Solo Travel King

29/04/2026

27/04/2026

මට අහම්බෙන් අද සාම පා ගමන දැක ගන්න ලැබුනා....

25/04/2026

සංචාරය කරනවා වගේම සිනමාශාලාවකට ගිහින් චිත්‍රපටයක් බලන එකත් මගේ එක් විනෝදාංශයක්... සෑම මාසයකට එක ෆිල්ම් එකක් හරි එහෙම බලනවා.. ගොඩක්ම ෆිල්ම්ස් තනියම ගිහින් තමයි බලලා තියෙන්නෙ... ඉතින්, මම සිනමා ශාලාවක බලපු 223 වැනි ෆිල්ම් එක ලෙස "රිවස්ටන්" සිංහල ෆිල්ම් එක බැලුවා... ඒ ගැන මට හිතුන දේ ගැන කියන්න හිතුනා.. සමාජය තුල සිදුවූ සත්‍ය සිදුවීම් පෙලක් ඇසුරින් තමයි මේ ෆිල්ම් එකේ කථාව තියෙන්නෙ.. මලයාලම් වයිබ් එකකුත් තියන ඉමෝෂනල් ෆිල්ම් එකක්.. ශ්‍යාම් ප්‍රනාන්දු, මහෙන්ද්‍ර පෙරේරා, ප්‍රියන්ත සිරිකුමාර යන නලුවන් විශිෂ්ට රංගනයක යෙදෙනවා.. එමෙන්ම රන්දික ගුණතිලකත් කලින් කිව්ව නලුවන්ට නොදෙවෙනි විශිෂ්ට රංගනයක යෙදෙනවා.. ඒවගේම සුලු කාලයකට මැල්කම් මචාඩෝත්, ආනන්ද කුමාර උන්නැහේ ත් මේ ෆිල්ම් එකේ ඉන්නවා.. මේ ෆිල්ම් එක පුරාවටම කොළඹ සිට අපව පොලිස් ජීප් එකක මාතලේ , රිවස්ටන් නම් සංචාරක ප්‍රදේහය දක්වා අරන් යනවා.. ඉතින් අපිට.. ඒ අවට ඇති සුන්දරත්වය විදින්න පුලුවන් පුලුල් තිරයක... මේ ෆිල්ම් එක ජාත්‍යන්තර චිත්‍රපට උළෙලේදී සම්මානයට පවා පාත්‍ර වෙලා තියනවා 👍 Director: Lalith Rathnayake , Producers: Prabath Rosha & Nimanthi Porage.

