தமிழ்நாடு பால் முகவர்கள் தொழிலாளர்கள் நலச் சங்கம்

27/09/2026

*ஆவினை வலுப்படுத்த வேண்டுமானால் அரசியல் தலையீடின்றி சுயசார்புடன் செயல்பட அனுமதிக்க வேண்டும்.*

*ஆவினை வெறும் வாக்கு வங்கி அரசியலுக்கான ஆயுதமாக பயன்படுத்துவதை அரசியல் கட்சிகள் நிறுத்தினால் மட்டுமே அது 100% சாத்தியமாகும்.*

*இந்தியா முழுவதும் பாலுற்பத்தி கடும் பாதிப்பு, பால் நிறுவனங்களுக்குள் போட்டா போட்டி, ஜெட் வேகத்தில் உயரும் பால் கொள்முதல் மற்றும் மூலப்பொருட்கள் விலை, ஈடு கொடுக்க முடியாமல் பரிதாபத்தில் ஆவின்.*

தமிழ்நாடு அரசின் கூட்டுறவு பால் நிறுவனமான ஆவினை வலுப்படுத்த வேண்டும் என பாட்டாளி மக்கள் கட்சி தலைவர் திரு. அன்புமணி ராமதாஸ் அவர்கள் கூறியிருப்பதை தமிழ்நாடு பால் முகவர்கள் தொழிலாளர்கள் நலச் சங்கம் வரவேற்கிறது. அதே சமயம் அதற்கான விசயங்களை தமிழ்நாடு அரசு ஆக்கபூர்வமாக முன்னெடுக்குமானால் பாட்டாளி மக்கள் கட்சி உட்பட அனைத்து எதிர்க்கட்சிகளும் ஆதரவளிப்பார்களா..? அது என்றால் மில்லியன் டாலர் சந்தேகம் தான்.

ஏனெனில் ஆவினை உண்மையாக வலுப்படுத்த வேண்டுமானால், அந்நிறுவனத்தை வாக்கு வங்கி அரசியலுக்கான ஆயுதமாக பயன்படுத்தப்படுவது தவிர்க்கப்பட்டு குஜராத் அமுல், கர்நாடகா நந்தினி போல் அரசியல் தடையீடின்றி நடத்தக் கூடிய வகையில் ஆவின் நிர்வாகம் சுயசார்புடன் செயல்பட அனுமதிக்க வேண்டும்.

அதன் பிறகு பாலுற்பத்தி செய்து வரும் விவசாய பெருமக்களுக்கு அதிகரித்து வரும் செலவினங்கள் அடிப்படையில் பால் உற்பத்தியாளர்களுக்கான பால் கொள்முதல் விலையை அமுல், நந்தினி, மதர் டெய்ரி போன்ற கூட்டுறவு பால் நிறுவனங்களைப் போல ஆண்டுதோறும் உயர்த்தி வழங்க வேண்டும்.

அதன்படி ஆண்டுக்காண்டு உயர்த்தப்படும் பால் கொள்முதல் விலைக்கேற்ப நுகர்வோருக்கான விற்பனை விலை, பால் விநியோகத் தொழிலில் ஈடுபட்டு வரும் பால் முகவர்களுக்கான கமிஷன் தொகையை உயர்த்த வேண்டும். கொள்முதல் விலைக்கேற்ப விற்பனை விலை மாற்றத்தை அமுல்படுத்துவது மட்டுமே ஒரு நிறுவனம் நஷ்டத்தை சந்திக்காமல் மக்களுக்கான சேவைப் பங்களிப்பை தொடர முடியும்.

மேலும், பால் கொள்முதல் விலை, பால் மற்றும் பால் பொருட்களுக்கான விற்பனை விலை மற்றும் பால், பால் பொருட்கள் விற்பனைக்கான கமிஷன் தொகையை உற்பத்தி, வணிக சந்தை நிலவரத்திற்கேற்ற வகையில் மாற்றி அமைக்கும் அதிகாரம் அண்டை மாநில கூட்டுறவு பால் நிறுவனங்களைப் போல ஆவின் நிர்வாகத்திற்கும் வழங்கப்பட வேண்டும்.

இதையெல்லாம் மாநில அரசு செயல்படுத்துமானால், அதனை எதிர்க்கட்சிகள் உளப்பூர்வமாக ஆதரிக்குமானால் ஆவினை வலுப்படுத்துவது சாத்தியமாகும். மாறாக ஆவினை வெறும் வாக்கு வங்கி அரசியலுக்கான ஆயுதமாக மட்டுமே ஆண்ட, ஆளுகின்ற அரசியல் கட்சிகள் பயன்படுத்துவது தொடருமானால் கழுதை தேய்ந்து கட்டெறும்பான கதை போல ஆவின் என்கிற கூட்டுறவு பால் நிறுவனம் இருந்ததற்கான சுவடின்றி காணாமல் போகும்.

ஏனெனில் ஒட்டுமொத்த இந்தியா முழுவதும் பாலுற்பத்தி கடுமையாக பாதிக்கப்பட்டுள்ள நிலையில் தனியார் பால் நிறுவனங்கள் தங்களுக்கான பால் கொள்முதலை தக்க வைத்துக் கொள்ள கடுமையாகப் போராடி வரும் சூழலில் அரசியல் ஆதாயங்களுக்குள் சிக்கித் தவிக்கும் ஆவினால் தனியார் பால் நிறுவனங்களோடு போட்டி போட்டு பால் கொள்முதல் செய்ய முடியாத நிலையில் உள்ளது.

