05/05/2025
#अटो #ग्यारेज #व्यवस्थापन #सम्बन्धी #सुचना
सिद्धार्थनगर नगरपालिका क्षेत्रभित्र सञ्चालन हुने अटो ग्यारेजलाई व्यवस्थित तथा एकीकृत गर्दै एकै स्थानबाट सेवा उपलब्ध गराउन वि.सं. २०७० साल देखि वडा नं. ९ स्थित गोनहियामा सिद्धार्थ अटो भिलेज स्थापना गरिएको सबैमा विदितै छ । यस नगरपालिकाले नगरलाई सफा, सुन्दर र पर्यटकीय दृष्टिले आकर्षक बनाउन उक्त स्थान बाहेक अन्यत्र ग्यारेज स्थापना तथा सञ्चालनमा रोक लगाईएको र अन्यत्र संचालनमा रहेका व्यवसायीलाई अटोभिलेजमा स्थानान्तरण हुन पटक पटक जानकारी गराईएकोमा वडा नं. ८ स्थित लुम्बिनी रोड क्षेत्रमा दर्ता नगरी अटो ग्यारेज सञ्चालन गर्ने र अन्यत्र दर्ता रहेका ग्यारेज समेत अनुमति बेगर सोही क्षेत्रमा सञ्चालन गरेको पाईएकोले वडा नं. ९ स्थित अटोभिलेज क्षेत्रमा ३५ दिन भित्र स्थानान्तरण गर्नु गराउनुहुन मिति २०८२/०१/०९ को नगर कार्यपालिकाको निर्णयानुसार साथै सम्बन्धित सबैको जानकारीको लागि यो सूचना प्रकाशित गरिएको छ।