22/04/2026

ගැටබරු රජමහා විහාරය, දෙනියාය පාර | 2026-04-22 බදාදා
අද උදේ 5 ට ගෙදරින් පිටත් වුණා. බස් එකේ ගිහින් 5.30 ට කිරිබත්ගොඩ ආවා. තවත් බස් එකක ගිහින් කඩවත බැස්සා. හයිවේ බස්ටෑන්ඩ් ආවා. 5.30 ට මාතර යන බස් එක ගිහින් තිබුනා. කෙටි කෑම කීපයක් ගත්තා. මාතර යන බස් එකට ගිහින් වාඩි උනා. බස් එකේදිම කෙටි කෑම කෑවා. බස් එක 6.30 ට පිටත් උනා රු.1210/- ක ටිකට් ගත්තා. උදේ 8.05 ට මාතර නිල්වලා පිවිසුමෙන් බස් එක පිටතට ඇවිත් උදේ 8.30 ට මාතර ටවුමට අවා.බස් ටෑන්ඩ් ගියත් 8.30 ට දෙනියාය යන බස් එක ගිහින්. ආපහු දෙනියාය බස් එක 9.30 ට තියන නිසා, පැයක කාලය අපතේ යන නිසාත් එවෙලෙ අකුරැස්ස යන සීටීබී බස් එකක නැගලා වාඩි උනා. 8.45 බස් එක පිටත් වුනා. රු.130 ක ටිකට් ගත්තා. 9.45 ට බස් එක අකුරැස්ස බස් ටෑන්ඩ් ආවා. බැහැලා එවෙලෙම යන්න හදන දෙනියාය බස් එකේ නැගලා වාඩි උනා. 9.46 ට දෙනියාය බස් එක පිටත් වුනා. රු.198 ක ටිකට් ගත්තා. තේ වතු, කදුකර, වංගුත් ඇති ලස්සන පාරක බස් එක ගියා. ගූගල් මැප් එකත් බලන්, කොන්දොස්තරත් කිව්වම 11.10 ට ගැටබරු පන්සලට යන බස් හෝල්ට් එකෙන් බැස්සා. එතැන ඉදලා පන්සලට දුර කි.මි 1.5 ක් විතර. 3වීල්ත් තියනවා. මම පයින්ම යන්න පටන් ගත්තා. තියුනු වංගු සහිත, දැඩි කදුකර පාරක හෙමින් හෙමින් උඩට ගියා. හරි මහන්සියි. විටින් විට නැවතිලා විවේක ගත්තා. මග විවේක ගන්න ශාලාවක්, දොරක් නැති ටොයිලට් එකක් එහෙම තිබුනා. 11.40 වෙද්දි මම පන්සලට ඇතුල් උනා. ලස්සන පන්සලක්. බුදු මැදුර, වෙහෙර, බෝධියක් තිබුනා. බුද්ධ ප්‍රතිමා කීපයකුත් තිබුනා. පඩිපෙල් නගිමින් උඩටම යන්න පුලුවන්. උඩට ගියාම අවට ලස්සනට පේනවා. සෙනග, කපල් එහෙම ඇවිත් හිටියා. එහි පහලම ඇති දේවාලයේ ගොඩක් සෙනග හිටියා.පන්සල ඇතුලෙන් දේවාල කීපයක්ම තියනවා. පැයක් විතර පන්සලේ ගත කරලා, පහලට යන්න පටන් ගත්තා. පයින්ම ගියේ කන්දක් නැගලා ආව නිසා දැණ් දිගටම පල්ලම තිබුනේ, මහන්සියක් නෑ. වේගයෙන් යන්න පුලුවන් උනා. විනාඩි 15 කින් දෙනියාය පාරට එන්න පුලුවන් උනා. පාර පැනලා බස් හෝල්ට් එකට වෙලා හිටියා. ටිකකින් මාතරට යන සීටීබී බස් එකක් ආවා. ඒකේ නැගලා වාඩි උනා. මාතරට රු.275 ක ටිකට් ගත්තා. අකුරැස්ස බස් ටෑන්ඩ් එකෙත් ටික වේලාවක් බස් එක නවත්වන් ඉදලා ආපහු ගියා. පැය 2 යි විනාඩි 15 ක ගමනකින් පස්සේ බස් එක මාතර බස් ටෑන්ඩ් ආවා. මම බැහැලා පාර පැනලා කඩයකින් දවල්ට කෑම කෑවා.