Nepal Trekking Experts, Pokhara (2026)

17/06/2026

सन् २०२१ देखि २०२५ को अवधिमा नेपाल आउने पर्यटकका गुनासोहरूमा ठूलो उतारचढाव आएको छ, जहाँ सामान हराउने गुनासो +५६५% र चोरीका घटना +६६७% तीव्र रूपमा बढेका छन् , जबकी ठगीका घटनामा भने ७३% ले कमी आएको छ। पर्यटकको अनुभव सुधार्न र यात्रा सहज बनाउन यो समस्यालाई व्यावसायिक अवसरमा बदल्न सकिन्छ। यसका लागि सुरक्षित लगेज भण्डारण, डिजिटल कागजात क्लाउड सेवा, सुरक्षा पाउच, GPS ट्र्याकिङ र २४/७ पर्यटक सहायता सेवा जस्ता नयाँ व्यवसायहरू सुरु गर्न सकिने सम्भावना देखिन्छ।

17/06/2026

नेपालको पदयात्रा ट्रेकिङ क्षेत्रमा गाइडहरूको संख्या बढ्दै गए पनि पर्यटकको वृद्धि सीमित हुँदा प्रतिस्पर्धा निकै बढेको छ। नेपालमा कुल २७,९६२ जना ट्रेकिङ गाइडहरूको तुलनामा गाइड चाहिने पर्यटकको संख्या ३,३२,४३६ मात्र रहेकाले औसतमा १ जना गाइडले १२ जना पर्यटक मात्र पाउने स्थिति छ, जसले गर्दा धेरै गाइडहरू बेरोजगार हुने जोखिम छ। यस क्षेत्रमा मात्र निर्भर रहनुको साटो गाइड बाहेकका अन्य व्यवसायहरू जस्तै मोही व्यवसाय, सिस्नो पाउडर, चुकन्दर र केराको पाउडर वा प्लेट प्रशोधन, र फूलको फोहोरबाट धूप बनाउने जस्ता वैकल्पिक क्षेत्रमा व्यावसायिक अवसर खोज्न सकिन्छ।

17/06/2026

लुम्बिनी भ्रमण गर्ने पर्यटकहरूको बजार विष्लेषण गर्दा नेपाल आउने पर्यटकमध्ये श्रीलंका ८५.७% , म्यानमार ८३.९%, भियतनाम ७०.६%, र थाइल्याण्ड ६५.५% का पर्यटकहरू बढी मात्रामा लुम्बिनी पुग्ने गर्छन्। यसको विपरीत अमेरिका र युकेका पर्यटकहरूको लुम्बिनी पुग्ने दर अत्यन्तै न्यून क्रमशः १.४% र २.१% छ। त्यसैले लुम्बिनीका होटल, रेष्टुरेन्ट, टुर अपरेटर र ध्यान केन्द्रहरूले पश्चिमा देशहरूमा समय बर्बाद गर्नुभन्दा यिनै बढी रूपान्तरण दर भएका एसियाली बौद्ध राष्ट्रका पर्यटकहरूलाई लक्षित गर्नु बढी फाइदाजनक हुने देखिन्छ।

16/06/2026

मनाङको चामे गाउँपालिकामा भ्यू टावरबाट खसेर एक किशोरको मृत्यु भएको छ। जेठ ३० गते करिब साँझ ५:३० बजे चामे गाउँपालिका–५ स्थित भ्यू टावरमा खेल्ने क्रममा टावरबाट खसेर गम्भीर घाइते भएका किशोरको उपचारका क्रममा मृत्यु भएको हो।

प्राप्त जानकारीअनुसार भक्तपुर घर भई हाल चामे–५ बस्ने सगुन श्रेष्ठका १७ वर्षीय छोरा सौगात श्रेष्ठ टावरमा चढेर खेल्ने क्रममा अचानक करिब २५० मिटर तल खसेका थिए।

घटनाबारे जानकारी पाएलगत्तै प्रहरी निरीक्षक सुमित कुशवाहाको कमाण्डमा ९ जनाको टोली तथा सशस्त्र प्रहरी बल नेपाल नं. ३२ गुल्म चामे मनाङबाट उद्धार टोली खटिएको थियो। घाइतेलाई तत्काल उद्धार गरी प्रदेश अस्पताल चामे पुर्‍याइएकोमा चिकित्सकले मृत घोषणा गरेका हुन्।
Source : Hamro Lamjung Khabar

16/06/2026

पर्यटन क्षेत्रमा बढ्दो स्वास्थ्य जोखिम र विशेषगरी उच्च हिमाली क्षेत्रमा Altitude Sickness को गम्भीरतालाई प्रस्तुत गर्दछ। तथ्याङ्क अनुसार सन् २०२०-२१ देखि २०२४-२५ सम्म बिरामी र मृत्यु हुनेको सङ्ख्यामा उतारचढाव आएको देखिन्छ, जसमा सन् २०२३-२४ मा बिरामी सङ्ख्या सबैभन्दा उच्च (११३ जना) पुगेको थियो र २५ जनाको मृत्यु (२२% मृत्युदर) भएको थियो। सन् २०२४-२५ मा बिरामी सङ्ख्या ६१ मा झरे तापनि मृत्युदर बढेर ३१% (१९ जनाको मृत्यु) पुगेको चुनौतीपूर्ण अवस्था छ। यस डेटाले हिमाली क्षेत्रमा पर्यटन प्रवर्द्धनसँगै अक्सिजन सेवा, चिकित्सा केन्द्र, एल्टिच्युड मोनिटरिङ, र अनुकूलन तालिम Acclimatization Training जस्ता स्वास्थ्य सेवा तथा उद्धार व्यवसायको ठूलो माग र आवश्यकता रहेको देखाउँछ। थप जानकारी को लागि तल कमेन्ट मा राखिएको लिंक हेर्नुहोस ।

