာများဖြင့် တကယ်ပင် ရှာဖွေတွေ့ရှိခဲ့သည်။ လတ်တလောတွင် အမှုအား ဥပဒေအတိုင်း ဆက်လက်စစ်ဆေးနေပြီး သေဆုံးသူအမျိုးသား၏ ရုပ်အလောင်းကို ပရဟိတအသင်းက ဆေးရုံသို့ ပို့ဆောင်ပေးထားကြောင်း သိရသည်။

11/06/2026

မလေးရှားနိုင်ငံ၊ ဂျိုဟိုးဘရူးမြို့၊ စကူဒိုင် နယ်မြေမှာ Grab ဒရိုင်ဘာတစ်ဦးကို မြန်မာနိုင်ငံသား ၃ ဦး ဝိုင်းဝန်းရိုက်နှက်မှု ဖြစ်ပွားခဲ့တယ်လို့ ပြစ်မှုကျူးလွန်ခံရသူရဲ့ သမီးဖြစ်သူက လူမှုကွန်ရက်ပေါ်မှာ မျှဝေခဲ့ပါတယ်။

အသက် ၆၀ အရွယ် ဖခင်ဖြစ်သူ Grab ဒရိုက်ဘာဟာ Seri Yacob စက်မှုဇုန်ကနေ မူးယစ်နေတဲ့ မြန်မာအလုပ်သမား ၃ ဦးကို တင်ဆောင်ခဲ့ပါတယ်။

ကားမောင်းသူက ခါးပတ်ပတ်ဖို့ ပြောရာကနေ အချင်းများပြီး ထိုမူးယစ်နေသူ ၃ ဦးက ဝိုင်းဝန်းရိုက်နှက်ခဲ့ကြတဲ့အတွက် ဒရိုင်ဘာဖြစ်သူ မျက်နှာတစ်ခုလုံး သွေးချင်းချင်းနီပြီး ဒဏ်ရာအပြင်းအထန် ရရှိခဲ့တယ်လို့ ဆိုပါတယ်။

လက်ရှိမှာ ရဲစခန်းမှာ အမှုဖွင့်တိုင်ကြားထားပြီးဖြစ်ကြောင်း၊ နိုင်ငံခြားသားဖြစ်ရုံနဲ့ မလေးရှားဥပဒေကို မလေးစားဘဲ လူကို ယခုလို အပြင်းအထန် ရိုက်နှက်ပိုင်ခွင့်မရှိကြောင်း၊ အခြား Grab ဒရိုင်ဘာများအနေနဲ့လည်း သတိထားကြဖို့နဲ့ ကားထဲမှာ Dashcam ခရီးသွားမှတ်တမ်းကင်မရာတပ်ဆင်ထားကြဖို့ သတိပေးချက်အနေနဲ့ ဒီပို့စ်ကို လူမှုကွန်ရက်ပေါ် မျှဝေထားခြင်း ဖြစ်ပါတယ်။

လူမှုကွန်ရက်ပေါ်က မှတ်ချက်တွေထဲမှာ တရားခံတွေဟာ ဇိုမီး ချင်းလူမျိုးတွေဖြစ်တယ်လို့ ရေးသားထားတာကို တွေ့ရပြီး ဘယ်တိုင်းရင်းသားပဲဖြစ်ဖြစ် မြန်မာနိုင်ငံသားဖြစ်တာကြောင့် ပြည်ပနိုင်ငံတွေရဲ့ ဥပဒေကို လေးစားလိုက်နာမှသာ နိုင်ငံ သိက္ခာမကျဆင်းမှာဖြစ်တယ်လို့ ပြောဆိုနေကြပါတယ်။

11/06/2026

အဒေါ်ဖြစ်သူ လူမှုကွန်ရက်ပေါ်မှာ ရေးသားမျှဝေထားတဲ့ မြောက်ဒဂုံမှာ သေဆုံးလျက်တွေ့ရှိခဲ့ရတဲ့ Grade-6 ကျောင်းသားလေး မောင်မင်းခန့်ဇော်ရဲ့ ဖြစ်စဉ် အစအဆုံး

အပိုင်း (၁)

8 ရက်နေ့ ညနေ ကျောင်းဆင်းလာပြီးကလေးကရေချိုးထမင်းစား အဝတ်စားအကောင်းတွေဝတ်ပြီးထွက်သွားခဲ့ပါတယ်သူထွက်သွားတာမသိလိုက်ဖူး မိုးတွေလည်းရွာနေတော့မိုးတိတ်ခါစ ၄ နာရီခွဲမှာထွက်သွားတာထင်ပါတယ် ၁၅ မိနစ်လောက်ပဲရှိအုန်းမယ် သူ့ညီမလေးက ကျောင်းစာတွေပါတော့စာကျက်တယ်အိမ်စာတွေလုပ်တယ် ကျွန်မသမီးနဲ့တူလေးကသက်တူရွယ်တူအတန်းတူမို့ ကျွန်မက တူလေးကိုအော်ခေါ်ပြီးစာလုပ်ဖို့ပြောတော့ သူမရှိတော့မှန်းသိတာပါ သူ့ညီမကိုအပြင်ထွက်သွားလားမုန့်ဆိုင်သွားလား သွားကြည့်ပြီးခေါ်လာခဲ့ဆိုပြီး သွားရှာခိုင်းခဲ့ပါတယ် မုန့်ဆိုင်ရောက်တော့မုန့်လာဝယ်သွားတယ်တဲ့ မုန့်ဝယ်ပြီး ဟိုဘက်ထွက်သွားတာတွေ့တယ်လို့ ပြောတယ်တဲ့ဒါဆိုသူအလည်ထွက်သွားပြီပေါ့ ကျွန်မစိတ်ဆိုးပြီးနိုင်ငံခြားမှာရှိတဲ့သူ့အမေကိုဖုန်းဆက်ပြီးလှမ်းတိုင်ခဲ့ပါတယ် စာမကျက်စာမလုပ်ပဲသွားလည်တယ်ပြန်လာရင်ဆုံးမပေးဖို့သူ့အမေကိုတိုင်ခဲ့တာပါသူကသူ့အမေစကားကလွဲနားမထောင်တတ်တဲ့ကလေးမို့သူ့အမေကိုတိုင်ရတာပါ

ကျွန်မဆက်စောင့်ခဲ့တယ် ၆ နာရီထိပြန်ရောက်မလာသေးလို့ ကျွန်မသမီးကိုသူနဲ့အတူသွားလည်တတ်တဲ့ကလေး(A)ရဲ့အိမ်ကိုသွားရှာခိုင်းခဲ့ပါတယ် အဲချိန်မှာအဲကလေးရော သူ့အိမ်မှာရှိမနေခဲ့ပါဘူး ဒါဆိုသူနဲ့ထွက်လည်ကြပြီပေါ့ကျွန်မထင်လိုက်ပြီ

အဲကလေး(A)ကရပ်ကွက်ထဲမှာလူဆိုးအမွှေလေးပြသနာပေါင်းစုံခနခနတက်တဲ့ကလေးပါသူနဲ့မပေါင်းဖို့အမြဲဆုံးမခဲ့တယ် သူနဲ့ပေါင်းပြီးပြသနာခနခနတက်လို့လိုက်ဖြေရှင်းခဲ့ရတာမို့ မပေါင်းဖို့ပြောခဲ့ပြီးထဲက တူလေးသူနဲ့မပေါင်းခဲ့ပါဘူးအပြင်တွေလည်းမထွက်တာကြာပါပြီ

ဒီလိုနဲ့ တူလေးကို ဆက်စောင့်ခဲ့တယ် ည ၇ နာရီထိုးတော့ ကျွန်မစိတ်တွေပူပြီးကျွန်မအမေနဲ့သမီးကိုလွှတ်ပြီးအဲကလေးအိမ်ကိုပြန်သွားကြည့်ခိုင်းခဲ့တယ်ရောက်နေမလားပေါ့ အဲမှာ အဲကလေး(A)ကိုသူ့အိမ်နားကလမ်းဘေးကွမ်းဆိုင်လေးမှာတွေ့ပါတယ်ဂိမ်းထိုင်ဆော့နေတာပါ တကယ်တော့အဲချိန်ကသူလည်းအဲရေကန်ကနေပြန်ရောက်နေတာ နာရီပိုင်းပဲရှိပါသေးရဲ့နဲ့ လိမ်ခဲ့ပါတယ်
ကျွန်မတို့မေးတော့ တူလေးကသူ့ဆီကိုရောက်လာတယ်သူ့ကိုလာခေါ်ပါတယ်တဲ့ သူကလိုက်မသွားခဲ့ပါဘူးတဲ့ သူကကျောင်းကပြန်ထဲက ဂိမ်းထိုင်ဆော့နေတာပါတဲ့ (A)ကအဲလိုဖြေတော့ကျွန်မလည်း ဒါဆိုသူတယောက်ထဲသွားလည်တာလို့ယုံမိသွားခဲ့တယ်