හය්වේ බස් නැවතුමට ගියා. කඩවත යන බස් එක ෆුල් වෙලා එක සීට් එකක් වත් තිබ්බෙ නෑ. ඩ්‍රය්වර් මට ඉස්සරහම අකුලලා තිබ්බ සීට් එකේ කැමතිනම් යන්න කිව්වා. මම හා කියලා ඒකේ නැගලා සීට් බෙල්ට් දා ගත්තා. හොදට බස් එක ඉස්සරහම අසුනේ ඉදලා හයිවේ එකේ ලස්සන බලමින් ගියා. රු.1210 ටිකට් ගත්තා. හවස 6 ට කඩවතට ආවා. පාරට ඇවිත් බස් එකකින් කිරිබත්ගොඩ ආවා.356 බස් එකේ ඇවිත් හවස් වෙද්දි ගෙදර ආවා. * දෙනියාය අවට ලස්සන දිය ඇලි, ස්ථාන කීපයක්ම තියනවා. දෙනියායට පුංචි නුවර එළිය ලෙසත් කියනවා.
*විනාඩි 8 ක කෙටි වීඩියෝව බලන්න : https://youtu.be/Hzer-MsfSbw
* කඩවත මාතර හයිවේ බස්: ටිකට් රු.1210/- | පැය 02 යි.
* මාතර - අකුරැස්ස බස්: ටිකට් රු.130/- | පැය 01 යි. විනාඩි 25 යි.
* අකුරැස්ස - ගැටබරු පන්සලට යන බස් හෝල්ට් (දෙනියාය බස්): ටිකට් රු.198/- | පැය 01 විනාඩි 25 යි.
* දෙනියාය පාරේ සිට ගැටබරු රජමහා විහාරයට පයින් : Up: විනාඩි 30 යි. Down: විනාඩි 15 යි
* ගැටබරු පන්සලට යන බස් හෝල්ට් - මාතර බස්: ටිකට් රු.275/- | පැය 02 යි. විනාඩි 15 යි.
# ගැටබරු රජමහා විහාරය පිහිටා ඇත්තේ මුහුදු මට්ටමින් අඩි 1500 ක උසකින්. මෙහි ඇති ගැටබරු දේවාලය (රුහුණේ පුංචි කතරගම) ප්‍රසිද්ධයි. රජ්ජුරු බණ්ඩාර දෙවියන් වැඩවාසය කරන වාසස්ථානය ලෙස සලකනවා.මේ පන්සල තියෙන්නේ පුංචි කඳු ගැටයක් උඩ. පාර අයිනේ තියෙන වාහල්කඩෙන් පඩිපෙළ නැගලා තමයි පන්සලට යන්න වෙන්නේ. එතනට පෙනෙන පරිසරය හරිම ලස්සනයි. එක පැත්තකින් දෙනියාය ගොන්ගල එක්ක රක්වාන කඳු පන්තියත්, අනිත් පැත්තෙන් සිංහරාජ වනාන්තරයත් පේනවා. ඒ වගේම මුළු මොරවක්කෝරළයම මේ කන්දට වටේටම පේනවා.
* මම තනියම ගිය මේ වගේ ට්‍රිප් 100 ගනනක් බලන්න...පසුගිය සියලුම සංචාරයන් Index : https://www.facebook.com/share/1CXR2dx6ZD/
* යාලුවන්ටත් බලන්න Share කරන්න... තනියම පාරේ බස් එකේ, කෝච්චියේ ට්‍රිප් යන හැටි දැන ගන්න. මේ Page එක බලන්න. Follow කරන්න..
(C) Solo Travel King | Heiyanthuduwa | Sri Lanka.
Gatabaruwa Raja Maha Viharaya - Deniyaya Road