இந்த நிலையில் தென்னிந்தியாவின் முன்னணி தனியார் பால் நிறுவனமான ஆரோக்யா மற்றும் முன்னணி பால் பொருட்கள் நிறுவனமான மில்கி மிஸ்ட் நிறுவனங்கள் எதிர்வரும் அக்டோபர் 1ம் தேதி முதல் விவசாய பெருமக்களுக்கு பால் கொள்முதல் விலையை லிட்டருக்கு ரூபாய் 1.20 முதல் 5.00ரூபாய் வரை உயர்த்தி வழங்க உள்ளன. ஏற்கனவே ஆவினை விட தனியார் பால் நிறுவனங்கள் அதிக விலை கொடுத்து பால் கொள்முதல் செய்து வரும் நிலையில் ஆரோக்யா, மில்கி மிஸ்ட் போன்ற முன்னணி தனியார் பால் நிறுவனங்கள் பால் கொள்முதல் விலையை மேலும் உயர்த்தி வழங்கும்பட்சத்தில் ஆவின் மட்டுமின்றி தமிழ்நாட்டில் உள்ள சிறு, குறு, நடுத்தர தனியார் பால் நிறுவனங்களும் கடுமையாக பாதிக்கப்படும் சூழல் உருவாகி வருவதோடு, கூடுதலாகும் பால் கொள்முதல் விலைக்கேற்ப மேலும் விற்பனை விலையை உயர்த்த வேண்டிய கட்டாயத்திற்கு அந்நிறுவனங்கள் தள்ளப்பட்டுள்ளன.

எனவே ஆவினை வெறும் வாக்கு வங்கி அரசியலுக்கான ஆயுதமாக குறுகிய வட்டத்துக்குள் முடக்கிப் போடும் செயலை அரசியல் கட்சிகள் கைவிட்டு ஆக்கபூர்வமான வழிகாட்டுதலையும், ஒத்துழைப்பையும் அரசுக்கு அளிக்க வேண்டும் எனவும், தமிழ்நாட்டில் நிலவும் பாலுற்பத்தி குறைவை சரி செய்து அதிகரிக்க பால்வளத்துறையை ஆவினுக்கான துறையாக மட்டும் இல்லாமல் ஆவின், தனியார் என்கிற பாகுபாடின்றி ஒட்டுமொத்த பால் நிறுவனங்களுக்கான துறையாக செயல்பட வைக்க வேண்டும் என தமிழ்நாடு பால் முகவர்கள் தொழிலாளர்கள் நலச் சங்கத்தின் சார்பில் வலியுறுத்தி கேட்டுக் கொள்கிறோம்.

நன்றி

சு.ஆ.பொன்னுசாமி
நிறுவனர் மாநில தலைவர்
தமிழ்நாடு பால் முகவர்கள் தொழிலாளர்கள் நலச் சங்கம்
அலைபேசி :- 9600131725
கட்செவி அஞ்சல் (WhatsApp) :- 9566121277
27.09.2026 / காலை 11.34மணி

15/09/2026

*பத்திரிகைச் செய்தி / Press Release.*

*இழப்பை காரணம் காட்டி, வாய்மொழி உத்தரவால் 10% பால் விநியோகத்தை குறைத்த ஆவின் நிர்வாகம், வாழ்வாதாரத்தை இழக்கும் பால் முகவர்கள், அல்லல்படும் பொதுமக்கள்.*

*ஆவினுக்கான பால் கொள்முதல் விலை உயர்வினால் கிர் என உயர காத்திருக்கும் தனியார் பால் விற்பனை விலை.*

*மலைக்கும், மடுவிற்குமான விற்பனை விலை வித்தியாசத்தில் ஆவின் - தனியார் பால் நிறுவனங்கள், இடையில் சிக்கி பரிதவிக்கும் பால் முகவர்கள், பொதுமக்கள்.*

தமிழ்நாடு அரசு ஆவினுக்கான பால் கொள்முதல் விலையை கடந்த வாரம் உயர்த்திய நிலையில், அதற்கேற்ற வகையில் விற்பனை விலையை உயர்த்தாமல் கடந்த ஐந்தாண்டுகால ஆட்சியில் திமுக செய்த அதே தவறை தற்போதைய தவெக அரசும் செய்திருப்பதால் ஆவினுக்கான நிதியிழப்பு பன்மடங்கு அதிகரித்துள்ளது. காரணம் பால் கொள்முதல் விலை உயர்த்தப்பட்டும் ஆவினுக்கான பால் வரத்து அதிகரிக்காததால் அண்டை மாநில கூட்டுறவு பால் நிறுவனமான நந்தினியிடமிருந்து கூடுதல் விலை கொடுத்து பால் கொள்முதல் செய்தும், வடமாநிலங்களில் இருந்து கொள்முதல் செய்யப்படும் வெண்ணெய், பால் பவுடர் கொண்டு பால் பாக்கெட் உற்பத்தி செய்யும் நிலை தொடர்வதாலும் ஆவின் நிறுவனத்திற்கு ஏற்படும் கடுமையான நிதியிழப்பை கட்டுப்படுத்த தமிழ்நாடு முழுவதும் ஆவின் பால் விற்பனையை குறைக்க இணையத்தில் நிர்வாக இயக்குநரும், மாவட்ட ஒன்றியங்களில் பொது மேலாளர்களும் வாய்மொழி உத்தரவுகளை பிறப்பித்து ஆவின் பாலுக்கு செயற்கையான தட்டுப்பாட்டை உருவாக்கி, அரசுக்கு அவப்பெயரை உருவாக்கி வருகின்றனர்.

குறிப்பாக குமரி மாவட்டத்தில் ஆவின் நிறை கொழுப்பு பால் (Full Gream Milk) உற்பத்தி மற்றும் விற்பனை கடந்த சில வாரங்களுக்கு முன் முற்றிலுமாக நிறுத்தப்பட்டதோடு, ஈரோடு, சேலம், மதுரை, திருச்சி, தஞ்சை, கோவை உள்ளிட்ட தமிழ்நாட்டின் அனைத்து மாவட்டங்களிலும் ஏற்கனவே ஆவின் பால் விநியோகம் பலமடங்கு திட்டமிட்டு குறைக்கப்பட்டுள்ளது. இதனால் பால் முகவர்கள் பொதுமக்களுக்கு தேவையான பாலினை தொடர்ந்து விநியோகம் செய்ய முடியாமல் திணறி வருவதோடு, குறைந்த வருவாயில் வாழ்க்கையை ஓட்டி வரும் பால் முகவர்கள் தங்களின் வாழ்வாதாரத்தை இழந்து, பால் விநியோகத்திற்கான வாகன எரிபொருள், பணியாளர்கள் சம்பளம், கடை வாடகை, மின்சார கட்டணம் உள்ளிட்ட செலவினங்களை கட்டுப்படுத்த முடியாமல் விழி பிதுங்கி நிற்கின்றனர்.

