Let’s Be Adventurers Si’s Diary

11/01/2023

ပုံတပုံတင်ပီး ကော်ဖီတခွက် အခမဲ့
သောက်ရမယ့် အခွင့်အရေး
January 2023 တလတည်း promotion လုပ်ပေးထားတာပါ။

သွားဖြစ်အောင်သွားပီး ရအောင် try သင့်ပါတယ်။




https://www.facebook.com/rioygn/?mibextid=LQQJ4d

14/05/2022

14/05/2022

08/01/2021

ဘုရားဖူးမယ် စျေးဝယ်မယ် အပြန်
ထန်းရေသောက်မယ် 🛣🛣

ရန်ကုန်မြို့ အမြန်လမ်း တိုးဂိတ်ကနေ ၁၅ မိနစ်ခန့်သာကြာ တဲ့ နေရာလေးတခု

မိုင်တိုင် ၁၅ မိုင် ၇ ဖာလုံက
“ရွှေပြည်အေးဘုရားနဲ့ စျေးတန်း”
(ရန်ကုန် မန်းလေးလမ်း ရန်ကုန်ဘက်ခြမ်းက)

ရန်ကုန်မြို့တွင်း ဘုရားတော်တော်များများ
ကျန်းမာရေး မကောင်းတဲ့ မြို့ပြအနေနဲ့
ပိတ်ပင်ထားမှု့ကြောင့် စိတ်ပြေ လက်ပျောက်
အပန်းလည်းပြေ အမောလည်းပျောက်
အနားလည်းယူရင်း ၁၅ မိုင် ၇ ဖာလုံက
“ရွှေပြည်အေး ဘုရားကြီး” ကို
ရောက်ခဲ့လေတယ်။
တော်တော်များများရောက်ဖူးကြမှာပါ။

ခု လို အချိန် ရောက်ရောက်ခြင်းဘဲ
မွန်းကြပ်နေတဲ့ စိတ်ခံစားမှု့တွေ
အလွှားလိုက် ကွာကျသွားလေရဲ့
ပူပင်ဆွေးမြေ့စရာတွေ ဘယ်ကို
ရောက်သွားလေမှန်းမသိ ရှင်းရှင်းပြောရရင်
ကိုဗစ်ကြီးကိုတောင် ခဏတာမေ့သွားတာ။
ဘုရားကြီးကို ရောက်တော့ ညနေစောင်း
ပုံမှန်ဆို ဘုရားတွင်းဘက် လှေခါးများ
အသုံးပြုရပီ အခုခါတော့ ပိတ်ထားလို့
အောက်ထပ်က ဘုရားကိုဘဲ
ကြည်ညိုဖူးမြော်လို့ရတယ်
ကုသိုလ် ပြုခြင်သူများကတော့
ဘုရားပန်းကပ်လို့ရ အလှူငွေထည့်ပေါ့။
ပန်းဆိုလည်း အိုးလေးပါပီးသား
အသင့်ကပ်ရုံ ပန်းအိုးတအိုးကို
၅၀၀ ကျပ်နဲ့ ကုသိုလ်ပြုနိူင်တယ်။
ဘုရား မျက်နှာမူရာ လက်ယာယံ ဘက်မှာ
တောစျေးသည်တွေရောင်းတဲ့ စျေးရုံကြီး
တောတောင်သီနှံ အစုံ စျေးအမျိုးမျိုး အဖုံဖုံ
ကြက်ကြော်ကတော့ နာမည်ကြီး
တကောင်
၁၅၀၀/၂၀၀၀/၂၅၀၀/၃၀၀၀ အစားစားဘဲ
လတ်မလတ်တော့ သေချာကြည့်ကျပေါ့
စျေးထဲမယ် ရောင်းသူတောလူကြီးတွေများတော့
ရိုးသားကျတယ် ဖော်ရွေကျတယ်။
အသီအနှံအစုံ ထုတ်ပီးသား တ ထုတ် ၅၀၀
ရွေးဝယ်သူများလို့ ထင်တယ်
အသင့်ထုတ်ထားတာလေးတွေ
တော်တော် တန်ချက်😊
ကိုယ်တွေကတော့ ပြာရေထုပ် လို့ခေါ်တဲ့
ကောက်ညှင်း ဖတ်ထုပ်အသေးလေးကို
အမိ အရ ဝယ်စားဖြစ်တယ်။
သူကဆိုရင်လေ (ပြာရေထုပ် ကိုပြောတာ)🐽
ပုံမှန် ဖက် တွေမဟုတ်ဘဲ ဝါးရွက်နဲ့
ထုတ်ထားတော့ စားလိုက်တိုင်း
ကောက်ညှင်း အရသာ တင်မက
ဝါးသင်းရနံ့ လေးပါ ထိထိမိမိ ရတော့
အရမ်းကြိုက် ၁၀၀၀ ဖိုး အထုတ် ၃၀ ပါ
တန်ချက်ကတော့ လျှံ ထွက်နေတာဘဲ 🐸
အပြန် ၁၂ မိုင် ၄ ဖာလုံ က
(ရန်ကုန် မန်းလေးလမ်း ရန်ကုန်ဘက်ခြမ်းက)
ထန်းရေဆိုင်လေးကြောင့် ပိုလို့တောင်
အပန်းပြေခဲ့ရတယ် ထန်းရေကတော့
အရမ်းကြီးမစစ်ပေမယ့် ရန်ကုန်က
ဆိုင်တွေထက်တော့ အဆပေါင်းများစွာ
သာတယ်။ ရိုးသားလှတဲ့ တောနံ့ လေးကဘေးက အဖော်ပြုပေးနေလေရဲ့။
စိတ်ပါရင် ညနေစောင်း
မိုင်တိုင် ၁၂ မိုင် ၀ ဖာလုံက ဆည်မှာ
ရေပါဝင်ကူးလို့ရတယ် 🏊🏻‍♂️🏊🏻‍♂️🏊🏻‍♂️🏊🏻‍♂️🏊🏻‍♂️
(ရန်ကုန် မန်းလေးလမ်း ရန်ကုန်ဘက်ခြမ်းက)
သွားချိန်တုန်းက လူများနေလို့ မဝင်ဖြစ်လိုက်ရဘူး။✌️
ပုံတွေ မှာ တခုခြင်း ကြည့်ပေးဦး✌️✌️