20/04/2026

"සල්ලි තියෙද්දී යන්න වෙලාව නෑ... වෙලාව තියෙද්දී යන්න සල්ලි නෑ... දෙකම තියෙද්දී යන්න යාලුවෝ නෑ!"
මේ ප්‍රශ්න ඔක්කොටම තියෙන එකම විසඳුම තමයි Solo Travel කරන එක.
ඒ ගැන දැනගන්න අදම Solo Travel King Page එකට එකතු වෙන්න!"

14/04/2026

මම තනියම ගිය මේ වගේ ට්‍රිප් 100 ගනනක් බලන්න...පසුගිය සියලුම සංචාරයන් Index : https://www.facebook.com/share/1CXR2dx6ZD/

09/04/2026

රත්ගඟ පුංචි දඹදිව | 2026-04-08 බදාදා
මීට වසර කීපයකට කලිනුත් මම රත්ගඟ පුංචි දඹදිව ගිහින් තිබුනා, තවත් ඉදිකිරීම් සිදුවූ නිසා, ඒවා බලන්නත් එක්ක, ආපහු අද මට යන්න හිතුනා...ඉතින්, උදේ 5.30 ගෙදරින් ඇවිත් බස් එකක බියගම පාරට ඇවිත්, තවත් බස් එකක ඇවිත් බන්ඩාරවත්ත හන්දියෙන් බැහැලා කඩුවෙලට පයින් ගියා. මගදි කෙටි කෑමත් අරන් කෑවා. කඩුවෙල බස් හෝල්ට් එකේ ගොඩක් වෙලා, හිටියත් රත්නපුර යන්න බස් එකක් ආවේ නැති නිසා උදේ 7 ට ආව අවිස්සාවෙල්ල යන බස් එකට නැගලා රු.85 ටිකට් අරන් 7.30 ට කලුඅග්ගල බැස්සා. එහෙම ගියේ අලුත් පාරෙන් එන බස් එකක හරි යන්න හිතාගෙන. උදේ 7.50 ට ආව රත්නපුර යන සීටීබී බස් එකට නැගලා රු.260 ක ටිකට් ගත්තා. හිටගෙන යන්න උනේ.. මගදි සීටි එකක් ලැබුනා වාඩි වෙන්න. උදේ 9.30 බස් එක රත්නපුරයට ආවා. රත්නපුර බස්ටැන්ඩ් එකට ගිහින් රත්ගග බස් එකක් හොයනවත් එක්කම එවෙලේ යන අංක 478/1 රත්ගග බස් එකට නැගලා වාඩි උනා. 9.35 ට බස් එක පිට වුනේ. රු.220 ක ටිකට් ගත්තා. බස් එක මග ගල්බඩ හන්දියේ විනාඩි 15 කට වඩා නවත්වන් හිටියා සෙනග ගන්න. ඊට පස්සෙ රත්ගග පාරට දාලා ගියා. තියුනු වංගු සහිත, කදුකර ලස්සන පාරක ගියා. තේවතු, කදු, කැලැ පැති පහු කරගෙන ගියා. ලස්සන පාරක්. පහත වීඩියෝව අග බලන්න... උදේ 10.50 ට රත්ගග පුංචි දඹදිව පන්සල ඉස්සරහින්ම බැස්සා. පාර පැනලා පන්සලට ඇතුල් වුනා. බුද්ධගයා විහාර අනුරුව, ශ්‍රී මහා බෝධි ශාඛා අංකුරය, ප්‍රථම ධර්මදේශනා කල අවස්ථාව නිරූපනය වන ස්ථානය, ගිජ්ජකූට පර්වතය, දුර්ගේෂ්වරී විහාර අනුරුව බැලුවා.. මෙහි දුර්ගේෂ්වරී විහාර අනුරුව ඇති ස්ථානයට, අවට ඉතාමත් ලස්සනට පේනවා. ඊට ඇතින් පේන්න තියෙන්නේ ශ්‍රී පාද අඩවි පැත්ත. මෙහි තවම ඉදිවෙමින් පවතින ධම්මික ස්ථූපය බලා ගන්න පුලුවන්.. එහි වැඩ අඩක් නිම වෙලා... මේ පන්සලේ පහල හරියේ ගැබ ඇතුලට යන්න පුලුවන් චෛත්‍යය ඇතුලටත් ගිහින් බැලුවා. ලස්සන බුදු මැදුරක් තිබුනා. ඊට ටිකක් එහායින් බුද්ධ පරිනිර්වානය පිලිමය දඹදිව ඇති ආකාරයට හදලා තියනවා.. මේ අසලදි මට මේ පන්සලේ ස්වාමීන් වහන්සේ නමක් සමග ට්කක් කථා කරන්නත් ලැබුනා... මෙහි දැනට ඉදිවන ධම්මික මහා සෑය ගැනත්, ඉදිරියේදී ඉදිවන සල් උයන ගැනත් උන්වහන්සේ මා සමග කථා කලා. එවෙලේ මම සුලු ආධාර මුදලකුත් ලබා දුන්නා. ඊට පස්සේ පන්සල පහල ඇති ගග බලන්නත් ගියා... ගග බලලා ආවම, පන්සලේ වෙසෙන කුඩා සාමනේර හිමිනමක් මගෙන්, මාමේ යැයි කියමින් බැටරියෙන් වැඩ කරන සෙල්ලම් බඩුවක් පෙන්වමින් ඒ ගැන මගෙන් ඇහුවා.. සෙල්ලම් කරන වයසනේ. පැයකටත් වැඩි කාලයක් රැදී ඉදලා, පන්සලෙන් එලියට ඇවිත්, පාරට ඇවිත් බස් එකක් එනකන් හිටියා. ට්කකින් ආව රත්නපුර බස් එකේ නැගලා රත්නපුරට ආවා. බස් ටැන්ඩ් එක ලගම රෙස්ටුරන්ට් එකකින් දවල්ට කෑවා. රත්නපුර අවට ගොඩක් තැන් වලට ගිහින් තියන නිසාත්, අධික අව්ව නිසාත් වෙන කොහෙවත් නොගිහින් ගෙදර යන්න හිතුනා.. බස්ටැන්ඩ් එකේ තිබ්බ කොළඹ යන බස් එක පරක්කු වෙලා යනවා කිව්ව නිසා. ටික දුරක් පයින් ඇවිත් කොළඹ පාරට ඇවිත් හොල්ට් එකේ ඉද්දි ආවා අලුත් පාරේ කොළඹ ‍යන සීටීබී බස් එකට නැග්ගා. කලුඅග්ගලට ටිකට ගත්තා. මගදි පරකඩුවේ තේ බොන්නත් බස් එක නවත්වලා, පැය 2 කින් පසු මම කලුඅග්ගල බැස්සා. එවෙල ආව පරණ පාරේ කොළඹ යන බස් එකක නැගලා, කඩුවෙල පහුවෙලා, වැලිවිට බැහැලා, කැලණි ගග හරහා ඇති පාළමෙන් පයින් බියගම පාරට ආවා. මාබිම හන්දියට ඇවිත් බස් එකක හවස 6.45 වෙද්දි ගෙදර ආවා. වෙනදා වගේම මේ සටහන බස් එකේදිම ලිව්වා... විනාඩි 14 ක පහල වීඩියෝවත් බලන්න, මේ ගමන ගැන අදහසක් ගන්න පුලුවන්..
* විනාඩි 14 ක කෙටි වීඩියෝව බලන්න.. : https://youtu.be/8WOI0R3tVfY
• රත්නපුර - රත්ගග පුංචි දඹදිව පන්සල : පැය 1 විනාඩි 25 | Rs.220/-
• කඩුවෙල - කලුඅග්ගල : විනාඩි 30 | Rs.85/-
• කලුඅග්ගල - රත්නපුර : පැය 1 විනාඩි 40 | Rs.260/-
* වියදම : රු.2000/-