மேலும் சென்னை பெருநகரில் தினசரி ஆவின் பால் விற்பனை சுமார் 16.5லட்சம் லிட்டருக்கு மேல் இருந்த நிலையில் பால் முகவர்களுக்கான ஆவின் பால் விநியோகத்தை கடந்த ஆறு மாதங்களில் மட்டும் 25%க்கும் மேல் ஆவின் நிர்வாகத்தால் குறைக்கப்பட்ட சூழலில் இன்று (15.09.2026) 10% வரை ஆவின் பால் விநியோகத்தை குறைக்க ஆவின் நிர்வாகத்தால் மீண்டும் வாய்மொழி உத்தரவு பிறப்பிக்கப்பட்டு சென்னை பெருநகர் முழுவதும் அந்த உத்தரவு இன்று (15.09.2026) அமுல்படுத்தப்பட்டுள்ளது. இதனால் சென்னை பெருநகரில் பொதுமக்களுக்கு தேவையான ஆவின் பால் பாக்கெட் விநியோகத்தை செய்ய முடியாமல் பால் முகவர்கள் கடும் இன்னலுக்கு உள்ளாக்கியுள்ளனர். ஆவின் நிர்வாகத்தின் இந்த செயல்பாடுகள் என்பது "உடலுக்கேற்ற வகையில் ஆடைகளை வடிவமைத்து வெட்டி, தைக்காமல், ஆடைகளுக்கேற்ற வகையில் உடலை வெட்டி, காயப்படுத்துவதைப் போல் உள்ளது.”

ஏற்கனவே கடந்த காலங்களில் ஆட்சியில் இருந்த ஆட்சியாளர்கள் இதுவரை ஆவினை வெறும் வாக்கு வங்கி அரசியலுக்கான ஆயுதமாக மட்டுமே பயன்படுத்தி வந்த நிலையில் புதிதாக ஆட்சியமைத்த ஜோசப் விஜய் அவர்களாவது ஆவினில் மாற்றத்தை கொண்டு வருவார் என்கிற எண்ணத்தில் ஆவினை மீட்டெடுப்பதற்கான பல்வேறு ஆலோசனைகளை செயல்படுத்த பால்வளத்துறை அமைச்சர் திருமதி. சி.விஜயலட்சுமி அவர்களை கடந்த மாதம் தலைமைச் செயலகத்தில் நேரில் சந்தித்து அதற்கான தரவுகளை அளித்து பேசியும், முதலமைச்சர் அவர்களுக்கு மின்னஞ்சல் வாயிலாக பலமுறை கடிதங்கள் அனுப்பியும் கூட எந்த ஒரு மாற்றத்திற்கான முயற்சியும் இதுவரை முன்னெடுக்கப்படாததோடு, "கழுதை தேய்ந்து கட்டெறும்பானது போல நாளொரு மேனியும், பொழுதொரு வண்ணமுமாக ஆவினை அழிவை நோக்கி கொண்டு செல்வது பால் முகவர்களுக்கு வெந்த புண்ணில் வேல் பாய்ச்சுவது போல் உள்ளது.”

மேலும், சுமார் 4ஆண்டுகள் கழித்து ஆவினுக்கான பால் கொள்முதல் விலை லிட்டருக்கு 6.00ரூபாய் வரை உயர்த்தப்பட்டுள்ள நிலையில் பல்லாயிரம் கோடி ருபாய் ஆவின் நிறுவனம் நிதி இழப்பில் சென்றாலும் அந்த இழப்பு ஆவினை முடக்கி விடாது. காரணம் மாநில அரசின் நிதி பங்களிப்போடு செயல்படும் கூட்டுறவு நிறுவனம் என்பதால் அந்த இழப்பு பொதுமக்கள் தலையில் வேறு வகை வரியாக திணிக்கப்படும். அதே சமயம் ஆவினுக்கான பால் கொள்முதல் விலை லிட்டருக்கு 6.00ரூபாய் வரை உயர்த்தப்பட்டுள்ளதால் தற்போது தனியார் பால் நிறுவனங்களும் விவசாய பெருமக்களுக்கான கொள்முதல் விலையை அதே அளவு உயர்த்தி வழங்க வேண்டிய கட்டாயத்தில் இருக்கின்றன. ஆனால் அவ்வாறு தனியார் பால் நிறுவனங்கள் பால் கொள்முதல் விலையை உயர்த்தி வழங்கினால் அந்நிறுவனங்களுக்கு ஏற்படும் கடுமையான நிதியிழப்பை அந்நிறுவனங்களே ஈடுசெய்து கொள்ள வேண்டும் என்பதால் வேறு வழியின்றி அந்த பால் கொள்முதல் விலை உயர்விற்கேற்ப "தனியார் பால் நிறுவனங்களும் விற்பனை விலையை உயர்த்தும்” வாய்ப்பு உள்ளது. ஏற்கனவே ஆவின் மற்றும் தனியார் பாலுக்குமான விற்பனை விலை என்பது மலைக்கும், மடுவிற்குமானதாக இருப்பது குறிப்பிடத்தக்கது. குறிப்பாக குறைந்தபட்சம் லிட்டருக்கு 19.00ரூபாய் முதல் 24.00ரூபாய் வரை விற்பனை வித்தியாசம் இருக்கும் நிலையில் தனியார் நிறுவனங்களின் பால் விற்பனை விலை மேலும் உயர்த்தப்படும்பட்சத்தில் பொதுமக்கள் விற்பனை விலை குறைவாக உள்ள ஆவினை நோக்கி திரும்பும் நிலை ஏற்படும், ஆனால் ஏற்கனவே ஆவினில் கடுமையான பால் தட்டுப்பாடு நிலவி வரும் நிலையில் ஆவின் பாலுக்கு கூடுதல் தட்டுப்பாடு ஏற்பட்டு புதிய அரசுக்கு அவப்பெயரே பரிசாக கிடைக்கும்.