⭕️Tips⭕️
ညနေစောင်း ဘုရားကိုအရောက်သွားပါ
အပြန် ထန်းရေ သောက်မယ်ဆို ဘုရားစျေးရုံကကြက်ကြော်ဝယ်သွားပါ အရမ်းမိမိုက်
ရေကူးခြင်သေးရင် ဘောင်းဘီတိုဆောင်သွားပါ

#မောင်
#ရွှေပြည်အေးဘုရားကြီး
#အမြန်လမ်း
#၁၅မိုင်၄ဖာလုံ
#ထန်းရေ
#ရေကူး

26/12/2020

သဘာဝနဲ့ တွေ့ဆုံခြင်း 🌿

တိုက်ကြီး ဂျိုးဖြူ ရဲ့ ၃ ထပ်ရေတံခွန်နားက
ဂျိုးဖြူ camp ground 🏕

https://www.facebook.com/gyophyucamp/

ကျန်းမာရေး မကောင်းတဲ့ကမ္ဘာထဲ
ခရီးမသွားရလို့ မွန်းကြပ်နေသူများ
ခရီးသွားဖို့ ပြင်ဆင် နေသူများအတွက်
ဘာထောက်ခံချက်မှ မလိုဘဲ သွားနိူင်တဲ့
နေရာလေးတခု ပြောပြမလို့
ရန်ကုန် ကနေ ၂ နာရီလောက် ဘဲကြာတယ်
ကိုယ်ပိုင်ကားမရှိလည်း စိတ်ညစ်စရာကိုမလိုတာ လိုင်းကားနဲ့ တိုက်ကြီးစျေးကို သွားပီးရင်
ဆိုင်ကယ် ကယ်ရီနဲ့ ၂၅၀၀ ပေးရင်တန်းပီးရောက်တယ်။

အာ့ campground🏕 မှာဆို
လုပ်နိူင်တဲ့ Activities တွေက
Hiking 🥾, Biking 🚴‍♀️, Cooking 🧑‍🍳,
Campaign ⛺️, Walking in the forest 🌳
အများကြီးတွေရှိတယ် Camp 🏕 နားမှာဘဲ စမ်းချောင်းသေးသေးလေးတခုရှိတယ်။
အရမ်းစိတ်ဝင်စားဖွယ် ပျံလွန်တော်မူသွားတဲ့
ဝိဇ္ဇာ လိုင်း ဆရာတော် ၂ ပါးရဲ့ မပုတ်မသိုးတဲ့ ရုပ်ကလ္လပ် အပြင် အခြား နတ်နန်း တွေအပြင် တရက်တာ လည်လို့ အပြည့်ဖြစ်နေမှာ
(ပါးစပ်တော့ ပေါက်ကရမပြောမိစေနဲ့နော်)
သုံးထပ်ရေတံခွန်ကနေ ၂၀ မိနစ်လောက် လမ်းလျှောက်ရင် အရမ်းလှတဲ့ ကျွဲကျရေတံခွန် အကြီးစားကြီး တခုရှိတယ်။ မင်မင်ကတော့ အခါမသင့် အခွင့်မသာလို့ မရောက်ခဲ့ရဘူး ☹️
သွားဖို့ အကြံပြုတာ အရမ်း မဝေးတဲ့နေရာမို့လို့
နေ့ခြင်ပြန် ညအိပ် package တွေ ရှိပါ့
အပြေး အလွှား အဖွဲ့နဲ့ သွားသင့်တဲ့ နေရာလေးတခုပေါ့💛 အရမ်းလှတဲ့ နေရာလေး
အကြိုက်ဆုံးကတော့ရေချိုးခန်းလေး
ခရု ပုံစံ လေးက ချစ်စရာ အရမ်းဖြစ်နေတာ။