အပိုင်း ( ၂ )

ကျွန်မဆက်စောင့်နေခဲ့တယ် ည ၈ နာရီထိုးတော့အရမ်းစိတ်ပူလာပြီသူသွားတတ်တဲ့ ၄၄ ရပ်ကွက်ကသူ့သယ်ရင်းအိမ်တွေလိုက်လံစုံစမ်းအကုန်လိုက်မေးခဲ့တယ် အကုန်လုံးကသူတို့အိမ်မှာရှိကြတယ် သူရောက်မလာဘူးလည်းပြောကြတယ် ကျွန်မသူသွားတတ်တဲ့နေရာအစုံရှာခဲ့တယ် မတွေ့ခဲ့ဘူးလမ်းစပျောက်ခဲ့တယ်အစနသတင်းမရဘူး

၉ နာရီမှာ အုပ်ကြီးအိမ်သွားပြီးအကြောင်းကြားတယ် အုပ်ကြီးကရဲစခန်းမှာလူပျောက်တိုင်ဖို့ပြောလို့ ၁၀ နာရီဝန်းကျင်လောက်မှာ လူပျောက်သွားတိုင်ခဲ့ပါတယ်ရဲမှုးကပြောပါတယ်နောက်တရက်စောင့်ကြည့်ပါ ညနေ ၅ နာရီထိမှအခြေနေမထူးရင်အမှုလာဖွင့်ပါလို့ပြောခဲ့ပါတယ်

ဒီလိုနဲ့ တညကုန်ဆုံး မနက်ရောက်တော့ကျွန်မတို့ 44 ရပ်ကွက်အနှံသူသွားတတ်တဲ့နေရာမှာပြန်ရှာခဲ့တယ် လုံးဝရှာမတွေ့ခဲ့ဘူး ကျွန်မလည်း လူပျောက်ကြော်ငြာပုံတွေထုတ် တရပ်ကွက်လုံးလူပျောက်ကြော်ငြာစာလိုက်ကပ်ခဲ့တယ်

ဒီလိုနဲ့ ညနေ ၃ နာရီလောက်မှာ လမ်းထဲကအမတယောက်နဲ့ သူ့သမီးလေးကလာပြီးသတင်းကြားလို့တဲ့ ခုမှသိတာဆိုပြီး သူပျောက်နေတာမသိခဲ့ဘူးဆိုပြီးသူတို့တွေ့ခဲ့တာကိုလာပြောပြပါတယ် မနေ့ညနေ ၅ နာရီမထိုးခင်လေးမှာ 38 ရပ်ကွက် ဗညားနွဲ့လမ်းထဲဝင်သွားတာတွေ့ခဲ့ပါတယ်တဲ့ သူ့သမီးတောင်မေးလိုက်တယ်တဲ့ တူလေးကိုဘယ်သွားမလို့လဲဆိုတော့ သူ့သယ်ငယ်ချင်းအိမ်သွားမလို့ဖြေခဲ့တယ်တဲ့ အဲချိန်တော့သူတယောက်ထဲတွေ့ခဲ့တာပါတဲ့

အဲမှာ ကျွန်မသမီးက အမေဒါဆိုသမီးသိရပြီ 38 ရပ်ကွက်က သမီးတို့အခန်းထဲကသူနဲ့အတူထိုင်တဲ့ကောင်လေး(B)အိမ်သွားတာပဲတဲ့ ကျောင်းမှာတုန်းက ပြောနေသံကြားတယ်တဲ့
တူလေးက အားရင် သူ့သယ်ရင်း(B)ဆီတရက်အလည်လာခဲ့မယ်ဖြစ်ကြောင်း သူ့သယ်ရင်း(B)ကလာခဲ့ ငါ 38 ရပ်ကွက်မှာနေတာဖြစ်ကြောင်း ပြောနေကြတာကိုကြားခဲ့တယ်တဲ့

အပိုင်း (3)

ကျွန်မတူလေး အရင်သူငယ်ချင်းဟောင်းတွေက 44 ရပ်ကွက်မှာပဲရှိတာပါခုသူငယ်ချင်း(B)ကခုအထကကျောင်းကိုပြောင်းမှ ခင်တဲ့သူငယ်ချင်းအသစ်မို့ ကျွန်မ မသိလိုက်လို့ 38 ရပ်ကွက်မှာသွားမရှာမိခဲ့တာပါ

ဒါနဲ့သမီးလေးပြောလို့ကျွန်မက 38 ရပ်ကွက်ကအကျယ်ကြီးဘယ်လိုလိုက်ရမလဲဆိုတော့ သမီးလေးကကျွန်မ တူလေးသွားတဲ့(B)ကောင်လေးအိမ်ကို ညကကျွန်မတို့သွားမေးခဲ့တဲ့ကောင်လေးက(A)က သိတယ်တဲ့ သူတို့ကအစထဲကသူငယ်ချင်းတွေပါတဲ့ သူ့ကိုခေါ်သွားပြီးလိုက်ပို့ခိုင်းလိုက်ပါတဲ့

(A)ကောင်လေးက အဲချိန်ထိကျွန်မကိုလိမ်နေတုန်း 38 ရပ်ကွက်တော့သိတယ် (B) ကောင်လေးအိမ်ကိုအတိအကျမသိပါဘူးတဲ့သူလည်းမရောက်ဖူးဘူးတဲ့
လိုက်တော့ပို့ခဲ့တယ် ကျွန်မလည်း ၃၈ ရပ်ကွက်က ရုံးတွေ့လို့ရုံးအရင်ဝင်လူပျောက်ကြော်ငြာပေးထားခဲ့ပြီးလူကြီးကိုတွေ့ခဲ့ရင်အကြောင်းကြားပေးဖို့မှာထားခဲ့ပါတယ် ဒီလိုနဲ့ သူဆက်လမ်းညွှန်ပေးတယ် သူမရောက်ဖူးဘူးပြောပြီး (B)ကလေးအိမ်ကိုတန်းနေတာပဲလမ်းညွန်ပေးခဲ့တယ်

ပြီးတော့ (B)ကလေးအိမ်ရောက်တော့ ကျွန်မမေးလိုက်မိပါတယ် (B)ကလေးအမေထွက်လာပါတယ် ကျွန်မတူလေးကိုသူကမသိဖူး မနေ့ကလာသွားတဲ့အသားဖွေးဖွေးအရပ်ရှည်နဲ့ကလေးလားတဲ့ ကျွန်မကဟုတ်ပါတယ်ဆိုတော့ အိမ်ကိုလာသွားတယ်လေ ခုကျွန်မနဲ့ပါလာတဲ့ (A)ကလေးနဲ့အတူလာကြတာလေ လို့ အဲအမကပြောပါတယ်သူ့သားကိုလာခေါ်တာ သူကမထဲ့လိုက်ဖူးမိုးလည်းဖွဲဖွဲလေးကျတော့ မကစားခိုင်းတော့ဘူးဆိုပြီးသူ့သားကိုမထဲ့ခဲ့ဘူးတဲ့ ပြီး ၅ နာရီကျော်လောက်မှာ သူတို့နှယောက်ကိုဆူပြီးပြန်လွှတ်ခဲ့တယ်လို့ပြောပါတယ်

အပိုင်း (4)

အဲမှာ (A) ကောင်လေးကျွန်မကိုလိမ်ထားတာပေါ်သွားပါပြီ ပျောက်တဲ့ညကသူ့ကိုတောက်လျှောက်မေးနေတာကို သူနဲ့အတူမသွားခဲ့ပါဘူး သူမသိပါဘူးလိမ်ခဲ့တယ်

ကျွန်မအရမ်းစိတ်တိုပြီး (A)ကလေးကို မေးပြီ သူဘာပြောလဲဆို သူနဲ့ ကျွန်မတူလေးနဲ့အတူလာတာမဟုတ်ပါဘူးတဲ့ သူက ခု (B) ကောင်လေးအိမ်မှာအစထဲကရောက်နေခဲ့တာတဲ့ နောက်မှ ကျွန်မတူလေးရောက်လာတာပါတဲ့ သူရောက်လာတာနဲ့ အတူပြန်ကြတာတဲ့

ပြန်ကြတော့ သူကအိမ်တန်းပြန်လာတာပါတဲ့ ကျွန်မတူလေးက လမ်းခွဲထွက်ပြီး 44 ရပ်ကွက်သူ့သယ်ရင်းဆီသွားမယ်ပြောပြီးထွက်သွားတယ်လို့ထပ်လိမ်ပြန်ပါတယ် ကျွန်မလည်း ကျွန်မတူလေး ထွက်သွားတဲ့ဘက်ကိုသူ့ပြခိုင်းတော့ 7/8 လမ်းဆုံကိုပေါက်သွားခဲ့ပါတယ်

