What are the opening hours?

Monday 9am - 7pm Tuesday 9am - 7pm Wednesday 9am - 7pm Thursday 9am - 7pm Friday 9am - 7pm Saturday 9am - 7pm

http://www.travellersstudio.co.in/

Travellers Studio, Thane (2026)

15/08/2026

India is not a country meant to be seen only on a map. It is a land meant to be experienced through journeys, discovered through its diverse cultures, and cherished through memories that last a lifetime. ❤️
Happy Independence Day! 🇮🇳✨

23/07/2026

👑 Royal Rajasthan Collection | Chapter 7 - कुंभलगड
🏰 कुंभलगड – The Great Wall of India
"जेव्हा 'Great Wall' हा शब्द ऐकतो, तेव्हा आपल्या डोळ्यांसमोर चीनची महाभिंत उभी राहते. पण तुम्हाला माहिती आहे का? भारतातही एक 'Great Wall' आहे... जी तब्बल ३६ किलोमीटरपर्यंत पसरलेली आहे आणि जिने शतकानुशतके मेवाडच्या स्वाभिमानाचं रक्षण केलं. तिचं नाव आहे — कुंभलगड."
चित्तोडगडने मेवाडला स्वाभिमान दिला, उदयपूरने मेवाडला नवं आयुष्य दिलं आणि कुंभलगडने मेवाडला अभेद्य कवच दिलं.
आज आपण अशा किल्ल्याची सफर करणार आहोत, ज्याने केवळ शत्रूंना रोखलं नाही, तर मेवाडचा इतिहासही जिवंत ठेवला.

🏰 एका दूरदर्शी राजाचं स्वप्न
चला... आजपासून जवळपास सहाशे वर्षं मागे जाऊया.
मेवाडवर राज्य करत होते महाराणा कुंभा. त्यांची ओळख फक्त शूर योद्धा म्हणून नव्हती. ते उत्तम प्रशासक, कला-संगीताचे जाणकार आणि दूरदृष्टी असलेले राजा होते. चित्तोडगड ही राजधानी होतीच पण महाराणा कुंभांना माहीत होतं की, भविष्यात जर शत्रूंनी चित्तोडगडला वेढा घातला, तर राजघराण्याला आणि मेवाडच्या वारशाला सुरक्षित ठेवण्यासाठी आणखी एका अभेद्य दुर्गाची गरज पडेल आणि तेव्हाच अरवलीच्या डोंगर रांगांमध्ये एका भव्य किल्ल्याचं स्वप्न आकाराला आलं ते कुंभलगड!

🏗️ पण एवढा भव्य किल्ला बांधला कसा?
आज जिथे आपण गाडीने सहज पोहोचतो, तिथे सहाशे वर्षांपूर्वी एवढा विशाल किल्ला उभारणं म्हणजे अशक्य वाटावं असंच काम होतं. त्या काळात ना क्रेन होत्या, ना मोठी यंत्रं. हजारो कारागीर, गवंडी आणि शिल्पकारांनी डोंगरातील दगड फोडून, ते हत्ती, उंट आणि बैलगाड्यांच्या मदतीने वर नेले. चुन्याचा गिलावा आणि स्थानिक बांधकाम तंत्र वापरून मजबूत तटबंदी उभारली गेली. किल्ल्याचे वास्तुविशारद मंडन यांनी अशी रचना केली की अरवलीचे डोंगरच त्याचं नैसर्गिक संरक्षण बनले. स्थानिक लोकांमध्ये एक आख्यायिकाही सांगितली जाते. सुरुवातीला किल्ल्याचं बांधकाम वारंवार कोसळत होतं. तेव्हा एका संताने स्वेच्छेने बलिदान दिलं आणि त्यानंतर बांधकाम निर्विघ्नपणे पूर्ण झालं, अशी श्रद्धा आजही इथले लोक जपतात. इतिहास याची खात्री देत नाही पण ही कथा कुंभलगडच्या गूढतेत नक्कीच भर घालते.

🧱 भारताची महान भिंत
कुंभलगडची सर्वात मोठी ओळख म्हणजे त्याची ३६ किलोमीटर लांब तटबंदी म्हणूनच तिला "The Great Wall of India" असं म्हटलं जातं.
असं म्हणतात की काही ठिकाणी या भिंतीवरून एकाच वेळी आठ घोडेस्वार धावू शकत होते. किल्ल्याभोवती सात मजबूत प्रवेशद्वार, उंच तटबंदी आणि डोंगराळ परिसर असल्यामुळे शत्रूला इथे पोहोचणंसुद्धा अवघड होतं म्हणूनच इतिहासात हा किल्ला जवळजवळ अजिंक्य राहिला.

👑 इथे जन्म झाला मेवाडच्या सिंहाचा...
कुंभलगडचा सर्वात मोठा अभिमान म्हणजे याच किल्ल्यात इ.स. १५४० मध्ये महाराणा प्रतापांचा जन्म झाला. याच तटबंदीवर त्यांचं बालपण गेलं...
याच डोंगरांनी त्यांना स्वाभिमान, धैर्य आणि मातृभूमीवर प्रेम करण्याची प्रेरणा दिली. पुढे ज्यांनी अकबरासारख्या बलाढ्य सम्राटासमोर कधीही मस्तक झुकवलं नाही त्या महान योद्ध्याची ही जन्मभूमी आहे.