https://www.facebook.com/gyophyucamp/

နောက်ထပ်အရမ်းစိတ်ဝင်စားဖို့ကောင်းတဲ့နေရာက ဂျိုးဖြူကနေ ရေတံခွန်ဘက်ကို ကွေ့တဲ့ ၆ ပေတံတားပေါ်က ဆင်းတဲ့အခါ
အုတ်ဂူ အဝါလေး က အရမ်းထူးဆန်းတာ
အာ့ အဘွားက အရက်သောက်ပီး တရွာလုံးကို စိန်ခေါ်ရင်း ကွယ်လွန်သွားတာလို့ ရွာခံတွေပြောပြလို့သိရတာ နာမည်က ဒေါ်ဝဲ တဲ့ 😷

#တိုက်ကြီး

#ဂျိုးဖြူ

#ကြက်သံပုန်းကင်

20/08/2020

💻 Gtalk , Vzo , MIRC ခေတ်ကို
မှီသောသူများသာ share ရန် 👨‍💻 👩‍💻

ကိုယ်တို့ကျောင်းသားဘဝတုန်းက
အင်တာနက် ဆိုတာလား? 🌏⚡️📡
ဒီလို…🔌💡

💡Internet Cafe ဆိုတဲ့ ယဉ်ကျေးမှုဟာ
ကိုယ်တို့လူငယ်တွေ အကြား
သိပ်ခေတ်စားတယ်…
လူတစ်ကိုယ် အကောင့်တစ်ခုမှ
ဖွင့်မထားနိုင်ရင် မျက်နှာက
XXS လောက် ငယ်တယ်…

အကောင့်တစ်ခု ပိုင်ဆိုင်ဖို့ ဆိုတာကလည်း
ခုလို မလွယ်ဘူး…
လုပ်တတ် ကိုင်တတ်တဲ့
တစ်ယောက်ယောက်ကို ဆရာတင်ရတယ်…
ဂျီတော့လ် တို့ ဂျီမေးလ်တို့ဆိုတာ လာ မပြောနဲ့…
ကီးဘုတ်တောင် လက်ညှိုးနှစ်ချောင်းနဲ့
တောင်နှိပ် မြောက်နှိပ် နှိပ်တဲ့ခေတ်…😂😂😂

အဲ နာမည်ခပ်ကြောင်ကြောင်
အနောက်က နံပါတ်တို့ မြို့နာမည်တို့နဲ့
ကိုယ်ပိုင်အကောင့်တစ်ခု ရပြီ ဆိုရင်တော့ အကောင်ပဲ…
အင်တာနက်ဖိုးနဲ့ မွဲတော့မယ့် အကောင်…😁

အကောင့်နာမည်တွေက
Pinky lay01 တို့ rabbit lay.ygn တို့ aung02.mdy တို့ maymyothulay တို့စသဖြင့်ပေါ့…
သူငယ်ချင်းတစ်ယောက်ဆို apyarlay ဆိုပြီး လုပ်လာလို့ ဒုက္ခရောက်ရသေးတယ်…😂😂😂
အပြာလေးတောင် ရိုးရိုးအပြာလေး မဟုတ်ဘူး
gtc.apyarlay ဆိုပဲ…😂😂😂

