06/08/2026
چلاس کے علاقے گینی میں آنے والے شدید سیلاب نے بڑے پیمانے پر تباہی مچا دی۔ سیلابی ریلے کی زد میں آ کر ایک ہوٹل اور 5 سے 6 دکانیں شدید متاثر ہوئیں، جس کے نتیجے میں لاکھوں روپے کا مالی نقصان ہوا۔ شدید سیلاب کے باعث شاہراہ قراقرم (KKH) ہر قسم کی ٹریفک کے لیے بند کر دی گئی ہے، جبکہ سڑک کے دونوں اطراف گاڑیوں کی لمبی قطاریں لگ گئی ہیں اور مسافروں کو شدید مشکلات کا سامنا ہے۔ مقامی انتظامیہ، ریسکیو اور امدادی ٹیمیں متاثرہ مقام پر موجود ہیں اور صورتحال کا جائزہ لینے کے ساتھ بحالی کے اقدامات جاری ہیں۔ حکام نے مسافروں سے اپیل کی ہے کہ وہ غیر ضروری سفر سے گریز کریں اور سفر سے قبل سڑک کی تازہ ترین صورتحال ضرور معلوم کریں۔