🚶 चला... आता कुंभलगड फिरूया!
किल्ल्यात प्रवेश करताच आपलं स्वागत करतो हनुमान पोल.
थोडं पुढे गेल्यावर दिसतो बादल महाल.
किल्ल्यातील सर्वात उंच ठिकाणी असलेला हा राजवाडा आजही अरवली पर्वतरांगांचं अप्रतिम दृश्य दाखवतो.
यानंतर भेट द्या नीलकंठ महादेव मंदिराला.
इथलं विशाल शिवलिंग आणि परिसरातील शांतता मनाला वेगळाच आनंद देते.
विशेष म्हणजे, किल्ल्याच्या परिसरात ३६० हून अधिक मंदिरे आहेत. त्यापैकी बहुतेक जैन मंदिरे असून उर्वरित हिंदू मंदिरे आहेत.
यावरून कुंभलगड हा फक्त युद्धासाठी उभारलेला किल्ला नव्हता, तर धार्मिक आणि सांस्कृतिक केंद्रही होता.

🌍 जागतिक वारशाचा मान
कुंभलगडचं ऐतिहासिक आणि स्थापत्य महत्त्व लक्षात घेऊन २०१३ मध्ये UNESCO ने "Hill Forts of Rajasthan" या जागतिक वारसा यादीत त्याचा समावेश केला. आज जगभरातून लाखो पर्यटक हा भव्य दुर्ग पाहण्यासाठी येथे येतात.

✈️ Traveller's Tip
कुंभलगडला भेट देण्यासाठी ऑक्टोबर ते मार्च हा सर्वोत्तम काळ आहे.
संध्याकाळचा Light & Sound Show आणि बादल महालवरून दिसणारा सूर्यास्त नक्की अनुभवावा.

❤️ The Great Wall of India!
कुंभलगडने दाखवून दिलं की, दूरदृष्टी आणि मजबूत तयारी असेल, तर कोणतंही साम्राज्य दीर्घकाळ टिकू शकतं. हा किल्ला फक्त दगडांचा नाही तर तो मेवाडच्या अदम्य आत्मविश्वासाचा, महाराणा कुंभांच्या दूरदृष्टीचा आणि महाराणा प्रतापांच्या जन्माचा साक्षीदार आहे म्हणूनच आजही कुंभलगड अभिमानाने ओळखला जातो.

22/07/2026

Royal Rajasthan Collection | Chapter 6 - चित्तोडगड
चित्तोडगड – जिथे स्वाभिमानाने मृत्यूवरही विजय मिळवला
"राजस्थानात एक असा किल्ला आहे... जो अनेकदा जिंकला गेला, पण कधीच पराभूत झाला नाही." हे ऐकून थोडं विचित्र वाटतं ना? पण जेव्हा तुम्ही चित्तोडगडच्या भव्य तटबंदीवर उभे राहता, तेव्हा या वाक्याचा खरा अर्थ समजायला लागतो. हा फक्त दगडांचा किल्ला नाही. ही आहे हजारो शूरवीरांच्या रक्ताने लिहिलेली इतिहासाची जिवंत गाथा. इथला प्रत्येक दरवाजा, प्रत्येक महाल आणि प्रत्येक दगड आजही शौर्य, त्याग आणि स्वाभिमानाची साक्ष देत उभा आहे.

🏰 चित्तोडगडचा इतिहास
चित्तोडगड हा केवळ राजस्थानातील नव्हे, तर संपूर्ण भारतातील सर्वात ऐतिहासिक आणि गौरवशाली किल्ल्यांपैकी एक मानला जातो. सुमारे ७०० एकरांहून अधिक क्षेत्रात पसरलेला हा भव्य दुर्ग समुद्रसपाटीपासून जवळपास १८० मीटर उंच टेकडीवर वसलेला आहे. सातव्या शतकात मौर्य वंशातील राजा चित्रांगद यांनी या दुर्गाची उभारणी केल्याचं मानलं जातं. पुढे हा किल्ला गुहिल (गहलोत) आणि नंतर सिसोदिया राजवंशाची राजधानी बनला. जवळपास आठशे वर्षे मेवाडच्या राजकारण, संस्कृती आणि शौर्याचं केंद्र म्हणून चित्तोडगड ओळखला जात होता. पण या किल्ल्याची खरी ओळख त्याच्या भव्य तटबंदीमुळे नाही. तर इथल्या लोकांच्या अदम्य स्वाभिमानामुळे आहे. इतिहासात या किल्ल्यावर तीन मोठी आक्रमणं झाली—इ.स. १३०३ मध्ये अलाउद्दीन खिलजी, १५३५ मध्ये गुजरातचा सुलतान बहादूर शाह, आणि १५६७–६८ मध्ये सम्राट अकबर यांनी चित्तोडगडला वेढा घातला. प्रत्येक वेळी राजपूतांनी शेवटच्या श्वासापर्यंत शौर्याने लढा दिला. पराभव निश्चित झाल्यावर राजपूत स्त्रियांनी जौहर करून स्वाभिमानाचं रक्षण केलं, तर पुरुषांनी केशरिया बांधून अंतिम युद्धासाठी रणांगण गाठलं. म्हणूनच चित्तोडगड हा फक्त युद्धांचा साक्षीदार नाही, तर त्याग, शौर्य आणि स्वाभिमानाचं चिरंतन प्रतीक बनला आहे.

👑 राणी पद्मावती... इतिहास आणि आख्यायिका
चित्तोडगड म्हटलं की सर्वप्रथम आठवतं ते नाव म्हणजे राणी पद्मावती.
लोकप्रिय आख्यायिकेनुसार, अलाउद्दीन खिलजीने राणी पद्मावतीच्या सौंदर्याची कीर्ती ऐकून चित्तोडगडवर स्वारी केली. पुढे घडलेल्या घटनांमुळे युद्ध ओढवलं आणि अखेर हजारो राजपूत स्त्रियांसह राणी पद्मावतीने जौहर करून स्वाभिमानाचं रक्षण केलं, अशी परंपरागत कथा सांगितली जाते. इतिहासकार या कथेबाबत वेगवेगळी मतं मांडतात. मात्र, राजपूत परंपरेत राणी पद्मावती या त्याग, शौर्य आणि स्वाभिमानाचं अमर प्रतीक मानल्या जातात.