အကောင့်မှာ ပုံအစစ် တင်တဲ့သူတော့
ရှားသေးတယ်…
ကိတ်မုန့်ပုံ ကြွက်ပုံ သစ်ရွက်စိမ်းပုံ စသဖြင့်
တင်ကြတယ်.…
ဒါလည်း မမြင်ရဘဲ
တစ်ယောက်နဲ့တစ်ယောက်
ဖီးတက်ပြီး ကြူကြတာပဲ…😁
အကောင့်မှာလည်း မီးသုံးခု ပါတယ်…
🟢မီးစိမ်းနေရင် အားနေတယ်…
🟡မီးဝါနေရင် တစ်ခုခု လုပ်နေတယ်…
🔴မီးနီပြထားရင် လုံးဝမအားဘူး ဆိုတဲ့ ယဉ်ကျေးမှုနဲ့ သွားတယ်…

အဲ့ဒီခေတ်ကတော့ မြန်းဂလိ လို့ခေါ်တဲ့
အသံထွက်အင်္ဂလိပ်ဟာ အသုံးအများဆုံး
ဘာသာစကားပဲ…
မြန်မာလို သိပ်မရိုက်တတ်ကြဘူး…
မြန်မာစာ ရိုက်တတ်သူဟာ
အမေရိကတိုက်ကို စတင်တွေ့ရှိသူထက်
မျက်နှာပွင့်တယ်…😎

ခုခေတ် status ရေးသလိုပဲ
အကောင့်နာမည်နားမှာ
ကိုယ့်ခံစားချက်လေးတွေ ရေးထားလို့ရတယ်.…
တစ်ချို့က ကဗျာလေးတွေ
သီချင်းစာသားလေးတွေ
တစ်ချို့ကလည်း ဟာသလေးတွေ ဒါမှမဟုတ်
လန်ထွက်အောင် ဒန်ခွက်နဲ့ ဘာဖြစ်တယ်ဆိုလား အဲ့လိုမျိုး ပေါက်ကရလေးတွေလည်း ရေးလို့ရတယ်…

အံမယ် လျှော့တော့ မတွက်နဲ့… ☺️📹📞
VZO ဆိုတဲ့ ပုံထွက် ခပ်ညံ့ညံ့နဲ့ video call ရှိတယ်…
ကင်မရာကို ကိုယ့်မျက်နှာ တည့်တည့်ချိန်ပြီး
ပြဲစကော မျက်နှာကြီးတွေနဲ့ ကြူတာ ကြူတာ ဆိုတာ…
အဲ့တုန်းကတော့ တကယ့်အနှစ်ပဲ…
VZO ဆိုတာ တကယ့်
👨‍💻 VIP ပုဂ္ဂိုလ်နဲ့မှ ပြောကြတာ… 👩‍💻

အကောင့်တစ်ခု ရပြီဆိုတာနဲ့
နိုင်ငံတော်သမ္မတထက်
အလုပ်ရှုပ်ပြီဆိုတာ ဗေဒင်မမေးနဲ့…
သမ္မတကမှ ရုံးပိတ်ရက် ရှိဦးမယ်…
(ဂျီတော့ပ် ယူဆာတွေက ပိတ်ရက် မရှိဘူး…)
အင်တာနက်ဆိုင်သွားပြီး တစ်နာရီ လေးရာမျိုး ငါးရာမျိုးပေးပြီး ချက်တင်ထုကြတာ… 🤣

လိုင်းကျတဲ့နေ့ဟာ ယူကြုံးမရ
အပူလုံးကြွ ကြတဲ့နေ့ပဲ…
လည်နေတဲ့ အဝိုင်းကို တစ်နာရီ ငါးရာလောက်ပေးပြီး
ဆင့်ဟွာ ခွေးမျှော်သလို စခရင်ကြီး
ထိုင်ကြည့်ပြီး စောင့်ကြတာ စောင့်ကြတာ ဆိုတာ…
ဆိုင်ရှင်က ကျော်တတ် ခွတတ်ရင်တော့
ကိုယ့်စက်က ဝင်လို့ရတယ်…
ဒီတော့ လိုင်းကောင်းမယ့်ဆိုင်ကို
တစ်မြို့လုံးပတ်ပြီး ရေကြည်ရာ မြက်နုရာ ရှာရတယ်… 🤣🤣🤣🤣

😁✌️ရွှေ့ပြောင်းကြူစိန် ဒုက္ခသည်တွေပေါ့…😂😂😂

အံမယ်… လာသေးတယ်
Gmail ဆိုတဲ့ဟာ…
တစ်နေ့တစ်ခါ မေးလ်စစ်ကြသတဲ့…
နေကောင်းလား? စားပြီးပြီလား?
ဒီသီချင်းလေး နားထောင်ကြည့်
ဒီစာလေးဖတ်ကြည့်ပြီး မျှဝေပါ ဆိုတဲ့
အီးမေးလ်တွေကို နေ့စဉ် စစ်ကြည့်ကြရတယ်…
မသိရင် သံရုံးက ဝန်ထမ်းတွေလိုပဲ
မေးလ်ကို အရေးတကြီး စစ်ကြ
Forward တွေ လုပ်ကြရတာ…

