Kerala State Road Transport Corporation, Kerala State Road Transport Corporation, Transport Bhavan, Fort. P. O, Thiruvananthapuram (2026)

08/10/2026

🚌 എംഎൽഎ ഫണ്ടിലൂടെ ആദ്യമായി കെ.എസ്.ആർ.ടി.സി.യ്ക്ക് പുതിയ ബസ്; മാതൃകയായി അഡ്വ.കെ. പ്രവീൺ കുമാർ എംഎൽഎ

പൊതുഗതാഗതം ശക്തിപ്പെടുത്തുന്നതിനായി എംഎൽഎ ഫണ്ട് ഉപയോഗിച്ച് കെ.എസ്.ആർ.ടി.സി.യ്ക്ക് പുതിയ ബസ് വാങ്ങുന്നതിനുള്ള നടപടികൾക്ക് തുടക്കമായി.

കേരളത്തിൽ ആദ്യമായി എംഎൽഎ ഫണ്ടിൽ നിന്ന് കെ.എസ്.ആർ.ടി.സി. ബസ് വാങ്ങുന്നതിനായി തുക അനുവദിച്ച് കൊയിലാണ്ടി എംഎൽഎ അഡ്വ. കെ. പ്രവീൺ കുമാർ മുന്നോട്ട് വന്നു.

പുതിയ ബസ് വാങ്ങുന്നതിനായി ₹40 ലക്ഷം രൂപയുടെ പ്രൊപ്പോസൽ എംഎൽഎ കോഴിക്കോട് ജില്ലാ കലക്ടർ എം.എസ്. മാധവിക്കുട്ടിക്ക് കൈമാറി. കോഴിക്കോട് ജില്ലാ കലക്ടറുടെ ചേംബറിൽ നടന്ന ചടങ്ങിലാണ് പദ്ധതിയുമായി ബന്ധപ്പെട്ട നടപടികൾക്ക് തുടക്കമായത്.

എംഎൽഎ ഫണ്ട് ഉപയോഗിച്ച് കെ.എസ്.ആർ.ടി.സി. ബസ് വാങ്ങുന്നതിനായി തുക നീക്കിവയ്ക്കുന്ന സംസ്ഥാനത്തെ ആദ്യ എംഎൽഎ എന്ന നിലയിൽ ഈ പദ്ധതി ശ്രദ്ധേയമാണ്.

കൊയിലാണ്ടി നിയോജകമണ്ഡലത്തിലെ യാത്രാക്ലേശം പരിഹരിക്കുന്നതിനും പൊതുഗതാഗത സംവിധാനത്തെ കൂടുതൽ ശക്തിപ്പെടുത്തുന്നതിനുമാണ് പുതിയ ബസ് ലഭ്യമാക്കുന്നത്. ബസ് സർവീസ് നടത്തേണ്ട റൂട്ട് ജനപ്രതിനിധികളുമായി ആലോചിച്ച് പിന്നീട് തീരുമാനിക്കുമെന്ന് എംഎൽഎ അറിയിച്ചു.

തിരുവനന്തപുരം നിയോജകമണ്ഡലത്തിലെ എംഎൽഎ കൂടിയായ ഗതാഗത വകുപ്പ് മന്ത്രി ശ്രീ.സി.പി.ജോൺ ഉൾപ്പെടെയുള്ള നിരവധി എംഎൽഎമാർ കെഎസ്ആർടിസിക്ക് ബസ് വാങ്ങി നൽകുന്നതിനായി സന്നദ്ധത അറിയിച്ചിട്ടുണ്ട്.

ജനങ്ങളുടെ യാത്രാസൗകര്യം മെച്ചപ്പെടുത്തുന്നതിനും കൂടുതൽ പ്രദേശങ്ങളിലേക്ക് കെ.എസ്.ആർ.ടി.സി. സേവനം വ്യാപിപ്പിക്കുന്നതിനുമുള്ള ഇത്തരം ജനകീയ ഇടപെടലുകൾ പൊതുഗതാഗത രംഗത്തിന് കൂടുതൽ കരുത്തേകും.

🚌 ജനങ്ങൾക്കൊപ്പം… ജനങ്ങൾക്കായി…
കൂടുതൽ ശക്തമായ പൊതുഗതാഗതത്തിനായി കെ.എസ്.ആർ.ടി.സി.