ဒါဆိုကျွန်မတွေးလိုက်မိတာ ကျွန်မတူလေး မသမာတဲ့သူတွေဆွဲခံရပြီပေါ့ ရဲစခန်းသွားပြီးအမှုဖွင့်ခဲ့ပါတယ် ၅ နာရီကျော်မှာအဲနေ့တရက်တညလုံးရင်တွေပူ တူလေးအသက်ရှင်ရက်ပြန်လာပါစေ ဆုတောင်းနေခဲ့တာပါ

နောက်ရက်မနက်အစောမှာ ၃၈ ရပ်ကွက် လူကြီးကဖုန်းဆက်လာပါတယ် နတ်ရေကန်မှာ အလောင်းပေါ် နေတယ် အမတို့ကလေးဟုတ်မဟုတ်တော့မသိဖူး မျက်နှာဖော်မရတော့ဘူး ပြတ်စီးနေပြီတဲ့ အင်းကျီ အပေါ်အောက်အနက် လို့ပြောတဲ့ချိန် ကျွန်မသိလိုက်ပြီ အိမ်က တူလေးဆိုတာ ကျွန်မလည်းဒါဆိုသတ်ပြီး ရေထဲချခဲ့ပြီလို့တွေးလိုက်မိပါတယ် ဘာကြောင့်လဲဆိုတော့တယောက်ထဲတော့ ရေကူးကန်မသွားဘူးတူလေးက

ဆေးရုံကြီးကိုဘော်ဒီပို့လိုက်ပြီတဲ့ ကြားကြားပြီးချင်းကျွန်မလည်း fb မှာ တူလေးအသတ်ခံရကြောင်း ပိုစ့်တင်ခဲ့မိပါတယ် အဖြစ်မှန်မသိသေးလို့ သတ်ခံရတယ်လို့တင်ခဲ့မ်တာမှားလားရှင် ဟိုကလေးတွေလိမ်တဲ့စကားကြောင့်မသမာသူတွေသတ်ပြီးပြစ်ထားခဲ့တယ်လို့ထင်တာမှားလားရှင့်

အပိုင်း ( 5 )

အကိုကြီးက ဆေးရုံလိုက်သွားခဲ့ပါတယ် da ဘော်ဒီ ကိုမြင်တဲ့ချိန် ရေထဲကဆယ်ခါစဆိုတော့ ဖြူဖတ်နေသေးတာတဲ့ မမဲသေးဘူးတဲ့ ကလေးမျက်နှာမှာ နှာခေါင်းနားသွေးစို့နေတယ် ပါးစပ်ထဲသွေးစို့နေတယ်တဲ့ ဒါကြောင့်တူလေးကိုမျက်နှာအထိုးခံကပြီး ရေထဲပြစ်ချခံခဲ့ရတယ်လို့ ထင်ပြီးအကိုက အင်တာဗျူးဖြေခဲ့မိပါတယ် ကျွန်မတို့မှားလားရှင်

အဲမှာကျွန်မတို့ရေဝေး နေ့ချင်းချရမယ်ဆိုလို့ မနေ့က ၂ နာရီကျော်လောက်မှာရေဝေးချဖို့ အကိုက da ဘော်ဒီထုတ်ပြီးရေဝေးသွားနင့်ပါတယ် ကျွန်မက ကားနဲ့လူအများနဲ့ လိုက်သွားနေချိန်မှာ ကျောင်းကဆရာမကဖုန်းဆက်လာပါတယ်

ဆရာမကထွေအုပ်ရုံးရောက်နေတယ်တဲ့ ရဲကပြောတာတွေနားထောင်တဲ့စပီကာဖွင့်ပေးပါတယ် သူတို့ပြောနေကြတာ လိုင်းပေါမှာ လူသတ်မှုလို့ပြန့်နေတယ် လူသတ်မှုမဟုတ်ဖူး ရေနစ်သေတာတဲ့ သူတို့စစ်ဆေးချက်အကုန်ထွက်ပြီပေါ့

သေမှူသေခင်းပါပေါ့ ကျွန်မတို့အင်တာဗျူးမေးလာခဲ့ရင်ထိန်းဖြေပေးဖို့လှမ်းသတိပေးပါတယ် ကျွန်မ ရင်ထဲပေါက်ကွဲမတတ်ဝမ်းနည်းခဲ့ရတယ် ကျွန်မချက်ချင်းလက်မခံနိုင်ခဲ့ပါဘူး ကလေးကတယောက်ထဲ ဘယ်လိုမှရေသွားမကူးနိုင်ဘူးပေါ့

အဲချိန်ရေဝေးမှာ မီးသဂြိုလ်ပြီးပြန်အလာမှာ အိမ်မှာတူလေးသွားခဲ့တဲ့အိမ်က (B) ကောင်လေးအမေရောက်နေပါတယ် သူက သူသိလာတာတွေရှိတယ်ပြောပြချင်လို့ပါတဲ့

အဲအမကပြောပြတယ် ရေကန်နားမှာနေတဲ့တယောက်ကမြင်လိုက်တယ်တဲ့ ကလေး၃ယောက်ရေကန်ထဲ တက်လိုက်ဆင်းလိုက်ကစားနေတာတွေ့လိုက်တယ်တဲ့ ပြန်သွားတာလည်း ၂ယောက်ထဲ ပြန်သွားတာတွေ့လိုက်တယ်တဲ့ သူကအစဆုံးမမြင်တော့ ရေကစားတဲ့ချိန်နဲ့ ပြန်တဲ့ချိန်ခွဲ မြင်တော့ တယောက်ကအရင်ပြန်သွားခဲ့ ပြီပဲထင်ခဲ့မိတာတဲ့

အပိုင်း (6)

အဲကလေး ၃ ယောက်ကဘယ်သူတွေဆိုတာကစအတိအကျပြောပြလာပါတယ် တယောက်က ခု ကျွန်မပြောတဲ့ (A)ကလေးပါ နောက်တယောက်က ၃၈ ရပ်ကွက် က သူတို့သူငယ်ချင်းနောက်တယောက်တဲ့ "အမ သူတို့အိမ်သွားကြမလားဆိုပြီး ကျွန်မကိုလာခေါ်တာပါ"

ကျွန်မတို့ထွက်သွားခါနီးမှာ ကျောင်းကဆရာမက ခု (B) ကလေးရဲ့အမေကိုဖုန်းဆက်လာပါတယ် ကျောင်းခနလာခဲ့ပါတယ်တဲ့ ရဲမှုးတွေရောက်နေတယ် ကလေးတွေကိုစစ်ဆေးချင်လို့လှမ်းခေါ်တော့ ကျွန်မလည်း လိုက်သွားခဲ့ပါတယ်ကျောင်းကို

ကျောင်းရောက်တော့ ရဲမှုးတွေရယ် ဆရာမတွေရယ် ကျွန်မကိုလိမ်ခဲ့တဲ့ ကလေး"(A)ခလေးရယ် (B) ခလေးရယ်ကို ရုံးခန်းထဲမှာ စုထိုင်နေကြတာတွေ့ခဲ့ပါတယ် ကျွန်မတို့လာတော့မှ ကျွန်မရှေ့မှာ လိမ်ခဲ့တဲ့ (A) ခလေးကိုစစ်ဆေးမေးမြန်းခဲ့ပါတယ်

အဲကလေးက ကျွန်မမေးတုန်းက လိမ်ဖြေခဲ့သမျှ ရဲမှုးတွေမေးတဲ့ချိန်မှာတော့ အမှန်တိုင်းထွက်ဆိုခဲ့ပါတယ်
သူရယ် ကျွန်မတူလေးရယ် နောက်တယောက် ကျွန်မတို့ရပ်ကွက်ထဲကပဲ (C) ကလေးပဲထားပါ သူတို့၃ ယောက်ရေကူးခဲ့ကြတယ်တဲ့လေ

(C) ကလေးက ကန်းစပ်နားခုန်ချလိုက်တယ် ပုလင်းကွဲ ရှသွားလို့တဲ့ ဒီနားပုလင်းကွဲရှိတယ်တဲ့ ဆင်းမကူးနဲ့တော့ ဟိုဘက်ကမ်းသွားကူးကြမယ်ပြောတော့ကျွန်မတူလေးက ဟိုဘက်ကမ်းကိုရေကူးသွားကြမယ်ပြောခဲ့တယ်တဲ့
ဒီချိန်မှာ အလယ်ကရေနက်တယ်မသွားနဲ့တား တာမရဘူးတဲ့တူလေးက ပြောမရလို့ အတူကူးပြီးတဖက်ကမ်းကိုကူးသွားကြပါတယ်တဲ့ ပုလင်းကွဲရှတဲ့ ( C ) ကလေးကမကူးဘူးတဲ့ ( A) နဲ့ ကျွန်မတူလေး တဖက်ကမ်းကိုရေကူးကြတယ်တဲ့

အပိုင်း (7)

အလယ်ရောက်တော့ ကျွန်မတူလေးက မောနေပြီဆိုပြီ အောက်မြှုပ်သွားတယ်တဲ့ ခေါင်းပြန်ပေါ်လာတယ်တဲ့ ငါမောနေပြီပြောပြီး တူလေးကပက်လက်လှန် နောက်ပြန် လှန် ပြန်ကူးခဲ့တယ်တဲ့