ဒီကတစ်ဆင့်တက်ရင်တော့
အပြင်မှာ မိတ်ဖွဲ့ကြတယ်… 👦🏻👩🏻👦🏻👩🏻👦🏻👩🏻
ဘယ်ဆိုင်မှာ ဘယ်နှနာရီမှာ
အင်္ကျီဘာအရောင် ဝတ်ပြီး လာခဲ့ပါ ဆိုပြီး
အချိန်းအချက် ပြုတယ်…

❤️တစ်ဖက်လူက ချောနေမလား 👀
ရင်ခုန်မှုကလည်း တစ်မျိုးလေးပေါ့…
မချောလည်း ဘာမှ မဖြစ်ပါဘူး…
တွေ့တာနဲ့ ဝမ်းသာအားရ နှုတ်ဆက်ကြတယ်…

တစ်ချို့ ခြေလွန် လက်လွန် ပြောထား မိတဲ့သူတွေကတော့
တစ်ဖက်လူက ပုံမလာရင် ချောက်ထဲကျရန် လက်နှလုံးအလိုမှာ သူမမြင်ခင် တိတ်တိတ်လေးပြန်သွားပြီး အကောင့် ဘလော့တတ်ကြတယ်…

ကိုယ်တို့ခေတ်တုန်းက
📡အင်တာနက် ဆိုတာ အမုန်းစကား မရှိဘူး…😇✌️

Say Hi က စနှုတ်ဆက်မယ်…
အဆင်ပြေရင် စကားကြောရှည်မယ်…
ဟာသလေးတွေ ဗဟုသုတလေးတွေ
သီချင်းလေးတွေကို
တစ်ယောက်နဲ့တစ်ယောက် share ကြတယ်…
ကော်ဖီလေးတစ်ခွက်နဲ့ သီချင်းနားထောင်ရင်း
လိုင်းသုံးတယ်…
လိုင်းကျရင် မျောက်လို မှိုင်တယ်…😂😂😂😂
ဒီလောက်ပဲ…

တောသားဆိုတာလည်း မရှိသေးဘူး…
ဘယ်ရှိမလဲ…
ကိုယ်တိုင်ကိုက တောသားလေ…
GTalk ဆိုတာကလည်း
ကိုယ်ကျောင်းတက်တဲ့ မြို့ကြီးမှာပဲ သုံးခွင့်ရတာ…
ကျောင်းပိတ်လို့ နယ်ပြန်သွားရင်
ဟာတာတာကြီး…
သံယောဇဉ် အမျှင်တန်းသူတွေ ရှိရင်တော့
ဖုန်းနံပါတ် ပေးထားခဲ့ပြီး ဆက်သွယ်ကြတယ်…

ဘာပဲပြောပြောလေ…
အဲ့ဒီတုန်းက လိုင်းသုံးရတာ 📡
တကယ် ပျော်စရာ စိတ်လှုပ်ရှားစရာ 
အချိန်တွေပါပဲလေ… 😇😇😇😇😇
တစ်ခါတစ်လေတော့လည်း
အဲ့ဒီ ခံစားမှုလေးကို ပြန်လွမ်းမိသား…
ယူတို့ရော တစ်ခေတ်တစ်ခါက ခင်တွယ်ခဲ့ရတဲ့
ဂျီတော့လ် အကောင့်လေးကို
ပြန်မလွမ်းမိဘူးလား… ❤ ❤ ❤️

05/08/2020

☟︎ ꪑꫀꪀ 𝓲ꪀ 𝓽ꪮ᭙ꪀ 𖨆☟︎

၁၉ လမ်း နားက တရုတ်ဘုံကျောင်းမှာ
ဘယ်လို ဓာတ်ဖမ်းကြမလဲ ။😁

29/07/2020

ရန်ကုန် တောင်ဝိုင်း မိုးမချုပ် တရက် ခရီးစဉ်လေး

27/06/2020

ကျွန်တော် ဆိုသည်မှာ
ကျွန်တော် တတ်သိ သလောက်
ဗဟုသုတ၊ အတွေ့အကြုံ
အသေးအမွှားလောက်နဲ့
တတ်နိူင်သမျှ၊ တခါတခါ ပို၍တောင်
အစွမ်းကုန်ကြိုးစား အချိန်ပေး
ကူညီပေးတတ်တဲ့ မေတ္တာ
စိတ်ရင်းဓါတ်ခံ ကြောင့်
ရင်းနှီးတဲ့ သူငယ်ချင်း တချို့သာ မက၊
မရင်းနှီးလှတဲ့ လူတချို့ကို
ရှု့ထောင့်ပေါင်းစုံကနေ
အထောက်အပံ့တွေ ဖေးမပြုခဲ့ပေးဖူးတယ်။