#ജനങ്ങൾക്കൊപ്പം #പൊതുഗതാഗതം

07/10/2026

കെഎസ്ആർടിസിയുടെ കാർഗോ സർവീസിന് ഗംഭീര തുടക്കം;
ആദ്യ സർവീസിൽ കൊണ്ടുപോയത് ഒരു ടൺ മൊബൈൽ ഫോണുകൾ

*ചരിത്രപരമായ ചുവടുവയ്പ്പെന്ന് ഗതാഗത മന്ത്രി സി.പി ജോൺ

തിരുവനന്തപുരം: കെഎസ്ആർടിസിയുടെ കാർഗോ സർവീസിന് ഗംഭീര തുടക്കമായി. ഡൽഹിയിൽ നിന്നും എയർ ഇന്ത്യ വിമാനത്തിൽ തിരുവനന്തപുരം എയർപോർട്ടിലെത്തിച്ച ഒരു ടൺ മൊബൈൽ ഫോണുകൾ ആദ്യ സർവീസായി കെഎസ്ആർടിസി വാടകക്ക് എടുത്ത ട്രക്കിൽ ആലുവയിലേക്ക് കയറ്റി അയച്ചു. തിരുവനന്തപുരം ഡൊമസ്റ്റിക് എയർപോർട്ട് കാർഗോ ടെർമിനലിൽ നടന്ന ചടങ്ങിൽ ഗതാഗത മന്ത്രി സി.പി ജോൺ കാർഗോ സർവീസ് ഫ്ലാഗ് ഓഫ് ചെയ്തു.

സർക്കാരിന്റെ നൂറുദിന കർമപരിപാടിയിൽ ഉൾപ്പെടുത്തിയ ഈ പദ്ധതി കെഎസ്ആർടിസിയുടെ ചരിത്രത്തിലെ തന്നെ വലിയൊരു ചുവടുവയ്പ്പാണെന്ന് മന്ത്രി പറഞ്ഞു. ആദ്യഘട്ടത്തിൽ അഞ്ച് വാഹനങ്ങൾ ഉൾപ്പെടുത്തി ആരംഭിക്കുന്ന കാർഗോ സേവനം ഘട്ടംഘട്ടമായി വിപുലീകരിക്കും. കെഎസ്ആർടിസിയുടെ നിലവിലുള്ള ലോജിസ്റ്റിക് ശൃംഖല കൂടുതൽ ശക്തിപ്പെടുത്തുന്നതിനും ടിക്കറ്റ് ഇതര വരുമാനം വർധിപ്പിക്കുന്നതിനും പുതിയ സംവിധാനം സഹായകമാകും. ഭാവിയിൽ നൂറിലധികം ട്രക്കുകളുള്ള വലിയൊരു ഫ്ലീറ്റായി കെഎസ്ആർടിസി മാറുമെന്നും മന്ത്രി പറഞ്ഞു.

ടിക്കറ്റ് ഇതര വരുമാനം വർധിപ്പിക്കുന്നതിന്റെ ഭാഗമായി രാജ്യത്തെ വിവിധ സംസ്ഥാന റോഡ് ട്രാൻസ്പോർട്ട് കോർപറേഷനുകൾ വിജയകരമായി നടപ്പാക്കിവരുന്ന കാർഗോ സേവന മാതൃക പഠിച്ചാണ് കെഎസ്ആർടിസിയും ഈ മേഖലയിലേക്ക് കടന്നത്. ഇതിലൂടെ ലഭിക്കുന്ന വരുമാനം കെഎസ്ആർടിസി യാത്രക്കാർക്ക് പ്രയോജനം ലഭിക്കത്തക്ക തരത്തിൽ വിനിയോഗിക്കും. വെറ്റ് ലീസിനെടുത്ത അഞ്ച് ട്രക്കുകളാണ് നിലവിൽ കാർഗോ സംവിധാനത്തിനായി ഉപയോഗിക്കുന്നത്. സ്കോർപ്പിയോൺ കാർട്ട് ലോജിസ്റ്റിക്സും കാർഗോ കാർട്ട് ലോജിസ്റ്റിക്സുമാണ് ഈ സേവനത്തിനായി കെഎസ്ആർടിസിക്ക് പിന്തുണ നൽകുന്നതെന്നും മന്ത്രി വ്യക്തമാക്കി.