🏛️ चला... आता किल्ला फिरूया!
चित्तोडगडमध्ये प्रवेश करताना सर्वप्रथम लागतात सात भव्य दरवाजे (Pols). शत्रूला किल्ल्यात सहज प्रवेश करता येऊ नये, यासाठी त्यांची रचना अत्यंत कुशलतेने करण्यात आली होती. पुढे दिसतो तो विजय स्तंभ. राणा कुंभाने मालव्याच्या सुलतानावर मिळवलेल्या विजयाच्या स्मरणार्थ उभारलेला हा नऊ मजली स्तंभ आजही मेवाडच्या वैभवाचं प्रतीक आहे.
याच्या जवळच आहे कीर्ती स्तंभ, जो जैन परंपरेशी संबंधित असून त्यावरील कोरीवकाम अप्रतिम आहे.
राणा कुंभा महाल हा मेवाडच्या राजकीय इतिहासाचा साक्षीदार आहे.
अनेक इतिहासकारांच्या मते जौहराशी संबंधित आठवणी याच परिसराशी जोडल्या जातात. पद्मावती महाल आजही पर्यटकांना त्या प्रसिद्ध आख्यायिकेची आठवण करून देतो.
गौमुख कुंड हे किल्ल्यातील सर्वात महत्त्वाच्या जलस्रोतांपैकी एक आहे. खडकाच्या मुखातून अखंड वाहणारं पाणी पाहून आजही पर्यटक थक्क होतात.
याशिवाय मीरा मंदिर, कालिका माता मंदिर, फतेह प्रकाश महाल, सूरज पोल आणि राम पोल ही ठिकाणंही आवर्जून पाहण्यासारखी आहेत.
आज या दुर्गात फिरताना विजय स्तंभ, कीर्ती स्तंभ, राणा कुंभा महाल, पद्मावती महाल, गौमुख कुंड, मीरा मंदिर आणि कालिका माता मंदिर यांसारखी ऐतिहासिक स्थळं त्या वैभवशाली इतिहासाची साक्ष देताना दिसतात.

🌍 जगानेही मान्य केलेलं वैभव
चित्तोडगडच्या असामान्य ऐतिहासिक, सांस्कृतिक आणि स्थापत्य वारशामुळे २०१३ मध्ये युनेस्कोने "Hill Forts of Rajasthan" या जागतिक वारसा स्थळांच्या यादीत चित्तोडगडचा समावेश केला. आज जगभरातून लाखो पर्यटक या दुर्गाला भेट देतात आणि मेवाडच्या वैभवाचा अनुभव घेतात.

💡 तुम्हाला माहित आहे का?
चित्तोडगड हा भारतातील सर्वात मोठ्या किल्ल्यांपैकी एक असून, किल्ल्याच्या परिसरात राजवाडे, मंदिरे, जलाशय, मनोरे आणि इतर मिळून ६५ हून अधिक ऐतिहासिक स्मारके आहेत.

✈️ Traveller's Tip
चित्तोडगड पाहण्यासाठी किमान ४ ते ५ तास राखून ठेवा. शक्य असल्यास सकाळी लवकर किंवा संध्याकाळी भेट द्या. संध्याकाळचा Light & Sound Show नक्की पाहा. काही मिनिटांत तो मेवाडचा संपूर्ण इतिहास जिवंत करून दाखवतो.

🤔 शेवटी एक प्रश्न...
इतिहासात अनेक साम्राज्यं आली. अनेक किल्ले जिंकले गेले. पण आजही स्वाभिमानाचं प्रतीक म्हटलं की सर्वप्रथम चित्तोडगडचंच नाव का घेतलं जातं?
कदाचित उत्तर या किल्ल्याच्या दगडांत नाही, तर त्या असंख्य वीरांच्या बलिदानात आहे, ज्यांनी पराभव स्वीकारला पण स्वाभिमान कधीच विकला नाही. म्हणूनच चित्तोडगड हा केवळ एक किल्ला नाही, तर मेवाडच्या आत्म्याचं, राजपूत शौर्याचं आणि भारतीय इतिहासातील अदम्य स्वाभिमानाचं जिवंत स्मारक आहे.

21/07/2026

👑 Royal Rajasthan Collection Chapter 5 - उदयपूर
उदयपूर – जिथे मेवाड पुन्हा उभं राहिलं
उदयपूरला जाणारे बहुतेक पर्यटक काय करतात माहिती आहे? सिटी पॅलेस पाहतात, लेक पिचोलामध्ये बोटिंग करतात, लेक पॅलेसचे फोटो काढतात आणि म्हणतात, "वा! काय सुंदर शहर आहे!" पण त्या सुंदर शहरामागची खरी गोष्ट फार कमी लोकांना माहिती असते. कारण उदयपूर हे शहर सौंदर्यासाठी जन्माला आलं नव्हतं ते मेवाड वाचवण्यासाठी उभं राहिलं होतं.

