北歐中女社 Scandi Hongkie Tong

北歐中女社 Scandi Hongkie Tong 中女從遠東走到日不落，從飲茶到Fika，從新開始、從新出發。每日活出新鮮事。From Hong Kong to Sweden, from Yum Cha to Fika….

《快到 Swish 一聲》瑞典嘅轉數快叫做 Swish，係獨立app，全民都用。好鍾意Swish 呢個名，有Sweden 之意又有「快」嘅音效。好似「轉數快」呢個名，起得好好（但唔知做乜喺香港英文要叫FPS 咁頹）。最鍾意Swish 有轉錢...
20/01/2026

《快到 Swish 一聲》

瑞典嘅轉數快叫做 Swish，係獨立app，全民都用。

好鍾意Swish 呢個名，有Sweden 之意又有「快」嘅音效。好似「轉數快」呢個名，起得好好（但唔知做乜喺香港英文要叫FPS 咁頹）。

最鍾意Swish 有轉錢時寄咭嘅功能。每次老米轉錢俾我，會寄張好得意、animated 嘅咭。好可愛。

Payme，Alipay 等全部都係wallet，有錢喺入面，有好多可以同merchant 合作嘅機會，所以係兵家必爭之地。遲嚟，如Easypay，就失份額。

Swish 同 FPS 係支付系統，冇錢喺入面。香港選擇將佢當底層系統，要開入去銀行個App 先用倒。但瑞典就將佢做到直接對客，極方便。即使唔係wallet，感覺「冇肉食」，但客戶體驗依然極佳。有時唔係要諗商業角度，只係要做好件產品。呢個就係 Startup，entrepreneural mindset。 就係最後贏嘅原因。

#北歐中女社 #移民北歐 #移民生活 #移民瑞典 #瑞典文化 #瑞典生活

17/01/2026

《Freedom of Movement》

又到兩年一度更新瑞典簽證嘅時間。

第一次申請瑞典簽證（Spouse visa)，由申請到攞倒張証，等咗14個月。頭10個月毫無音訊。

好嬲係，唔係first in first out，有啲人等3個月就得，有啲人等2年都仲等緊。次序同快慢都好隨機。原因不明。

更嬲係，到瑞典後我發覺歐盟有條條例叫 Freedom of Movement。意思係：所有歐盟其他國家嘅人（包括佢可能非歐盟嘅另一半）要去其中一個歐盟國家定居，該國必須6個月內出簽證。

於是：

老米係瑞典人，我係香港人，番瑞典住，我等簽證要14個月。

一個丹麥人，老婆係泰國人，去瑞典住，等簽證只需6個月。

一個住喺丹麥住嘅瑞典人，老婆係中國人，等簽證都只係6個月。因為都計落 Freedom of Movement。

住喺自己國家嘅人嘅待遇仲衰過外國人，係唔係好白痴？

真😡。

#香港瑞典文化交流 #北歐中女社 #移民北歐 #移民生活 #移民瑞典 #瑞典文化 #瑞典生活

15/01/2026

優雅老去

06/01/2026

《伏字》

有幾個瑞典字，貌似英文字，但意思同英文迴異。

千祈唔好直譯。

以下左邊係個瑞典字，右邊係佢嘅意思。

Kiss = p*e
Puss = kiss
S*x = six
Bra = good
Dog = died
Fart = sp*ed
Slut = final
Glass = ice cream

頭幾個意會錯都幾大鑊。 😆

#北歐中女社 #香港瑞典文化交流 #移民北歐 #移民生活 #移民瑞典 #瑞典文化 #瑞典生活

《苦命羊》好耐好耐以前（1966年開始），喺一個叫Gävle 嘅地方，有一隻羊，叫Gävleboken。Gävleboken 係一隻用禾稈草整嘅羊，每年聖誕會企出嚟。但唔知由幾時開始，有人惡作劇放火燒羊，自此之後，諗辦法放火燒佢都變成傳統。...
29/12/2025

《苦命羊》

好耐好耐以前（1966年開始），喺一個叫Gävle 嘅地方，有一隻羊，叫Gävleboken。

Gävleboken 係一隻用禾稈草整嘅羊，每年聖誕會企出嚟。

但唔知由幾時開始，有人惡作劇放火燒羊，自此之後，諗辦法放火燒佢都變成傳統。

雖然已經立法禁止人放火或用其他方法破壞隻羊，但幾乎每年佢都逃唔出被燒嘅命運😥。

今年暫時相安無事，點之前日，風暴Joannes 竟然將佢吹㝝咗！

上哂新聞。

真係一隻多災多難嘅羊！

Photocredit: Severigeradio, swedishmadeeasy, Facebook

#移民瑞典 #瑞典文化 #瑞典生活 #北歐中女社 #移民北歐 #移民生活 #香港瑞典文化交流

《典型聖誕 4》瑞典人叫聖誕大餐做「聖誕餐桌」 (Julbord).喺瑞典，大家係24號慶祝聖誕嘅。瑞典聖誕枱嘅食物好⋯特別，唔係普通西餐。左圖係網圖，右圖係我兩個禮拜前喺餐廳食嘅聖誕餐，基本相同。左圖左下角（=右圖右上角） 係sill，即...
25/12/2025

《典型聖誕 4》

瑞典人叫聖誕大餐做「聖誕餐桌」 (Julbord).