* මම තනියම ගිය මේ වගේ ට්‍රිප් 100 ගනනක් බලන්න...පසුගිය සියලුම සංචාරයන් Index : https://www.facebook.com/share/1CXR2dx6ZD/
පුංචි දඹදිව පුදබිමේ ආරම්භය 1981 අප්‍රේල් මස 14 වැනිදාය. ගරු ගිලීමලේ චන්ද්‍රාලෝක ස්වාමීන් වහන්සේ අවට ගම්වාසීන්ගේ සහය ඇතිව ඉදි කිරීම අරඹලා තියෙන්නේ.. මෙම ඉදිවීමේ මූලික අරමුණ වූයේ දඹදිව පුදබිම වන්දනා කරගැනීමට අපහසු බැතිමතුන්ට, දඹදිව සිද්ධස්ථායන් දැක වැදපුදා ගැනීමේ අවස්ථාව දීමයි. මේ වනවිට එහි සිද්ධස්ථාන බොහොමයක් ඉදිකර අවසන්. තවත් බොහෝ සිද්ධස්ථාන ඉදිකිරීම් කටයුතු සිදුවෙනවා. මේ පන්සලේ ඇති ලෝකයේ ප්‍රථම අසූමහ ශ්‍රාවක පස්විසි බුදු රජ මහා විහාරය (රත්ගඟ අසූ මහා ශ්‍රාවක පස්විසූ රජමහා විහාරය), ලංකාවේ විශාලතම ධර්මශාලා මන්දිරය ද මේ විහාරස්ථානයේ ඇත.
* යාලුවන්ටත් බලන්න Share කරන්න... තනියම පාරේ බස් එකේ, කෝච්චියේ ට්‍රිප් යන හැටි දැන ගන්න. මේ Page එක බලන්න. Follow කරන්න..
(C) Solo Travel King | Heiyanthuduwa | Sri Lanka.
Punchi Dambadiva Rathganga

