PYAY SAN THU transportation public company limited

11/06/2026

" မိမိတို့ ပြည်စံသူခရီးသည်သယ်ယူပို့ဆောင်ရေး အများနှင့်သက်ဆိုင်သောကုမ္ပဏီလီမိတက်မှ Covid -19 နှင့် တုတ်ကွေးကာကွယ်ဆေးထိုး လုပ်ငန်းတွင် ပူးပေါင်းပါဝင်ကူညီဆောင်ရွက်ခြင်း "

ယနေ့ (၁၁-၆-၂၀၂၆) ရက်နေ့ ၌ ဒဂုံဆိပ်ကမ်းမြို့နယ်၊ ဒေသန္တရကျန်းမာရေးဦးစီးဌာနရှိ ဆရာဦးစိုးအာကာနှင့်အဖွဲ့ ဖြင့် ပူးပေါင်း၍ Covid- 19 နှင့် တုတ်ကွေး ကာကွယ်ဆေးထိုးခြင်းလုပ်ငန်းတွင် မိမိတို့ ပြည်စံသူကုမ္ပဏီဥက္ကဌကြီးနှင့်တစ်ကွ BOD အဖွဲ့ဝင်များ၊ ရုံးဝန်ထမ်းများ၊လိုင်းဝန်ထမ်းများ၊Asia Starmer ဝန်ထမ်းများ၊ ရှယ်ယာရှင်များ၊အခြားသောဧည့်သည်များမှ ပူးပေါင်းပါဝင်ကူညီဆောင်ရွက်ခဲ့ကြပါသည်။

10/06/2026

ပြည်စံသူကုမ္ပဏီရုံး၌ မြတ်စွာဘုရားရှင်အား အပတ်စဉ် ပဌာန်းရွတ်ဖတ် ပူဇော်ခြင်း အမှတ်တရ။

10/06/2026

ပြည်စံသူကုမ္ပဏီလီမိတက်စီမံမှုအောက်ရှိယာဉ်လိုင်းများအား အစဉ်သဖြင့် ဂိတ်ပတ်ဝန်းကျင် သန့်ရှင်းမှုရှိစေရန်၊ ယာဉ်စည်းကမ်းများလိုက်နာကြရန်နှင့် အဓိကအချက်ဖြစ်သော ယာဉ်အန္တရာယ်ကင်းရှင်းစေရန်နှင့်ခရီးသည်များလုံခြုံ‌ဘေးကင်းစေရေးတို့အတွက် တာဝန်ရှိသူများမှ လမ်းညွှန်မှာကြားပြီး ကြပ်မတ်ဆောင်ရွက်နေသည့်မှတ်တမ်း။

14/05/2026

ပြည်စံသူခရီးသည် သယ်ယူပို့ဆောင်ရေးအများနှင့်သက်ဆိုင်သောကုမ္ပဏီလီမိတက်၏ (၃)နှစ်ပြည့်နှစ်ပတ်လည်အထိမ်းအမှတ် အမှတ်တရမှတ်တမ်း

ပြည်စံသူခရီးသည် သယ်ယူပို့ဆောင်ရေးအများနှင့်သက်ဆိုင်သောကုမ္ပဏီလီမိတက်၏(၃)နှစ်ပြည့်အခမ်းအနားအမှတ်တရအဖြစ် သံဃာတော်အရှင်သူမြတ်တို့အား ဆွမ်းခဲဖွယ်ချိုချဉ်တို့အား ဆက်ကပ်လှူဒါန်းပူဇော်ခြင်းအား BOD အကြီးကဲများနှင့်ဝန်ထမ်းများက ပြုလုပ်ကျင်းပစဉ် အမှတ်တရ

#၁၄-၅-၂၀၂၆(ကြာသပတေးနေ့)
#၈-၅-၂၀၂၃

08/05/2026

ပြည်စံသူကုမ္ပဏီ စီမံမှုအောက်ရှိ YBS (144) ယာဉ်လိုင်းရှိ ယာဉ်တစ်စီးပေါ်‌၌ ယနေ့ ၈-၅-၂၀၂၆ရက်နေ့ မနက်တွင် ခရီးသည်မှ ကျောပိုးအိတ်တစ်လုံး ကျန်ရှိမေ့ကျန်နေသည်ကို သိရှိရပါသဖြင့် ပိုင်ရှင်ဖြစ်သူမှ မိမိပစ္စည်းဖြစ်ကြောင်းမှန်ကန်စွာပြောဆိုပြီး ပြည်စံသူကုမ္ပဏီရုံးသို့ လာရောက်မေးမြန်း ထုတ်ယူနိုင်ပါကြောင်း အသိပေးတင်ပြအပ်ပါသည်။

20/04/2026

ပြည်စံသူကုမ္ပဏီလီမိတက်စီမံမှု‌အောက်ရှိ သင်္ကြန်ကာလအတွင်း ယာဉ်လိုင်းပြေးဆွဲမောင်းနှင်နေသော ယာဉ်မောင်းများအား ဒါရိုက်တာ(စည်းကမ်း)ဦးဆောင်‌၍ ကြီးကြပ်ကွပ်ကဲပြီး လိုက်နာရမည့် သတ်မှတ်စည်းကမ်းများနှင့်အညီ အန္တရာယ်ကင်းစွာ စည်းကမ်းတကျမောင်းနှင်ကြရန်အတွက် ယာဉ်လမ်းကြောများ၌ နေ့စဉ်သင်္ကြန်ရက်များအတွင်း လိုက်လံကွပ်ကဲကြပ်မတ်စစ်ဆေးခဲ့ပါသည်။

20/04/2026

၁၃၈၈ခုနှစ် မြန်မာနှစ်ဆန်းတစ်ရက်‌နေ့ ပြည်စံသူကုမ္ပဏီလီမိတက်မိသားစု နှစ်ဦးအန္တရာယ်ကင်းပရိတ်တရားတော်နာယူခြင်းအခမ်းအနား🙏🙏🙏


#17-4-2026(Friday)

27/02/2026

ယနေ့ ၂၇-၂-၂၀၂၆(သောကြာနေ့)၌ ကျင်းပပြုလုပ်သော ရန်ကုန်တိုင်းဒေသကြီးပုဂ္ဂလိကသယ်ယူပို့ဆောင်ရေးကြီးကြပ်မှုကော်မတီ( YRTC)၏ ၂၀၂၅ခုနှစ်အတွက် စံပြယာဥ်မောင်းဆု၊ ယာဉ်အန္တရာယ်၊ လမ်းအန္တရာယ်ကင်းရှင်း‌ရေးစွမ်းဆောင်ဆုရကုမ္ပဏီအားဂုဏ်ပြုဆုနှင့် တာဝန်ကျေပွန်ဆု ချီးမြှင့်ခြင်းအခမ်းအနားတွင် မိမိတို့ ပြည်စံသူခရီးသည်သယ်ယူပို့ဆောင်ရေး အများနှင့်သက်ဆိုင်သောကုမ္ပဏီလီမိတက်မှ စံပြယာဥ်မောင်းဆု(၁၂)ဆုရရှိခဲ့ပါသည်။

05/02/2026

ပြည်စံသူခရီးသည်သယ်ယူပို့ဆောင်ရေးအများနှင့်သက်ဆိုင်သောကုမ္ပဏီလီမိတက်၏ ဒုတိယအကြိမ်မြောက် ထမနဲထိုးပွဲ အမှတ်တရများ....။

5.2.2026 (Thursday)

03/02/2026