အဲချိန်မှာ နောက်ပြန်လှန်ကူးနေရင်အောက်ကဆွဲချသလိုခန္တာကိုယ်ဒဲ့ဖြစ်ပြီးမြှုပ်သွားခဲ့တယ်တဲ့ တူလေးက အဲချိန် (A) ခလေးက အောက်ငုံပြီးတူလေးကိုအပေါ်မြောက်တင်ခဲ့တယ်တဲ့ တူလေးကငါအသက်ပြန်ရှုလို့ရပြီပြောခဲ့တယ်တဲ့ ဒီချိန်မှာ (A) ခလေးက ထိန်းမထားနိုင်တော့လို့ သူလည်းရေမွန်းနေပြီဖြစ်လို့ လွှတ်ချပြီး တဖက်ကမ်းရေပြန်ကူးပြီးပြန်တက်ခဲ့တယ်တဲ့

ကျွန်မတူလေးကိုပြစ်ထားခဲ့ကြတယ်တဲ့ရှင် ဒီချိန်မှာ ကျွန်မဖြတ်မေးပါတယ် ပျောက်တဲ့ညက နင့်ဆီလာမေးတာဘာလို့လိမ်တာလဲ နောက်ရက်ထိဘာလို့လိမ်ခဲ့တာလဲ မေးတော့ ကြောက်လို့ပါတဲ့ ဘာလို့ပတ်ဝန်းကျင် ကိုအကူညီမတောင်းပဲ ပြစ်ထားခဲ့တာလဲမေးတော့ သူတို့အမှုပတ်မှာကြောက်လို့ပါတဲ့

ရဲမှုးက ပြန်ပြောပါတယ် အမကိုတင်လိမ်တာမဟုတ်ဖူး ကျွန်တော်တို့နဲ့ဒီကဆရာမတွေကိုလည်း တောက်လျှောက်လိမ်နေခဲ့တာတဲ့လေ နင်တို့ကိုရေကန်မှာကစားနေတာမြင်တဲ့သူရှိတယ် CCTV စစ်ပြီးပြီလို့ ချောက်စစ်တော့မှ အမှန်တိုင်းဖြေနေတာလို့ပြောခဲ့ပါတယ် အဲဒါကျောင်းမှာနော်မေးဖြေနေကြတာ

မေးမြန်းအပြီးမှာ စခန်းမှုးကပြောပါတယ် ဒါကလူသတ်မှုမဟုတ်ဖူးတဲ့ သူငယ်ချင်းတွေအချင်းချင်းရေကူးသွားကြရင်း သေမှုသေခင်းဖြစ်တာတဲ့ သေမှုသေခင်းအမှုပါတဲ့လေ ကလေးတွေကလည်းအကုန်လုံးအသက်ငယ်သေးတယ်အရွယ်မရောက်သေးတဲ့ကလေးတွေဖြစ်နေတော့တဲ့ လူသတ်မှုမဟုတ်ပါဘူးတဲ့လေ

ဘော်ဒီလည်းအကုန်စစ်ဆေးတာ ရေနစ်နဲ့ပုံစံပဲ စစ်ဆေးချက်တွေ့လို့ လူသတ်မှုလို့စွဲချက်တင်လို့မရပါဘူးတဲ့ ကျွန်မကိုရှင်းပြခဲ့ပါတယ်

ကျွန်မကပြောတာ ဒါဆို ဘော်ဒီက ဘာလို့ နှာခေါင်းမှာသွေးထွက်နေလဲ ပါးစပ်မှာသွေးစို့နေလဲ မျက်လုံးတွေအပြင်ထွက်ကြနေလဲ ပြန်မေးခဲ့ပါတယ်

ဘော်ဒီကမှောက်ရက်မို့ ၃ ရက်ကြာသွားတော့ ငါးတွေဆွဲလို့ ဒဏ်ရာဖြစ်တာမျိုး ရက်ကြာလို့မျက်လုံးကအဆံချောင်ပြီး ထွက်ကျတာမျိုးဖြစ်တတ်ပါတယ်လို့ရှင်းပြခဲ့ပါတယ်ရှင်ဆေးရုံက မှုခင်းဆရာဝန်ရဲ့ဆေးစစ်ချက် စာရွက်စာတမ်းလည်းဘာတခုမှမရခဲ့ပါဘူး သူ့စစ်ဆေးချက်မှာ လည်ပင်းထဲ ရွံ့တွေ့တယ် ဗိုက်ထဲ အစာတွေတွေ့တယ်လို့ ပဲ နှုတ်နဲ့ပြောပြချက်အရပဲ သိခဲ့ရပါတယ်ရှင့်

ဘော်ဒီမှာလည်းဘာဒဏ်ရာမှရှိမနေခဲ့ဘူးတဲ့ဒါတော့လက်ခံပါတယ်အကိုကြီးကိုယ်တိုင် ဆေးရုံမှာသွားကြည့်ခဲ့လို့ သိရပါတယ် အထဲမှာလည်းအရိုးကျိုးထားတာတွေမရှိဘူးလို့သူတို့ကပြောပြခဲ့ပါတယ်

ဆေးရုံမှာ ဘော်ဒီအရမ်းမမဲခင်မှာ အကိုက ပုံလေးရိုက်ချင်တာကို ရိုက်ခွင့်မပေးခဲ့ပါဘူး သူ့အမေကနိုင်ငံခြားမှာမို့နောက်ဆုံး ဘော်ဒီပုံလေးပို့ပေးချင်လို့ပြောခဲ့တာကို ရိုက်ခွင့်မပေးခဲ့ပါဘူးတဲ့ရှင့်

အပိုင်း ( 8 )

ကလေးက ရေနစ်သေခဲ့တာကိုလက်ခံတယ် ဘာဒဏ်ရာမှမတွေ့လို့ ဒါပေမဲ့ ကျွန်မတူလေးကဂျင်းဘောင်းဘီနဲ့အဝတ်စားအပြည့်စုံနဲ့ရေဆင်းကူးခဲ့တယ်ဆိုတာကိုလက်ခံလို့မရဘူးဖြစ်နေတယ်ရှင်

ပြီး အဲကလေးက အတူကစားခဲ့ရဲ့နဲ့ဘာဖြစ်လို့ ၃ ရက်လုံးလုံး ယုတ်တိရှိရှိလိမ်ထားနိုင်ခဲ့တာလဲရှင့် သူ့စကားတွေကအရမ်းယုတ်တိရှိနေတော့ယုံခဲ့မိတာ

ခုထိ ဘာ CCTV သက်သေလည်းမတွေ့ရသေးတော့ ဒီဖြစ်စဥ်ကိုလက်ခံပေးလို့မရဘူးဖြစ်နေပါတယ်ရှင်
အကယ်၍ရေအတူကစားရင်း ရေမြုပ်သွားလို့ သူတို့မကယ်နိုင်လို့ ကျွန်မတိူ့ကိုလာပြော ကျွန်မတို့သွားကယ်ခဲ့လို့ အသက်မမီခဲ့ဘူးဆိုရင်တောင် ကျွန်မလက်ခံပေးလို့ရပါတယ်

ကလေးရေကူးပြီးရေနစ်တယ်လို့လက်ခံပေးလို့ရပါတယ် ဘော်ဒီလည်း ကောင်းကောင်းမွန်မွန် သဂြိုလ်ခွင့်ရခဲ့မယ်လေ ဖြေသာနိုင်ပါတယ် ခုဟာက လုံးဝယုတ်တိမရှိဘူးရှင့်

ရဲစခန်းမှာစစ်ဆေးချက်ယူနေတုန်းကလည်း ကျွန်မအဲကလေးကိုမေးတယ် ရေနစ်နေရင် ပတ်ဝန်းကျင်ကိုအကူညီတောင်းရမယ်ဆိုတာမသိဖူးလား ကျောင်းမှာမသင်ပြဘူးလားမေးတော့ သိပါတယ် သင်ပြပါတယ်လို့ပြန်ဖြေပါတယ်" အဲနေရာမှာနင်တို့သာရေနစ်နေခဲ့ရင် ငါ့တူကပြစ်ထားမှာမဟုတ်ဖူး ကယ်သူခေါ်ပေးမှာလို့ကျွန်မကပြန်ပြောခဲ့တယ်" ထားပါ ပတ်ဝန်းကျင်ကိုအကူညီမတောင်းရဲလို့ ကြောက်ပြီးပြန်လာကြတယ်ထား ဒီထိလက်ခံပေးလို့ရပါတယ်

ကျွန်မ သူ့ဆီ7 နာရီချိန် ညတွင်းချင်း သူပြန်လာချိန်နဲ့ နာရီဝက်ပဲခြားမှာပါသူ့ကိုသွားမေးခဲ့တာ ဘာလို့လိမ်ခဲ့တာလဲ မိဘတွေကိုတော့အမှန်တိုင်းပြောပြသင့်တယ်လို့မထင်ဘူးလားရှင် သူလိမ်ခဲ့လို့ကျွန်မတို့လမ်းစပျောက်ခဲ့ရတာပါ