ചടങ്ങിൽ വാർഡ് കൗൺസിലർ ഷീബ പാട്രിക് അധ്യക്ഷത വഹിച്ചു. കെഎസ്ആർടിസി സിഎംഡി ഡോ. പി.എസ് പ്രമോജ് ശങ്കർ, ചീഫ് എയർപോർട്ട് ഓഫിസർ പി.കെ അജു, കാർഗോ കാർട്ട് ലോജിസ്റ്റിക്സിൻ്റെ ഓപ്പറേഷൻ ഹെഡ്ഡായ ജയലാൽ ജെ.ബിയും വിജയലാൽ ജെ.ബിയും, സ്കോർപ്പിയോൺ ലോജിസ്റ്റിക്സ് മാനേജിങ് ഡയറക്ടർമാരായ ഡി. വിജയൻ, അഭിലാഷ് വിജയൻ, അസറ്റ് ഇൻഫ്രാസ്ട്രെക്ചർ ഹെഡ് കെ.എസ് ഷിബുകുമാർ, ലീഡ് കാർഗോ ഹെഡ് ശ്രീധർ തുടങ്ങിയവർ പങ്കെടുത്തു.

മിതമായ നിരക്കിൽ പ്രവർത്തിക്കുന്ന കെഎസ്ആർടിസിയുടെ കാർഗോ സേവനങ്ങൾക്കായി 99957 07131 എന്ന നമ്പറിൽ ബന്ധപ്പെടാവുന്നതാണ്.

06/10/2026

കെഎസ്ആർടിസി കാർഗോ സർവീസ്
ഫ്‌ളാഗ് ഓഫ് നാളെ...

കെഎസ്ആർടിസി വിജയകരമായി നടത്തിവരുന്ന ലോജിസ്റ്റിക് സംവിധാനം കൂടുതൽ വിപുലീകരിക്കുന്നതിന്റെ ഭാഗമായി കാർഗോ സേവനങ്ങൾ കൂടി ആരംഭിക്കുകയാണ്. ടിക്കറ്റ് ഇതര വരുമാനം വർധിപ്പിക്കുന്നതിന്റെ ഭാഗമായി രാജ്യത്തെ വിവിധ സംസ്ഥാന റോഡ് ട്രാൻസ്പോർട്ട് കോർപ്പറേഷനുകൾ വിജയകരമായി നടപ്പാക്കിവരുന്ന കാർഗോ സേവന മാതൃക പഠിച്ചാണ് കെഎസ്ആർടിസിയും ഈ മേഖലയിലേക്ക് കടക്കുന്നത്.

കാർഗോ സർവീസിന്റെ ഫ്ലാഗ് ഓഫ് കർമ്മം 07.10.2026 ബുധനാഴ്ച ഉച്ചയ്ക്ക് 12.30ന് തിരുവനന്തപുരം ഡൊമസ്റ്റിക് എയർപോർട്ട് കാർഗോ ടെർമിനലിൽ ഗതാഗത വകുപ്പ് മന്ത്രി ശ്രീ.സി.പി ജോൺ നിർവ്വഹിക്കുന്നു.
തിരുവനന്തപുരം പാർലമെൻറ് അംഗം ഡോ.ശശി തരൂർ, ട്രാൻസ്പോർട്ട് സെക്രട്ടറി ശ്രീമതി റ്റി.വി അനുപമ IAS എന്നിവർ ചടങ്ങിൽ സന്നിഹിതരായിരിക്കും.

കെഎസ്ആർടിസി സിഎംഡി സ്വാഗതം ആശംസിക്കുന്ന ചടങ്ങിൽ വാർഡ് കൗൺസിലർ ശ്രീമതി ഷീബ പാട്രിക് അധ്യക്ഷത വഹിക്കുന്നു. കെഎസ്ആർടിസി ഉദ്യോഗസ്ഥർ, ജീവനക്കാർ, രാഷ്ട്രീയ സാമൂഹിക രംഗത്തെ പ്രമുഖ വ്യക്തികൾ തുടങ്ങിയവർ ചടങ്ങിൽ പങ്കെടുക്കും.

