18/10/2020
Жуулчдад нээлттэй болон хаалттай орнууд
Олон улсын агаарын тээврийн холбооноос (IATA) Covid-19 цар тахлын улмаас жуулчдыг хүлээн авахгүй байгаа болон хилээ нээсэн орнуудын газрын зургаа шинэчлэн гаргалаа.
Жуулчдад бүрэн хаалттай орон:
Азербайжан (11-р сарын 2 хүртэл хаалттай)
Алжир (нислэг үйлдэхгүй байгаа)
Аргентин (гадаадын иргэдийг 10 сарын 20 хүртэл нэвтрүүлэхгүй)
Ботсван (Нисэх буудлууд ажиллахгүй байгаа)
Венесуэл (10-р сарын 25 хүртэл хил хаалттай),
Гайана (Нисэх буудлууд ажиллахгүй байгаа )
Израиль (гадаадын иргэдийг хүлээн авахгүй)
БНАСАУ (жуулчин хүлээн авахгүй)
Лаос (10 сарын 31 хүртэл гадаад иргэдийг хүлээн авахгүй)
Ливи (нислэг бүрэн хориглогдсон)
Мадагаскар (тусгай үүргийн онгоцноос бусад нислэгийг хориглосон)
Монгол (10 сарын 31 хүртэл жуулчин хүлээн авахгүй)
Мьянмар (10 сарын 31 хүртэл гадаад иргэн хүлээн авахгүй)
Папуа Шинэ Гвиней (гадаадын иргэдийг хүлээн авахгүй)
Сири (10-р сарын 22 хүртэл нислэг хориотой)
Туркменистан (11 сарын 1 хүртэл тусгай үүргийн нислэг үйлдэнэ)
Уругвай (тодорхойгүй хугацаагаар хилээ хаасан),
Чили (10 сарын 20 хүртэл хил хаалттай)
Шри-Ланк (Тусгай үүргээс бусад нислэг цуцлагдсан)
Эритрей (нисэх буудлууд хаалттай).
🛫 Жуулчдад нээллтэй орнууд
IATA-гийн мэдээлснээр өнөөдрийн байдлаар дэлхийн 8 орон л жуулчдад нээлттэй бодлого баримталж байгаа гэнэ.
Мексик: гадаадын иргэдийг хүлээн авч байгаа. Коронавирусний шинжилгээний баримт хэрэггүй. Тусгай анкет бүртгүүлнэ.
Турк: гадаадын иргэдийг хүлээн авч байгаа. Коронавирусний шинжилгээний баримт хэрэггүй. Онгоц дотор тусгай анкет бөглөнө. Нисэх буудал дээр халуун хэмжинэ.
Бразил: 7 сарын 29-өөс гадаадын жуулчдыг хүлээн авсан (дотоодын 5 мужид нэвтрэх хориотой). Коронавирусний тест шаардлагагүй. Бразилд байх хугацаандаа эрүүл мэндийн даатгалд хамрагдах шаардлагатай.
Албани: гадаадын иргэдийг хүлээн авч байгаа. Коронавирусний шинжилгээний баримт хэрэггүй.
Афганистан: гадаадын иргэдийг хүлээн авч байгаа. Коронавирусний шинжилгээний баримт хэрэггүй.
Хаити: гадаадын иргэдийг хүлээн авч байгаа. Коронавирусний шинжилгээний баримт хэрэггүй. Онгоц дотор эрүүл мэндийн асуулгад хариулж, нисэх буудалд халуунаа үзүүлнэ.
Хойд Македон: гадаадын иргэдийг хүлээн авч байгаа. Коронавирусний шинжилгээний баримт хэрэггүй. (Босни Герцеговин, Черногор, Косов, Сербийн иргэд ирэхээсээ 72 цагийн өмнө халдваргүй гэдгээ баталсан шинжилгээний бичигтэй байх ёстой).
Серби: гадаадын иргэдийг хүлээн авч байгаа. Коронавирусний шинжилгээний баримт хэрэггүй.
