31/07/2026
မုန့်ဖိုးလက်ဆောင် ပေးထားတယ်နော် မိတ်ဖက်တို့ရေ 💚
ခရီးစဉ်တိုင်းမှာ စီးနင်းသူ ခရီးသည်တွေအပေါ် အကောင်းဆုံး ဝန်ဆောင်မှုပေးနိုင်ခဲ့တဲ့ မိတ်ဖက်တို့ရဲ့စိတ်စေတနာနဲ့ အားထုတ်မှုကို အသိအမှတ်ပြုတဲ့အနေနဲ့ Grab Myanmar က မိတ်ဖက် အယောက် ၃,၀၀၀ ကို ရွေးချယ်ပြီး တစ်ဦးကို ကျပ် ၃၀,၀၀၀ နှုန်းနဲ့ ဇူလိုင် ၃၀ ရက်နေ့မှာ Cash Wallet ကတစ်ဆင့် မုန့်ဖိုးလက်ဆောင် ပေးအပ်ခဲ့ပါတယ်။
မိတ်ဖက် အယောက် ၃,၀၀၀ ထဲမှာ ခရီးစဉ်ပယ်ဖျက်မှုနှုန်း အနည်းဆုံး မိတ်ဖက်ယာဥ်မောင်း အယောက် ၁,၀၀၀၊ ကြိုရမယ့် ခရီး နီးနီးဝေးဝေး မညည်းညူဘဲ စေတနာအပြည့်နဲ့ ဝန်ဆောင်မှုပေးခဲ့တဲ့ မိတ်ဖက်ယာဉ်မောင်း အယောက် ၁,၀၀၀ နဲ့ ခရီးသည်တွေရဲ့ ချစ်ခြင်းအထိမ်းအမှတ် 5 Stars တွေကို ရေရှည်ထိန်းထားနိုင်တဲ့ မိတ်ဖက်ယာဉ်မောင်း အယောက် ၁,၀၀၀ တို့ ပါဝင်ပါတယ်။
ရှေ့လျှောက်လည်း ခရီးသည်တွေရဲ့ လိုရာခရီးကို ပို့ဆောင်ရင်း ခရီးသည်တွေရဲ့ ချစ်ခြင်း မေတ္တာ၊ စေတနာနဲ့ အတူ မြင့်မားတဲ့ ဝင်ငွေတွေကို ပိုင်ဆိုင်နိုင်ပါစေနော်။
ဒီမုန့်ဖိုးလက်ဆောင်ကို ရရှိထားတဲ့ မိတ်ဖက်တွေလည်း ဒီအောက်မှာ မန့်လေး ရေးပေးသွားပါဦးနော့။