06/10/2026

🚌 കെ.എസ്.ആർ.ടി.സി.യിൽ വെറ്റ് ലീസ് വ്യവസ്ഥയിൽ എ.സി. ബസ്സുകൾ ലഭ്യമാക്കുന്നതിന് ദർഘാസ് ക്ഷണിച്ചു

കെ.എസ്.ആർ.ടി.സി.യുടെ വിവിധ സർവീസുകൾക്കായി വെറ്റ് ലീസ് വ്യവസ്ഥയിൽ എ.സി. ബസ്സുകൾ ലഭ്യമാക്കുന്നതിന് ഇ-ടെണ്ടർ ക്ഷണിച്ചു.

🚌 ബസ്സിന്റെ പ്രധാന സവിശേഷതകൾ

🔹 48 സീറ്റുകൾ
🔹 2 × 3 സീറ്റിംഗ് പാറ്റേൺ
🔹 എ.സി. ബസ്

📅 Pre bid Meeting date: 07.10.2026, 11.00 am

📅 ദർഘാസ് സമർപ്പിക്കേണ്ട അവസാന തീയതി

15/10/2026 | വൈകുന്നേരം 5.00 മണി

📌 E-Tender ID

2026_KSRTC_876147_1

🌐 കൂടുതൽ വിവരങ്ങൾക്ക്

യോഗ്യതാ മാനദണ്ഡങ്ങൾ, മറ്റു നിബന്ധനകൾ, ടെണ്ടർ സംബന്ധമായ വിശദാംശങ്ങൾ എന്നിവയ്ക്കായി സന്ദർശിക്കുക:

🌐 www.etenders.kerala.gov.in
🌐 www.keralartc.com

📧 E-mail:
[email protected]

05/10/2026

കെ എസ് ആർ ടി സി ബസ്സുകൾ എളുപ്പത്തിൽ ട്രാക്ക് ചെയ്യാം...

വിഡിയോ കടപ്പാട് മാതൃഭൂമി.

#ജനകീയഗതാഗതം #കെഎസ്ആർടിസി #പൊതുഗതാഗതം #കേരളം

04/10/2026

*കെ.എസ്.ആർ.ടി.സി. നോർത്ത് പറവൂർ ഡിപ്പോയിൽ പുതിയ 7 സർവീസുകളുടെയും യാത്രാസൗകര്യ വികസന പദ്ധതികളുടെയും ഉദ്ഘാടനം ബഹു.മുഖ്യമന്ത്രി നിർവഹിച്ചു.*

നോർത്ത് പറവൂർ കെ.എസ്.ആർ.ടി.സി. ഡിപ്പോയിൽ നിന്ന് പുതുതായി ആരംഭിക്കുന്ന ഏഴ് സർവീസുകളുടെ ഉദ്ഘാടനവും ഫ്ലാഗ് ഓഫും 2026 ഒക്ടോബർ 4ന് രാവിലെ 10 മണിക്ക് ബഹു. മുഖ്യമന്ത്രി ശ്രീ.വി.ഡി സതീശൻ അവർകൾ നിർവഹിച്ചു. കെഎസ്ആർടിസി സി എം ഡി സ്വാഗതം ആശംസിച്ച ചടങ്ങിൽ ബഹു. നഗരസഭാ അധ്യക്ഷൻ ശ്രീ. രമേശ് ടി കുറിപ്പ് അധ്യക്ഷത വഹിച്ചു.

രണ്ട് മൈസൂർ ഫാസ്റ്റ് പാസഞ്ചർ സർവീസുകളും അഞ്ച് പ്രിയദർശിനി ഓർഡിനറി സർവീസുകളുമാണ് പുതുതായി ആരംഭിച്ചത്. ചടങ്ങിൽ ശീതീകരിച്ച ലേഡീസ് ആൻഡ് ഫാമിലി വെയ്റ്റിംഗ് ഏരിയയുടെ നിർമ്മാണോദ്ഘാടനവും, ശീതീകരിച്ച സ്മാർട്ട് ബസ് സ്റ്റോപ്പ് പദ്ധതിയുടെ പ്രഖ്യാപനവും കെ.എസ്.ആർ.ടി.സി. ബജറ്റ് ടൂറിസം സെല്ലിന്റെ ആഭിമുഖ്യത്തിൽ കോയമ്പത്തൂർ ആദിയോഗിയിലേക്ക് പുതിയ സർവീസും, ലക്ഷദ്വീപ് ഉൾപ്പെടെയുള്ള പുതിയ യാത്രാ പാക്കേജുകളുടെ പ്രഖ്യാപനവും ബഹു.മുഖ്യമന്ത്രി നിർവഹിച്ചു.