🏰 एका निर्णयाने इतिहास बदलला...
पूर्वी मेवाडची राजधानी होती चित्तोडगड. राजपूतांच्या शौर्याचा अभिमान असलेला तो किल्ला... पण एक समस्या होती. दिल्लीहून किंवा आग्र्याकडून येणाऱ्या आक्रमकांचं पहिलं लक्ष्य नेहमी चित्तोडगडच असायचं. एक-दोन नाही, तर अनेक वेळा या किल्ल्यावर मोठमोठी आक्रमणं झाली. तेव्हा महाराणा उदयसिंह दुसरे यांच्या लक्षात आलं की जर मेवाड टिकवायचा असेल, तर फक्त लढून चलणार नाही दूरदृष्टीही तितकीच महत्त्वाची आहे. मग त्यांनी ठरवलं नवी राजधानी उभारायची!

🌿 मग सापडलं हे स्वर्गासारखं ठिकाण...
असं म्हणतात, महाराणा उदयसिंह दुसरे अरवलीच्या डोंगरात फिरत असताना त्यांची भेट एका साधूशी झाली. त्या साधूने पिचोला सरोवराच्या काठी बोट दाखवत सांगितलं "महाराज इथे शहर वसवा. चारही बाजूंनी डोंगर आहेत पाणी आहे आणि शत्रूसाठी इथे पोहोचणंही कठीण आहे हा सल्ला महाराणांना पटला आणि इ.स. १५५९ मध्ये उदयपूरची स्थापना झाली. आज आपण ज्या शहरात फिरतो, त्याची सुरुवात अशा एका दूरदृष्टीच्या निर्णयातून झाली होती. काही वर्षांनी चित्तोडगड मुघलांच्या ताब्यात गेला. पण एक गोष्ट लक्षात घ्या चित्तोडगड पडला पण मेवाड नाही कारण राजधानी आता उदयपूर होती. याच भूमीत पुढे महाराणा प्रताप वाढले. याच भूमीतून मेवाडचा स्वाभिमान जिवंत राहिला. म्हणून उदयपूर म्हणजे फक्त एक शहर नाही तो मेवाडच्या पुनर्जन्माचा साक्षीदार आहे.

🏰 चला... आता उदयपूर फिरूया!
उदयपूरमध्ये पाऊल ठेवलं की सर्वात आधी नजरेत भरतो तो सिटी पॅलेस.
पिचोला सरोवराच्या काठावर उभा असलेला हा राजवाडा म्हणजे मेवाडच्या वैभवाचं जिवंत संग्रहालयच, राजवाड्याच्या खिडकीतून दिसणारं सरोवर, समोरचं लेक पॅलेस आणि दूरवर दिसणाऱ्या अरवलीच्या रांगा... हा नजारा एकदा पाहिला की आयुष्यभर लक्षात राहतो.

🌊 उदयपूरची खरी ओळख...
लोक उदयपूरला "City of Lakes" म्हणतात पण ही सरोवरं फक्त शहर सुंदर दिसावं म्हणून नव्हती. त्या काळात पाणी म्हणजे जीवन, पिचोला, फतेहसागर, उदयसागर, स्वरूपसागर अशा सरोवरांनी उदयपूरला पाणी, संरक्षण आणि समृद्धी दिली. म्हणूनच उदयपूर आजही इतकं जिवंत आणि हिरवं दिसतं. जर उदयपूरला गेलात, तर संध्याकाळी सज्जनगड (Monsoon Palace) वर नक्की जा. सूर्य हळूहळू अरवलीच्या डोंगरामागे मावळतो. खाली संपूर्ण उदयपूर दिव्यांनी उजळायला सुरुवात होते आणि त्या क्षणी का कोण जाणे, पण उदयपूरच्या प्रेमात पडल्याशिवाय राहवत नाही.

⭐ उदयपूरमध्ये काय पाहाल?
🏰 सिटी पॅलेस
🌊 लेक पिचोला
🚤 लेक पॅलेस आणि बोट राईड
🌅 फतेहसागर लेक
🛕 जगदीश मंदिर
🌄 सज्जनगड (Monsoon Palace)
🌿 सहेलियों की बाडी

💡 तुम्हाला माहिती आहे का?
📌 उदयपूरची स्थापना १५५९ मध्ये महाराणा उदयसिंह दुसरे यांनी केली.
📌 लेक पॅलेस पूर्वी राजघराण्याचा उन्हाळी राजवाडा होता.
📌 सिटी पॅलेसचं बांधकाम एका राजाने नाही, तर अनेक महाराण्यांनी टप्प्याटप्प्याने पूर्ण केलं.
📌 अनेक बॉलिवूड आणि हॉलीवूड चित्रपटांचं चित्रीकरण उदयपूरमध्ये झालं आहे.

✨ Travellers Studio Tip
उदयपूर फिरताना पिचोला सरोवराच्या काठावर दहा मिनिटं शांत बसा.
समोर दिसणारा लेक पॅलेस पाण्यावर पडणारं त्याचं प्रतिबिंब आणि मागे अरवलीच्या टेकड्या. उदयपूर का फक्त एक शहर नाही तर मेवाडच्या इतिहासाचा जिवंत वारसा आहे.

💬 एक प्रश्न - जर तुम्हाला उदयपूरमध्ये फक्त एकच ठिकाण पाहण्याची संधी मिळाली तर ते कोणतं असेल?
🏰 सिटी पॅलेस
🌊 लेक पिचोला
🌄 सज्जनगड
🛕 जगदीश मंदिर
👇 कमेंटमध्ये नक्की सांगा!

