https://www.facebook.com/100405109523506/

Joy of travelling by Joy Velloor, Kottayam (2026)

11/10/2024

എല്ലാം പ്രിയപ്പെട്ടവർക്കും നവരാത്രി ആശംസകൾ.. 🎉🎉

03/10/2024

Celebrating my 2nd year on Facebook. Thank you for your continuing support. I could never have made it without you. 🙏🤗🎉

#28/28 States 8/8 Union Territories.. 😍🇮🇳🇮🇳🇮🇳😍

ഒരുവട്ടമെങ്കിലും ഇന്ത്യയുടെ എല്ലാ ഭാഗങ്ങളും കാണണമെന്നുള്ള ആഗ്രഹത്തിൽ അന്പത്തിആറാം വയസ്സിൽ തുടങ്ങിയ യാത്ര ആറു വർഷങ്ങൾക്ക് ശേഷം സഫലമായി. 28 സംസ്ഥാനങ്ങളിലെയും എട്ടു കേന്ദ്ര ഭരണ പ്രദേശങ്ങളിലെയും ഒരു സ്ഥലം എങ്കിലും കാണണമെന്ന ആഗ്രഹം ലക്ഷദ്വീപിലെ അഗത്തിയിൽ എത്തിയപ്പോൾസാധിച്ചു.

ലക്ഷദ്വീപിൽ പോകാൻ പോലീസ് ക്ലിയറൻസ് സർട്ടിഫിക്കറ്റ് (PCC) വേണം അക്ഷയ വഴി അപേക്ഷിക്കാം. PCC കിട്ടിയാൽ പെർമിറ്റിന് ട്രാവൽ ഏജൻസി വഴിയോ ലക്ഷദ്വീപിലെ സുഹൃത്തുക്കൾ വഴിയോ അപേക്ഷിക്കാം. ദ്വീപിലേക്ക്ഉള്ള യാത്ര വിമാന മാർഗം അഗത്തിയിൽ എത്തുന്നതാണ് സൗകര്യം കപ്പൽ യാത്ര ടിക്കറ്റ് കിട്ടാൻ ഉള്ള ബുദ്ധിമുട്ടും വളരെ അനിശ്ചിതത്വം നിറഞ്ഞതുമാണ്.

അഗത്തിയിലെത്തിയാൽ നല്ല കാലാവസ്ഥയും, അനുമതിയും കിട്ടിയാൽ ബോട്ടിൽ ബംഗാരം, തിന്നക്കര, കൽപിട്ടി ദ്വീപുകളിൽ പോയി വരാം. മനോഹരമായ ബീച്ചുകളും, സ്കൂബ ഡൈവിംഗ്, സ്നോർക്കലിഗ്, കയാക്കിംഗ്, ഗ്ലാസ് ബോട്ട് യാത്ര, ഫിഷിംഗ് എന്നിവയാണ് പ്രധാന വിനോദങ്ങൾ. വളരെ കുറഞ്ഞ സൗകര്യങ്ങളിൽ ജീവിക്കുന്നനല്ലവരായ മനുഷ്യരും വളരെ ശാന്തമായ അന്തരീക്ഷവും ആണ് ഇവിടത്തെ പ്രത്യേകത.

ഇന്ത്യയിലെ എല്ലാ സംസ്ഥാനങ്ങളിലും കേന്ദ്രഭരണ പ്രദേശങ്ങളിലും എത്തിച്ചേരുമ്പോൾ കുറഞ്ഞത് ഒരു ഇരുപത്തി അഞ്ചു രാജ്യങ്ങളിലെ കാഴ്ചകളിൽ അധികം കാഴ്ചകളാണ് ഇവിടെ നമുക്ക് ഉള്ളത്.

എത്ര വൈവിധ്യമാർന്ന ആരാധനാലയങ്ങൾ ആണ് നമുക്ക് ഉള്ളത് ഞാൻ സന്ദർശിച്ച, മനസ്സിൽ തങ്ങിനിൽക്കുന്ന ചില ആരാധനാലയങ്ങൾ ഇവ ആണ്. ശ്രീപത്മനാഭ ക്ഷേത്രം, മധുര മീനാക്ഷി ക്ഷേത്രം, തഞ്ചാവൂർക്ഷേത്രം, വേളാങ്കണ്ണിപള്ളി, ശ്രീ രാമേശ്വര ക്ഷേത്രം, പോണ്ടിച്ചേരിയിലെ മന്ത്രി മന്ദിർ, മഹാബലിപുരത്തെ ക്ഷേത്രങ്ങൾ, മൈലാപ്പൂർ പള്ളി, ഹംപി,പട്ടടയ്ക്കൽ, ഐഹോളാ, ബദാമി ക്ഷേത്രങ്ങൾ, ഗോവയിലെ Basilica of Bom Jesus ചർച്ച് ,മംഗേഷി ടെംപിൾ, ശ്രീ ഷിർദ്ദി സായിബാബ ടെംപിൾ, ശ്രീ ഘൃഷ്ണേശ്വര് ജ്യോതിർലിംഗ ടെംപിൾ , അജന്ത എല്ലോറയിലെ ക്ഷേത്രങ്ങൾ,നാസിക്കിലെ ക്ഷേത്രങ്ങൾ, Shree Trimbakeshwar Jyotirling Mandir, ദമനിലെയും, ദിയുവിലെയും പുരാതന പള്ളികൾ, ഓം കലേശ്വർജ്യോതിർലിംഗ ക്ഷേത്രം, ഉജ്ജയിനിലെ Shri Mahakaleshwar Jyotirlinga Temple, ഓർച്ച യിലെ ക്ഷേത്രങ്ങൾ, ഖജരാവോയിലെ ക്ഷേത്രങ്ങൾ, ഇന്ത്യയിലെ ഏറ്റവും വലിയ മോസ്ക് ആയ ഭോപ്പാലിലെ Tāj-ul-Masjid, ഒറീസയിലെ പൂരി ശ്രീ ജഗന്നാഥ് ടെമ്പിൾ, കൊണാർക്ക് സൺ ടെമ്പിൾ, ലിംഗരാജ് ടെമ്പിൾ, ഛത്തീസ്ഗഡിലെ ദന്തദാവേശ്വരി ക്ഷേത്രം, ജാർഖണ്ഡിലെ ദിയോഗർ ബാബാ ബൈദ്യനാഥ് ദാമം ജ്യോതിർലിംഗ ക്ഷേത്രം, റാഞ്ചിയിലെ പഹാരിമന്ദിർ, കൽക്കട്ടയിലെ കാളിഘട്ട്, ദക്ഷിണേശ്വർ കാളി മന്ദിർ, സെന്റ് പോൾസ് കത്തീഡ്രൽ, മദർ തെരേസ കബറിടം, ഗൊഹട്ടിയിലെ കാമഖിയാ ക്ഷേത്രം, ത്രിപുരയിലെ ത്രിപുരസുന്ദരി ക്ഷേത്രം, മിസോറാമിലെയും നാഗാലാൻഡിലെയും പള്ളികൾ, സിക്കിമിലെ ബാബാ ഹർബജൻ സിംഗ് മന്ദിർ, പട്നയിലെ Takhat Shri Harimandir Ji പട്ന സാഹിബ്‌ ക്ഷേത്രം, വൈശാലിയിലെ ലോർഡ് മഹാവീർ ജന്മ സ്ഥലത്തെ ജൈനക്ഷേത്രം, ഗയയിലെ ശ്രീബുദ്ധന് ജ്ഞാനോദയം ഉണ്ടായ സ്ഥലത്ത് സ്ഥിതി ചെയ്യുന്നു മഹാഭൂതി ക്ഷേത്രം, കാശിയിലെ ശ്രീ വിശ്വനാഥ ക്ഷേത്രം, സാരാനാഥ്ലെ ബുദ്ധ ക്ഷേത്രം, ബറോഡയിലെ Dakshinamoorthy & Navgraha EME ടെംപിൾ, ശ്രീ സോമനാഥ ക്ഷേത്രം, ദ്വാരകയിലെ Shree Dwarkadhish ടെംപിൾ, Shri Nageshwar Jyotirlinga ടെംപിൾ,
5000ത്തിലധികം പടികൾ കയറി എത്തിയ ഗിരിനാർ ടെമ്പിൾ, രാജസ്ഥാനിലെ Shree Karni Mata ടെംപിൾ, പുഷ്കറിലെ ക്ഷേത്രങ്ങൾ, അജ്മീറിലെ Khwaja Gharib Nawaz Dargah, അമൃതസറിലെ സുവർണ്ണക്ഷേത്രം, തരൺ തരൺ സാഹിബ് ഗുരുദ്വാര, ഡൽഹിയിലെ ജുമാ മസ്ജിദ്, ലോട്ടസ് ടെമ്പിൾ, സ്വാമി നാരായണൻ ടെമ്പിൾ, അക്ഷർധാം ടെമ്പിൾ, ഉത്തർഖണ്ഡിലെ ഹരിദ്വാറിലെയും ഋഷികേശിലെയും ക്ഷേത്രങ്ങൾ, ഗംഗോത്രി, യമുനോത്രി, ശ്രീ കേദാർനാഥ്, ശ്രീ ബദരീനാഥ് തുടങ്ങിയ ക്ഷേത്രങ്ങൾ, ശ്രീനഗറിലെ Dargah Hazratbal Shrine ശ്രീ ശങ്കരാചാര്യ ക്ഷേത്രം, മണാലിയിലെ ശ്രീ ഹിടിമ്പ ദേവി ക്ഷേത്രം, ലേയിലെയും തവാങ്ങിലെയും പഗോഡകൾ തുടങ്ങി ഒട്ടനവധി ആരാധനാലയങ്ങളാണ് നമുക്കുള്ളത്. ഇന്ത്യയിലെ യാത്രകൾ കൂടുതലും ആരാധനആലയങ്ങൾ കേന്ദ്രീകരിച്ചാണ് നടക്കുന്നത് അതുകൊണ്ട് ആണ് ഇവിടെ പറഞ്ഞത്.