04/04/2026

ශ්‍රී සම්බෝධි චෛත්‍යය - කොළඹ | 2026-04-04 සෙනසුරාදා
* කොළඹ වරායයි, Port City එකයි උසක ඉදලා බලන්න පුලුවන් තැනක් , නැත්නම් View Point එකක් තමයි කොළඹ ශ්‍රී සම්බෝධි චෛත්‍යය විහාරය කියන්නෙ..
ඉතින් මම මේ විහාරයට වසර ගනනකට පෙර ගිහින් තිබුනා... අද කොළඹ කොටුව පැත්තේ ආව වෙලාවේ , මේ විහාරය පැත්තෙත් යන්න හිතුනා..ඉතින් කොටුවේ ඉදලා පයින්ම ලෝටස් පාරේ ගිහින්, ගෝල්ෆේස් වටරවුමට ඇවිත්, චෛත්‍යය පාර දිගේ දිගටම පයින් ටික දුරක් ගිහින්, වරාය පිවිසුම අසල තියන, මේ පන්සලට ඇතුල් වුනා.. කවුරුත්ම හිටියේ නෑ..ඊට පස්සේ චෛත්‍යයට පිවිසීමට ඇති ගොඩනැගිල්ලට ඇතුල් උනා... එහි ලිෆ්ට් එකක් තිබුනත් ඒක ක්‍රියාත්මක නෑ... පඩි පෙල් නගිමින් මම උඩටම ගියා.. මෙසේ මහල් 10 ක් උඩට නගින්න ඕනා... ඉන්පසු චෛත්‍යය දෙසට යන්න පාලමක් තියනවා.. (පහල වීඩියෝව බලන්න ) පාලම දිගේ ගිහින් චෛත්‍යය ලගට ගියා.. චෛත්‍යය වටේටම ඉතින් 360 නැරඹුමක් තමයි තියෙන්නේ.. කොළඹ වරායා ඉතාමත් හොදට පේනවා.... ඒ වගේ කොළඹ වරාය නගරයත් (Port City), එහි ඉදිකිරීම් සිදුවන ආකාරයත් හොදට බලා ගන්න පුලුවන් උනා.. ඇත්තටම නියම අත්දැකීමක් ලබන්න පුලුවන් ඔයත් ශ්‍රී සම්බෝධි චෛත්‍යය වැද පුදා ගන්න / බලන්න ආවොත්.. මේ චෛත්‍යය ඇතුලටත් යන්න පුලුවන්.. ඒත් අද නම් ඒක වහලා තිබුනේ.... ඉතින් මම ගොඩක් වෙලා මේ අවට දෙස බලන් ඉදලා පහල ආවා.. *මේ ලගම තියන කොළඹ වරාය සමුද්‍ර කෞතුකාගාරයත් , කොළඹ ප්‍රදීපාගාරයත් බලන්න යන්න.. * පහල දාලා තියන වීඩියෝව බලන්න..
* ශ්‍රී සම්බෝධි චෛත්‍යය විනාඩි 5 ක වීඩියෝව : https://youtu.be/_813fQveFIU
* ශ්‍රී ලංකාවේ ප්‍රථම වරට උස කොන්ක්‍රීට් කණු මත ඉදි කළ චෛත්‍යය තමයි ශ්‍රී සම්බෝධි චෛත්‍යය.. මේ විහාරය 1956 වර්ෂයේදී නිර්මාණය ආරම්භ කරලා, 1985 දී විවෘත කරලා තියෙන්නේ... ඉංජිනේරු ආචාර්ය ඒ.එන්.එස්. කුලසිංහයන්ගේ මගපෙන්වීම කරලා තියෙන්නේ.. වසර 20 කට වැඩි කාලයක් ගිහින් තියනවා මෙහි වැඩ අවසන් කරන්න.. මෙහි චෛත්‍යය ගර්භය ඇතුලට යන්න පුලුවන්, ඇතුළත බිත්තිවල බුද්ධ චරිතය නිරූපණය වන සිතුවම් තියනවා.
* මම තනියම ගිය මේ වගේ ට්‍රිප් 100 ගනනක් බලන්න...පසුගිය සියලුම සංචාරයන් Index : https://www.facebook.com/share/1CXR2dx6ZD/
* යාලුවන්ටත් බලන්න Share කරන්න... තනියම පාරේ බස් එකේ, කෝච්චියේ ට්‍රිප් යන හැටි දැන ගන්න. මේ Page එක බලන්න. Follow කරන්න..
(C) Solo Travel King | Heiyanthuduwa | Sri Lanka.
Sambodhi Pagoda Temple - Colombo