எனவே, தமிழ்நாடு அரசின் கூட்டுறவு பால் நிறுவனமான ஆவின் காப்பற்றப்பட வேண்டும், பொதுமக்களுக்கு தங்குதடையற்ற பால் விநியோகம் தொடர வேண்டுமானால் ஆவினுக்கான பால் கொள்முதல் விலை உயர்விற்கேற்ற வகையில் விற்பனை விலையை உடனடியாக மாற்றியமைக்க வேண்டியது காலத்தின் கட்டாயமாகும். ஆனால் ஆவின் பால் விற்பனை விலையை உயர்த்தினால் மக்களின் எதிர்ப்பை சம்பாதிக்க வேண்டியதிருக்கும் என்பதை விட எதிர்க்கட்சிகளின் எதிர்ப்பை சம்பாதிக்க வேண்டியதிருக்கும் என்பதை மனதில் கொண்டு ஆவின் பால் விற்பனை விலையை உயர்த்தாமல் காலம் தாழ்த்துவது என்பது பொதுமக்கள் மத்தியில் தவெக அரசுக்கு மேலும், மேலும் அவப்பெயரையே ஏற்படுத்தும் என்பதால் இனியும் காலம் தாழ்த்தாமல் ஆவின் பால் விற்பனை விலையை மற்ற மாநில கூட்டுறவு பால் நிறுவனங்களைப் போல விற்பனை விலையில் சீர்திருத்தம் செய்து தட்டுப்பாடற்ற பால் விநியோகத்தை உறுதி செய்ய வேண்டும் எனவும், அமுல், நந்தினி போன்று அரசியல் தலையீடற்ற, சுயசார்போடு இயங்குகின்ற வகையில் ஆவின் நிறுவனத்தை தன்னாட்சி பெற்ற நிறுவனமாக செயல்பட அனுமதிக்க வேண்டும் எனவும் மாண்புமிகு தமிழ்நாடு முதலமைச்சர் மரியாதைக்குரிய திரு. ச.ஜோசப் விஜய் அவர்களையும், மாண்புமிகு பால்வளத்துறை அமைச்சர் திருமதி. சி.விஜயலட்சுமி அவர்களையும் மற்றும் தமிழ்நாடு அரசையும் தமிழ்நாடு பால் முகவர்கள் தொழிலாளர்கள் நலச் சங்கம் வலியுறுத்தி கேட்டுக் கொள்கிறது.

நன்றி

சு.ஆ.பொன்னுசாமி
நிறுவனர் & மாநில தலைவர்
தமிழ்நாடு பால் முகவர்கள் தொழிலாளர்கள் நலச் சங்கம்.
அலைபேசி :- 9600131725
கட்செவி அஞ்சல் (WhatsApp) :- 9566121277
15.09.2026 / பிற்பகல் 1.53மணி.

11/08/2026

https://youtu.be/Cfr_LNk_bUc?si=byCsTTLweAP342IO

தமிழ்நாட்டில் சென்னை உள்ளிட்ட பல மாவட்டங்களில் ஆவின் பால் தட்டுப்பா...

08/07/2026

இந்தியா முழுவதும் தொடரும் வரலாறு காணாத பால் உற்பத்தி பாதிப்பு,

தமிழ்நாட்டில் கடுமையான பால் தட்டுப்பாடு ஏற்படும் அபாயம்

*நடப்பாண்டில் 2வது முறையாக தனியார் நிறுவன பால், தயிர் விற்பனை விலை லிட்டருக்கு 4.00ரூபாய் உயர்வு.* நாளை (09.07.2026) முதல் அமுலுக்கு வருகிறது.

பால் உற்பத்தியை அதிகரிக்க விவசாய பெருமக்களுக்கு விலையில்லா கறவை மாடுகள் வழங்கும் திட்டம் உடனடியாக செயல்படுத்த வேண்டும்.

நடப்பாண்டு தமிழ்நாட்டில் பெய்ய வேண்டிய கோடைகால பருவமழை பொய்த்துப் போனதாலும், கடந்த 2025ம் ஆண்டு இறுதியில் தமிழ்நாடு முழுவதும் பாலுற்பத்தி கடுமையாக பாதிக்கப்பட்டிருந்ததாலும் முன்னணி மற்றும் சிறு, குறு, நடுத்தர தனியார் பால் நிறுவனங்களுக்கிடையே பால் கொள்முதல் செய்வதில் கடும் போட்டி நிலவி வருகிறது.

தமிழ்நாட்டில் மட்டுமின்றி ஆந்திரா, தெலுங்கானா, கர்நாடகா கேரளா, பாண்டிச்சேரி உள்ளிட்ட அண்டை மாநிலங்களிலும் கடந்த ஓராண்டுக்கும் மேலாக பாலுற்பத்தி கடுமையாக பாதிக்கப்பட்டுள்ளதன் காரணமாக தங்களின் பால் வணிகத்தை தக்க வைத்துக் கொள்ள ஒவ்வொரு தனியார் பால் நிறுவனங்களும் போட்டி போட்டுக் கொண்டு பால் கொள்முதல் விலையை பால் உற்பத்தியாளர்களுக்கு உயர்த்தி வழங்கி வருவதோடு, பால் கொள்முதலுக்கேற்ப விவசாய பெருமக்களுக்கு சிறப்பு ஊக்கத்தொகையும் வழங்கி வருவதால் தமிழ்நாடு அரசின் ஆவினுக்கு பால் வழங்கும் பால் உற்பத்தியாளர்கள் கூட ஆவினுக்கு வழங்குவதை குறைத்துக் கொண்டு தனியாருக்கு பால் வழங்கத் தொடங்கியுள்ளதால் கடந்தாண்டு திமுக ஆட்சியில் இருந்தே ஆவினுக்கான தினசரி பால் கொள்முதல் சுமார் 25லட்சம் லிட்டராக சரிந்தது தற்போது வரை அது உயரவே இல்லை.