သူတို့ကြောက်လို့လိမ်တယ်ဆိုတာမဖြစ်နိုင်ပါဘူး ယုတ်တိရှိရှိ သွေးအေးအေးနဲ့တောင်လိမ်နိုင်ခဲ့တာဟာ ကလေးတယောက်ရဲ့အပြုအမူနဲ့မတူပါဘူး သူတို့အပြစ်ရှိခဲ့လို့တာ မပြောရဲလို့ လိမ်ခဲ့ကြတယ်လို့ထင်ပါတယ် fb ကအမျိုးတို့ရော ဘယ်လိုထင်ကြလဲရှင် ကျွန်မတော့ လုံးဝမကျေနပ်ပါဘူးရှင့်

အပိုင်း (9)

ကျွန်မ မကျေနပ်ကြောင်း ရဲစခန်းမှာတဖွဖွပြောခဲ့ပါတယ် ရဲစခန်းက သူတို့လုပ်လို့မရဘူးတဲ့ အထက်ကိုတင်ပြထားတယ် မနက်ဖြန်ဖုန်းဆက်ပြန်ပြောပေးပါ့မယ်လို့ပြောခဲ့ပါတယ် ကလေးတွေအချင်းချင်းရေကစားရင်းဖြစ်ကြတာမို့ လူသတ်မှုလို့ဆွဲချက်တင်လို့မရဘူးပဲ ပြောနေခဲ့ပါတယ်ရှင့် ဒါပေမဲ့အမှန်တကယ်ဆော့ကစားရင်းဖြစ်ခဲ့တာဆိုရင် လက်ခံပေးပါတယ် ဒါပေမဲ့ ကျွန်မသည် ဒီကလေးတွေဆီက အဲနေ့ထဲက အမှန်တိုင်းမသိခဲ့ရတော့ ကျွန်မစိတ်က ယုံကြည်ဖို့ခက်ခဲနေပါတယ်ရှင်

ကျွန်မကို ဝေဖန်ဆုံးဖြတ် ထင်ကြေးလေးတွေပေးကြပါအုန်းရှင် ကျွန်မတော့ ဒီလိုနဲ့သွေးအေးသွားပြီး အမှုပိတ်သွားမှာစိုးရိမ်မိပါတယ် နောက်ဒါမျိုးအဖြစ်မျိုးဖြစ်ခဲ့ရင်လည်း မိဘတွေရင်နင့်စရာမဖြစ်အောင် အမှန်တရားကို ညီမကလိုချင်တာပါရှင့် ညီမအနေနဲ့တော့ကလေးတယောက်ဆုံးရှုံးထားရလို့အကျိုးအကြောင်းမဆီလျော်ဘူးလို့ထင်မြင်မိပါတယ်ရှင်

ကလေးကိုမေးထားတဲ့အသံဖိုင်တွေရှိပါတယ် ကျွန်မလီဇယ်ပြီးရေးထားတာတခုမှမပါပါဘူး ကျွန်မချပြသင့်ရင်ချပြမှာပါ ရဲစခန်းကအဆက်သွယ်ကိုစောင့်နေပါတယ်ခုထိ ဆက်သွယ်ချင်းမရှိသေးလို့အမှန်တရားသိအောင် ရှင်းလင်းစွာ ပိုစ့်တင်လိုက်ရချင်းဖြစ်ပါတယ်ရှင်

ကျွန်မရေးသားခဲ့တဲ့ ကလေးသေဆုံးမှုဖြစ်စဥ်အစဆုံးလေးကို သေချာလေးဖတ်ပြီး ရှဲပေးကြပါအုန်းရှင် အမျိုးတို့ရေ
ရှဲပေးကြတဲ့တယောက်ချင်းဆီတိုင်းကိုလည်းကျေးဇူးတင်မှာပါရှင့် 🙏🙏🙏

အပိုင်း-၁၀(နောက်ဆုံးပို့စ်)

ခုပဲရေကန်နားမှာ တရားနာပရိတ်ရွတ်ပြီးပြန်ခဲ့တာပါ ရေကန်နားသွားစုံစမ်းဖို့သွားခဲ့တာ ရပ်ကွက်စုပေါင်းတရားနာနေတာနဲ့ဆုံခဲ့ပါတယ် ရေကန်ကိုသေချာကြည့်ခဲ့တာ ရေကန်ပတ်လည်အိမ်တွေကပ်နေပါတယ်
ကလေးတွေကိုမျက်မြင်ရှိတဲ့အကိုတယောက်နဲ့တွေ့ခဲ့ပါတယ်သူပြောတာတွေအသံဖမ်းခဲ့ပါတယ်ရှင့်
ညနေ ၅နာရီကျော်လောက်မှာကလေး၃ယောက် ကန်ထဲတက်လိုက်ဆင်းလိုက်ရေကစားနေခဲ့တယ်တဲ့သူကသူ့အိမ်ထဲကနေ ရေနွေးကြမ်းသောက်ပြီးအိမ်ရှေ့မှာထိုင်ပြီးကြည့်နေခဲ့တာတဲ့ ရုတ်တရက်မိုးအရမ်းရွာချလာလို့သူလည်းအိမ်ထဲဝင်သွားခဲ့တာတဲ့ မိုးတိတ်ချိန်မှာပြန်ထွက်လာတော့
ကလေးနှယောက်ကကန်ထဲကတက်လာတယ်
တုန်နေတာတဲ့
အဲ့လူကအပြင်ထွက်ပြီးသူတို့နားသွားပြီးနင်တို့ဘာဖြစ်နေတာလဲတုန်နေတာပဲမေးတော့ အရမ်းချမ်းလို့တုန်နေတာလို့ဖြေတယ်တဲ့ဟိုတယောက်ကရောမေးတော့ ချမ်းလို့ပြန်သွားနင့်ပြီလို့လိမ်ဖြေခဲ့တယ်ရှင်သူကနင်တို့တော့သေတော့မှာမိုးတွေနဲ့လို့ပြောပြီးတချက်ဆီရိုက်လိုက်တယ်တဲ့အဲကလေးနှယောက်ကို
အဲအကိုယူကျုံးမရဖြစ်နေပါတယ်မိုးအရမ်းရွာချိန်မှာနစ်သွားခဲ့တာထင်တယ်တဲ့ သူကအိမ်ထဲဝင်သွားတော့မမြင်လိုက်ဖူးတဲ့ သူအိမ်ထဲသာမဝင်ခဲ့ရင်သူသိခဲ့မှာတဲ့သူထွက်လာတော့လည်းရေကငြိမ်နေတော့ လူမြှုပ်နေတာမသိခဲ့ဘူးတဲ့လေ ရင်နာဖို့ကောင်းလိုက်တာ ငါ့တူလေးရယ်
ကျွန်မရင်တွေအရမ်းကွဲနေပါပြီ လုပ်ရက်လိုက်ကြတာ

မျက်မြင်အရဆို ကျွန်မတူလေးကရေကူးရင်းနစ်တာတော့သေချာခဲ့ပါပြီ ဒါပေတိ သူ့သယ်ရင်းတွေအနားကိုကယ်နိုင်သူလူကြီးရောက်လာရဲ့နဲ့ မပြောပြခဲ့ကြတာသိခဲ့ရတော့
ကျွန်မရင်တွေကွဲနေပါပြီရှင် 😭😭😭😭

အမျိုးသမီးရေးရာကအမတယောက်နဲ့လည်းတွေ့ခဲ့ပါတယ်သူကပြောပါတယ်ကိုယ်တွေမြန်မာနိုင်ငံမှာအသက်မပြည့်သေးတဲ့ကလေးတွေကိုထောင်ချလို့မရဘူးတရားဆွဲလို့မရဘူးပုပ်မလည်းချမှတ်မထားဘူးလို့ပြောပြခဲ့ပါတယ်ရှင်

ကျွန်မရင်တွေကွဲရပါပြီ"လူယုံသတ်လို့သေ "စကားပုံတိုင်းပဲ ကျွန်မတူလေးကနောက်ကျောဓားနဲ့အထိုးခံရတာပါ
သူချစ်တဲ့သူငယ်ချင်းတွေကသူ့ကိုမကယ်ပဲ ပြစ်ထားရက်ခဲ့ကြတယ်
သူတို့ကတော့ ဒီလောက်ဖြစ်ခဲ့တာတောင် ခလေးနဲ့ခလေး
မိဘတွေလာရောက်တောင်းပန်ခြင်းမရှိခဲ့ပါပဲကျောင်းတောင်အေးဆေးတက်နေနိုင်ကြတယ်နော် ကျွန်မဘယ်လိုဖြေရမလဲရှင် 😭😭😭