30/03/2026

වසරකට කලින් ගිය මිලියනයක් බලපු පෝස්ට් එක නැවතත්...
කොට්ටව වනාන්තරය හා ස්වාභාවික නාන තටාකය | 2025-03-20 බ්‍රහස්පතින්දා
අද කොහෙ හරි යන්න හිතාගෙන කලින්ම ඔෆිස් නිවාඩුවක් දාලා තිබ්බා. යන්න තැන් කීපයක් ගැනම හිත හිත ඉදලා අන්තිමට කොට්ටව වනාන්තරය පැත්තෙ යන්න හිතුවා. ඉතින් උදේ 5 ට ගෙදරින් ඇවිත් බස් එකක ගිහින් කිරිබත්ගොඩ බැහැලා පාර පැනලා, බස් එකක ගිහින් 5.45 කඩවත බැස්සා. කඩේකින් කෙටි කැම ගත්තා. එවෙලේ ගිගින් තිබ්බ ගාල්ල හයිවේ බස් එක පස්සෙන් දුවලා ගිහින් එන්ට්‍රන්ස් ලගින් නැග්ගා 5.55 ට බස් එක ගියා. රු.890 ටිකට් ගත්තා. බස් එකේදිම ගත්ත කෙටි කෑම කෑවා. උදේ 7.15 ට බස් එක හයිවේ එකෙන් එක්සිට් වෙලා 7.30 ට ගාල්ල බස්ටැන්ඩ් ආවා. බැහැලා උදේ 8 ට අංක 377 උඩුගම සිටීබී බස් එකට නැග්ගා. රු.105 ටිකට් ගත්තා. උදේ 8.35 ට කොට්ටව වනාන්තරයේ එන්ට්‍රන්ස් ලගින්ම බස් එකෙන් බැස්සා. ඇතුලට ගියා. රු.70 ටිකට්. කොන්ක්‍රීට් පාර දිගේ කැලෙ මැදින් කි.මි 1 ක දුරක් තමයි අපිට යන්න දීලා තියෙන්නෙ... ගියා. මග ගිමන් හරින තැනක්. බංකු එහෙම තිබ්බා. මග අතුරු පාරක හා පාර පටන්ගන්න තැනම අතුරු පාරකින් ගිහින් තව ගස් වර්ග එහෙම බලා ගන්නත් තියනවා. කූඩැල්ලො ඉන්නවා ගොඩක්. මට නම් කූඩැල්ලොන්ගෙන් කරදරයක් වෙන්නෙම නෑ. මොකද මන්දා. සම්පූර්නයෙන්ම ඇවිදලා බලලා ආපහු පාරට එන්න පයින් ආවා. ඉතින් මේ ලග ඇති ස්වාභාවික නාන තටාකය ලගට යන්න පාරට ඇවිත් පාර පැනලා ටික දුරක් පයින් ගියා. නාන තටාකය බොඩ් ලග අතුරු පාරෙ පයින් ගිහින්, තටාක පිවිසුමට ආවා. එහෙත් ගේට්ටුවේ ඉබ්බො දාලා වහලා තිබ්බෙ. මම ගේට්ටුව අයිනේ හිඩසකින් ඊට ඇතුල් වෙලා. ලස්සන ස්වාභාවික නාන තටාකය / සිවිමින් පූල් එක, වතුර පීල්ල බැලුවා. නාන්න ගියේ නෑ.. නාන්න නියම තැනක්... මම එතනින් යද්දි එහෙ ඉන්න අන්කල් ආවා. එයා එක්ක විස්තර කථා කලා. ටිකට් රු.100 යි පැයකට. 12 අඩු ලමයිට රු.50. කට්ටියකට ෆුල් ඩේ ම කලින් බුක් කරන්න රු.30,000 යි ලු. ඉන් පිටවෙලා පාරට ඇවිත් තව ඉස්සරහට කොට්ටව හන්දියට ආවා හොල්ට් එකේ වාඩි වෙලා හිටියා. එතන හැරිලා යන පාරෙ කොට්ටව ආරන්න සේනාසනයක් ද තියනවා. ටිකකින් අකුරැස්සෙන් ආවා සීටීබී බස් එකට නැගලා රු.110 ටිකට් ගත්තා. බසය