01/09/2021
Тээврийн мэдээ
Эрээн-Замын-Үүд дэх ачааны бөөгнөрөл бүрэн шийдэгдээгүй байгаа ба Тяньжин боомт дахь чингэлгийн бөөгнөрөл хэвээр байна. Уг боомтоос өдөрт чингэлгийн нэг галт тэрэг хөдөлж байна. Хэдий өдөрт нэг галт тэрэг гарч байгаа ч уг боомтод өдөрт ирэх чингэлгийн тоо их байгаа нь боомтын ачаалал буурахгүй байх гол шалтгаан болж байна.
Одоогоор 6 дугаар сард Тяньжин боомтод ирсэн чингэлгүүд ачигдаж байгаа ба зарим сүүлд ирсэн чингэлэг өмнө нь ирсэн чингэлгийн дээр давхарлагдсан байгаа учир түрүүлж ачигдах тохиолдол гарч байна.
Та бүхэнд өмнөх 7 хоногийн хилийн мэдээллийг хүргүүлж байна.
Авто зам: Замын-Үүд хилийн боомтоор 2021 оны 8 сарын 30-ний өдрийн байдлаар Эрээн талруу 106 ачаагүй хоосон машин, 4 хоосон чингэлэг ачсан машин, 30 нүүрс ачсан машин байгаа бөгөөд нийт 140 машин гарсан байна. Эрээн- Замын-Үүд чиглэлд 150 машин орж ирснээс ачаагүй хоосон машин 18, импортын хөлөөрөө орж ирж буй 23, ачаатай 102 машин орж ирсэн байна.
Мөн Монгол талаас нүүрс ачин гарч буй машинууд, ачаагаа буулгаад буцаж орж ирэхдээ Эрээн талаас ачаа ачин орж ирэх боломжтой болсон байна.
Төмөр Зам: 2021 оны 8 сарын 23- 8 сарын 30-ны өдрүүдэд Тяньжин боомтоос 528 чингэлэг Замын-Үүд боомтоор хүлээн авсан ба Харин Замын-Үүд-Эрээн боомтоор 8 сарын 23- 8 сарын 30–ны өдрүүдэд нарийн царигаар 619 вагон хүлээж авсан бөгөөд өргөн царигаар 560 вагон хүлээлгэж өгсөн байна.
