13/03/2025
Har du båt, eller berre dreg du på sjøen i tankane?
Bli med i båtlaget og kjenn på samhaldet, dugnadsånda og gleda ved å ha ein aktiv båt- og kystkultur rundt deg! Me jobbar saman om brygger, kaier og eit nyoppussa klubbhus – alt for at du skal få mest mogleg ut av opphaldet på sjøen. Meld deg inn og bli ein del av fellesskapet vårt!
Frå Årsrapporten står mellom anna:
Klubbhuset er ferdig!
Ein stor takk til Atle Avløyp og byggmeister Sigurd Kråkås for innsatsen som har gjort at me no har ferdigattest på klubbhuset.
Nytt prosjekt: Kaifronten
Ei gruppe på tre personar, leia av Arne Røed, arbeider med å byggje kaifront på dugnad. Materiale er kjøpt inn, fundamentet er støypt, skinner og bjelker er på plass. Me satsar på å legge tredekke ferdig til våren.
Vedlikehald på bryggene
Det er montert nummerskilt på båtplassane, justert breidde (som gav ein ekstra plass), skifta kjettingar og sjaklar på Valen, og sett opp nye landfeste i Hardbakkevika.
Dugnad
Det er rydda avfall, slått gras og kratt, og totalt er det utført 691 timar dugnad. Tusen takk til alle som har bidrege!