20/07/2026

👑 Royal Rajasthan Collection | Chapter 4
🩷 धुंधार – गुलाबी शहरामागचा राजेशाही इतिहास

धुंधार हे नाव कसं पडलं?
धुंधार या नावामागे दोन प्रचलित मते आहेत.
👉🏻 सर्वात प्रचलित मत असं आहे की, या प्रदेशातून वाहणाऱ्या ढूंढ (Dhund/Dhoond) नदीवरून या भागाला धुंधार (Dhundhar) हे नाव मिळालं. 'ढूंढ' + 'आर/हार (प्रदेश)' असा त्याचा अर्थ लावला जातो, म्हणजे ढूंढ नदीचा प्रदेश.
👉🏻 दुसरं एक लोकमान्य मत असं सांगितलं जातं की, पूर्वी हा भाग दाट जंगलांनी आणि सकाळच्या धुक्याने (धुंद वातावरणाने) व्यापलेला असे. त्यामुळे त्याला "धुंधार" म्हणू लागले. मात्र या मताला ऐतिहासिक पुरावे तुलनेने कमी आहेत.

धुंधार – जयपूरच्या जन्माची कथा
राजस्थानच्या प्रत्येक प्रदेशाची एक वेगळी ओळख आहे. मेवाडने शौर्याची परंपरा जपली, मारवाडने स्वाभिमान आणि राजेशाहीचा वारसा जपला... पण धुंधारने जगाला दाखवून दिलं की एक शहर केवळ वसवलं जात नाही, तर ते दूरदृष्टी, नियोजन आणि सौंदर्यदृष्टीने घडवलं जातं.

सुमारे ३०० वर्षांपूर्वी, एका राजाने एक स्वप्न पाहिलं—असं शहर उभारायचं, जिथे रुंद रस्ते असतील, आखीव-रेखीव बाजारपेठा असतील, सुरक्षित तटबंदी असेल आणि प्रत्येक इमारतीमागे एक विचार असेल. त्या स्वप्नाला आकार दिला सवाई जयसिंह दुसरे यांनी... आणि त्या स्वप्नाचं नाव होतं जयपूर.
आज जगभर Pink City म्हणून प्रसिद्ध असलेलं जयपूर हे फक्त सुंदर शहर नाही; ते कच्छवाहा राजवंशाच्या दूरदृष्टीचं आणि समृद्ध संस्कृतीचं जिवंत उदाहरण आहे.

👑 कच्छवाहा राजवंश
धुंधारचा इतिहास म्हणजे कच्छवाहा राजांची गोष्ट. सुरुवातीला त्यांची राजधानी आमेर येथे होती. आज आपण पाहतो तो भव्य आमेर किल्ला हा केवळ दगडांचा किल्ला नाही, तर अनेक पिढ्यांच्या पराक्रमाचा साक्षीदार आहे. काळ बदलत गेला, राज्य वाढत गेलं आणि मग इतिहासात एक नाव उजळून निघालं—सवाई जयसिंह दुसरे.
ते फक्त राजा नव्हते... ते एक उत्तम नियोजक, अभ्यासू शासक आणि खगोलशास्त्राचे जाणकार होते. त्यांना वाटलं की भविष्यातील राजधानी अधिक मोठी, सुरक्षित आणि व्यवस्थित असली पाहिजे. म्हणूनच इ.स. १७२७ मध्ये त्यांनी जयपूर शहर वसवलं. त्या काळात बहुतेक शहरं हळूहळू वाढली होती. पण जयपूर आधी कागदावर आखलं गेलं आणि नंतर प्रत्यक्षात उभारलं गेलं. त्यामुळे आजही जयपूर भारतातील सर्वात नियोजनबद्ध ऐतिहासिक शहरांपैकी एक मानलं जातं.

🔭 राजाला आकाशाचंही वेड होतं..
सवाई जयसिंह यांना खगोलशास्त्राची प्रचंड आवड होती.
ग्रह-तारे, वेळ आणि आकाशातील बदल यांचा अभ्यास करण्यासाठी त्यांनी जंतरमंतर उभारलं. आजही तिथली विशाल दगडी उपकरणं पाहिली की आश्चर्य वाटतं. तीनशे वर्षांपूर्वी इतक्या अचूक पद्धतीने आकाशाचा अभ्यास केला जात होता, यावर विश्वास बसत नाही.
म्हणूनच जयपूरचं जंतरमंतर आज युनेस्कोच्या जागतिक वारसा स्थळांमध्ये समाविष्ट आहे.

🩷 जयपूर 'Pink City' कसं बनलं?
हा प्रश्न जवळजवळ प्रत्येक पर्यटकाला पडतो.
इ.स. १८७६ मध्ये इंग्लंडचे प्रिन्स अल्बर्ट एडवर्ड जयपूरला येणार होते.
त्यांच्या स्वागतासाठी संपूर्ण शहर गुलाबी रंगात रंगवलं गेलं. कारण गुलाबी रंग हा आदरातिथ्य आणि स्वागताचं प्रतीक मानला जात होता.
पाहुण्यांना तो रंग इतका आवडला की पुढे तोच जयपूरची कायमची ओळख बनला. आजही जुन्या शहरात फिरताना तीच गुलाबी इमारती पाहिल्या की आपण इतिहासाच्या पाऊलखुणांवर चालतोय असं वाटतं.

🏰 धुंधारची काही खास ठिकाणं
🏰 आमेर किल्ला – कच्छवाहा राजांची पहिली राजधानी आणि अप्रतिम राजपूत स्थापत्यकला.
🌬️ हवा महाल – ९५३ झरोख्यांनी सजलेली अशी वास्तू, जिथून राजघराण्यातील स्त्रिया बाहेरचे सोहळे पाहत असत.
👑 सिटी पॅलेस – आजही जयपूरच्या राजघराण्याचा इतिहास जपणारा राजवाडा.
🔭 जंतरमंतर – विज्ञान आणि स्थापत्यकलेचा अद्भुत संगम.
🛡️ जयगड किल्ला – जगप्रसिद्ध जयवाण तोफ आणि जयपूरच्या संरक्षणाची महत्त्वाची जबाबदारी सांभाळणारा किल्ला.

