11/03/2026
Надица од Штип ги руши предрасудите: 24 години, вози камион и ужива во патувањата
Надица Миланова (24) од Штип е возач на камион со четири години искуство. Таа ја наследила љубовта кон камионите од својот татко и уште како дете со него патувала низ Европа, што ѝ го разбудило интересот за оваа професија.
„Моето прво подолго патување беше до Германија. Бев многу срамежлива и исплашена, но помина добро. Татко ми многу ми помагаше со паркирање, рутата и документите на граница“, вели Надица. Најубавиот дел од работата ѝ е возењето и активностите поврзани со товарењето и истоварот, а најтешко ѝ е кога мора да чека со часови или кога нема документи.
На пат се снаоѓа со спиење на безбедни паркинзи и туширање на бензински пумпи. Иако понекогаш се соочила со дискриминација како жена во „машка“ професија, вели дека тоа ретко ѝ се случува и дека колегите камионџии генерално ја прифаќаат- изјави Надица во интервју за Црно Бело.
Во иднина, Надица планира да продолжи со кариерата на возач на камион, која ја сака и во која ужива, и сака да биде пример за другите жени и девојки кои се двоумат за работа во машки доминирани професии.
ТВ Стар