மேலும் கடந்தாண்டு இறுதி முதல் தமிழ்நாடு முழுவதும் பாலுக்கான கொள்முதல் விலையை ஒவ்வொரு தனியார் பால் நிறுவனங்களும் விவசாய பெருமக்களான பால் உற்பத்தியாளர்களுக்கு போட்டி போட்டுக் கொண்டு உயர்த்தி வழங்கி வருவதால் ஏற்படும் வருவாய் இழப்பை ஈடு செய்ய கடந்த பிப்ரவரி மாதம் இறுதி வாரத்தில் அனைத்து தனியார் பால் நிறுவனங்களும் பால் மற்றும் தயிர் விற்பனை விலையை லிட்டருக்கு 2.00ரூபாய் உயர்த்தின.

இந்த நிலையில் ஏற்கனவே மேற்காசியாவில் நிலவிய போரினால் சர்வதேச அளவிலான கச்சா எண்ணெய் விலை அதிகரிப்பு, அதனால் வாகன எரிபொருள் விலை உயர்வு போன்றவற்றால் பால் பொருட்கள் உற்பத்திக்கு தேவையான பல்வேறு மூலப் பொருட்களின் விலையும், பால் கொள்முதல், விநியோக வாகனங்களுக்கான வாடகையும் கடுமையாக உயர்ந்து போனதாலும், பால் உற்பத்தியாளர்களுக்கு பாலுக்கான கொள்முதல் விலையை தொடர்ந்து உயர்த்தி கொடுத்து வருவதாலும் நடப்பாண்டில் இரண்டாவது முறையாக மீண்டும் பால், தயிர் விற்பனை விலையை உயர்த்தும் முடிவிற்கு தனியார் பால் நிறுவனங்கள் வந்துள்ளன.

அந்த வகையில் தமிழ்நாட்டில் மட்டுமல்ல இந்தியாவின் முன்னணி தனியார் பால் நிறுவனங்களில் ஒன்றான ஆரோக்யா பால் நிறுவனம் நாளை (வியாழக்கிழமை 09.07.2026) முதல் பால் மற்றும் தயிர் விற்பனை விலையை லிட்டருக்கு 4.00ரூபாய் உயர்த்துவதோடு, பால் முகவர்கள் மற்றும் சில்லறை வணிகர்களுக்கான கமிஷன் (லாபம்) தொகையையும் உயர்த்துவதாக பால் முகவர்களுக்கு சுற்றறிக்கை வாயிலாக தெரிவித்துள்ளது.

அதன்படி 500மிலி சமன்படுத்தப்பட்ட பால் (Toned Milk) 29.00ரூபாயில் இருந்து 31.00ரூபாயாகவும், நிலைப்படுத்தப்பட்ட பால் (Standardized Milk) 35.00ரூபாயில் இருந்து 37.00ரூபாயாகவும், கொழுப்பு சத்து செரிவூட்டப்பட்ட பால் (Full Gream Milk) 39.00ரூபாயில் இருந்து 41.00ரூபாயாகவும், 1000மிலி சமன்படுத்தப்பட்ட பால் (Toned Milk) 54.00ரூபாயில் இருந்து 57.00ரூபாயாகவும், நிலைப்படுத்தப்பட்ட பால் (Standardized Milk) 66.00ரூபாயில் இருந்து 69.00ரூபாயாகவும், கொழுப்பு சத்து செரிவூட்டப்பட்ட பால் (Full Gream Milk) 73.00ரூபாயில் இருந்து 76.00ரூபாயாகவும், 500கிராம் ஹட்சன் தயிர் 42.00ரூபாயில் இருந்து 44.00ரூபாயாகவும், ஆரோக்யா தயிர் 40.00ரூபாயில் இருந்து 42.00ரூபாயாகவும் விற்பனை விலை உயர்வு ஜூலை 9ம் தேதி முதல் அமுலுக்கு வருகிறது.

முன்னணி தனியார் பால் நிறுவனத்தின் விற்பனை விலை உயர்வினை தொடர்ந்து தமிழ்நாடு மற்றும் அண்டை மாநிலங்களைச் சேர்ந்த அனைத்து தனியார் பால் நிறுவனங்களும் அடுத்தடுத்து பால், தயிர் விற்பனை விலையை உயர்த்தும் முடிவில் இருக்கின்றன. தனியார் பால் நிறுவனங்களின் தவிர்க்க முடியாத இந்த விற்பனை விலை உயர்வு என்பது ஏழை, எளிய, நடுத்தர மக்களை கடுமையாக பாதிக்கும் என்பதால் ஆரோக்யா நிறுவனம் விற்பனை விலை உயர்வை மறுபரிசீலனை செய்ய வேண்டும் என தமிழ்நாடு பால் முகவர்கள் தொழிலாளர்கள் நலச் சங்கம் அநநிறுவனத்தை கேட்டுக் கொள்கிறது.

மேலும் கோடைகால பருவமழை பொய்த்துப் போனதால் வரும் மழைக்காலத்தில் கூட மழைப் பொழிவு குறைவாக இருக்கும் என வல்லுநர்கள் தெரிவித்து வரும் நிலையில் தமிழ்நாட்டில் நடப்பாண்டில் வரலாறு காணாத வகையில் பால் தட்டுப்பாடு ஏற்படும் அபாயம் உள்ளதால் தமிழ்நாட்டில் பால் உற்பத்தியை அதிகரிக்க தமிழ்நாடு அரசு போர்க்கால அடிப்படையில் தீவிர நடவடிக்கை எடுக்க வேண்டியது அவசியமாகும்,

கடந்த 2011-2016 அதிமுக ஆட்சியில் அம்மையார் ஜெயலலிதா அவர்களால் கொண்டு வரப்பட்ட "விலையில்லா கறவை மாடுகள் திட்டம்" தமிழ்நாட்டில் பால் உற்பத்தியை அதிகரிக்கச் செய்ததோடு, 2020-2021ம் நிதியாண்டில் ஆவினுக்கான தினசரி பால் கொள்முதல் சுமார் 43லட்சம் லிட்டர் வரை உயர காரணமாக இருந்தது. ஆனால் 2021ல் ஆட்சிக்கு வந்த திமுக அரசு அந்த திட்டத்தை கைவிட்ட காரணத்தால் ஆவினுக்கான பால் கொள்முதல் மட்டுமின்றி தமிழ்நாடு முழுவதும் ஒட்டுமொத்தமாக பால் உற்பத்தி பாதிக்கப்பட இதுவும் ஒரு காரணமாக இருந்தது.