💡तुम्हाला माहिती आहे का?
📌 जयपूर हे भारतातील पहिल्या नियोजनबद्ध शहरांपैकी एक मानलं जातं.
📌 हवा महालमध्ये तब्बल ९५३ झरोखे आहेत.
📌 आमेर, जयगड आणि नाहरगड हे तीन किल्ले एकमेकांच्या संरक्षणासाठी उभारले गेले होते.
📌 जयपूरचं जंतरमंतर हे जगातील सर्वात मोठ्या दगडी खगोलशास्त्रीय वेधशाळांपैकी एक आहे.

✨ Travellers Studio Tip
जयपूरला फक्त फोटो काढण्यासाठी जाऊ नका...
आमेरच्या किल्ल्यावर उभं राहून त्या काळच्या राजांची दूरदृष्टी अनुभवून बघा, जंतरमंतरमध्ये वेळ कशी मोजली जायची ते समजून घ्या आणि संध्याकाळी गुलाबी शहराच्या रस्त्यांवर निवांत फिरा. तेव्हा जाणवेल की जयपूर फक्त एक शहर नाही... ती ३०० वर्षांपूर्वी पाहिलेल्या एका राजाच्या स्वप्नाची साकार झालेली कहाणी आहे.

💬 तुम्ही जयपूरला गेला असाल, तर तुम्हाला सर्वात जास्त काय आवडलं? आणि अजून गेला नसाल, तर सर्वात आधी कोणतं ठिकाण पाहायला आवडेल? 👇

19/07/2026

Royal Rajasthan Collection | Chapter 3 - मारवाड
🟠 मारवाड – राठोडांच्या शौर्याची आणि वाळवंटातील राजेशाहीची भूमी

"जिथे वाळवंटाचा प्रत्येक कण शौर्याची गाथा सांगतो आणि प्रत्येक किल्ला राजेशाही वैभवाची साक्ष देतो... ती भूमी म्हणजे मारवाड."
राजस्थानचा पश्चिम भाग म्हणजे मारवाड. 'मारू' म्हणजे वाळवंट आणि 'वाड' म्हणजे प्रदेश. त्यामुळे या प्रदेशाला मारवाड हे नाव प्राप्त झालं.
आजचा जोधपूर, जैसलमेर, बिकानेर, बाडमेर, नागौर, पाली, जालोर आणि ओसियां हे सर्व भाग ऐतिहासिकदृष्ट्या मारवाडचा वारसा जपतात.
पण मारवाडची खरी ओळख फक्त वाळवंट नाही... ती आहे राठोडांच्या पराक्रमाची.

👑 राठोड राजवंश – मारवाडचा सुवर्ण इतिहास
राठोड राजवंश हा राजस्थानातील सर्वात पराक्रमी राजपूत घराण्यांपैकी एक मानला जातो. इतिहासकारांच्या मते, इ.स. ११९४ मध्ये कन्नौजच्या पराभवानंतर राठोड घराण्यातील काही राजपुत्र पश्चिमेकडे आले. पुढे राव सीहा (सियाजी) यांनी मारवाडमध्ये राठोड सत्तेची पायाभरणी केली.
त्यानंतर अनेक पिढ्यांनी या प्रदेशाचा विस्तार केला. पण या घराण्याला सर्वाधिक कीर्ती मिळवून दिली ती राव जोधा यांनी.

🏰 राव जोधा
इ.स. १४५९ मध्ये राव जोधा यांनी जोधपूर शहराची स्थापना केली आणि अभेद्य मेहरानगड किल्ल्याची उभारणी सुरू केली.
आज समुद्रसपाटीपासून सुमारे ४०० फूट उंच असलेला हा किल्ला भारतातील सर्वात भव्य आणि सुरक्षित किल्ल्यांपैकी एक मानला जातो.

⚔️ महाराजा जसवंतसिंह
मुघल काळात महाराजा जसवंतसिंह प्रथम यांनी आपल्या शौर्याने राठोड घराण्याची कीर्ती संपूर्ण भारतभर पोहोचवली. ते एक कुशल योद्धा आणि मुत्सद्दी शासक म्हणून ओळखले जातात.

👑 महाराजा अजीतसिंह
औरंगजेबाच्या मृत्यूनंतर महाराजा अजीतसिंह यांनी जोधपूर पुन्हा राठोडांच्या ताब्यात आणलं आणि मारवाडच्या स्वातंत्र्याचा गौरव पुन्हा प्रस्थापित केला.

🌍 मारवाडचं ऐतिहासिक महत्त्व
प्राचीन काळात मारवाड हा भारत, मध्य आशिया आणि पश्चिम आशिया यांना जोडणाऱ्या व्यापारी मार्गांवरील महत्त्वाचा प्रदेश होता.
उंटांच्या ताफ्यांद्वारे मसाले, कापड, रेशीम, मीठ आणि मौल्यवान वस्तूंचा व्यापार इथून होत असे. त्यामुळे मारवाड केवळ युद्धासाठीच नव्हे तर व्यापार आणि संस्कृतीसाठीही प्रसिद्ध झाला.

