អ្នកសារព័ត៌មានវ័យក្មេង-Press Start Cambodia

08/06/2026

🤓វគ្គបណ្តុះបណ្តាល អ្នកសារព័ត៌មានវ័យក្មេងបានត្រឡប់មកសារជាថ្មី!

មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ បានរៀបចំវគ្គតម្រង់ទិសសម្រាប់សិក្ខាកាម ដែលបានជ្រើសរើសឱ្យចូលរួមវគ្គ អ្នកសារព័ត៌មានវ័យក្មេង-Press Start Cambodia ជំនាន់ទី៤ កាលពីព្រឹកថ្ងៃទី០៨ ខែមិថុនា ឆ្នាំ២០២៦នេះ ។
ក្រុមការងាររបស់យើងបានស្វាគមន៍យ៉ាងកក់ក្តៅ និងជូនពរដល់សិក្ខាកាមទាំងអស់ឱ្យទទួលបានភាពជោគជ័យក្នុងដំណើរការសិក្សានេះ 🥳។
#យុវជន #អ្នកសារព័ត៌មានវ័យក្មេង #សារព័ត៌មាន #ជំនាន់ទី៤

26/05/2026

លោក កឹម សុខា អតីត​មេដឹកនាំ​គណបក្ស​ប្រឆាំងដែលត្រូវ​បាន​ផ្តន្ទាទោស​ឱ្យ​ជាប់​​ពន្ធនាគារ​រយៈពេល​២៧​ឆ្នាំ​ពីបទ “ក្បត់ជាតិ”​ ​ត្រូវ​បាន​លើក​លែងទោស​​ជាប់​ពន្ធនាគារ​ ខណៈបន្ត​ជាប់បម្រាម​មិន​ឱ្យ​ធ្វើ​នយោបាយ​និង​ចាកចេញទៅក្រៅប្រទេស។
#នយោបាយ

លោក កឹម សុខា អតីត​មេដឹកនាំ​គណបក្ស​ប្រឆាំងដែលត្រូវ​បាន​ផ្តន្ទាទោស​ឱ្យ​ជាប់​​ពន្ធនាគារ​រយៈពេល​២៧​ឆ្នាំ​ព...

16/05/2026

ស្រុក​រលា​ប្អៀរ ខេត្ត​កំ​ពង់​ឆ្នាំង​៖ ស្ថិត​ក្រោមផ្ទះឈើនៅ​ក្បែរជើងភ្នំក្រាំងដីមាស អ្នក​ស្រី សួន ពិសី​ កំពុង​សូន​ដន្លាប់​ដីឥដ្ឋ​​ដោយ​ផ្ចិត​​ផ្ចង់​និង​អត់​ធ្មត់​​ ខណៈជើង​ម្ខាង​​របស់​អ្នក​ស្រី​កំ​ពុង​​រុញ​កង់​បង្វិល​​​ ជា​ឧបករ​ណ៍​ប្រើ​សម្រាប់​ជួយ​ដល់​ការ​សូន​​រូបឬធ្វើកុលា​លភាជន៍​​​។ នេះ គឺជា​ទិដ្ឋភាពនៃ​ការ​​រស់នៅប្រចាំថ្ងៃ​របស់​អ្នក​ភូមិ​អណ្តូង​​​ឫស្សី ឃុំស្រែ​ថ្មី ស្រុក​រលាប្អៀរ ខេត្ត​កំពង់​ឆ្នាំង​ ​ជា​ទីតាំង​ផលិត​​កុលា​លភាជន៍​​ខ្មែរដ៏ល្បីល្បាញ​ ប៉ុន្តែ​នៅ​ពីក្រោយ​ភាព​អត់​ធ្មត់​នេះ ពួកគាត់​ក៏មាន​ក្តីបារម្ភ​យ៉ាង​ខ្លាំង​ផងដែរ​ចំពោះ​អនាគត​នៃមរតកដូនតា​មួយ​នេះ​​។​
https://pressstartcambodia.com/villagers-in-antoung-roussey-try-to-preserve-the-ancient-pottery-craft-while-worrying-about-a-lack-of-successors/
#ស្នាដៃសិក្ខាកាម

ស្រុក​រលា​ប្អៀរ ខេត្ត​កំ​ពង់​ឆ្នាំង​៖ ស្ថិត​ក្រោមផ្ទះឈើនៅ​ក្បែរជើងភ្នំក្រាំងដីមាស អ្នក​ស្រី សួន ពិសី​ កំ...