ചരിത്രമുറങ്ങുന്ന ധാരാളം പാലസുകളും കോട്ടകളും, നളന്ദ,താജ്മഹൽ പോലെയുള്ള ലോക അത്ഭുതങ്ങളും, ധാരാളം നാഷണൽ പാർക്കുകളും, തടാകങ്ങളും നദികളും, കുന്നുകളും താഴ് വരകളും , വിവിധ സംസ്കാരത്തിലും ഭാഷകളിലും ജീവിക്കുന്ന ജന വിഭാഗങ്ങൾ അടങ്ങുന്ന എത്ര മനോഹരമായ രാജ്യം.

കൂടുതൽ യാത്രകളും പൊതു ഗതാഗതം ഉപയോഗിച്ച് ഒറ്റയ്ക്കുള്ള യാത്രകൾ ആയിരുന്നു. കിലോമീറ്ററുകൾ നടന്നു പോയി കണ്ട കാഴ്ചകളിൽ പ്രധാനം നാഗാലാൻഡിലെ Dzüko valley, മേഘാലയിലെ ലിവിങ് റൂട്ട് ബ്രിഡ്ജ്, റെയിൻബോ വാട്ടർ ഫാൾ, മിസോറാമിലെ Reiek hills, ഹിമാചൽ പ്രദേശ് ലെ Tosh, ഗുജറാത്തിലെ ഗിരിനാർ ക്ഷേത്രം, ഉത്തർഖണ്ഡിലെ ശ്രീ കേദാർനാഥ് ക്ഷത്രം യമുനോത്രി എന്നിവയാണ് മനസ്സിൽ വരുന്നത്.

യാത്ര ചെയ്തപ്പോൾ ചില ആഘോഷങ്ങളിലും പങ്കെടുക്കാൻ സാധിച്ചു പ്രധാനമായും കച്ചിലെ റൺ ഉത്സവം, നാഗാലാൻഡിലെ ഹോൺ ബിൽ ഫെസ്റ്റിവൽ, പുഷ്കറിലെ ഹോളി ആഘോഷം എന്നിവയാണ്.

കുറച്ചു ബുദ്ധിമുട്ടിഎങ്കിലും എല്ലാ സംസ്ഥാനങ്ങളും കേന്ദ്ര ഭരണ പ്രദേശങ്ങളിലെയും ഒരു സ്ഥലം എങ്കിലും കാണണം എന്നുള്ള ആഗ്രഹം സാധിച്ചു. ചെറുതും വലുതുമായ യാത്രകൾ ഇനിയും തുടരും പുതിയ ടാർജറ്റുകളുമായി... നന്ദി.

29/08/2024

Borra caves, Arakku valley.. 😍😍

04/07/2024

Ladakh July 2022.😍

21/06/2024

കേരള തമിഴ്നാട് അതിർത്തിയിലെ വെള്ളിയാൻഗിരി മലനിരകളും അടിവാരത്തെ ആദിയോഗി പ്രതിമയും, ഇഷ യോഗ സെന്റർ,കോയമ്പത്തൂർ.

19/05/2024

ഗുജറാത്ത് കാഴ്ചകൾ- കച്ച്

റൺ ഓഫ് കച്ച്.. വൈറ്റ് ഡെസേർട്ട്

മാർച്ച് മാസത്തിലെ ആദ്യ ആഴ്ചയായിരുന്നു . രാജസ്ഥാനിലെ അബു റോഡിൽ നിന്ന് ട്രെയിൻ മാർഗ്ഗം ഗുജറാത്തിലെ ഭൂജിൽ എത്തിയത്. കച്ചിലെ റൺ ഉത്സവം നവംബർ തൊട്ട് ഫെബ്രുവരി വരെയാണെന്ന് അറിയാമെങ്കിലും ഉത്സവം കാണാൻ വീണ്ടും മാസങ്ങൾ കാത്തിരിക്കണമല്ലോ എന്ന് വിചാരിച്ചാണ് താമസിച്ചു ആണെങ്കിലും എത്തിയത്.

ഇന്ത്യയിലെ ഏറ്റവും വലിയ ജില്ലയായ കച്ചിന്റെ തലസ്ഥാനമായ ബുജ്ജ് സിറ്റിയിലെ പ്രധാന ആകർഷണങ്ങൾ. Prag Mahal,Aaina Mahal, Vande Mataram Memorial, Kutch Museum, Harmirsar Lake, Shree Swaminarayan Temple,Chhatardi Bhuj,Sharad Baug Palace.. എന്നിവ ആണ്.. നൂറ്റാണ്ടുകളുടെ പഴക്കമുള്ളതാണ് പലതും..മിക്കവാറും സ്മാരകങ്ങളിലും 2001ലെ ഭൂകമ്പത്തിന്റെ മുറിപ്പാടുകൾ കാണുവാൻ സാധിക്കും. Chhatardi Bhuj പല ഹിന്ദി സിനിമകളുടെയും ഷൂട്ടിംഗ് ലൊക്കേഷൻ ആയിരുന്നു.

അടുത്ത ദിവസം രാവിലെ ടാക്സിയിൽ റൺ ഓഫ് കച്ച് ലക്ഷ്യമാക്കി യാത്രതിരിച്ചു. ആദ്യം ഞങ്ങൾ പോയത് കാലോ ദുങ്കർ(ബ്ലാക്ക് ഹിൽ ) കച്ചിലെ ഏറ്റവും ഉയർന്ന സ്ഥലമാണിത്. ഇവിടെ നിന്നാൽ റൺ ഓഫ് കച്ച് തടാകവും പാക്കിസ്ഥാൻ അതിർത്തിയും ബൈനോക്കുലർ ഉപയോഗിച്ച് കാണാം. പോയ വഴിയിൽ വാഹനം നിർത്തി കാന്തിക ആകർഷണത്താൽ വാഹനം സ്വയം നീങ്ങുന്നതും ഡ്രൈവർ കാണിച്ചുതന്നു. ( മാഗ്നെറ്റിക് ഹിൽ ) ദത്തത്രയാ ക്ഷേത്രത്തിൽ നിന്ന് സൗജന്യ ഭക്ഷണവും കഴിച്ചു ഇവിടെ നിന്ന് 75 കിലോമീറ്റർ അകലെയുള്ള ധോളവിറയിലേക്ക് (Dholavira) യാത്രയായി.