ကျွန်မတို့အဖြစ်လိုကျွန်မခလေးလို အဖြစ်မျိုးမဖြစ်ရအောင်လေ ကလေးရှိတဲ့မိဘများကိုယ့်ကလေးတွေ
သေချာလေးဂရုစိုက်ကြပါရှင်ကလေးတွေကိုအပြင်ကိုမိဘကိုမပြောပဲထွက်သွားမျိုးတွေခွင့်မပြုကြပါနဲ့ရှင်

#မောင်မင်းခန့်ဇော်

11/06/2026

လစာကောင်းကောင်းနဲ့ အလုပ်အကိုင်ရမယ်ဆိုတဲ့ မက်လုံးနောက်ကွယ်က သွေးစွန်းခဲ့ရတဲ့ ငရဲခန်းတစ်ခု

Save The Trees Rescue အသင်းဆီကို အမျိုးသမီးတစ်ဦးက ငိုရှိုက်ပြီး အကူအညီတောင်းခံလာတဲ့ ဖြစ်စဉ်တစ်ခု ရှိခဲ့ပါတယ်။ ဒါဟာ ရွှေ့ပြောင်းလုပ်သားတစ်ယောက်ရဲ့ သာမန်အခက်အခဲမျိုးမဟုတ်ဘဲ လူ့အခွင့်အရေး ချိုးဖောက်ပြီး လူမဆန်စွာ နှိပ်စက်ညှဉ်းပန်းခံခဲ့ရတဲ့ ဆိုးရွားလှတဲ့ ဖြစ်ရပ်တစ်ခု ဖြစ်ပါတယ်။

အဆိုပါ အမျိုးသမီးဟာ ရန်ကုန်မြို့၊ လှိုင်သာယာမြို့နယ်မှာ ကိုယ်ပိုင်လုပ်ငန်းလေးနဲ့ အေးအေးဆေးဆေး နေထိုင်နေသူ ဖြစ်ပါတယ်။ တစ်နေ့မှာတော့ TikTok လူမှုကွန်ရက်ကတစ်ဆင့် 'လီလီ' ဆိုတဲ့ အမျိုးသမီးတစ်ဦးနဲ့ သိကျွမ်းခဲ့ပြီး၊ သူက ရန်ကုန်မှာရတဲ့ လစာထက် အဆပေါင်းများစွာ သာလွန်ပြီး တစ်လကို ၁၈ သိန်းဝန်းကျင်ရမယ့်အပြင် စားဝတ်နေရေးပါ အကုန်တာဝန်ယူတယ်" ဆိုပြီးတော့ ချိုချိုသာသာ စည်းရုံးခဲ့ပါတယ်။

မိသားစုကို ပိုမိုထောက်ပံ့ချင်တဲ့ ဆန္ဒနဲ့ပဲ အဲဒီအမျိုးသမီးဟာ ပွဲစားခေါ်ဆောင်ရာနောက်ကို လိုက်သွားခဲ့မိပါတယ်။ သူတို့အဖွဲ့ဟာ အောင်မင်္ဂလာအဝေးပြေးကွင်းကနေ မူဆယ်၊ အဲဒီကနေတစ်ဆင့် တရုတ်နိုင်ငံဘက်ခြမ်း ဝမ်တိန်တံတားအနီးမှာရှိတဲ့ 'အော်လန်း' စက်ရုံထဲကို တရားမဝင် လမ်းကြောင်းကနေ ရောက်ရှိသွားခဲ့ပါတယ်။

စက်ရုံကို ရောက်တဲ့အခါမှာတော့ မျှော်လင့်ချက်တွေဟာ ရေစုန်မျောခဲ့ရပါပြီ။ အခြေခံလူ့အခွင့်အရေးဖြစ်တဲ့ ရေကိုတောင် ဝဝလင်လင် မသုံးရဘဲ တစ်ပတ်တိတိ ရေမချိုးရ၊ မျက်နှာမသစ်ရဘဲ ပိတ်လှောင်ခံခဲ့ရပါတယ်။ နောက်ပိုင်းမှာ ဝမ်တိန်တံတားနားမှာ ရေသွားချိုးဖို့ ခွင့်ပြုခဲ့ပေမယ့် စနစ်တကျ လုံခြုံရေး စီမံမပေးတာကြောင့် Line 4 က မြန်မာအလုပ်သမားမလေးတစ်ဦး ရေနစ်သေဆုံးတဲ့ ဝမ်းနည်းစရာ ဖြစ်ရပ် ဖြစ်ပွားခဲ့ပါတယ်။

စက်ရုံဘက်က အဲဒီသေဆုံးမှုကို ကယ်ဆယ်ရေးအဖွဲ့တွေဆီ မအကြောင်းကြားဘဲ ဖုံးဖိဖို့ ကြိုးစားခဲ့သလို၊ သေဆုံးသူရဲ့ မိသားစုဝင်တွေကိုပါ စက်ရုံထဲမှာ ရက်အနည်းငယ်ကြာ ထိန်းသိမ်းထားပြီးမှ နေရပ်ပြန်ပို့ခဲ့ပါတယ်။

ဒါတင်မကသေးဘဲ နေ့စဉ် ထမင်းကို ဝလင်အောင် မကျွေးဘဲ ဟင်းအဖြစ် ငါးသေးသေးလေးတစ်ကောင်သာ ပေးတာ၊ လုပ်ခလစာတွေကို မတရား ဖြတ်တောက်တာ၊ တစ်လလုံး နားရက်မရှိ အချိန်ပိုတွေကို အဓမ္မ ဆင်းခိုင်းတာတွေ လုပ်ဆောင်လာပါတယ်။

မတရားမှုတွေကို မခံမရပ်နိုင်လို့ စက်ရုံထဲကနေ ထွက်ပြေးဖို့ ကြိုးစားတဲ့ မြန်မာအလုပ်သမား လူငယ်တွေကို မြန်မာလူမျိုး စက်ရုံလုံခြုံရေးတွေက သံတုတ်တွေနဲ့ လိုက်လံရိုက်နှက်ခဲ့တာကြောင့် ခေါင်းတွေကွဲ၊ တစ်ကိုယ်လုံး သွေးသံရဲရဲ ဖြစ်အောင် ညှဉ်းပန်းနှိပ်စက်ခံခဲ့ရပါတယ်။

ပြီးတော့ ကားအမည်းကြီးတစ်စီးထဲမှာ အတင်းပိတ်လှောင်ထားတာကို လူမြင်ကွင်းမှာတင် ရဲရဲတင်းတင်း ကျူးလွန်ခဲ့ကြပြီး၊ အပြင်ကို သတင်းမပေါက်ကြားစေဖို့ အလုပ်သမားတွေရဲ့ လက်ကိုင်ဖုန်းတွေကိုလည်း အကုန်သိမ်းဆည်းခဲ့ပါတယ်။

စက်ရုံထဲမှာ နှိပ်စက်ခံထားရတဲ့ ဝေယံထွန်းဆိုတဲ့ ကောင်လေး သေလုမြောပါးဖြစ်နေပြီး အလုပ်သမားတွေ အုံကြွဖို့ တင်းမာနေတဲ့အချိန်မှာ မထင်မှတ်တဲ့ ဖြစ်ရပ်တစ်ခု ဖြစ်ပွားခဲ့ပါတယ်။ စက်ရုံထဲကို ပြင်ပကနေ မုန့်ဟင်းခါးလာပို့တဲ့ သုံးဘီးဆိုင်ကယ်တစ်စီးကို စက်ရုံလုံခြုံရေးတွေက လုယူမောင်းပြေးခဲ့ကြပါတယ်။

အဲဒီ သုံးဘီးပိုင်ရှင် အမျိုးသမီးက နယ်မြေခံရဲတပ်ဖွဲ့ကို တိုင်ချက်ဖွင့်ရာကနေ ရဲတွေ စက်ရုံထဲ ရောက်လာပြီး သွေးသံရဲရဲ ဖြစ်နေတဲ့ မြန်မာအလုပ်သမားတွေကို မြင်တွေ့ကာ ဆေးရုံကို အမြန် ပို့ဆောင်ပေးခဲ့ရပါတယ်။

နောက်ဆုံးမှာ စက်ရုံဘက်က အလုပ်သမားတွေကို လုပ်ခလစာ တစ်ပြားမှ မပေးဘဲ မြန်မာပြည်ဘက်ကို အတင်းအကျပ် နှင်ထုတ်ခဲ့ပါတယ်။ နယ်စပ်ရဲစခန်းမှာ စစ်ဆေးမှုတွေလုပ်ပြီး ရွှေလီ ကြယ်ခေါင်က တည်းခိုခန်းတစ်ခုမှာ တစ်ညသိပ်ခဲ့ပါတယ်။ ရဲတွေက အားလုံးကို ဆေးစစ်ပြီး ဒီဖြစ်စဉ်ကို ရင်ဖွင့်သူ အမျိုးသမီးကို ကျန်းမာရေးမကောင်းဘူးဆိုတဲ့ အကြောင်းပြချက်နဲ့ ရဲစခန်းမှာ သီးသန့်ချန်ထားခဲ့ပြီး၊ သူ့ရဲ့ အမျိုးသားအပါအဝင် ကျန်တဲ့အလုပ်သမားအဖွဲ့ဝင်အားလုံးကို ရဲကားနဲ့ ခေါ်ဆောင်သွားခဲ့ပါတယ်။

