22/04/2026
DUHA KA MGA BABAYE NGA NAG JOGGING NAKABSAN SA KINABUHE HUMAN GILUTHANG SA WALA MAILANG SUSPEK SAMTANG LAING PANG DUHA KA MGA BABAE ANGOL .
Nakabsan sa ilang mga kinabuhe ang duha ka mga babae nga nag jogging lang sa dihang kalit nalang silang gipamusil sa walay igong hinungdan sa duha ka mga lalaki sa Purok 3, Barangay Muntay , kolambugan, Lanao Del Norte , sa mga alas-6:45 ang takna kagahapon sa buntag, Abril 21, 2026 .
Sa taho sa kolambugan Municipal Police Station nga maoy nag ila sa mga biktima nga nga namatay nga sila ni Grace Ajim, 35-anyos ,residente sa Barangay Poblacion sa nahisgutang lungsod ug Christine Caluyong , hamtong ang pangedaron nga residente sa Oroqueta City, Misamis Occidental .
Samtang ang duha ka mga laing babae nga biktima ug naangol giila nga si Cheris Hope Ajim, 38-anyos ug Betty Alaban , 66-anyos parehong angol human gipamusil sa mga suspek samtang ilang naagian sa ilang pagsibat.
Ang duha ka mga babayeng angol ang daling gipangdala sa mga emergency responders sa balay tambalanan .
Sa pasiunang imbestigasyon sa mga imbestigador nga sila si Cheris Hope Ajim ug Grace Ajim nag jogging lang sa dihang kalit gipamusil sa mga suspek ug dayon misibat padulong sa direksiyon sa Rebucon Bridge apan ila usab nga gipusil si Betty Alaban nga nag tindog lang doul sa ilang balay , samtang ang laing biktima nga si Christine Caluyong nga naglakaw lang sa kalsada uban ang usa ka bata ang gipusil usab duol sa tulay.
Sa pagkakaron padayon pang mihimo ug makuting imbestigasyon ang mga kapulisan ug nagpahigayon ug hot pursuit operation aron sikopon ang mga suspek nga responsable sa krimen .
Makita sa CCTV ang duha ka mga suspek nga naghubo ug pang taas ang usa ug adunay gibitbit nga pi***la samtang nagsunod usab ang laing pang usa ka suspek.
Matud pa sa mga inisyal nga taho nga na trippan lang kuno ang mga biktima.