ധോളവിറ (Dholavira)യിലേക്ക് ഉള്ള യാത്രയിൽ ഏകദേശം 50 കിലോമീറ്റർ ദൂരം റൺ ഓഫ് കച്ച് തടാകത്തിന്റെ നടുക്കൂടെ ആയിരുന്നു രണ്ടു സൈഡിലും വെള്ള തടാകവും,കറുത്ത ടാറിട്ട റോഡും നയന മനോഹരമായി കാഴ്ചയാണ്. റോഡിന്റെ തുടക്കത്തിൽ എവിടെയോ റോഡ് ടു ഹെവൻ എന്നെഴുതിയത് സത്യമാണ്.

4000ത്തിലധികം വർഷം പഴക്കമുള്ള ഹാരപ്പൻ-മോഹൻജൊദാരോ സംസ്‌ക്കാരത്തിന്റെ (ഇൻഡസ് വാലി സിവിലൈസേഷന്റെ)നിരവധി അവശിഷ്ടങ്ങൾ കാണപ്പെടുന്ന ഒരു പ്രദേശമാണ് ധോളാവീര. ആർക്കിയോളജിക്കൽ സർവ്വേ ഓഫ് ഇന്ത്യയുടെ മ്യൂസിയവും, ഏകദേശം നൂറ് വർഷം മുമ്പ് ഖനനം ചെയ്തെടുത്ത പഴയ സംസ്കാരത്തിന്റെ കാഴ്ചകളുമാണ് ഇവിടെയുള്ളത്. ധോളവിറയിൽ നിന്ന് തിരിച്ച് 90 കിലോമീറ്റർ അകലെയുള്ള വൈറ്റ് ഡെസേർട്ടിലേക്ക് യാത്രതിരിച്ചു.

വൈറ്റ് റാൻ ഓഫ് കച്ച് ഏകദേശം മുപ്പതിനായിരത്തിൽ അധികം സ്ക്വയർ കിലോമീറ്റര് പ്രദേശത്ത്, ഇന്ത്യയിലും പാകിസ്ഥാനിലുമായി പരന്നുകിടക്കുന്ന ലോകത്തിലെ ഏറ്റവും വലിയ ഉപ്പ് മരുഭൂമിയാണ് ഇത്. ഇവിടെ എത്താൻ ബോർഡർ സെക്യൂരിറ്റി ഫോഴ്സിന്റെ പാസ് ആവശ്യമാണ്. താർ മരുഭൂമിയുടെ ഭാഗമായ ഇവിടെ മൺസൂൺ കാലത്ത് കടൽവെള്ളം കയറി ചൂടുകാലത്ത് വെള്ളം വറ്റി ആണ് വിശാലമായ വെള്ള മരുഭൂമി ഉണ്ടാകുന്നത്. നോക്കത്താ ദൂരത്ത് പരന്ന് കിടക്കുന്ന വെള്ള മരുഭൂമി ജീവിതത്തിൽ ഒരിക്കലെങ്കിലും കണ്ടിരിക്കേണ്ട കാഴ്ചയാണ്.നടന്നും, ഒട്ടകപ്പുറത്തും,ക്വാഡ് ബൈക്കിലും വെള്ള മരുഭൂമിയിൽ കറങ്ങി കാണാവുന്നതാണ്. സൂര്യൻ വൈകിയാണ് ഇവിടെ അസ്തമിക്കുന്നത് അസ്തമയ കാഴ്ച മനോഹരമാണ്.

ഗുജറാത്ത് ഗവർമെന്റ് മുൻ കയ്യ് എടുത്തു എല്ലാവർഷവും നവംബർ മുതൽ ഫെബ്രുവരി വരെ റൺ ഉത്സവം ഇവിടെ നടത്തുന്നുണ്ട്. കച്ചിലെ തനത് കലാ സാംസ്കാരിക പരിപാടികൾ ഇതിനോട് അനുബന്ധിച്ച് ഇവിടെ നടക്കുന്നു. ആയിരക്കണക്കിന് ആൾക്കാർ ഈ സമയത്ത് ഇവിടെയെത്തുന്നതിനാൽ ടെന്റ് സിറ്റി പോലെയുള്ള സൗകര്യങ്ങളുംഅപ്പോൾ ഇവിടെയുണ്ട്. വെളുത്ത വാവ് ദിനങ്ങളിലെ കാഴ്ച അതിമനോഹരമായതിനാൽ സാധാരണയിൽ നിന്ന് തിരക്ക് കൂടും. ഉത്സവ സമയത്ത് വൈറ്റ് ഡെസേർട്ടിന് അടുത്തുള്ള താമസം ചിലവ് ഏറിയത് ആണ്. ഭൂജിൽ താമസിച്ച് പോയി വന്നു കാണാനും സാധിക്കും...അപ്പോൾ വർഷാഅവസാനുമുള്ള റൺ ഉത്സവം കാണാൻ തയ്യാറായിക്കോളൂ.

01/04/2024

ഗുജറാത്തിലെ കാഴ്ചകൾ..

റാണി കി വാവ്

അഹമ്മദാബാദിൽ നിന്ന് ഏകദേശം 100 കിലോമീറ്റർ അകലെ പട്ടാൻ സിറ്റിക്കടുത്താണ് റാണി കി വാവ് സ്ഥിതി ചെയ്യുന്നത്.

പതിനൊന്നാം നൂറ്റാണ്ടിൽ ജലം സംഭരിക്കുന്നതിനു വേണ്ടി നിർമ്മിച്ചതാണ് ഇത്...ഭൂമിക്കടിയിൽ അറിയപ്പെടാതെ കിടന്ന ഈ മഹാ നിർമ്മിതി 100 വർഷങ്ങൾക്കു മുമ്പ് ബ്രിട്ടീഷ് ആർക്കിയോളജിസ്റ്റ് കണ്ടെടുത്തു.. യുനെസ്കോ പൈതൃകമായി ആർക്കിയോളജിക്കൽ സർവേ ഓഫ് ഇന്ത്യ സംരക്ഷിക്കുന്നു..

ഇതാണ് നമ്മളാരും അധികം ശ്രദ്ധിക്കാത്ത, നമ്മുടെ 100 രൂപ നോട്ടിൽ പ്രിന്റ് ചെയ്തിരിക്കുന്നു ചരിത്ര സ്മാരകം

24/02/2024

പഴയ കുറിപ്പുകൾ
എഴുതിയത്...ജനുവരി 2018

എവറസ്റ്റിനു മുകളിൽ കൂടെ....

വളരെ നാൾ ആയി ഉള്ള ആഗ്രഹം ആയിരുന്നു നേപ്പാളിലേക്ക് ഉള്ള ഒരു യാത്ര.. അതും ഹിമാവാനേ അടുത്ത് കാണണം എന്ന ആഗ്രഹവുമായി..

അങ്ങനെ കിട്ടിയ അവസരത്തിൽ ഒറ്റയ്ക്ക് രാത്രിയിൽ കാട്മന്ധുവിൽ എത്തി നല്ല തണുപ്പ്. ആദ്യദിവസം സിറ്റി ഗ്രുപ്പ് ടൂർ ബുക്ക് ചയ്തു പ്രധാന ആകർഷണങ്ങൾ ആയ പശുപതിനാഥ് ടെംപിൾ ബൗദ്ധനാഥ്, ബുദ്ധനികാന്താ, സ്വൊയം ഭുനാഥ്, ഡർബാർ square മുതൽ ആയവ കണ്ടു.

അടുത്ത ദിവസത്തേക്ക് വേണ്ടി mountain flight യാത്രചെയ്യാൻ വേണ്ടി ബുക്ക് ചെയ്തു രാവിലെ 6:45നു ഉള്ള budha air ഫ്ലൈറ്റ്നു ആണ്‌ കിട്ടിയത്. പന്തിരായിരം നേപ്പാളി രൂപ ആണ്‌ ഏകദേശം ഏഴായിരത്തി അഞ്ഞൂര് ഇന്ത്യൻ രൂപ. ഇന്ത്യൻ രൂപ കയ്യിൽ ഉണ്ട് എങ്കിൽ നേപ്പാളിൽ സുഖമാ എല്ലാഇടവും ചിലവാക്കാം പിന്നെ വിസ ഒന്നും നമുക്ക് വേണ്ടാത്തത് കൊണ്ട് എപ്പോൾ വേണമെങ്കിലും പോകാം.

