17/04/2025
വിദ്യാഭ്യാസ , ആരോഗ്യ , ജോലിക്കാര്യം എന്തിനും ഏതിനും അടുത്തുള്ള ജില്ലകളെ ആശ്രയിക്കുന്ന ജില്ലയാണ് ഇടുക്കി. ജനങ്ങളുടെ സുരക്ഷക്ക് ഒട്ടും വിലകൽപ്പിക്കാതെ പഴഞ്ചൻ ബസുകൾ ഉപയോഗിച്ച് അമിത ചാർജ്ജ് ഈടാക്കി ലാഭം കൊയ്യാൻ KSRTC യും..
ഇടുക്കി ജില്ലയിലെ ഒരു പ്രധാന ടൗൺ ആയ കുമളി തൊട്ട് കാന്തല്ലൂർ വരെയുള്ള ദൂരം 160 കിലോമീറ്റർ ന് മേലേ ആണ്. ഈ ദൂരത്തിൽ സർവീസ് നടത്തുന്നതിന് സ്വകാര്യ ബസുകൾക്ക് അനുവാദം ഇല്ല.
കുമളി , വാഗമൺ , ഏലപ്പാറ , ഉപ്പുതറ പ്രദേശങ്ങളിൽ നിന്നും ഇടുക്കി ജില്ലയിലെ ഏറ്റവും വരിയ നഗരമായ തൊടുപുഴയിലേക്ക് സഞ്ചരിക്കുന്നതിനുള്ള പാതയായ വാഗമൺ മൂലമറ്റം വഴി തൊടുപുഴക്ക് സർവീസ് നടത്താൻ സ്വകാര്യ ബസുകൾക്ക് അനുവാദം ഇല്ല
ജില്ലയിലെ ദീർഘദൂര സർവീസ് നടത്തുന്ന ജില്ലാനന്തര സ്വകാര്യ ബസുകൾ എല്ലാംം തന്നെ ആധുനിക നിലവാരമുള്ളതാണ്. പഴയത് പോലെ കാര്യമായ വരുമാനം ഇല്ലെങ്കിൽ പോലും സ്വകാര്യ ഓപ്പറേറ്റർമാർ ബസുകൾ കൃത്യമായ ഇടവേളകളിൽ മാറ്റുന്നുണ്ട്.
ഹൈറേഞ്ച് മേഖലയിൽ കൃത്യമായ മെയിന്റനൻസ് നടത്താതെ പഴയ ബസുകൾ ആണ് KSRTC സർവീസിന് ഉപയോഗിക്കുന്നത്.പലയിടങ്ങളിലും ബസുകൾ ബ്രേക്ക് ഡൗൺ ആയി കിടക്കുന്നത് സർവ്വസാധാരണമായ കാഴ്ചയാണ്. പഴകിയ മെക്കാനിക്കൽ കണ്ടീഷൻ മോശമായ ബസുകൾ ഉപയോഗിച്ച് സർവീസ് നടത്തുന്നതിന് ജീവനക്കാർ നിർബന്ധിതരാകുകയാണ്.
ദീർഘ ദൂര സ്വകാര്യ ബസുകളുടെ പെർമിറ്റുകൾ ഏറ്റെടുത്ത ശേഷം ഇത്തരത്തിൽ പഴകിയ ബസുകൾ ഉപയോഗിച്ച് മലമുകളിൽ സർവീസ്നടത്തുന്നത് തീർത്തും അപലപനീയമായ ഒന്നാണ്.
സ്വകാര്യ ബസുകൾക്ക് നാഷണലൈസേഷൻ പരിഗണിക്കാതെ പെർമിറ്റുകൾ നൽകുക എന്നതാണ് ഇതിന് പോംവഴി. KSRTC പഴഞ്ചൻ ബസുകൾ പരമാവധി ഓടിച്ച് ലാഭം കൊയ്യുക എന്നതിനേക്കാൾ ജനങ്ങളുടെ സുരക്ഷക്ക് മുൻഗണന നൽകുക .