⭐ मारवाडची प्रमुख आकर्षणं
🟦 जोधपूर – मेहरानगड किल्ला आणि Blue City
🏜️ जैसलमेर – सोनार किल्ला आणि थार वाळवंट
🏰 बिकानेर – जुनागढ किल्ला
🐪 थार वाळवंट – भारतातील सर्वात मोठं वाळवंट
🛕 ओसियां – प्राचीन हिंदू आणि जैन मंदिरं

💡 तुम्हाला माहिती आहे का?
📌 मेहरानगड किल्ल्याच्या प्रवेशद्वारावर आजही जुन्या युद्धांच्या तोफगोळ्यांच्या खुणा दिसतात.
📌 जैसलमेरचा सोनार किल्ला हा आजही लोकवस्ती असलेल्या जगातील मोजक्या किल्ल्यांपैकी एक आहे.
📌 राठोड राजवंशाने जवळपास सहा शतकांहून अधिक काळ मारवाडच्या इतिहासावर प्रभाव टाकला.

💬 तुम्ही मारवाडमधील कोणतं ठिकाण सर्वप्रथम पाहायला आवडेल?
🟦 जोधपूर
🏜️ जैसलमेर
🏰 बिकानेर
🐪 थार वाळवंट
👇 तुमचं उत्तर कमेंटमध्ये नक्की सांगा!

18/07/2026

Royal Rajasthan Collection | Chapter 2 - मेवाड
🟢 मेवाड – शौर्य, स्वाभिमान आणि सरोवरांची भूमी

"जिथे स्वाभिमानासाठी राज्यापेक्षाही मोठं काहीतरी जपलं गेलं... ती भूमी म्हणजे मेवाड."

राजस्थान म्हटलं की राजेशाही वैभव आठवतं, पण त्या वैभवामागे उभा आहे मेवाडचा गौरवशाली इतिहास. मेवाड हा फक्त राजस्थानातील एक प्रदेश नाही, तर तो राजपूत शौर्य, स्वाभिमान आणि त्यागाचं जिवंत प्रतीक आहे. सिसोदिया राजवंशाने अनेक शतकं या भूमीवर राज्य केलं आणि आपल्या पराक्रमाने इतिहासात अजरामर स्थान मिळवलं.

महाराणा प्रताप हे मेवाडचं सर्वात तेजस्वी व्यक्तिमत्त्व. इ.स. १५७६ मधील हल्दीघाटीच्या युद्धात त्यांनी मुघल सम्राट अकबराच्या सैन्याशी पराक्रमाने सामना केला. त्यांच्यासाठी विजयापेक्षा स्वातंत्र्य आणि स्वाभिमान अधिक महत्त्वाचा होता. म्हणूनच आजही महाराणा प्रताप हे भारतीय इतिहासातील शौर्याचं सर्वोच्च प्रतीक मानले जातात.
इतिहासाइतकंच मेवाड आपल्या नैसर्गिक सौंदर्यासाठीही प्रसिद्ध आहे. अरावली पर्वतरांग, नयनरम्य तलाव, भव्य राजवाडे, अभेद्य किल्ले आणि प्राचीन मंदिरे यामुळे हा प्रदेश प्रत्येक प्रवाशाला भुरळ घालतो.

🌟 मेवाडची प्रमुख आकर्षणं
🏰 चित्तौडगड किल्ला – राजपूत शौर्य, त्याग आणि स्वाभिमानाचं अमर प्रतीक.

🌊 उदयपूर (City of Lakes) – राजवाडे, तलाव आणि अप्रतिम राजेशाही सौंदर्य यामुळे जगभर प्रसिद्ध.

🏯 कुंभलगड किल्ला – सुमारे ३६ किमी लांबीची तटबंदी असलेला हा अभेद्य किल्ला जगातील सर्वात लांब तटबंद्यांपैकी एक आहे. महाराणा प्रतापांचे जन्मस्थान म्हणून ओळखला जाणारा हा किल्ला युनेस्कोच्या Hill Forts of Rajasthan जागतिक वारसा स्थळांमध्ये समाविष्ट आहे.

🙏 नाथद्वारा – श्रीनाथजींचं जगप्रसिद्ध मंदिर आणि वैष्णव संप्रदायाचं महत्त्वाचं तीर्थक्षेत्र.

🏞️ राजसमंद – इतिहास, शांत सरोवर आणि मेवाडच्या सांस्कृतिक वारशाचं सुंदर दर्शन.

💡 तुम्हाला माहिती आहे का?
महाराणा प्रतापांचा विश्वासू घोडा 'चेतक' आजही निष्ठा आणि शौर्याचं प्रतीक मानला जातो. हल्दीघाटीच्या युद्धात गंभीर जखमी असूनही चेतकने महाराणांना सुरक्षित ठिकाणी पोहोचवलं. ही कथा आजही प्रत्येक भारतीयाला प्रेरणा देते.

💬 तुम्हाला मेवाडमधील कोणते ठिकाण पाहायला आवडेल?
🏰 चित्तौडगड
🌊 उदयपूर
🏯 कुंभालगड
🙏 नाथद्वारा
👇 तुमचं उत्तर कमेंटमध्ये नक्की सांगा!

17/07/2026

🏰 Royal Rajasthan Collection | Chapter 1
🗺️ Rajasthan Unveiled – मेवाड, मारवाड आणि धुंधार
🏰 राजस्थान म्हटलं की आपल्या डोळ्यासमोर उभे राहतात भव्य किल्ले, राजेशाही राजवाडे, रंगीबेरंगी संस्कृती आणि शौर्याच्या असंख्य कथा... पण राजस्थानची खरी ओळख फक्त एवढीच नाही. प्रत्येक प्रदेशाची स्वतःची एक वेगळी कहाणी, परंपरा आणि ओळख आहे. चला, आज त्या प्रवासाची सुरुवात करूया... ❤️