ഫ്ലൈറ്റ് സമയത്തിനു ഒരു മണിക്കൂർ മുൻപ് 05:45നു റിപ്പോർട്ട്‌ ചെയ്യണം. കൊടും തണുപ്പ് വക വെക്കാതെ രാവിലെ തന്നെ എണിറ്റു കുളിച്ചു ടാക്സി പിടിച്ചു എയർപോർട്ടിൽ എത്തി ചെക്ക്‌ ഇൻ ചെയ്തു. ലോ വിസിബിലിറ്റി കാരണം ഫ്ലൈറ്റ് 07:30ആണ്‌ പറന്നു ഉയർന്നതു. പതിനാറു സീറ്റ്‌ ഉള്ള ചെറിയ വിമാനം ആണ്‌. എല്ലാവർക്കും വിൻഡോ സീറ്റ്‌ ആണ് സൈഡ് കാണാൻ വേണ്ടി. പതിനാറു യാത്രക്കാരും രണ്ടു പൈലറ്റ് മാരും ഒരു എയർ ഹോസ്റ്റ്സും (ഗൈഡ്)ആണ്‌ ഉള്ളത്. വിമാനത്തിൽ ഇന്ത്യൻ /നേപ്പാളി ആയി ഞാൻ മാത്രം മറ്റുള്ളവർ എല്ലാം പടിഞ്ഞാറു നാട്ടുകാർ ആണ്.

തെളിഞ്ഞ ആകാശത്തിൽ ഹിമാവാനേ കാണാൻ തുടങ്ങി.. മനസ്സിൽ ആനന്ദം തുടിക്കുന്നു.. എല്ലാവരും ക്യാമറ കണ്ണിലൂടെ ഹിമാവാനേ കാണാനും പകർത്താനും തുടങ്ങി അതിനു ആവേശം കൂട്ടികൊണ്ടു എയർ ഹോസ്‌റ്റസ്‌ ഓരോത്തരെ വീതം കോക്ക് പിറ്റിലേക്ക് ക്ഷണിച്ചു. വിമാനത്തിന്റെ മുന്നിൽ നിന്നും ഉള്ള വിശാല ദർശനം കാണാം. എല്ലാവർക്കും മൗണ്ട് എവറസ്റ് (സാഗർമാതാ )8848Meter ഉയരം അറിയാം എന്നാൽ സുന്ദരൻമാരായ ഡസൻ കണക്കിനു പീക്ക്കൾ അവിടെ കാണാം. എല്ലാം ഒരു ജീവിതത്തിൽ ഒരിക്കലും അനുഭവചിട്ടില്ലാത്ത ദർശന അനുഭവങ്ങൾ.

ഒരു മണിക്കൂർ ആണ്‌ യാത്ര സമയം ഉള്ളത് അപ്പോൾ പൈലറ്റ് ന്റെ അറിയിപ്പ് വന്നു ലോ വിസിബിലിറ്റി മൂലം എയർപോർട്ടു അടച്ചു എന്ന്. അതുകൊണ്ട് പത്തുഇരുപതു മിനിറ്റ് കൂടുതൽ ഫ്ലൈറ്റ് കറങ്ങി തിരിച്ചു ലാൻഡ് ചെയ്തു. ഇറങ്ങാൻ നേരം എല്ലാവർക്കും എയർ ലൈൻന്റെ വക സർട്ടിഫിക്കറ്റ് തന്നു.. ഇതു ആണ് യാത്ര ചെയ്തു കിട്ടിയ ആദ്യ സർട്ടിഫിക്കറ്റ്...
അതില് എഴുതി ഇരിക്കുന്ന പോലെ "ഞാൻ മൗണ്ട് എവറസ്റ്റ് കയറി ഇല്ല എന്നാലും ഹൃദയം കൊണ്ട് അതിനെ തൊട്ടു....

17/02/2024

പഴയ കുറിപ്പുകൾ..എല്ലാം ഒരുമിച്ചു കിടക്കട്ടെ..

യാത്ര ചെയ്ത വർഷം 2006
കുറിപ്പ് എഴുതിയത്..2018

നമുക്ക് സിറിയയിലേക്ക് ഒന്ന് യാത്ര പോയാലോ....
എന്ന് ചോദിച്ചാൽ ഇപ്പോൾ ആരും വരാൻ ആഗ്രഹിക്കുന്നില്ല അല്ലേ..

എന്നാൽ അങ്ങനെ അല്ലായിരുന്നു അവിടെ. നല്ല പുരോഗമന ചിന്താഗതി ഉള്ള ജനങ്ങൾ. ലോകത്തിലെ ഏറ്റവും പുരാതന നഗരമായ ഡമസ്‌ക്കോസ്, അതി പുരാതനമായ മറ്റ് ചരിത്ര സ്മാരകങ്ങൾ എല്ലാം ഉള്ള രാജ്യം.

ദുബായ്യിൽ ജോലി ചെയ്‌യുന്ന കാലം, പറ്റുമെങ്കിൽ അടുത്ത് ഉള്ള രാജ്യങ്ങൾ സന്ദർശനം നടത്തണം എന്ന ആഗ്രഹം മനസ്സിൽ നിറഞ്ഞ കാലത്ത് സിറിയ സന്ദർശിക്കുവാൻ പ്ലാൻ ഇട്ടു.
കൂടെ ജോലി ചെയ്യുന്ന രണ്ടു കുട്ടുകാരെ സഹയാത്രികര് ആയി കിട്ടി. ആപ്പ്, മാപ്പ്, ഗൂഗിൾ, ഫേസ്ബുക് ഒന്നും ഇല്ലാത്ത കാലത്ത് പ്ലാനിങ് ഇന്നത്തെ പോലെ അത്രയും എളുപ്പം അല്ലായിരുന്നു.

സിറിയക്ക് യാത്രപോകാൻ ഒരു കാരണം ഞാൻ ജന്മം കൊണ്ട് സിറിയൻ ഓർത്തഡോക്സ് കുടുംബത്തിൽ പിറന്ന ആൾ ആണ്, അന്ന് അതിന്റെ ആസ്ഥാനം ഡമാസ്കസിൽ ആയിരുന്നു. സഭയിൽ പെട്ട പല പുരോഹിതരും അവിടെ ഉണ്ട് എന്ന് അറിഞ്ഞു അവരിൽ നിന്നും യാത്രക്ക് വേണ്ട ഉപദേശങ്ങൾ സമാഹരിച്ചു.

ജന്മം കൊണ്ട് എന്ന് പറഞ്ഞത് നമ്മളിൽ തൊണ്ണൂറ്റി ഒൻപത് ശതമാനവും ആൾക്കാർക്കും ജാതിയും മതവും ഉണ്ടാകുന്നത് ജന്മം കൊണ്ട് ആണ്. ഉന്നത ജാതിയിലും,താഴ്ന്ന ജാതിയിലും പെട്ട മഹാന്മാരും,ഹീനൻമാരും ഉള്ള നാട് ആണ് നമ്മുടെത്. അപ്പോൾ ജാതിയും മതവും എല്ലാം ഒരു പരിധിയില് കൂടുതൽ ആയാലും നല്ലത് അല്ല എന്ന് പറയാൻ ആണ്. അപ്പോൾ യാത്രയിലേക്ക് വരാം

രണ്ടായിരത്തിആറു നവംബർ മാസം അവസാനആഴ്ചയിൽ സിറിയയുടെ തലസ്ഥാനം ആയ ഡമാസ്കസ്സിൽ ഞാനും കുട്ടുകാരായ ബേബി, റെജു എന്നിവർ എത്തി. എയർപോർട്ടിൽ ഉള്ള സ്റ്റാഫ് വളരെ സ്നേഹത്തിൽ ആണ് ഇടപെട്ടത്. ചിലര് ഇന്ത്യ.. അമിതാബച്ചൻ.. എന്ന് സ്നേഹപൂർവ്വം പറയുന്നത് കേട്ടു. അവർ എല്ലാം ഹിന്ദി സിനിമ ഇഷ്ടപെടുന്ന ജനതയാണ്.

