22/05/2026
សេចក្តីអំពាវនាវ
រដ្ឋបាលស្រុកបូទុមសាគរ មានកិត្តិយសសូមគោរពជម្រាបជូន ឯកឧត្តម លោកជំទាវ អ្នកឧកញ៉ា ឧកញ៉ា មន្ត្រីរាជការ អង្គភាពនានាជុំវិញស្រុក អាជីវករ ពាណិជ្ជករ ម្ចាស់សណ្ឋាគារ ផ្ទះសំណាក់ រោងចក្រ សហគ្រាស បណ្តាក្រុមហ៊ុន ធនាគារឯកជន គ្រឹះស្ថាន មីក្រូហិរញ្ញវត្ថុ អង្គការ សមាគម និងសប្បុរសជននានា មេត្តាជ្រាបថា រដ្ឋបាលស្រុកបូទុមសាគរ បានចូលរួមរៀបចំកម្មវិធី ដើម្បីអបអរសាទរក្នុងពិធីសម្ពោធដាក់ឱ្យប្រើប្រាស់ជាផ្លូវការស្តូបអនុស្សាវរីយ៍នយោបាយឈ្នះ ឈ្នះ កោះកុង ដែលប្រព្រឹត្តទៅចាប់ពីថ្ងៃទី២៧ ដល់ថ្ងៃទី៣០ ខែឧសភា ឆ្នាំ២០២៦ នៅខេត្តកោះកុង។
រដ្ឋបាលស្រុកបូទុមសាគរ សូមអំពាវនាវដល់ ឯកឧត្តម លោកជំទាវ អ្នកឧកញ៉ា ឧកញ៉ា មន្ត្រីរាជការ អង្គភាពនានាជុំវិញស្រុក អាជីវករ ពាណិជ្ជករ ម្ចាស់សណ្ឋាគារ ផ្ទះសំណាក់ រោងចក្រ សហគ្រាស បណ្តាក្រុមហ៊ុន ធនាគារឯកជន គ្រឹះស្ថានមីក្រូហិរញ្ញវត្ថុ អង្គការ សមាគម និងសប្បុរសជននានា មេត្តាជួយចូលរួមឧបត្ថម្ភគាំទ្រ ជាថវិកា ដល់រដ្ឋបាលស្រុកបូទុមសាគរ។
ទទួលបានលិខិតអំពាវនាវនេះ រដ្ឋបាលស្រុកបូទុមសាគរ សង្ឃឹមជឿជាក់នូវទឹកចិត្តចូលរួម របស់ ឯកឧត្តម លោកជំទាវ លោកអ្នកឧកញ៉ា ឧកញ៉ា លោក លោកស្រី ក្នុងការជួយឧបត្ថម្ភគាំទ្រដល់ កម្មវិធីនេះជាក់ជាពុំខាន។