16/05/2026

គុកទួលស្លែងនឹងអភិរក្សជាគុណតម្លៃសកលក្រោយអនុម័តចូលជាសម្បត្តិបេតិកភណ្ឌពិភពលោក
----------------------------
[...] លោក ហង្ស និស្ស័យ ប្រធានសារមន្ទីរគុកទួលស្លែង ប្រាប់គេហទំព័រ Press Start Cambodia ថាការសម្រេចចិត្តរបស់រដ្ឋាភិបាល ដែលដាក់បញ្ចូលអតីតមន្ទីរសន្តិសុខស-២១ ទៅក្នុងស្ថាប័នអន្តរជាតិមួយនេះ គឺវាមិនមែនជួយបានចំពោះតែការការពារទេ អតីតទីតាំងប្រវត្តិសាស្រ្តទាំងនោះ ក៏នឹងទទួលបានការគាំទ្រទាំងផ្នែកធនធាន ការផ្សព្វផ្សាយ និងលើផ្នែកហិរញ្ញវត្ថុថែមទៀតផង។ [...]

#ស្នាដៃសិក្ខាកាម #បេតិកភណ្ឌពិភពលោក​​​

14/05/2026

ក្តីបារម្ភអំពីកង្វះការអភិរក្សជម្រកសត្វស្លាប នៅភូមិវាលថ្លាន់ ប៉ះពាល់ដល់សេដ្ឋកិច្ចរបស់អ្នកភូមិក្នុងតំបន់
----------------------
អ្នកស្រី ញឹម ចិន្តា (អ្នកភូមិ): "អ្នកផឹកខ្លះហ្នឹងខូចហ្នឹង បាញ់គ្នាហ្នឹង... ហើយអានេះដល់ពេលគេដឹងថតចឹងហ្នឹងមកពីក្រៅ... គេដឹងហ្មង ចឹងគេមកបាញ់។ យើងឃើញអញ្ចឹងឃើញហើយសត្វ... ភាគច្រើនប៉ូលិស... ខ្សែគ្នាខ្នងតាខេត្តអីចឹង។ ហើយចូលចិត្តណាស់អាសត្វព្រៃអីហ្នឹង។"
អ្នកស្រីក៏បន្តថា ពេលសត្វហើរចេញ... ចំណូល និងជីវភាពរបស់អ្នកភូមិមួយចំនួន ក៏បាត់បង់ទៅតាមហ្នឹងដែរ។
#ស្នាដៃសិក្ខាកាម #អាជីវករ​​​

13/05/2026

រូបថតជាច្រើនសន្លឹក ត្រូវគេបិទភ្ជាប់ទៅនឹងរបាំងបីផ្ទាំងធ្វើពី​ផ្តៅ នៅជ្រុងម្ខាងនៃជញ្ជាំង​។រូបថតដែលឆ្លុះប​ញ្ចាំ​ងពីសកម្មភាពនៅក្នុងសហគមន៍ទំាងនេះ ហាក់មានភាពរស់រវើក និងមានភាពចម្រុះនៃទិដ្ឋភាព។នៅមិ​ន​ឆ្ងាយប៉ុន្មានពីផ្ទាំងរូបថតនេះដែរ មានផ្កាដែលផលិតពីជ័រចម្រុះពណ៌អមសង្ខាងដ៏ស្រស់ស្អាត និងគួរឲ្យ​គ​យ​​គន់។រីឯសំលៀកបំពាក់ និងលំនៅឋានបែបប្រពៃណីសម្រាប់ជនជាតិដើមភាគតិច ត្រូវគេរៀបចំដោយសមសួន និងផ្ចិតផ្ចង់។មុនចូលទៅដល់បន្ទាប់អាហារដ្ឋានជាន់ទី៣ គឺគេត្រូវឆ្លងកាត់ស្លាកយីហោហាងជាន់ផ្ទា​ល់ដីមួយជាមុនសិនដែលមានឈ្មោះថា«ខារ៉ាម្ហូបជនជាតិដើមភាគតិច»។តាមពិតទៅ ទីនេះហើយដែលគេស្គាល់ថាជាហា​ង​ចាណាង ដែ​ល​​បម្រើ​សេវាមុខម្ហូបតាមបែ​ប​​ជនជាតិដើមភាគិត នៅម្តុំផ្សារទួ​ល​ទំពូង ក្នុងទីក្រុងភ្នំពេ​ញ​​​។

រូបថតជាច្រើនសន្លឹក ត្រូវគេបិទភ្ជាប់ទៅនឹងរបាំងបីផ្ទាំងធ្វើពីផ្តៅ នៅជ្រុងម្ខាងនៃជញ្ជាំង។រូបថតដែលឆ្លុះបញ....