எனவே தமிழ்நாட்டில் வரும் மாதங்களில் பால் தட்டுப்பாடு ஏற்படுவதை தடுக்கவும், பால் உற்பத்தியை அதிகரிக்கவும் உடனடியாக விவசாய பெரு மக்களுக்கு விலையில்லா கறவை மாடுகள் வழங்கும் திட்டத்தை செயல்படுத்தி, கால்நடைகளுக்கான தீவனம், மருத்துவ பராமரிப்பு உள்ளிட்ட செலவினங்களை கவனத்தில் கொண்டு பால் உற்பத்தியாளர்களுக்கு பாலுக்கான கொள்முதல் விலையை உயர்த்தி, அதற்கேற்ற வகையில் ஆவின் பால் விற்பனை விலை, விற்பனைக்கான கமிஷன் தொகையை உயர்த்தி வழங்கிடவும் போர்க்கால அடிப்படையில் நடவடிக்கை எடுக்குமாறு மாண்புமிகு தமிழ்நாடு முதலமைச்சர் மரியாதைக்குரிய திரு. ஜோசப் விஜய் அவர்களை தமிழ்நாடு பால் முகவர்கள் தொழிலாளர்கள் நலச் சங்கம் வலியுறுத்தி கேட்டுக் கொள்கிறது.

இணைப்பு :- ஆரோக்யா பால் விற்பனை விலை உயர்வு சுற்றறிக்கை நகல்.

நன்றி

சு.ஆ.பொன்னுசாமி
நிறுவனர் & மாநில தலைவர்
தமிழ்நாடு பால் முகவர்கள் தொழிலாளர்கள் நலச் சங்கம்.
08.07.2026 / காலை 9.45மணி.

08/07/2026

இந்தியா முழுவதும் தொடரும் வரலாறு காணாத பால் உற்பத்தி பாதிப்பு,

தமிழ்நாட்டில் கடுமையான பால் தட்டுப்பாடு ஏற்படும் அபாயம்

*நடப்பாண்டில் 2வது முறையாக தனியார் நிறுவன பால், தயிர் விற்பனை விலை லிட்டருக்கு 4.00ரூபாய் உயர்வு.* நாளை (09.07.2026) முதல் அமுலுக்கு வருகிறது.

பால் உற்பத்தியை அதிகரிக்க விவசாய பெருமக்களுக்கு விலையில்லா கறவை மாடுகள் வழங்கும் திட்டம் உடனடியாக செயல்படுத்த வேண்டும்.

https://x.com/i/status/2074707613716217891

05/07/2026

*Distributor & Dealers Wanted.*

சென்னை & சென்னை புறநகர் பகுதிகளில் உயர்தரமான MD Dairy பால், தயிர் விற்பனை செய்ய ஏரியா வாரியாக அழைக்கிறோம்.

தொடர்புக்கு 7299406066 / 9360331725

12/04/2026

*Equity Share Holders Invited.*

தமிழ்நாடு பால் முகவர்கள் தொழிலாளர்கள் நலச் சங்கத்தின் சார்பில் தொடங்கப்பட்டுள்ள
*பால் முகவர்களின் கூட்டுறவு பால் நிறுவனமான MD Dairy பால் நிறுவனத்தில் பங்கு முதலீட்டாளர்களாக (Equity Share Holder) இணைய விருப்பம் உள்ளவர்களிடமிருந்து விண்ணப்பங்கள் வரவேற்கப்படுகின்றன.*

தற்போதைய 2026-2027 நிதியாண்டில் ஒரு
*பங்கு மதிப்பு Equity Share* (15.00 × 5000Nos) *Per Equity Share Amount 75000.00.* ஆகும்.

MD Dairy நிறுவனத்தின் முதலீட்டாளர்களாக *பால் முகவர்கள் மட்டுமின்றி தொழில் முனைவோராக விரும்பும் பிற துறை சார்ந்தோரும் எங்களுடன் இணையலாம்.*

Equity Share குறைந்த அளவே உள்ளதால் *முதலில் வருபவர்களுக்கே முன்னுரிமை அளிக்கப்படும்.* என்பதை தெரிவித்துக் கொள்கிறோம்.

நன்றி

சு.ஆ.பொன்னுசாமி
நிறுவனர் மாநில தலைவர்
தமிழ்நாடு பால் முகவர்கள் தொழிலாளர்கள் நலச் சங்கம்.

24/01/2026

தமிழ்நாடு முழுவதும் பால் விநியோக தொழிலில் ஈடுபட்டு வரும் பால் முகவர்களின் நலனை காத்திடும் உன்னத நோக்கத்தில் தமிழ்நாடு பால் முகவர்கள் தொழிலாளர்கள் நலச் சங்கத்தின் சார்பில் சங்க உறுப்பினர்களான 200 பால் முகவர்களை கொண்டு தொடங்கப்பட்டுள்ள கூட்டு உறவு பால் நிறுவனமான "பால் முகவர்கள் பால் பண்ணை" (MD Dairy) "பால் பொருட்கள் அறிமுக விழா" ஞாயிற்றுக்கிழமை (25.01.2026) சென்னை கொளத்தூரில் நடைபெற உள்ளது.