ഉദ്ഘാടന ചടങ്ങിൽ ട്രാൻസ്പോർട്ട് മാനേജ്മെൻറ് കമ്മിറ്റി അംഗങ്ങളും രാഷ്ട്രീയ സാമൂഹിക രംഗത്തെ പ്രമുഖരും കെഎസ്ആർടിസി ഉദ്യോഗസ്ഥരും ജീവനക്കാരും യാത്രക്കാരും പങ്കെടുത്തു.

03/10/2026

ശുചീകരണ വാരം സമുചിതമായി ആചരിച്ച് കെഎസ്ആർടിസി...

പാറശ്ശാല മുതൽ കാസർഗോഡ് വരെയുള്ള കെഎസ്ആർടിസിയുടെ എല്ലാ യൂണിറ്റുകളിലും വർക്ക്‌ഷോപ്പുകളിലും ശുചീകരണ പ്രവർത്തനങ്ങൾ ഉൾപ്പെടെയുള്ള വിവിധ പരിപാടികൾ ശുചീകരണ വാരാഘോഷത്തോടനുബന്ധിച്ച് സംഘടിപ്പിച്ചിരുന്നു. യൂണിറ്റ് പരിസരങ്ങൾ, വർക്ക്‌ഷോപ്പുകൾ, യാത്രക്കാർക്കുള്ള സൗകര്യങ്ങൾ തുടങ്ങിയവ വൃത്തിയാക്കുന്നതിനും ശുചിത്വം ഉറപ്പാക്കുന്നതിനും പ്രത്യേക ശ്രദ്ധ നൽകുകയും ശുചീകരണ ബോധവൽക്കരണ ക്ലാസുകൾ, വൃക്ഷത്തൈ വിതരണം, വൃക്ഷത്തൈ നടൽ, ശുചീകരണ ബോധവൽക്കരണ പ്രശ്നോത്തരികൾ സംഘടിപ്പിക്കൽ തുടങ്ങി വിവിധ പരിപാടികൾ കെഎസ്ആർടിസി സംഘടിപ്പിച്ചു.

സേവന വാരാഘോഷം സമ്പൂർണ്ണ വിജയമാക്കുന്നതിന് പിന്നിൽ സജീവമായി പ്രവർത്തിച്ച ട്രാൻസ്പോർട്ട് മാനേജ്മെൻറ് കമ്മറ്റി അംഗങ്ങൾ, അതത് പ്രദേശങ്ങളിലെ വിദ്യാഭ്യാസ സ്ഥാപനങ്ങളിലെ എൻ.എസ്.എസ്, എൻ.സി.സി, സ്റ്റുഡന്റ്സ് പോലീസ് കേഡറ്റ്, കെഎസ്ആർടിസി ജീവനക്കാർ, ഉദ്യോഗസ്ഥർ, ഈ ഉദ്യമത്തിൽ കെഎസ്ആർടിസി യോടൊപ്പം സഹകരിച്ചു പ്രവർത്തിച്ച വിവിധ സ്ഥാപനങ്ങൾ എന്നിവർക്ക് കെഎസ്ആർടിസിയുടെ ഹൃദയം നിറഞ്ഞ നന്ദി അറിയിക്കുന്നു.

02/10/2026

ഗാന്ധിജയന്തി
ആശംസകൾ..

Kerala State Road Transport Corporation

08/10/2026

07/10/2026

06/10/2026

06/10/2026

05/10/2026

04/10/2026

03/10/2026

02/10/2026

Address

Telephone

Website

Alerts

Contact The Business

Shortcuts

Share

Category

Listing takedown request