တခါတခါ စဉ်းစားမိတယ်
“ကိုယ့်ဖြတ်သန်းခဲ့တဲ့ အတွေ့အကြုံ၊
ဗဟုသုတ တွေကပဲ
စျေးအရမ်းပေါနေတာလား?
ဒါမှ မဟုတ် ငါကိုယ်တိုင်
ကစျေးချ/နိမ် ခံနေတာလား”
ဒီမေးခွန်းအပေါ်
အချိန် အကြာကြီးပေးပီး
စဉ်းစားမိလို့ ရခဲ့တဲ့ အချိန်မှာ
အဖြေက
“ လူတွေက အလကားရရင် ဘာမှ
တန်ဖိုးမထားတတ်ကြလို့။“ဆိုတဲ့
အဓိက အချက်ကို ကျွန်တော်သိရှိသွားတယ်။

ကျွန်တော် တန်ဖိုးရှိအောင်
စျေးတင်မှ ရတော့မယ်။
ဘေထုပ် တထည်လို
ကျွန်တော့ဘဝ ကို
စျေးပေါပေါနဲ့ အများသုံး အဖြစ် ခံမလား?
Branded product ပစ္စည်းလို
ထိုက်တန်တဲ့သူ/တကယ်လိုအပ်နေတဲ့သူတွေ
ဆီမှာဘဲ အနည်းစုသုံး အဖြစ်ခံမလား?

အတွေးနှစ်ခုကြားထဲ
ကျွန်တော် ကိုယ့်ကိုကိုယ် စျေးတင်မှ
ဖြစ်တော့မယ်ဆိုတာ သိလိုက်ရပီ။
ကျွန်တော့်ကို ဘေထုပ်လိုအသုံးပြုမယ့်
လူတန်းစားတချို့ကို
ငါ လက်လွှတ်မှ ရတော့မယ်၊
ငါဉပေက္ခာပြုမှရတော့မယ်။
ငါကူညီပေးနေတဲ့ အရာတွေ ကို
တန်ဖိုး အသိစိတ် မရှိတဲ့ သူတွေကို
ငါလက်မလွှတ် နိူင်မခြင်း
ငါ ဘယ်တော့မှ
တစုံတယောက် တန်ဖိုးထားမဲ့
Branded product
ဖြစ်မှာ မဟုတ်ဘူး ဆိုတာ အကြွင်းမဲ့
ယုံကြည်လာခဲ့တော့ပေသည်။ ။

“ကျွန်တော် အပေါ်မှာ ပြောခဲ့တဲ့
တန်ဖိုးဆိုတာ...
ငွေကြေး ပစ္စည်း ဥစ္စာ ဓန ကို
ရည်ညွှန်း ဆိုလိုခြင်းမဟုတ်ရပါ။”

#ငါသည်အပေါစားမဟုတ်ပါ
(လူတိုင်းဟာတန်ဖိုးရှိပါတယ်
လမ်းဘေးက ခရုလေးတကောင်တောင်
တန်ဖိုး အရမ်းရှိပါတယ် သင်သာ
တန်ဖိုးထားတတ်မယ်ဆိုရင်ပေါ့)
#အတွေးပေါင်းသောင်းခြောက်ထောင်

23/06/2020

၁၁၃ မိုင်က ဖြူးချောင်းဆည် အလှ🌊🌊

မအေးအေးဝင်း စီစဉ်သလို
မဟုတ်တော့ အမှတ်မထင်
သွားမယ် လိုက်ခဲ့ဆိုပီး
ရောက်သွားတာ ။
ရန်ကုန်နဲ့ နီးတယ်ဆိုတော့
အရမ်းကြီးမျှော်လင့် ချက် မကြီးခဲ့ပေမယ့်
ရောက်ရောက်ခြင်း 𝗪𝗼𝗪(ဝိုးးး) ဖြစ်ခဲ့ရ
ဒီလောက်လှတဲ့နေရာ ကို
ငါဘာလို့ မသိခဲ့ရလေခြင်း ( ဝါ )
ဝတ်သွားတဲ့ အင်္ကျီက ဂွမ်းနေခြင်း
ပင် ဖြစ်ပေသည်။😬😬😬😬