13/05/2026

ពលរដ្ឋដែលអះអាងថាជាអ្នករងគ្រោះពីបទល្មើសឆបោកតាមប្រព័ន្ធបច្ចេកវិទ្យាអនឡាញឬOnline Scam ស្វះស្វែងរកកិច្ចគាំពារផ្នែកផ្លូវច្បាប់ និងស្នើសុំការអន្តរាគមន៍ផ្តល់លុយដែលបាត់បង់ដោយអំពើចាញ់បោកត្រឡប់មកវិញ ស្របពេលគ្រួសារពលរដ្ឋផ្សេងទៀត ដែលធ្វើការឲ្យឧក្រិដ្ឋជនអនឡាញដោយមិនដឹងខ្លួន ហើយកំពុងជាប់ឃុំទទូចឲ្យនគរបាលយុត្តិធម៌ដោះលែងពួកគេឲ្យមានសេរីភាពវិញ។

ពលរដ្ឋដែលអះអាងថាជាអ្នករងគ្រោះពីបទល្មើសឆបោកតាមប្រព័ន្ធបច្ចេកវិទ្យាអនឡាញឬOnline Scam ស្វះស្វែងរកកិច្ចគាំពារផ្ន...

12/05/2026

"សម្រាប់លោកគ្រូទាំងពីរគាត់ល្អខ្លាំង ខ្ញុំគិតថាមិនអាច រៀនកន្លែងផ្សេងបានគ្រូដូចគាត់ទេ គាត់កែអត្ថបទយើង មិនថាយប់មិនថាថ្ងៃ[…]" នេះជាអ្វីដែលសិក្ខាកាមមួយរូបបានបង្ហាញចេញ។

😊តស់! ចង់ដឹងអត់ថាលោកគ្រូៗ និងសិក្ខាកាមជំនាន់ទី៣នេះ បញ្ចេញអារម្មណ៍យ៉ាងណាខ្លះ? ទស្សនាវីដេអូទាំងអស់គ្នា!
#អ្នកសារព័ត៌មានវ័យក្មេង #យុវជន

12/05/2026

ស្រ្តីវ័យចំណាស់ដែលលក់ដូរនៅមុខព្រះបរមរាជវាំងត្អូញត្អែរពីផលលំបាករកចំណូល
-------------------------------
[...] អ្នកស្រី ប្រាក់ ស្រិន ដែលមានវ័យ៦៧ឆ្នាំ លើកឡើងថា ចំណូលដែលបានមកពីការលក់ចំណីសត្វព្រាបសព្វថ្ងៃនេះ ពិតជាជួបផលលំបាកហួសប្រមាណហើយ ដោយសារការចំណាយវាខ្ពស់លើសពីចំណូល។កំពុងពានាកន្សែងបង់កដោយមានស្ពាយកាបូបខ្មៅក្នុងដៃផង ប្រាក់ ស្រិន ឲ្យដឹងទៀតថា ថវិកាដែលខ្លួនរកបាននេះ សឹងតែបង់ថ្លៃជួលផ្ទះគេមិនរួចផង។មានពេលខ្លះបន្ទប់ជួលត្រូវបង់រំលោះជាដំណាក់កាលៗក៏មានដែរ ប្រសិនបើថ្ងៃណាលក់ចំណីសត្វព្រាបមិនដាច់នោះទេ។ [...]
#ស្នាដៃសិក្ខាកាម ​ #អាជីវករ​​​

11/05/2026

ម៉ោងប្រហែល១០ព្រឹកទៅហើយ ថ្ងៃចាំងបណ្តើរកូនក៏ចាប់ផ្តើមបញ្ចេញពណ៌សផ្លេកៗបន្តកន្ទុយគ្នាមិនដាច់។បន្តិចម្តងៗ ពន្លឺព្រះអាទិត្យដែលជះចេញពីផ្ទៃអាកាសមក ក៏ចេះតែឡើងកម្តៅមិនឈប់ នារដូវប្រាំងក្រោយបុណ្យចូលឆ្នាំខ្មែររួច ដែលខុសប្លែកពីឆ្នាំមុនៗ។មនុស្សម្នាដែលកំពុងធ្វើដំណើរប្របនឹងមាត់ទន្លេ ពេលម៉ោងក្បែរអាហារថ្ងៃត្រង់ក្នុងរដូវក្តៅនេះ ពួកគេសឹងទ្រាំមិនបានដោយឥទ្ធិពលនៃអាកាសធាតុ។ប៉ុន្តែឧបសគ្គនេះ ហាក់មិនបានធ្វើឲ្យស្រ្តីវ័យចំណាស់មួយចំនួន ដែលមានរបរខ្នាតតូចនៅខាងមុខព្រះបរមរាជវាំង រុញរានឹងការប្រែប្រួលអាកាសធាតុដូចនេះឡើយ។

ម៉ោងប្រហែល១០ព្រឹកទៅហើយ ថ្ងៃចាំងបណ្តើរកូនក៏ចាប់ផ្តើមបញ្ចេញពណ៌សផ្លេកៗបន្តកន្ទុយគ្នាមិនដាច់។បន្តិចម្តងៗ ....