ကျန်းမာရေးမကောင်းတဲ့ အမျိုးသမီးကတော့ မူဆယ်တစ်ဖက်ကမ်းကတစ်ဆင့် နေအိမ်ပြန်ရောက်လာပေမယ့် ရဲကားနဲ့ ခေါ်ဆောင်သွားခံရတဲ့ အမျိုးသားဖြစ်သူနဲ့ မြန်မာအလုပ်သမားအဖွဲ့ဝင်တွေဟာ အခုအချိန်အထိ ဘယ်ရောက်နေမှန်း သတင်းအစအန လုံးဝမရဘဲ ပျောက်ဆုံးနေဆဲ ဖြစ်ပါတယ်။

အရိုက်ခံရတဲ့ အလုပ်သမားသုံးယောက်ကို ပြန်လွှတ်ပေးမယ်လို့ သိရပြီး၊ စက်ရုံကို လာစစ်ဆေးတဲ့ တရုတ်ရဲတွေကိုလည်း စာရင်းဖျက်ပြီး သူ့စက်ရုံက အလုပ်သမားတွေမဟုတ်ကြောင်းနဲ့ ဘာကိုမှမကြောက်ကြောင်း စက်ရုံဘက်က ပြောဆိုခဲ့တယ်လို့ သိရပါတယ်။

လက်ရှိမှာ Save The Trees Rescue Team နဲ့ မိတ်ဖက်ပရဟိတအသင်းတွေက ကူညီပေးနိုင်ဖို့ ကြိုးစားနေပါတယ်။

10/06/2026

Shopee ရဲ့ ဝန်ထမ်းလျှော့ချမှုကြောင့် developer ရာနဲ့ချီ အလုပ်လက်မဲ့ဖြစ်

အီလက်ထရွန်နစ် ကုန်သွယ်ရေး ပလက်ဖောင်းဖြစ်တဲ့ Shopee ဟာ အခုသီတင်းပတ်အတွင်း ကမ္ဘာတစ်ဝန်းမှာရှိတဲ့ ဆော့ဖ်ဝဲရေးသားသူ ဝန်ထမ်းရာနဲ့ချီကို လျှော့ချလိုက်ပါတယ်။

အခုလို လုပ်ငန်းခွင်အတွင်း ပြုပြင်ပြောင်းလဲမှုဟာ ဉာဏ်ရည်တု နည်းပညာဘက်ကို ပိုမိုအားစိုက်ဖို့ ပြင်ဆင်နေချိန်မှာ ဖြစ်ပေါ်လာတာပါ။

ဒီလျှော့ချမှုဟာ သူတို့ရဲ့ ဆော့ဖ်ဝဲရေးသားသူ ဝန်ထမ်းအင်အားရဲ့ ၈ ရာခိုင်နှုန်းလောက်အထိ သက်ရောက်မှုရှိနိုင်ကြောင်း Bloomberg က သတင်းဖော်ပြပါတယ်။

Mothership ရဲ့ မေးမြန်းမှုကို Shopee ပြောရေးဆိုခွင့်ရှိသူတစ်ဦးက ပြန်လည်ဖြေကြားရာမှာ ကုမ္ပဏီအနေနဲ့ ဝန်ထမ်းလိုအပ်ချက်တွေကို ပုံမှန်ပြန်လည်သုံးသပ်လေ့ရှိကြောင်း ပြောပါတယ်။

"လုပ်ငန်းလည်ပတ်မှုနဲ့ လုပ်ငန်းဦးစားပေးအစီအစဉ်တွေပေါ် မူတည်ပြီး ဌာနအလိုက် ပြုပြင်ပြောင်းလဲမှုတွေကို အခါအားလျော်စွာ လုပ်ဆောင်လေ့ရှိပါတယ်။ ဒီလိုဆုံးဖြတ်ချက်တွေကို အသေအချာ စဉ်းစားဆင်ခြင်ပြီးမှသာ ချမှတ်တာပါ။

အခုလို ပြောင်းလဲမှုတွေကြောင့် ထိခိုက်ရတဲ့ လုပ်ဖော်ကိုင်ဖက်တွေအတွက် ဒီကာလအတွင်း လိုအပ်တဲ့ အကူအညီတွေ ပေးသွားဖို့ Shopee က ကတိကဝတ်ပြုပါတယ်" လို့ ပြောရေးဆိုခွင့်ရှိသူက ဆက်လက်ပြောကြားပါတယ်။

ဒါပေမဲ့ ဝန်ထမ်းဦးရေ ဘယ်လောက်အထိ ထိခိုက်မှုရှိသလဲဆိုတာကိုတော့ သူတို့က တိတိကျကျ ထုတ်ဖော်ပြောကြားခြင်း မရှိပါဘူး။

စင်ကာပူရုံးချုပ်မှာရှိတဲ့ ဆော့ဖ်ဝဲ အင်ဂျင်နီယာ နှစ်ဦးဟာ ဇွန်လ ၈ ရက်၊ တနင်္လာနေ့မှာ အလုပ်မှ ရပ်စဲခံလိုက်ရကြောင်း CNA သတင်းဌာနက ဖော်ပြပါတယ်။ အင်ဂျင်နီယာ တစ်ဦးကတော့ လူကိုယ်တိုင်တွေ့ဆုံပြီး မပြောခင်မှာပဲ ကုမ္ပဏီရဲ့စာပို့စနစ် ကနေတစ်ဆင့် သတင်းစကား လက်ခံရရှိခဲ့ပါတယ်။

အလုပ်မှ ရပ်စဲခံရတဲ့ ဝန်ထမ်းတွေဟာ "N+2" လျော်ကြေး package ရရှိမှာဖြစ်ပြီး၊ အလုပ်လုပ်ခဲ့တဲ့ သက်တမ်း တစ်နှစ်အတွက် လစာတစ်လနှုန်းနဲ့ အပို ထပ်ဆောင်း နှစ်လစာ ပေးအပ်မှာဖြစ်ကြောင်း CNA ကို ပြောပြပါတယ်။

နောက်ထပ် ဝန်ထမ်းတစ်ဦးရဲ့ အဆိုအရ စင်ကာပူရုံးမှာ အနည်းဆုံး ဝန်ထမ်း ၁၀ ဦးလောက် ထိခိုက်ခဲ့ပြီး သူတို့အများစုဟာ ကုန်ပစ္စည်းနဲ့ အင်ဂျင်နီယာပိုင်းဆိုင်ရာ အဖွဲ့တွေက ဖြစ်တယ်လို့ သိရပါတယ်။

ဝန်ထမ်းအများစုကို အလုပ်ရပ်စဲကြောင်း အသိပေးတဲ့ မြို့နယ်အလိုက် အစည်းအဝေး ဒါမှမဟုတ် ကုမ္ပဏီတစ်ခုလုံးဆီ ပေးပို့တဲ့ အီးမေးလ်မျိုး မရှိခဲ့ဘူးလို့လည်း အဲဒီဝန်ထမ်းက ထည့်သွင်းပြောကြားခဲ့ပါတယ်။

Shopee ရဲ့ မိခင်ကုမ္ပဏီ Sea Limited ဟာ "ဝန်ထမ်းအချို့အပေါ် သက်ရောက်မှုရှိမယ့် လုပ်ငန်းခွင် ပြုပြင်ပြောင်းလဲမှု" အကြောင်းကို Creative Media and Publishing Union (CMPU) သမဂ္ဂဆီ ကြိုတင်အကြောင်းကြားထားခဲ့ကြောင်း သမဂ္ဂ ပြောရေးဆိုခွင့်ရှိသူတစ်ဦးက ပြောပါတယ်။

CNA ရဲ့ အဆိုအရ Sea Limited ဟာ စင်ကာပူမှာ သမဂ္ဂဖွဲ့စည်းထားတဲ့ ကုမ္ပဏီ မဟုတ်ပါဘူး။ အခုလို ကြိုတင်အကြောင်းကြားထားတာကြောင့် CMPU အနေနဲ့ စီမံခန့်ခွဲမှုအဖွဲ့နဲ့ နီးနီးကပ်ကပ် ပူးပေါင်းဆောင်ရွက်ပြီး ထိခိုက်ခံရတဲ့ ဝန်ထမ်းတွေကို ကူညီပေးနိုင်ခဲ့တယ်လို့ ပြောပါတယ်။