ရန်ကုန်က နေသွားမယ်ဆိုရင်
ရန်ကုန် မန္တလေး အမြန်လမ်းမ
အတိုင်းသွား ဂိတ်ကြေး ၃၀၀၀ ကျပ်
ပေးရပါတယ်။( ဖြူးသွားမယ်လို့ပြော )
အာ့လိုနဲ့ လမ်းမတလျှောက်
ပဲခူးရိုးမ တောတောင်တန်းတွေ
ငေးရင်း၉၉ မိုင် ၇ ဖာလုံ
(အာ့နေရာ အရမ်းလှ)
မှာ ဓာတ်ပုံဆင်းရိုက်ကြတယ်။
ရေသောက်လိုက် ခဏခဏ
အပေါ့ဆင်းပေါက် လိုက်နဲ့ ကိုယ်တွေ
အဖွဲ့ နားရတယ်ကို မရှိပါဘူး😂။
ရန်ကုန်ကနေ မနက်စာ စားအပီး
မနက် ၈ နာရီ စထွက် ပီး
(စောနိူင်ရင်ပိုကောင်းတယ်)
၂ နာရီခွဲ ၃ နာရီ သာသာလောက်
မောင်းရင်း ၁၁၃ မိုင် ၅ ဖာလုံ
အရောက် လမ်းမရဲ့ ဘယ်ဘက်ခြမ်း
ကွေ့ကြောလေးအတိုင်း ကွေ့ပီး
(🔥၁၁၃/၅ ရောက်ရောက်ခြင်း
ဘယ်ဘက်ကို ကွေ့လို့ရတဲ့
လမ်းဖြတ်လေးတခုရှိတယ်🔥)
ဖြူးချောင်းဆည် သို့
ဆိုင်းဘုတ် လမ်းလေး အတိုင်း
နင်းမောင်း ဖြတ်သန်းလာပီး
မကြာခင်မှာဘဲ သူ့ဆီရောက်လာတယ်။
မြင်မြင် ခြင်း တွေ့ရတဲ့
အရာအားလုံးက အရမ်းလှပနေခဲ့တယ်။
အထူးသဖြင့်
တောင်တန်းစိမ်းစိမ်းကြီး အပေါ်က
ကောင်းကင် ပြာနုနု လေးရဲ့ လှပနေမှု့၊
ဆည် ရေပြင် ငြိမ်ငြိမ်လေးက နေ
အရှိန် အဟုန်း ပြင်းပြင်းနဲ့
အပြေးအလွှား လှုပ်ခါ တိုက်ခတ်
လာတဲ့ လေညှင်းကြမ်းကြမ်းရဲ့
အယိမ်း အနွှဲ့ အထိ အတွေ့ တွေ က
ကျွန်တော် ကို တခုခု မခံစားရဘဲ
မနေနိူင်အောင် ပြုစား နေသည့် အလား။
(အလွှမ်း ဓာတ်ခံလေးရှိလို့ပါ 😬..)
ရေထဲ ဆင်းကြည့် လိုက်ရချိန်မှာတော့
အေးစက်ကျစ့်လစ် လှတဲ့
ရေ သား အရသာနဲ့၊
မာကျောလှတဲ့ မြေခင်း
ကျောက်တုံး အလုံး အတုံး ဆီတိုင်းက
မင်းဆီက များ မာကြော ခက်ထန်မှုကို
ချေးဌား ပီး ပြုမူ ကျင့်ကြံ့
ဆောင်ရွက်နေသည့် သဏ္ဌန် အလား။
ဒါ့အပြင် ဟိုးးးဘက်က
များပြားပြည့်လျှံ ပေါများ လှတဲ့
ရေထုထည် ပမာဏ အမြောက်အများ ကို
တုတ်ခိုင် သန်မာ ကြီးမားလှတဲ့
ကန့်သတ် သတ်မှတ်ထားတဲ့
ရေပမာဏ အစဉ်အမြဲ စီးဆင်းရဖို့
သူတို့ ကြားဝင် ဖန်တီးထားပုံက
မင်းနဲ့ ကိုယ့် ရဲ့ အဖြစ် နဲ့တောင်
ပါးပါး လျှက်လျှက် လေး
ဆင်တူရိုးမှားဖြစ်နေလေရဲ့ကွာ။
(မြန်မာ ကားတွေ ကြည့်တာများသွားလို့😶)
(𝗲𝗱𝗶𝘁-လေပြင်းတွေတိုက်ပီး
ပန်းအိုးလည်းမကွဲခဲ့ရပါဘူး လေ😂😂)
(𝗱𝗼𝘂𝗯𝗹𝗲 𝗲𝗱𝗶𝘁-𝗳𝗿𝗶𝗲𝗻𝗱 𝘄𝗶𝘁𝗵 𝗯𝗲𝗻𝗲𝗳𝗶𝘁!!)😂😂😂