അവിടെ ഇന്ത്യൻസും മലയാളികളും വളരെ കുറച്ചു മാത്രം ഉള്ളത്. ഉള്ളതാകട്ടെ മുപ്പത്തിയഞ്ചു കിലോമീറ്റർ അകലെ സിറിയൻ ഓർത്തഡോക്സ് സഭയുടെ ആസ്ഥാനമായ saydnaya യിൽ ഉള്ള പാട്രിയാർക് ആസ്ഥാനത്തും ചില എണ്ണ കമ്പനികളിലും ആണ്. പാത്രിയര്കിസ് ബാവായുടെ സെക്രട്ടറി ആയി പ്രവർത്തിച്ചിരുന്ന ബഹുമാനപെട്ട അത്താനാസിയോസ് തിരുമേനിയെ കാണുകയും അദ്ദേഹം ബാവയെ കാണാൻ അവസരം ഒരുക്കുകയും, ഒരു പകല് മുഴുവനും ഞങ്ങളുടെകൂടെ നടന്നു ഡാമസ്ക്കസിലെ പ്രധാന സ്ഥലങ്ങളും, മോസ്‌ക്കുകളും പള്ളികളും കാണിച്ചു തന്നു. കൂടാതെ ഏകദേശം അൻപത്തിഅഞ്ച് കിലോമീറ്റർ അകലെ ഉള്ള "Maaloula"എന്ന അരാമ്യ ഭാഷ സംസാരിക്കുന്ന മനോഹരമായ ഗ്രാമവും സന്ദർശിച്ചു.

അടുത്ത ദിവസം ഞങ്ങൾ പോയത് ഡാമസ്ക്കസിൽ നിന്നും ഇരുന്നൂറ്റിഇരുപത് കിലോമീറ്റർ വടക്ക് കിഴക്ക് ഉള്ള പൽമിറയിലേക്ക് ആണ്. ഇത് ഒരു ഒയാസിസ്‌ ആണ്, ഒന്നാം നൂറ്റാണ്ടിലെ റോമൻ സാമ്പ്രാജ്യത്തിന്റെ അവശിഷ്ടങ്ങൾ ധരാളം ആയി അവിടെ കാണാം പൽമിറയിലെ ഫോർട്ടും കണ്ട് അവിടെ നിന്നും മടങ്ങി. ഇവിടെ എല്ലാം ഞങ്ങളെ വണ്ടിയിൽ കൊണ്ട് കാണിച്ചത്‌ ഞങ്ങൾക്ക് ഒരു പരിചയവും ഇല്ലായിരുന്ന അജി എന്ന നല്ല സ്നേഹിതൻ ആണ്.

പിന്നീട് ഉള്ള ദിവസം ഞങ്ങൾ ടാക്സി ബുക്ക്‌ ചെയ്തു പോയത് പുരാതന നഗരം ആയ ഹോംസ് ലേക്ക് ആണ്. അവിടെ പുരാതനമായ മോസ്‌ക്കളും പള്ളികളും ഉണ്ട്. പ്രധാനമായി മേരി മാതാവിന്റെ ഇടക്കെട്ടു കൽപാത്രങ്ങളിൽ സൂക്ഷിച്ചിരുന്ന st. Marys church ആണ്. അവിടെ നിന്നും പതിനൊന്നാം നൂറ്റാണ്ടിൽ കുർദിഷ് രാജാക്കന്മാർ പണി കഴിപ്പിച്ച" krak des chevaliers " എന്ന കാസ്‌റ്റിലും അന്ന് കണ്ട് മടങ്ങി. ആയിരത്തി തൊള്ളായിരത്തി നാപ്പത്തിആറ് വരെ സിറിയ ഒരു ഫ്രഞ്ച് കോളനി ആയിരുന്നു അതിന്റെ അവശിഷ്ടങ്ങൾ പല രംഗത്തും കാണാൻ കഴിഞ്ഞു.

സ്നേഹം നിറഞ്ഞ സിറിയൻ ജനങ്ങൾക്കും ഞങ്ങളെ സഹായിച്ച ബഹുമാനപെട്ട തിരുമേനിക്കും പ്രിയ അജിക്കും നന്ദി പറഞ്ഞു കൊണ്ട് നല്ല ഓർമ്മകളും ആയി അവിടെ നിന്നും മടങ്ങി.

പന്ത്രണ്ട് വർഷങ്ങൾക്ക് ശേഷം ഇപ്പോൾ...അന്ന് അവിടെ ഉള്ളതിൽ ലക്ഷക്കണക്കിന് ആൾക്കാർ കൊല്ലപ്പെടുകയോ പലായനം ചെയ്യുകയോ ചെയ്യ്തു. യുദ്ധത്തിൽ പൽമിറയും, ഹോംസും മിക്കവാറും തകർത്തു. ജാതിയോ മതമോ എന്ത് എന്ന് അറിയാത്ത ആയിരക്കണക്കിന് കുഞ്ഞുങ്ങൾ മരിച്ചു വീഴുകയോ നിരാലംബരാകുകയോ ചെയ്തു. ദിവസവും ആയിരങ്ങൾ രാജ്യം വിട്ട് പാലായനം ചെയ്യുന്നു. ഞാൻ ഇവിടെ ഷെയർ ചെയ്‌യുന്ന പല ചിത്രങ്ങളും ഇന്ന് അതുപോലെ അവിടെ ഇല്ല. എന്താ കാരണം എന്ന് ചിന്തിച്ചു നോക്കുക.. നാശനഷ്ടം അല്ലാതെ എന്ത്എങ്കിലും ഉണ്ടോ.. ആര് എങ്കിലും ജയിച്ചുവോ... ഇല്ല. ഒരു രാജ്യം നശിപ്പിച്ചു.

നമ്മൾ സഞ്ചാരികൾ പൊതുവെ എല്ലാം രാജ്യക്കാരെയും എല്ലാതരത്തിൽ ഉള്ള ജനങ്ങളെയും സ്നേഹിക്കുന്നവരും ബഹുമാനം ഉള്ളവരും ആണ്. അതാണ് യാത്ര ചെയ്താൽ ഉള്ള ഗുണം. നമ്മൾ സോഷ്യൽ മീഡിയയിൽ കാണുന്നതിൽ തെറ്റും ശരിയും തിരിച്ചറിയാൻ ഉള്ളകഴിവ് നമുക്ക് കിട്ടും.

രാജ്യം ഇല്ലങ്കിൽ ജാതിയും മതവും ഒന്നും ഒന്നിനും പരിഹാരം അല്ല എന്ന അറിവ് ആണ് സിറിയ നൽകുന്നത്. ഒരു ചെറുതായി പോലും വെറുപ്പും വിരോധം വളർത്താതെ ... സമാധാനവും സന്തോഷവും ഉള്ള രാജ്യത്തിനു വേണ്ടി... ജാഗ്രതൈ...

17/02/2024

ദേവദാരുക്കളുടെ നാട്ടിൽ......2013 ഏപ്രിൽ മാസം..

കുറിപ്പ് എഴുതിയത്... ജനുവരി 2019

ദുബായിൽനിന്ന് ഗൾഫിലെ മറ്റു രാജ്യങ്ങൾ സന്ദർ ശിക്കുന്നസമയം ലെബനോനിലേക്ക് യാത്ര പോകാൻ തീരുമാനിച്ചു ലെബനീസ് എംബസിയിൽ പോയി വലിയ ബുദ്ധിമുട്ടില്ലാതെ വിസ സംഘടിപ്പിച്ചു .