කරාපිටිය හරහාද ගොස් ගාල්ල බස්ටැන්ඩ් ආවා. මම බැහැලා මම ගාල්ල පැත්තෙ ගියොත් යන ගාල්ල කොටුව බලන්න පයින් ඉස්සරහට ගියා. එහි ඇවිදලා, ආපහු ගාල්ල බස්ටැන්ඩ් පැත්තට ඇවිත් ලග කෑම කඩේකින් දවල්ට කෑවා. පාර පැනලා හයිවේ බස් නවත්වන තැනට ගියා. කඩවත බස් එකට නැග්ගා. රු.890 ටිකට් ගත්තා. කඩවතට ආවා. තව බස් එකක ගිහින් කිරිබත්ගොඩ ආවා. හවස් වෙද්දි ගෙදර ආවා. පහල තියන ලින්ක් එකෙන් මේ ගමනේ විනාඩි 5 ක විතර කෙටි වීඩීයෝවත් බලන්න..
* පින්නදූව exit එකෙන් බැහැලා පයින් මීටර් 50 ක් විතර ආව නම්, ගාල්ල-උඩුගම 377 බස් එකේ නගින්න පුලුවන්. දුර ඉදලා එන කෙනෙක් උවමනානම් වොශ් රූම් යන්න, කෑම කන්න, මගදී බස් එකකට නගිද්දි වාඩි වෙන්න සීටි නැති වෙන්නත් පුලුවන් හෝ කොච්චියේ ගාල්ලට එන කෙනෙක්ටත් ගැලපෙනසේ, ගාල්ලට ඇවිත් යන විදිහට මේ පෝස්ටුව හැදුවේ...
* මේ ගමනේ කෙටි වීඩියෝව බලන්න.. : https://youtu.be/_e9rNTko0vs
* කඩවත ගාල්ල (හයිවේ බස්) : පැය 1 විනාඩි 30 | ටිකට් රු.890/-
* ගාල්ල - කොට්ටව (බස්) : විනාඩි 35 | ටිකට් රු.105/- | 16 km
* වියදම : රු.2800 ක් විතර
* මම තනියම ගිය මේ වගේ ට්‍රිප් 100 ගනනක් බලන්න...පසුගිය සියලුම සංචාරයන් Index : https://www.facebook.com/share/1CXR2dx6ZD/
* යාලුවන්ටත් බලන්න Share කරන්න... තනියම පාරේ බස් එකේ, කෝච්චියේ ට්‍රිප් යන හැටි දැන ගන්න. මේ Page එක බලන්න. Follow කරන්න.. අනිත් පෝස්ට් බලන්න..
(C) Solo Travel King | Heiyanthuduwa | Sri Lanka.
Kottawa Reserve Forest & Natural Swimming Pool

25/03/2026

බැද්දගාන තෙත් බිම් උද්‍යානය වීඩියෝව ලස්සන සිංදුවකුත් එක්ක බලන්න..
(C) Video by Solo Travel King | Music Credits :

25/03/2026

සංචාරය කියන්නේ freedom එකක්...
ඒත් body එකටත් තමන්ගේ plan එකක් තියෙනවා...
“යන්න හිතාගන්න වෙලාවට යන්න බෑ…” කියන situation එකට වැටුනොත්, ගමනම stress වෙයි.
ඒක නිසා,
👉 travel කරනකොට light food කන්න
👉 water balance එක maintain කරන්න
👉 උදේට හොදට toilet ගිහින් යන්න
👉 possible rest stops දැනගෙන යන්න

නැත්නම්.... මග දිගට toilet හොය හොය ඉන්න වෙයි...

23/03/2026

සංචාරය කියන්නේ ගමනක් නෙමෙයි… ඒක ජීවිතේ reset button එක.