தமிழ்நாடு அரசின் ஆவின் மற்றும் தனியார் பால் நிறுவனங்களிடம் சுமார் 18ஆண்டுகளுக்கும் மேலாக பால் முகவர்களுக்கான கோரிக்கைகளை முன் வைத்து வந்தும் செயல்படுத்த எவருக்கும் மனமில்லாத நிலையில் பால் விற்பனை விலைக்கேற்ப வருமானமும் உயர சதவிகித அடிப்படையில் கமிஷன், மாதாந்திர ஊக்கத்தொகை, வங்கி டிஜிட்டல் பணபரிவர்த்தனையால் ஏற்படும் இழப்பை ஈடு செய்ய ஆண்டு முழுவதும் சிறப்பு ஊக்கத்தொகை மற்றும் பால் முகவர்களின் உழைப்பை அங்கீகரிக்க ஆண்டுதோறும் பொங்கல் தினத்தை முன்னிட்டு போனஸ் வழங்கி பால் முகவர்களின் வாழ்வாதாரத்தை காத்து பால்வளத்துறையில் மாபெரும் புரட்சிக்கு வித்திட இருக்கிறது தமிழ்நாடு பால் முகவர்கள் தொழிலாளர்கள் நலச் சங்கத்தின் பால் முகவர்களின் கூட்டு உறவு நிறுவனமான MD Dairy என்பதை மகிழ்ச்சியுடன் தெரிவித்துக் கொள்கிறோம்.

நன்றி

சு.ஆ.பொன்னுசாமி
நிறுவனத் தலைவர்
தமிழ்நாடு பால் முகவர்கள் தொழிலாளர்கள் நலச் சங்கம்

மேலாண்மை இயக்குநர்
TNMDEWA DAPPL
பால் முகவர்களின் கூட்டு உறவு பால் நிறுவனம்.
25.01.2026 / காலை 4.30மணி.

https://x.com/i/status/2015197667253714993

20/12/2025

*விண்ணப்பங்கள் வரவேற்கப்படுகின்றன.*

தமிழ்நாடு பால் முகவர்கள் தொழிலாளர்கள் நலச் சங்கத்தின் சார்பில் தொடங்கப்பட்டு, வரும் 2026 ஜனவரி மாதம் முதல் செயல்பாட்டிற்கு வர இருக்கும் *கூட்டு உறவு பால் நிறுவனத்தின் (TNMDEWA DAPPL) தலைமை* (சென்னை, கொளத்தூர்) *அலுவலகத்தில் பணியாற்ற* Taly, Excel மற்றும் *CRM* ல் அனுபவம் உள்ள *கணக்காளர் (Accountant),* காசாளர் (Cashier), அலுவலக பொறுப்பாளர் (Office Incharge) மற்றும் *பால் விநியோக பொறுப்பாளர் (Despatch Incharge)* பணிக்கு விண்ணப்பங்கள் வரவேற்கப்படுகின்றன.

மேற்கண்ட பொறுப்பிடங்களுக்கு விண்ணப்பம் செய்வோர் தங்களின் விண்ணப்பத்துடன் தங்களைப் பற்றிய சுயவிபரக்குறிப்பு (Resume) மற்றும் பாஸ்போர்ட் சைஸ் புகைப்படம் இணைத்து அனுப்ப வேண்டும்.

விண்ணப்பங்கள் அனுப்ப வேண்டிய *மின்னஞ்சல் முகவரி [email protected]*

*பின் குறிப்பு :-* கணக்காளர் (Accountant) பொறுப்பிற்கு தேர்வு செய்யப்படுபவர் ஜனவரி முதல் வாரத்தில் பணியில் சேர வேண்டும்.

*ஆ.பொன்னுசாமி*
தலைவர் & நிர்வாக இயக்குநர்
*TNMDEWA Dairy and Agro Products Private Limited.*
அலைபேசி :- 9600131725
கட்செவி அஞ்சல் (WhatsApp) :- 095661 21277

17/12/2025

*"பால் முகவர்களால் பால் முகவர்களுக்காக உருவாக்கப்பட்ட கூட்டுறவு பால் நிறுவனம்."* "பால் முகவர்களே கூட்டுறவு பால் நிறுவனத்தின் உரிமையாளர்கள்."
-வாய்ப்பு வழங்க *நாங்க ரெடி..!,* பயன்படுத்திக் கொள்ள *நீங்க ரெடியா..?*

அன்பிற்கினிய பால் முகவர்களுக்கு வணக்கம்.

தமிழ்நாடு பால் முகவர்கள் தொழிலாளர்கள் நலச் சங்கத்தின் சார்பில் இந்திய அரசின் சட்டதிட்டங்களுக்கு உட்பட்டு MCA எனப்படும் Ministery of Corporate Affairs ல் முறையாக பதிவு செய்து, தொடங்கப்பட்டுள்ள, விரைவில் செயல்பாட்டிற்கு வர இருக்கும் நமது பால் முகவர்களின் கூட்டு உறவு பால் நிறுவனமானது *பங்குதாரர் நிறுவனம் (Partnership Company) இல்லை* என்பதை பால் முகவர்கள் அனைவருக்கும் தெரிவிக்க கடமைப்பட்டுள்ளோம்.

ஏனெனில் இந்த கூட்டு உறவு பால் நிறுவனமானது இந்திய அரசின் நிறுவனங்கள் சட்டம் 2013 பிரிவு 18ன் கீழ் தமிழ்நாடு பால் முகவர்கள் தொழிலாளர்கள் நலச் சங்கத்தில் உறுப்பினர்களாக இருக்கும் பால் முகவர்களை மட்டுமே உரிமையாளர்களாகவும் (Equity Share Holders), நமது சங்க கூட்டுறவு பால் நிறுவனத்தின் உரிமையாளர்களில் ஒருவராக இணைய விரும்பும் பால் முகவர்களில் (சங்க உறுப்பினர்) ஒருவருக்கு ஒரு பங்கு (Equity Share) மட்டுமே என்கிற அடிப்படையிலும் செயல்படக் கூடிய வகையில் முறையாக பதிவு செய்யப்பட்டுள்ளது.