喺瑞典，大家係24號慶祝聖誕嘅。

瑞典聖誕枱嘅食物好⋯特別，唔係普通西餐。

左圖係網圖，右圖係我兩個禮拜前喺餐廳食嘅聖誕餐，基本相同。

左圖左下角（=右圖右上角） 係sill，即係醃鯡魚，herring。各種口味 - 醋、咖哩、魚子等。因為油脂含量好高，好膩，味道好重，會用多士同蛋送。

跟住會食火腿同醃三文魚(gravlax)。

主菜會食肉丸同香腸，同一個用薯仔同anchovies 整嘅批，叫 Jansson’s Temptation。

跟住就係勁多甜品。

第一次正式食瑞典聖誕大餐，感覺係：

～ 凍菜（前菜）比例好高，未食到熱食已飽哂

～ 熱菜主打香腸（好似廚師腸咁），同肉丸，好似冇「硬菜」，小頹。

～ 肉同菜嘅比例幾乎係1:0。

～ 食少少已經勁飽。

#香港瑞典文化交流 #北歐中女社 #移民北歐 #移民生活 #移民瑞典 #瑞典文化 #瑞典生活

《典型聖誕 3》講過好多次但都忍唔住再講。個人認為最騎呢嘅聖誕習俗：平安夜全民睇唐老鴨。1959 年開始嘅習俗。瑞典下畫3點播。丹麥下畫4點播。每年都係嗰幾個clip，60年代嗰款。最後1、兩個會更新，播最近嘅迪士尼clip。唔係剩係細路仔...
24/12/2025

《典型聖誕 3》

講過好多次但都忍唔住再講。個人認為最騎呢嘅聖誕習俗：平安夜全民睇唐老鴨。1959 年開始嘅習俗。

瑞典下畫3點播。

丹麥下畫4點播。

每年都係嗰幾個clip，60年代嗰款。最後1、兩個會更新，播最近嘅迪士尼clip。

唔係剩係細路仔，大人都一齊睇，睇足幾十年。

#香港瑞典文化交流 #北歐中女社 #移民北歐 #移民生活 #移民瑞典 #瑞典文化 #瑞典生活

《典型聖誕 2》GLÖGG = mulled wine = 熱酒咁多條G，three of a kind，讀起上嚟好似作嘔咁嘅嘴型就啱㗎啦。有間公司（Blossa) 每年都會出唔同味嘅glögg，用唔同嘅酒做底（威士忌、gin…)。每年個樽...
23/12/2025

《典型聖誕 2》

GLÖGG = mulled wine = 熱酒

咁多條G，three of a kind，讀起上嚟好似作嘔咁嘅嘴型就啱㗎啦。

有間公司（Blossa) 每年都會出唔同味嘅glögg，用唔同嘅酒做底（威士忌、gin…)。每年個樽嘅設計都唔一樣，然後寫住當年年份。

好靚，百零蚊，都幾有收藏價值。

今年係去番傳統紅酒底，加檸檬皮、乾橙皮同雲杉嫩芽香氣。聽落都好想飲。

問題係，每年見倒有得賣時，仲好早，（10月尾11月頭之類），當時仲未進入聖誕情緒，唔係好有動力買。

但到想買時，又已經賣哂。

就係咁，2018 同 2024 成功買過嚟飲。好多年都飲唔倒⋯ 😅

今年又係買唔倒。下年請早。

如果呢樣嘢喺香港買，香港人又咁鍾意搶購，實更難買。

#香港瑞典文化交流 #北歐中女社 #移民北歐 #移民生活 #移民瑞典 #瑞典文化 #瑞典生活 ̈gg

《典型聖誕1》講下瑞典聖誕嘅騎呢習俗。講好多集都講唔哂。其中一個習俗就係食「阿拉丁」。「阿拉丁」係平民版高級朱古力，有兩層，唔同饀：橙味、士多啤梨味⋯我嘗試諗下香港equivalent⋯ 可能似花街或者Merci，但後兩者無咁多味道。每家都...
21/12/2025

《典型聖誕1》

講下瑞典聖誕嘅騎呢習俗。講好多集都講唔哂。

其中一個習俗就係食「阿拉丁」。

「阿拉丁」係平民版高級朱古力，有兩層，唔同饀：橙味、士多啤梨味⋯

我嘗試諗下香港equivalent⋯ 可能似花街或者Merci，但後兩者無咁多味道。

每家都會食。問題係，一年只會食呢一次。

有時我喺度諗，其實間公司平日係點維持生意嘅呢？

我相信，每年剩係聖誕前開兩個月，其他時間閂門唔做生意，可能利潤會更高。

#香港瑞典文化交流 #北歐中女社 #移民北歐 #移民生活 #移民瑞典 #瑞典文化 #瑞典生活

Photo credit: godare

就係咁，所以永遠唔知點表達啱啱過咗嗰個夏天。
19/12/2025

就係咁，所以永遠唔知點表達啱啱過咗嗰個夏天。

《黑白大廚第二季》第二季有得睇啦！今次有我「鄉下」嘅代表。佢喺瑞典都幾出名，有間韓國瑞典fusion 餐廳喺我住嘅城市 Malmö。間餐廳叫 Namu。去過兩次，幾好食㗎！有同鄉參賽倍感親切。 #香港瑞典文化交流 #北歐中女社 #移...
16/12/2025

《黑白大廚第二季》

第二季有得睇啦！

今次有我「鄉下」嘅代表。

佢喺瑞典都幾出名，有間韓國瑞典fusion 餐廳喺我住嘅城市 Malmö。間餐廳叫 Namu。去過兩次，幾好食㗎！

有同鄉參賽倍感親切。

#香港瑞典文化交流 #北歐中女社 #移民北歐 #移民生活 #移民瑞典 #瑞典文化 #瑞典生活 #瑞典旅行 #黑白大廚

Adress

Malmö

Webbplats

Aviseringar

Var den första att veta och låt oss skicka ett mail när 北歐中女社 Scandi Hongkie Tong postar nyheter och kampanjer. Din e-postadress kommer inte att användas för något annat ändamål, och du kan när som helst avbryta prenumerationen.

Genvägar

Dela

Typ