आज आपण ज्याला राजस्थान म्हणतो, तो पूर्वी वेगवेगळ्या ऐतिहासिक प्रदेशांमध्ये विभागलेला होता. त्यापैकी मेवाड, मारवाड आणि धुंधार हे तीन प्रदेश राजस्थानची खरी ओळख घडवणारे मानले जातात.
━━━━━━━━━━━━━━
🟢 Mewar (मेवाड) - The Land of Courage & Pride
मेवाड म्हणजे शौर्य, स्वाभिमान आणि राजपूत परंपरेचं प्रतीक.
महाराणा प्रतापांचं नाव घेतलं की सर्वात आधी आठवतं ते मेवाड! अरावलीच्या डोंगररांगा, नयनरम्य तलाव, भव्य राजवाडे आणि अभेद्य किल्ले... या भूमीचा प्रत्येक कोपरा इतिहासाचा साक्षीदार आहे.
📍 इथली प्रमुख पर्यटनस्थळे:
• उदयपूर
• चित्तोरगड
• कुंभालगड
• नथद्वार
• राजसामांड
━━━━━━━━━━━━━━
🟠 Marwar (मारवाड) - The Land of Desert Kings
मारवाड म्हटलं की डोळ्यासमोर उभं राहतं थारचं अथांग वाळवंट, उंट सफारी आणि राजेशाही थाट.
निळं शहर जोधपूर, सोन्यासारखा झळाळणारा जैसलमेर, भव्य किल्ले आणि रंगीबेरंगी लोकसंस्कृती... म्हणूनच मारवाड जगभरातील पर्यटकांना कायम आकर्षित करत आला आहे.
📍 इथली प्रमुख पर्यटनस्थळे:
• जोधपूर
• जैसलमेर
• बिकानेर
• Osian
• बारमेर
━━━━━━━━━━━━━━
🩷 Dhundhar (धुंधार) - The Royal Gateway of Rajasthan
धुंधार म्हणजे जयपूर – The Pink City.
भव्य राजवाडे, ऐतिहासिक किल्ले, गजबजलेल्या बाजारपेठा आणि अप्रतिम स्थापत्यकला... राजस्थानच्या शाही दुनियेची सुरुवात अनेकांसाठी इथूनच होते.
📍 इथली प्रमुख पर्यटनस्थळे:
• जयपूर
• अंबर फोर्ट
• नाहरगड फोर्ट
• जयगड फोर्ट
━━━━━━━━━━━━━━
🏔️ तुम्हाला माहिती आहे का?
अरावली पर्वतरांग ही जगातील सर्वात प्राचीन पर्वतरांगांपैकी एक मानली जाते. पूर्वी हीच पर्वतरांग मेवाड आणि मारवाड यांच्यामधली नैसर्गिक सीमा मानली जायची.
━━━━━━━━━━━━━━
📖 Royal Rajasthan Collection
पुढील काही दिवसांत आपण राजस्थानच्या प्रत्येक प्रदेशाची, तिथल्या शहरांची, संस्कृतीची, खाद्यपरंपरेची, इतिहासाची आणि तिथे अनुभवता येणाऱ्या खास गोष्टींची एक-एक करून ओळख करून घेणार आहोत.
हा फक्त प्रवास नाही...
ही आहे राजस्थानच्या राजेशाही वारशाला जवळून अनुभवण्याची एक सुंदर सफर. ✨
━━━━━━━━━━━━━━
💬 आता तुम्ही सांगा ...
राजस्थानमधला कोणता प्रदेश तुम्हाला सर्वात आधी अनुभवायला आवडेल?
🟢 मेवार
🟠 मारवाड
🩷 धुंधार

👇 तुमचं उत्तर कमेंटमध्ये नक्की लिहा.
आणि Royal Rajasthan Collection च्या पुढील भागासाठी Travellers Studio ला Follow करायला विसरू नका!

✨ Travellers Studio
Where Every Journey Becomes a Story.

16/07/2026

👑 राजस्थानला जायचंय? मग आधी राजस्थानची खरी ओळख करून घेऊया!
राजस्थान म्हटलं की आपल्या डोळ्यासमोर उभे राहतात भव्य किल्ले, विशाल वाळवंट आणि राजेशाही थाट... पण राजस्थानची ओळख इतक्यावरच थांबत नाही.
इथे आहे शौर्याचा इतिहास, अप्रतिम राजवाडे, नयनरम्य तलाव, समृद्ध संस्कृती, रंगीबेरंगी परंपरा, समृद्ध वन्यजीव, स्वादिष्ट खाद्यसंस्कृती आणि अध्यात्माचा अनोखा संगम.
याच राजस्थानची खरी ओळख करून देण्यासाठी Travellers Studio घेऊन येत आहे...
👑 Royal Rajasthan Collection
राजस्थानचा इतिहास, संस्कृती, वारसा आणि सौंदर्य अनुभवून देणारी एक खास माहितीपूर्ण पोस्ट सिरीज.
📍 उद्यापासून आपण राजस्थानचा प्रत्येक रंग, प्रत्येक प्रदेश आणि प्रत्येक अनुभव जवळून जाणून घेणार आहोत. 🗺️
✨ काय मग... तयार आहात ना या सुंदर प्रवासासाठी? ❤️🐪👑

23/06/2026

Important Update 👁️‍🗨️

Travellers Studio

15/08/2026

23/07/2026

22/07/2026

21/07/2026

20/07/2026

19/07/2026

18/07/2026

17/07/2026

16/07/2026

23/06/2026

Address

Opening Hours

Telephone

Website

Alerts

Contact The Business

Shortcuts

Share

Listing takedown request

Monday	9am - 7pm
Tuesday	9am - 7pm
Wednesday	9am - 7pm
Thursday	9am - 7pm
Friday	9am - 7pm
Saturday	9am - 7pm