ഒരു കൊച്ചുവെളുപ്പാൻ കാലത്ത് ഒറ്റയ്ക്ക് ലെബനൻ തലസ്ഥാനമായ ബെയ്റൂട്ടിൽ എത്തി. ഹോട്ടലിൽ ചെക്കിൻ ചെയ്തു.
സമയം പാഴാക്കാതെ ബെയ്റൂട്ട് സിറ്റിയിൽ കറങ്ങാൻ പോയി.സിറ്റിയിൽ ആദ്യം പോയത് കോർണിഷ് ഏരിയല് ആണ് മനോഹരമായ സ്ഥലം. പിന്നീട് pigeon rock കണ്ടു സിറ്റിയിലെ മറ്റ് പ്രധാന ആകർഷകങ്ങളായ ഹമര ഏറിയ, ഡൗൺടൗൺ , martyrs square എന്നിവിടങ്ങൾ സന്ദർശിച്ചു. സിറ്റിയുടെ പലഭാഗങ്ങളിലും വർഷങ്ങൾ നീണ്ടുനിന്ന ആഭ്യന്തര കലാപങ്ങളുടെ പല അവശിഷ്ടങ്ങളും കാണാനുണ്ടായിരുന്നു. രണ്ടായിരത്തി അഞ്ചിൽ ബോംബ് സ്ഫോടനത്തിൽ കൊല്ലപ്പെട്ട പ്രിയ നേതാവ് റഫീഖ് ഹരിരിയുടെ ശവകുടീരവും, പൊതുവായ ഭിത്തി പങ്കിടുന്ന ക്രിസ്ത്യൻ പള്ളിയും മോസ്ക്കും, കലാപങ്ങളെക്കുറിച്ച് ം സമാധാന മാർഗ്ഗങ്ങളെക്കുറിച്ചും ചിന്തിക്കാനും പ്രവർത്തിക്കാനും മറ്റുമുള്ള ഉദാഹരണങ്ങളായി നിലകൊള്ളുന്നു.

രാവിലെ മുതൽ നടന്ന് ഉള്ള സിറ്റി ടൂർ അവസാനിക്കാറായി അടുത്ത ദിവസത്തെ ടൂറിന് ഉള്ള ഒരു പാക്കേജ് അടുത്ത് കണ്ട ട്രാവൽ ഏജൻസികൾ പോയി ബുക്ക് ചെയ്തു.

രണ്ടാം ദിവസം രാവിലെ 6 മണിക്കുതന്നെ ടൂർ ഏജൻസിയുടെ വാൻ റെഡിയായി എത്തി. ഡ്രൈവറും ടൂർ ഗൈഡും കൂടാതെ ഞങ്ങൾ പന്ത്രണ്ടുപേർ അതിൽ ഏഷ്യക്കാരനായി ഞാൻ മാത്രം പിന്നെ രണ്ട് ഈജിപ്ഷ്യൻസിനെകൂടാതെ ബാക്കി യൂറോപ്യൻസ് ആണ് ഉണ്ടായിരുന്നത്. ഗൈഡ് ഇംഗ്ലീഷിലും ഫ്രഞ്ചിലും മാറിമാറി പ്രോഗ്രാമിനെ കുറിച്ച് പറഞ്ഞു. ലെബനോൻ മുമ്പ് ഫ്രഞ്ച് കോളനി ആയിരുന്നതിനാൽ ആ സ്വാധീനം പല ഭാഗങ്ങളിലുംകാണാം. പ്രധാനമായും ലബനോനിലെ ദേവദാരുക്കളുടെ(cedars of Lebanon)അടുത്തേക്കുള്ള യാത്രയാണ് ലക്ഷ്യം. മനോഹരമായ കാദീശാ വാലിയിലൂടെ യാത്ര തുടങ്ങി.
ആദ്യം ഞങ്ങൾ എത്തപ്പെട്ടത് ലോകപ്രശസ്തനായ ലെബനീസ് അമേരിക്കൻ എഴുത്തുകാരൻ ഖലീൽ ജിബ്രാന്റെ ശവകുടീരം സ്ഥിതിചെയ്യുന്ന മ്യൂസിയത്തിലാണ്. അദ്ദേഹത്തിൻറെ പ്രശസ്തമായ പ്രവാചകൻ എന്ന പുസ്തകം വായിച്ചിരുന്ന എനിക്ക് ആ പ്രവാചകൻ ആയ എഴുത്തുകാരന്റെ ശവകുടീരം കാണാൻ പറ്റിയത് പ്രത്യേക അനുഭൂതിയായിരുന്നു.

അവിടെനിന്ന് ഞങ്ങൾ നൂറ്റാണ്ടുകൾ പഴക്കമുള്ള അതിപ്രൗഡമായ ദേവദാരു കൾക്ക് അടുത്തെത്തി ഏപ്രിൽ മാസം ആയതിനാൽ അതിശൈത്യം കഴിഞ്ഞു എങ്കിലും മഞ്ഞുമൂടിയ മലമുകളിൽ ഉള്ള മുതുമുത്തച്ഛൻമാരായ ദേവദാരുക്കളുടെ തോട്ടത്തിലൂടെ ഏകദേശം ഒരുമണിക്കൂർ ചെലവഴിച്ചു.
വാലിയിൽ ഉള്ള ഒരു റസ്റ്റോറന്റിൽ നിന്ന് ലെബനീസ് സ്റ്റൈലിലുള്ള ഉച്ചഭക്ഷണത്തിനുശേഷം ഞങ്ങൾ ബെയ്റൂട്ട് നിന്നും ഏകദേശം 20 കിലോമീറ്റർ ദൂരെയുള്ള ജയ്താ ഗ്രോട്ടോ(Jaita grotto) കാണുവാൻ പോയി. ഇത് ഭൂമിക്കടിയിലുള്ള ഒരു മഹാ വിസ്മയമാണ് ഇവിടെ ലൈം സ്റ്റോണിൽ വെള്ളവും പ്രകൃതിയും ചേർന്ന് നിർമ്മിച്ച മഹാ ശിൽപങ്ങളുടെ കിലോമീറ്ററുകൾ നീണ്ട കലവറയാണ്. ഇവിടെ മുകളിലും താഴെയുമായി രണ്ട് caves ആണ് ഉള്ളത്. പ്രധാന caveന് ഏകദേശം 6 കിലോമീറ്റർ അധികം ദൂരം ഉണ്ട്. അതിലുള്ള ഇതിലുള്ള നദിയിലൂടെ ഏകദേശം അരക്കിലോമീറ്റർ ദൂരം ബോട്ടിലൂടെ യാത്രചെയ്യാൻ പറ്റും മനോഹരമായ ലൈററ് സംവിധാനത്തിലൂടെ ഇത് അലങ്കരിച്ചിരിക്കുന്നു. ഇതിനുള്ളിൽ ഫോട്ടോഗ്രാഫി നിരോധിച്ചിരിക്കുന്ന അതിനാൽ ചിത്രങ്ങൾ ഒന്നും എടുക്കാൻ പറ്റിയില്ല.

അവിടെനിന്ന് ഞങ്ങൾ പോയത് ഒരു കുന്നിൻ മുകളിലുള്ള അവർ ലേഡി ഓഫ് ലബനോൻ എന്ന പ്രശസ്തമായ ചർച്ച് കാണാനാണ് അങ്ങോട്ടുള്ള യാത്ര കേബിൾ കാറിലായിരുന്നു അവിടെ മാതാവിൻറെ നാമത്തിലുള്ള ഒരു ചർച്ചും കൂടെ ഒരു വലിയ പ്രതിമയും ഉണ്ട്. കുന്നിൻ മുകളിൽ നിന്ന് ലെബനോൻറ നല്ല സീനറി കാണാൻ പറ്റും. ഞങ്ങൾ ചെന്നപ്പോൾ അവിടെ ഒരു ഗാനരംഗത്തിൽ ഷൂട്ടിംഗ് നടക്കുന്നുണ്ടായിരുന്നു. അറബിക് ലോകത്തെ നല്ല കലാകാരന്മാർ മിക്കവരും തന്നെ ലെബനീസ് കലാകാരന്മാരാണ്.
ഇന്നത്തെ യാത്രയിൽ ഈ പറഞ്ഞത് കൂടാതെ ധാരാളം പ്രശസ്തമായ പല പള്ളികളും കാണുകയുണ്ടായി. അങ്ങനെ വളരെ സംതൃപ്തി തോന്നിയാൽ ഒരു ദിവസം ആ ടൂർ ഏജൻസി എല്ലാവർക്കും നൽകി.