"သမဂ္ဂအနေနဲ့ ထိခိုက်ခံရတဲ့ အဖွဲ့ဝင်တွေနဲ့ ဝန်ထမ်းတွေအတွက် တရားမျှတတဲ့ လျော်ကြေးတွေ ရရှိဖို့၊ ပြုပြင်ပြောင်းလဲမှုတွေကို တရားမျှတပြီး တာဝန်သိစွာ လုပ်ဆောင်ဖို့ စီမံခန့်ခွဲသူတွေနဲ့ လက်တွဲလုပ်ဆောင်နေပါတယ်" လို့ သမဂ္ဂ ပြောရေးဆိုခွင့်ရှိသူက ဆိုပါတယ်။

ဝန်ထမ်းတွေကို အလုပ်ကနေ ရပ်စဲတဲ့နေ့မှာလည်း CMPU ကိုယ်စားလှယ်တွေက နေရာမှာရှိနေပြီး ထိခိုက်တဲ့ဝန်ထမ်းတွေကို အကူအညီတွေ ပေးအပ်ခဲ့ပါတယ်။

Shopee ရဲ့ အခုလို အလုပ်ဖြုတ်တဲ့ လုပ်ရပ်ဟာ Sea ရဲ့ AI နည်းပညာဆိုင်ရာ ရင်းနှီးမြှုပ်နှံမှုတွေနဲ့ တိုက်ရိုက်ပတ်သက်မှု ရှိမရှိဆိုတာကိုတော့ Bloomberg အနေနဲ့ အတည်ပြု ပြောဆိုနိုင်ခြင်း မရှိသေးပါဘူး။

ဒါပေမဲ့ Sea ရဲ့ အမှုဆောင်အရာရှိချုပ် Forrest Li ကတော့ AI နည်းပညာ တိုးတက်မှုဟာ Sea ကုမ္ပဏီရဲ့ ဈေးကွက်တန်ဖိုးကို အမေရိကန်ဒေါ်လာ ၁ ထရီလီယံအထိ ရောက်ရှိအောင် တွန်းပို့ပေးနိုင်မယ်လို့ ယခင်က မှတ်ချက်ပေးခဲ့ဖူးပါတယ်။

10/06/2026

အမှိုက်ပုံထဲက အမျိုးအမည်မသိအရာကို ထည့်ခဲ့မိလို့ လူ ၁၃ ဦး ဆေးရုံတင်ခဲ့ရ

အမှိုက်ပုံထဲက ကောက်ယူရရှိလာတဲ့ အမျိုးအမည်မသိတဲ့ ပစ္စည်းတစ်ခုကို ဆားလို့ ထင်မှတ်မှားပြီး ဟင်းရည်ထဲ ထည့်မိရာကနေ ဥဒွန်ဌာနီမြို့က ခေါက်ဆွဲဆိုင်ပိုင်ရှင်ရဲ့ သမီးအပါအဝင် လူ ၁၃ ဦး ဆေးရုံတက်ရောက် ကုသမှုခံယူခဲ့ရတဲ့ ဖြစ်စဉ်တစ်ခု ဖြစ်ပွားခဲ့ပါတယ်။

ဒီကိစ္စနဲ့ ပတ်သက်ပြီး အစားအစာအဆိပ်သင့်မှုအခြေအနေကို စုံစမ်းဖို့ နောင်ဘွားရပ်ကွက်က ခေါက်ဆွဲဆိုင်ကို မူအောင်းဥဒွန်ဌာနီ ရဲစခန်းက တာဝန်ရှိသူတွေ ရောက်ရှိလာခဲ့ပါတယ်။ ဆိုင်မှာ လာစားတဲ့သူတွေနဲ့ ဝန်ထမ်းတွေမှာ ပျို့အန်တာ၊ မူးဝေတာ၊ ဝမ်းလျှောတာ၊ အသက်ရှူရ ခက်ခဲတာ စတဲ့ လက္ခဏာတွေ ခံစားခဲ့ရပါတယ်။

ထိခိုက်တဲ့သူ စုစုပေါင်း ၁၃ ဦးရှိပြီး လေးဦးကတော့ ရောဂါလက္ခဏာ ပြင်းထန်နေလို့ ဆရာဝန်တွေရဲ့ အနီးကပ် စောင့်ကြည့်ကုသမှု ခံယူနေရကြောင်း ရဲတပ်ဖွဲ့က ပြောပါတယ်။

အသက် ၇၀ အရွယ် ဆိုင်ပိုင်ရှင် ပန် ဆိုသူကတော့ ဒီဆိုင်ကို ခြောက်နှစ်၊ ခုနစ်နှစ်လောက် ဖွင့်လာတာ ဖြစ်ပြီး ဟင်းရည်ချက်တဲ့ မနက်ခင်းမှာ ဆားကုန်သွားတာကို သိလိုက်ရပါတယ်။ အဲဒီအချိန်မှာ သားဖြစ်သူ အသက် ၄၆ နှစ်အရွယ် ဆင်ချူး တစ်ယောက် အရင်က ဆားလို့ ထင်ပြီး အိမ်ကို ယူလာတဲ့ အိတ်နှစ်အိတ်ကို သူ သတိရသွားပါတယ်။

အိတ်တွေကို ရှာကြည့်တဲ့အခါ အိတ်တွေက ညစ်ပေနေပြီး အဝါရောင် အရာဝတ္ထုတွေ ပါဝင်နေတာကို တွေ့ရပါတယ်။

ပန်ရဲ့ အပြောအရတော့ အဲဒီပစ္စည်းကို မြည်းကြည့်တဲ့အခါ ဆားအရသာနဲ့ ဆင်တူနေလို့ ဟင်းရည်မှာ သုံးလို့ရမယ် ထင်ပြီး ဟင်းရည်ထဲ ထည့်လိုက်မိတာ ဖြစ်ပါတယ်။ ထည့်ပြီး ခဏအကြာမှာပဲ ပါးစပ်တွေ ထုံကျင်လာပြီး မူးဝေလာတာကြောင့် ကျန်းမာရေး မကောင်းလို့ ထင်ပြီး အနားယူပေမယ့် နောက်ပိုင်းမှာ အခြေအနေ ပိုဆိုးလာလို့ ဆေးရုံတက်ခဲ့ရပါတယ်။

ဆိုင်မှာ ကူညီပေးနေတဲ့ ဆွေမျိုးတော်စပ်သူ ဘွန်လျန်း ဆိုသူကလည်း ဟင်းရည် နှစ်ဇွန်း၊ သုံးဇွန်းလောက် မြည်းမိရာကနေ အလားတူ လက္ခဏာတွေ ခံစားခဲ့ရပါတယ်။ ပန်ရဲ့သမီး စူပရာနီကလည်း ခေါက်ဆွဲစားပြီးနောက်မှာ တက်တာ၊ သတိလစ်မတတ် ဖြစ်တာတွေ ကြုံခဲ့ရလို့ ကယ်ဆယ်ရေးအဖွဲ့က ဆေးရုံကို ပို့ပေးခဲ့ရပါတယ်။

သားဖြစ်သူ ဆင်ချူးကတော့ အဲဒီအိတ်တွေကို သူငယ်ချင်း ချီယန်ဆီကနေ ဆားလို့ ထင်ပြီး ယူလာခဲ့တာ ဖြစ်ကြောင်း ပြောပါတယ်။ အမှိုက်ထဲက ပစ္စည်းတွေ လိုက်ကောက်တဲ့ ချီယန်ကတော့ အမှိုက်ပုံထဲက အဝါရောင် အိတ်တွေကို တွေ့ပေမယ့် ဘာမှန်း မသိတာကြောင့် မယူဖို့နဲ့ မစားဖို့ ဆင်ချူးကို အရင်ကတည်းက သတိပေးထားခဲ့ဖူးတယ်လို့ ဆိုပါတယ်။

ရဲတပ်ဖွဲ့ကတော့ အဲဒီပစ္စည်းရဲ့ ဓာတုဖွဲ့စည်းပုံကို သိဖို့ ဆိုင်ကနေ သိမ်းဆည်းထားလိုက်ပါပြီ။ လက်ရှိအချိန်အထိတော့ စစ်ဆေးချက် ရလဒ်တွေ မထွက်လာသေးပါဘူး။ ထိခိုက်ခဲ့ရသူ အများစုကတော့ အခုအခါ ကျန်းမာရေး အခြေအနေ တည်ငြိမ်နေပါပြီ။ ထိခိုက်ခံရသူ တစ်ဦးရဲ့ ဖခင်ကတော့ ဆိုင်ပိုင်ရှင်ကို လျော်ကြေးရဖို့ တိုင်ကြားထားတယ်လို့ သိရပါတယ်။

Address

Singapore

Website

facebook.com

Alerts

Be the first to know and let us send you an email when Knowledge Bee posts news and promotions. Your email address will not be used for any other purpose, and you can unsubscribe at any time.

Shortcuts

Featured

Tian Lang Xing Pte Ltd

Want your business to be the top-listed Transport Service in Singapore?

Knowledge Bee

16/06/2026

16/06/2026

15/06/2026

14/06/2026

14/06/2026

11/06/2026

11/06/2026

11/06/2026

10/06/2026

10/06/2026

Address

Website

Alerts

Shortcuts

Featured

Share

Category