16/06/2026

सन् २०२४ मा कुल आरोहीको सङ्ख्या ५,००४ रहेकोमा सन् २०२५ मा ५४% ले गिरावट आई २,३०१ मा सीमित भएको छ, जसले अफ-सिजन योजना र सेवा विविधीकरणको आवश्यकता औंल्याउँछ। यद्यपि, हरेक असफल आरोहणले नयाँ व्यावसायिक अवसर सृजना गर्ने इनसाइट यस डेटाले दिन्छ। थप जानकारी को लागि तल कमेन्ट मा रखिएको लिंक हेर्नुहोस ।

16/06/2026

क्षेत्रगत विश्लेषण हेर्दा, सगरमाथामा दुवै वर्ष (२०२४ मा २,८९५ र २०२५ मा १,२४१) सबैभन्दा बढी आरोही गएकाले त्यहाँ उद्धार, चिकित्सा र अक्सिजन आपूर्तिको ठूलो बजार छ। अर्कोतर्फ, अन्नपूर्ण क्षेत्रमा करिब ६५% र कञ्चनजङ्घामा करिब ७५% को उच्च असफलता दर रहेकाले ती क्षेत्रहरूमा उच्च-उचाइ अनुकूलन केन्द्र, पोषण सेवा, र प्राविधिक उपकरण भाडाका सेवाहरूको प्रचुर सम्भावना देखिन्छ। उल्लेखनीय रूपमा, मनास्लु क्षेत्रमा सन् २०२४ मा ५४% असफलता दर रहेकोमा सन् २०२५ मा सफलताको दरमा निकै सुधार आएको देखिन्छ, जसले प्रभावकारी तालिम र सहायता सेवाको महत्त्वलाई पुष्टि गर्दछ। थप जानकारी को लागि तल कमेन्ट मा राखिएको लिंक हेर्नुहोस ।

16/06/2026

फेवातालको किनारमा बसेर डुङ्गाहरूलाई हेर्दै, समय रोकिएजस्तो लाग्छ। पोखराको यो सुन्दरता शब्दभन्दा धेरै गहिरो छ।

15/06/2026

Api Nampa conservation Area

15/06/2026

बर्दिया तथा कृष्णसार संरक्षण क्षेत्रको होटल व्यवसाय, बजारको माग र पर्यटक आगमनको विश्लेषण हेराै है त !!! तथ्याङ्क अनुसार यस क्षेत्रमा वार्षिक करिब ३१,५०० पर्यटक आउने गर्दछन् र उनीहरूको औसत बसाई २ रात रहने गरेको छ। हाल यहाँ करिब ५० वटा होटल तथा होमस्टेहरू सञ्चालनमा छन्, तर वास्तविक मागको विश्लेषण गर्दा Pick Season मा समेत पर्यटकहरूलाई सेवा दिन केवल १५ देखि १९ वटा होटल मात्र पर्याप्त हुने देखिन्छ। यसले बजारमा मागभन्दा आपूर्ति बढी भएको र होटलको सङ्ख्या आवश्यकताभन्दा २.५ देखि ३ गुणा बढी रहेको देखाउँछ। वर्षभरि आउने पर्यटकमध्ये सबैभन्दा बढी अप्रिल महिनामा मात्रै १४.४% करिब ४,८६० जना पर्यटक आउने गर्दछन्, जसको अर्थ दैनिक आगमन दर १६२ जना हुन आउँछ। मासिक पर्यटक आगमनको ग्राफ २०२३ र २०२४ हेर्दा मार्च, अप्रिल र मे महिनामा अत्यधिक चहलपहल हुने र जुलाई तथा अगस्टको मनसुन सिजनमा पर्यटक आगमन निकै न्यून २ देखि ३ सय मात्र हुने गरेको देखिन्छ। सन् २०२३ को तुलनामा २०२४ मा पर्यटक आगमनमा सामान्य सुधार देखिए तापनि आर्थिक मन्दीका कारण पर्यटकहरूको उत्साहमा केही कमी आएको र संरक्षण क्षेत्रमा होटल पूर्वाधारको अभावका कारण पर्यटकहरू दिनभर घुमेर बर्दिया फर्किने गरेको उल्लेख छ । थप जानकारी काे लागि तल कमेन्ट मा राखिएको लिंक हेर्नुहाेस् ।

Nepal Trekking Experts

17/06/2026

17/06/2026

17/06/2026

16/06/2026

16/06/2026

16/06/2026

16/06/2026

16/06/2026

15/06/2026

15/06/2026

Address

Telephone

Website

Alerts

Contact The Business

Shortcuts

Share

Category