അടുത്തദിവസം ഷെയറിങ് ടാക്സിയിൽ ബെയ്റൂട്ടിൽ നിന്ന് ഏകദേശം 50 കിലോമീറ്റർ ദൂരെയുള്ള Sidon എന്ന സ്ഥലത്തേക്ക് പോയി അവിടെ കടൽത്തീരത്തുള്ള ഒരു ഫോർട്ടും സമീപപ്രദേശങ്ങളും കണ്ടു. പിന്നീട് പോയത് ബെയ്റൂട്ടിൽഉള്ള പ്രശസ്തമായ അമേരിക്കൻ യൂണിവേഴ്സിറ്റി ഓഫ് ബെയ്റൂട്ട് കാണാനാണ് വളരെ മനോഹരമായ കാഴ്ചകളുള്ള ഒരു യൂണിവേഴ്സിറ്റി അന്നവിടെ ധാരാളം പ്രശസ്തമായ കമ്പനികൾ നടത്തുന്ന ക്യാമ്പസ് ഇൻറർവ്യൂനടക്കുകയായിരുന്നു. അവിടുത്തെ ആർക്കിടെക്ട് ഡിപ്പാർട്ട്മെൻറ് വകയുള്ള ചിത്ര പ്രദർശനവും കണ്ടു അതിൽ ഏറ്റവും ശ്രദ്ധയാകർഷിച്ചു അവിടുത്തെ വിദ്യാർത്ഥികൾ ഇന്ത്യ സന്ദർശിച്ചു ഒപ്പിയെടുത്ത സ്കെച്ചുകൾ ആയിരുന്നു.

പിന്നീട് പോയത് ബെയ്റൂട്ടിൽ നിന്ന് ഏകദേശം ഇരുപത് കിലോമീറ്റർ ദൂരെയുള്ള Atchane എന്ന സ്ഥലത്തേക്കാണ് അവിടെയാണ് സിറിയൻ ഓർത്തഡോക്സ് ചർച് ആസ്ഥാനം സ്ഥിതി ചെയ്യുന്നത് അതുകൂടാതെ ധാരാളം മറ്റു പല ക്രിസ്ത്യൻ സഭകളുടെയുംആസ്ഥാനങ്ങളുംഅവിടെയുണ്ട്.

മൂന്നുദിവസത്തെ ലെബനോൻ സന്ദർശനം അങ്ങനെ വളരെ നല്ല ഓർമ്മകളും ആയി അവസാനിച്ചു. രണ്ടു ദിവസങ്ങൾ കൂടി ഉണ്ടായിരുന്നെങ്കിൽ നല്ലതായിരുന്നു എന്നു തോന്നി.

ആഭ്യന്തര കലാപങ്ങളിൽ നിന്ന് മുക്തിനേടി കര കയറാൻ വേണ്ടി ഒന്നിക്കുന്ന സുന്ദരന്മാരും സുന്ദരികളുമായ ഒരു ജനതയ്ക്ക് ആശംസകൾ നേർന്നുകൊണ്ട് നാട്ടിലേക്ക് തിരിച്ചു.

16/02/2024

പഴയ യാത്ര കുറിപ്പ്കൾ തുടരുന്നു..

മായന്മാർ(ബർമ്മ )യാത്ര ഫെബ്രുവരി 2019

ഉഷ അമ്മായിയുടെ പഗോഡകളുടെ നാട്ടിലേക്ക് ഒരു യാത്ര...

"മിങ്‌ളാബ" .....വെൽക്കം
നിന്നെപ്പോലെ നിന്റെ അയൽക്കാരനെ വല്ലപ്പോഴും എങ്കിലും സ്നേഹിക്കണം എന്നാണല്ലോ ചൊല്ല്... അതുപ്രകാരം ഞാൻ നേപ്പാൾ, ചൈന, ഭൂട്ടാൻ, ശ്രീലങ്ക എന്നീ രാജ്യങ്ങളെ ഓരോ പ്രാവശ്യം സ്നേഹിച്ചിട്ടുണ്ട്. പാക്കിസ്ഥാനികളുടെയും ബംഗ്ലാദേശികളുടെയും കൂടെ ജോലി ചെയ്തിട്ടുള്ളത് കൊണ്ട് ആ സ്നേഹവും എനിക്കറിയാം. ഇനിയും നമ്മുടെ അയൽക്കാരായ രണ്ടു "മാ" രാജ്യങ്ങൾ - മായൻമറും, മാലിദ്വീപും. മായൻമാര് സന്ദർശിക്കണം എന്നുള്ളത് വളരെ നാളായുള്ള ആഗ്രഹമായിരുന്നു.
ഇപ്പോൾ യാത്രയൊക്കെ പ്ലാൻ ചെയ്യാൻ വളരെ എളുപ്പമാണ് സഞ്ചാരിയിലെ പുലികളും ആയിട്ട്ഒന്നു്കൂടിആലോചിച്ചാൽ മതി. പ്ലാൻ ചെയ്യാൻ സഹായിച്ച ശ്രീഹരി, മൻസൂർ ഇരിക്കൂർ എന്നീ പുലികൾക്ക് നന്ദി .