စားသောက်ဆိုင် တွေ ရှိတော့
တောက်တိုမယ်ရ ထမင်း၊ဟင်း
တွေမှာစားလို့ရတယ် ဆိုတော့
အစားအသောက်အတွက်
ဘာမှ မစိုးရိမ်နေနဲ့ဦး။
အငတ်တော့ မခံနဲ့ 😁
(ကြက်သောက်ဆမ်း အစ် မိုင် ဖေးဘရိတ်)
မခမ်းမနားလို့ အရမ်း
မကျေနပ်ရင် ၁၁၅ မိုင်ထိ
သွားစားလို့လည်းရတယ်။🤓
ကန့်သတ် ပမာဏနဲ့
ရေ စီးနေတဲ့ ဆည်ချောင်း ဘေးမှာ
အာ့ရေ့ အကိုကြီးရဲ့
(ကုလားလေး ဘရာကြော်သည်လည်းရှိတယ်)
အကင်ဆိုင် တွေလည်း ရှိတယ်
( ကျက်အောင်ကင်ခိုင်းဦး )
ဥ အစုံ ပြုတ်ရတယ် 🙄
( ငုံးဥ/ကြက်ဥ ကိုပြောတာ)
ရေ လေး စိမ် ရင်း ဉပြုတ်
စားရတဲ့ အရသာကလေ
ထက်ထက်မိုးဦး ပြောသလို...
“အွန်း ကောင်းဒယ် စယ်တော်ဘယ်ရီ လိုဖဲ”
အာ့တိုင်းဘဲ ထိမိ ကွေးဆန့် သွားတယ်။

✅ဆောင်ရန်

ရေကူးဘောင်းဘီ ၊
စားသောက်ဖွယ်ရာ(𝘀𝗻𝗮𝗰𝗸𝘀)၊
Sun-cream Lotion ၊
ဓာတ်ပုံ ရိုက် အဆင်ပြေသော တစုံတယောက် ၊ သောက်စားတတ်သူများ အတွက်
( အာ့က ဆိုင်တွေမှာက ဘီယာရောင်းပေမယ့် ကိုယ်တွေ ၂ လုံးဘဲ မှာရသေးတယ် ကုန်သွားပီ) အာ့ကြောင့် သောက်ခြင်ရင်
ဝယ်သွားတာစိတ်ပိုချရတယ် 😁၊
(𝗕𝗲 𝘀𝗺𝗮𝗿𝘁,𝗕𝗲 𝗽𝗿𝗼𝗳𝗲𝘀𝘀𝗶𝗼𝗻𝗮𝗹)🙃

✖️ရှောင်ရန်

ရေထဲဆင်းချိန်
ပစ္စည်းများများပါခဲ့ရင် ကားပေါ်တွင်ထားခဲ့ပါ ၊
ဖိနပ် ကို ကားပေါ်တွင်/
စားသောက်ဆိုင်တွင်ထားခဲ့ပါ
(ကိုယ်တွေရဲ့ ဖိနပ် ဘယ်သူ
ရေထဲမျှော်ပလိုက်လဲ မသိတော့
သူငယ်ချင်းတယောက် ခြေပလာနဲ့ အိမ်ပြန်လမ်း လျှောက်လှမ်း ခဲ့ရတယ် 😂)
၂ နာရီလောက်ဆို ပြန်သင့်ပါပီ
(မဟုတ်ရင် မိုးချုပ်လို့ ရဲလေးဖြစ်နေမယ်)
“ ၆ နာရီဆို အဖေရယ် ပြန်လာပေးးပါ”😂

➖➖➖➖➖➖➖➖➖➖➖➖➖➖➖➖

အချိန်လည်း အများကြီးမပေးရတော့
အပန်းတကယ်ပြေပီး စိတ်ရှုပ် စရာကင်းသော၊
အရမ်း သွားသင့်သော ခရီးတိုစဉ် လေးတခုပါ။

🚘 လမ်းညွှန် 🚘
အပေါ်မှာပြောခဲ့တဲ့အတိုင်းဘဲ
(𝗖𝗕 မှာလာမေးလည်းရတယ်)

#𝗽𝗵𝘆𝘂𝗰𝗵𝗮𝘂𝗻𝗴𝘄𝗲𝗶𝗿
#ဖြူး
#ဆည်
​ #၁၁၃မိုင်