മായൻമർ ഇ-വിസക്ക് രാവിലെ അപേക്ഷ കൊടുത്തു ഉച്ച കഴിഞ്ഞു അപ്പ്രൂവ് ആയി മെയിൽ വന്നു.
യാത്രയിലേക്ക് വരാം
കൊച്ചിയിൽ നിന്നും കോലാലംപൂർ വഴി yangon എത്തി.100 ഡോളർ മാറിയപ്പോൾ കയ്യ് നിറയെ പണം കിട്ടി .1ഡോളർ =1500kyats ,1Rs=20Ks ചാറ്റ്സ് .അവിടെ കണ്ട സ്ഥലങ്ങളുടെ പേര് മലയാളത്തിൽ പറയാൻ എനിക്ക് വളരെ ബുദ്ധിമുട്ട് ആണ് .പ്രധാനമായി Shwedagon/ഗോൾഡൻ pagoda fee (10000ks) ,Sule pagoda fee (4000ks),Kan daw lake അവിടെ ഉള്ള karaweik palace ,chauck hitat gyee pagoda ,st.Marys cathedral,ഹിന്ദു ടെംപിൾ ശ്രീ ദുർഗ ബാരി ,ferry,circular train (അന്ന് സർക്കിൾ ഇല്ലയിരുന്നു ട്രാക്ക് പണി ആയിരുന്നു ) എന്നിവ ആണ് .
മൂന്നാം നാൾ നൈറ്റ് ബസ്സിൽ (25000Ks) ഇൻലെ lake ലേക്ക് പോയി. ഗൈഡ് ഉള്ള നല്ല അടിപൊളി ബസ്സ് . ചെറു കടിയും വെള്ളവും തന്നു .രാവിലെ ആറു മണിക്ക് ഇൻലെ എത്തി. ഈ സോണിൽ കയറാൻ 15000Ks ഫീ ഉണ്ട് .രാവിലെ തന്നെ ഹോട്ടലിൽ ചെക് ഇൻ ചെയ്തു ഇവിടെ പ്രധാന ആകർഷണം lake ലെ ബോട്ടിംഗ് ആണ് നൂറു കണക്കിന് എൻജിൻഘടിപ്പിച്ച ചെറിയ വള്ളങ്ങൾ ഉണ്ട് ഒരു ദിവസത്തേക്ക് സൂര്യ അസ്തമയം വരെ വള്ളം എടുത്ത് യാത്ര തുടങ്ങി. ഒറ്റക്കാലിൽ പങ്കായം കൊണ്ട് വള്ളം തുഴഞ്ഞു ഒറ്റാലിൽ മീൻപിടിക്കുന്ന ധാരാളം മീൻപിടുത്തക്കാർ ഇവിടുത്തെമാത്രം പ്രത്യേകതയാണ് ലേക്കിലെ വെള്ളത്തിൽ തൂണുകളിൽഉള്ള ധാരാളം വീടുകളും ചെറിയ ചെറിയ മാർക്കറ്റുകളും കാണാം. ചെറിയ കൈത്തോട് വഴി In Dein എന്ന സ്ഥലത്തുള്ള പുരാതനമായ പഗോഡ കണ്ടതിനു ശേഷം തിരിച്ചു തടാകത്തിലെത്തി സൂര്യാസ്തമനവും കണ്ടു മടങ്ങി .
അടുത്തദിവസം അടുത്തുള്ള വൈനറിയും മറ്റ് സ്ഥലങ്ങളും സന്ദർശിച്ചു . രാത്രി ബസ്സിൽ (25000Ks) ബാഗനിലേക്ക് യാത്രതിരിച്ചു. ഇവിടേക്കുള്ള പ്രവേശന ഫീ 25000Ks ആണ്
രാവിലെ മൂന്നരയ്ക്ക് ബാഗനിൽ എത്തി. ഹോട്ടലിലേക്ക് ഒരു പോളണ്ട്കാരനെ കൂട്ട് കിട്ടി. ബാഗ് അവിടെവച്ച് ആ ചേട്ടൻ പറഞ്ഞത് പോലെ അഞ്ചുമണിക്ക് ഇലക്ടിക് ബൈക്ക് വാടകയ്ക്കെടുത്ത് സൂര്യോദയം കാണാൻ പോയി. യാത്ര ചെയ്യുമ്പോൾ സൂര്യോദയവും അസ്തയവും കാണാതെ പറ്റില്ലലോ . മണ്ട ഇല്ലാത്ത ഒരു പഗോഡയുടെ മുകളിലിരുന്ന് ഒരു പറ്റം ആൾക്കാരുടെ കൂടെ സൂര്യോദയം കണ്ടു. ഏകദേശം ഉച്ചയ്ക്ക് മൂന്നുമണിവIരെ ബൈക്കിൽ നൂറുകണക്കിന് ചെറുതും വലുതുമായ പഗോഡകൾ കണ്ടുതീർത്തു റൂമിൽ വന്നു ചെക്ക് ഇൻ ചെയ്തു.
മായൻമറിലേക്ക് യാത്ര പ്ലാൻ ചെയ്തപ്പോൾ തന്നെ വളരെക്കാലമായി മനസ്സിൽ സൂക്ഷിച്ച ഒരു ആഗ്രഹം നടത്തുവാൻ തയ്യാറായി ആണ് പോന്നത്. വേറൊന്നുമല്ല ഹോട്ട് എയർ ബലൂണിൽ ഒന്നു കയറണം. രാവിലെ അഞ്ചുമണിക്കുതന്നെ ബലൂൺസ് ഓഫ് ബാഗൻ കമ്പനിക്കാരുടെ വണ്ടി വന്നു കൂട്ടിക്കൊണ്ടുപോയി . ഞാൻ ബുക്ക് ചെയ്തിരുന്നത് 16 ആൾക്കാർക്ക് കയറാൻ പറ്റാവുന്ന വലിയ ബലൂൺ ആയിരുന്നു പിന്നെ ഉള്ളത് 8 പേർക്ക് കയറാവുന്ന ബാസ്കറ്റ് ബലൂൺ ആണ് .അതിന് ചാർജ് കൂടുതലാകും. ക്യാപ്റ്റൻ ബാരി സേഫ്റ്റി ബ്രീഫിങ് തന്നു 4 ആൾക്കാർ വീതമുള്ള ഗ്രൂപ്പായി തിരിച്ച് യാത്രക്ക് തയ്യാറാക്കി. ഒരു ബലൂൺ തയ്യാറാക്കാൻ തന്നെ എട്ടുപത്തു സ്റ്റാഫ് ഉണ്ട് അങ്ങനെ പത്തിരുപത്തിയഞ്ച് ബലൂണുകൾ പല കമ്പനിക്കാരുടെ വകയായി ഈ സൈറ്റിൽ നിന്ന് ഉയർന്നുപോകുന്നുണ്ട് . ബലൂണുകൾ ഒന്നൊന്നായി വീർത്തു ഉയരുന്നതും പറന്നകലുന്നതും കാണാൻ നല്ല രസമാണ്. ഏകദേശം 45 മിനിറ്റ് ദൈർഘ്യമുള്ള ബാഗനിലെ നൂറുകണക്കിന് പഗോ ഡകളുടെ മുകളിൽ കൂടി ഉള്ള യാത്രയും ബാരിയുടെ കമൻററിയും ഒരു അനുഭവം തന്നെയാണ്. ബലൂണുകൾ തിരിച്ച് എവിടെ ലാൻഡ് ചെയ്യുമെന്നു മുൻകൂട്ടി പറയാൻ പറ്റില്ല കാറ്റിനനുസരിച്ച് ഏതെങ്കിലും സൗകര്യമായ സ്ഥലത്ത് ലാൻഡ് ചെയ്യും. അതിനുമുമ്പ് സ്റ്റാഫ് വണ്ടിയിൽ എത്തി തയ്യാറാകും . പറക്കലിന് ശേഷം ഷാമ്പയിനും കുടിച്ചു കമ്പനി logo ഉള്ള തൊപ്പിയും സർട്ടിഫിക്കറ്റും വാങ്ങി എല്ലാവർക്കും നന്ദി പറഞ്ഞു മടങ്ങി.

പിന്നീട് പോയത് mandaly യിലേക്കായിരുന്നു . ബഗാനിലെ ഹോട്ടലിൽ നിന്ന് പിക് അപ്പ് ചെയ്തു മെയിൻ ബസ്റ്റാന്റിൽ എത്തിച്ചു ബസിൽ mandalay എത്തി. അവിടെ നിന്ന് നമ്മൾ ബുക്ക് ചെയ്ത ഹോട്ടലിൽ ഡ്രോപ്പ് ചെയ്തു . ഇങ്ങനെ ഉള്ള യാത്ര അറേഞ്ച്മെന്റ് ടൂറിസ്റ്റ് സ്ഥലങ്ങളിൽ ചെയ്താൽ നല്ലത് ആണ് .
Ayeyawadi റിവർ ആണ് ഈ രാജ്യത്തിന്റെ പ്രധാന നദി . വടക്ക് നിന്ന് തെക്കോട്ടു ഏകദേശം 2200km ഒഴുകി ആൻഡമാൻ കടലിൽ പതിക്കുന്ന ഈ നദിയുടെ തീരത്തു ആണ് പ്രധാന പട്ടണങ്ങൾ എല്ലാം തന്നെ .
Mandalayയിൽ 1.2km നീളത്തിൽ തേക്ക് തടിയിൽ നിർമ്മിച്ച U bein ബ്രിഡ്ജിൽ(ലോകത്തിലെ വലിയ തടിപാലം നിർമ്മിച്ചത് 1851 ) നിന്ന് കൊണ്ട് സൂര്യാസ്തമനവും, mandalay ഹിൽസിൽ ഏകദേശം എണ്ണൂറോളം പടികൾ കയറി സൂര്യോദയവും കണ്ടു. Mandalay പാലസും അടുത്ത് ഉള്ള മറ്റു പഗോഡകളും , Kuthodaw പഗോഡ (ലോകത്തിലെ വലിയ ബുക്ക് മാർബിൾ സ്റ്റോണിൽ എഴുതിയത് ഇവിടെ യാണ് ഉള്ളത് ). മഹാമുനി പഗോഡയും, മുരുകന്റെ അമ്പലവും സന്ദർശിച്ചു. അതിന് അടുത്ത് ഉള്ള ആന്ധ്രകാരി അമ്മായിയുടെ കടയിൽനിന്ന് കുറച്ചുനാൾകൂടിസാമ്പാറും രസവും കുട്ടി ഊണും കഴിച്ചു.
mandalay റീജിയനിൽ ഉള്ള Tint tint എന്ന സ്ഥലത്താണ് നമ്മുടെ പ്രിയങ്കരനായ കെ ആർ നാരായണൻ ജിയുടെ ഭാര്യ ഉഷാ നാരായണന്റെ ജന്മസ്ഥലം.
ഇവിടെനിന്ന് പഗോഡകൾ കണ്ടു കൊതി തീർന്നു വളരെ നല്ല യാത്ര അനുഭവങ്ങളോടെ നാട്ടിലേക്ക് തിരിച്ചു.

Joy of travelling by Joy Velloor

11/10/2024

03/10/2024

29/08/2024

04/07/2024

21/06/2024

19/05/2024

01/04/2024

24/02/2024

17/02/2024

17/02/2024

16/02/2024

Address

Website

Alerts

Contact The Business

Shortcuts

Share

Category