நமது கூட்டு உறவு *பால் நிறுவனத்தின் 1பங்குத் தொகை (Equity Share Amount) 50ஆயிரம் ரூபாய் என முடிவு* செய்து அதனை *பால் முகவர்களிடமிருந்து மட்டும் (TNMDEWA Members Only)* முதலீடாக பெற்று, பால் கொள்முதல், உற்பத்தி, விற்பனை பிரிவுகளில் *கூட்டுறவு அடிப்படையில் செயல்பட இருக்கும் பால் முகவர்களின் கூட்டு உறவு நிறுவனமாகும்.*

எனவே *பால் முகவர்களால், பால் முகவர்களுக்காக..!* தொடங்கப்பட்டுள்ள நமது சங்க *கூட்டுறவு பால் நிறுவனத்தின் உரிமையாளர்களில் ஒருவராக இணைய விருப்பம் உள்ள பால் முகவர்கள் இந்த அரிய வாய்ப்பை பயன்படுத்திக் கொள்ள வேண்டுகிறோம்.* *இன்னும் குறைந்த இடங்களே உள்ளது* என்பதால் *முதலில் வரும் பால் முகவர்களுக்கே முன்னுரிமை* அளிக்கப்படும்.

நமது *கூட்டுறவு பால் நிறுவனத்தின் செயல்பாடுகள் குறித்த உத்தரவாதம்.*

*உரிமையாளர்கள்..!*
நமது சங்கத்தின் சார்பில் தொடங்கப்படும் *கூட்டுறவு பால் நிறுவனத்தில் முதலீடு செய்யும் பால் முகவர்கள் அனைவரும்* பங்கு முதலீட்டாளர்களாக (Equity Share Holder) இருந்தாலும் கூட அவர்கள் அனைவரும் இந்த *கூட்டுறவு பால் நிறுவனத்தின் உரிமையாளர்களே.!*

*லாபம் பகிர்வு..!*
ஆண்டுதோறும் நிறுவனத்தின் தணிக்கை செய்யப்பட்ட *நிகர லாபத்தில் இருந்து நமது கூட்டுறவு பால் நிறுவனத்தின் அனைத்து உரிமையாளர்களுக்கும் 30% வருவாய் (Equity Dividend) பிரித்து வழங்கப்படும்.*

*கூடுதல் லாப பகிர்வு..!*
நிறுவனத்தின் வளர்ச்சிக்கு உறுதுணையாக *பால்* மற்றும் *பால் பொருட்கள் வாங்கி விற்பனை செய்யும் (Equity Share Holders) உரிமையாளர்களுக்கு* ஆண்டுதோறும் நிறுவனத்தின் தணிக்கை செய்யப்பட்ட *நிகர லாபத்தில் இருந்து 10% வருவாய் கூடுதல் போனஸாக (Bonus Equity Dividend) பிரித்து வழங்கப்படும்.*

*பொறுப்பு..!*
"நாமே நிறுவனத்தின் உரிமையாளர்கள், நாமே பால் முகவர்கள், நாமே விற்பனை பிரதிநிதிகள்." என்பதால் இந்த கூட்டுறவு பால் நிறுவனத்தின் வளர்ச்சியில் கிடைக்கும் வருமானத்தில் மட்டுமல்ல, பால், தயிர் உள்ளிட்ட பால் பொருட்களை சந்தைப்படுத்துதல், விளம்பரப்படுத்துதல், புதிய, புதிய பால் முகவர்களை அறிமுகம் செய்தல் என *அனைத்து பொறுப்புகளும் உரிமையாளர்களான *பால் முகவர்கள் அனைவருக்கும் சரிசமமாகும்.*

*நிறுவனத்தின் வளர்ச்சிக்கான ஒத்துழைப்பு..!*
நமது கூட்டுறவு பால் நிறுவனத்தின் வளர்ச்சி குறித்து ஆய்வு செய்து அதனை செவ்வனே செயல்படுத்த நமது *கூட்டுறவு பால் நிறுவனத்தின் உரிமையாளர்களின் ஆலோசனை கூட்டம்* ஒவ்வொரு மாதமும் முதல் வாரத்தில் இயக்குநர் குழு தலைமையில் சென்னை கொளத்தூரில் உள்ள நமது கூட்டுறவு பால் நிறுவனத்தின் *தலைமை அலுவலகத்தில் நடைபெறும்.*

இக்கூட்டத்தில் முந்தைய மாதத்தின் பால் கொள்முதல் தொடங்கி, உற்பத்தி, நிறுவனத்தின் பால் பொருட்கள் விற்பனை, அதன்மூலம் கிடைத்த தோராய வருவாய், கடந்த மாதத்தின் செலவுகள் நிறுவனத்திற்கு வரவேண்டிய கடன் தொகை வரை *அனைத்து விபரங்களும் வெளிப்படைத்தன்மையோடு கூட்டுறவு பால் நிறுவனத்தின் உரிமையாளர்கள் அனைவரின் முன் சமர்ப்பிக்கப்படும்.*

*இலக்கு..! பாராட்டு..!! பரிசு..!!!*
அதன்படி நடப்பு மாதம் மற்றும் அடுத்த மாதம் முன்னெடுக்க வேண்டிய இலக்கு குறித்தும், பால் முகவர்கள் நலனை மட்டுமே நோக்கமாக கொண்டு செயல்படும் கூட்டுறவு பால் நிறுவனத்தின் வளர்ச்சி குறித்தும் விரிவாக விவாதித்து *ஒவ்வொரு உரிமையாளர்களுக்கும்* (பங்கு முதலீட்டாளர்கள்) *இலக்கு நிர்ணயம்* செய்யப்படும்.

அவ்வாறு நிர்ணயம் செய்யப்படும் *இலக்கை அடையும் உரிமையாளர்கள்* (பங்கு முதலீட்டாளர்கள்) அடுத்த மாதம் நடைபெறும் உரிமையாளர்கள் (பங்கு முதலீட்டாளர்கள்) கூட்டத்தில் *பாராட்டி, பரிசுகள் வழங்கி கெளரவிக்கப்படுவார்கள்.*

மேலும் விவரங்களுக்கு தொடர்பு கொள்ள...

நன்றி

சு.ஆ.பொன்னுசாமி
நிறுவனர் & மாநில தலைவர்
தமிழ்நாடு பால் முகவர்கள் தொழிலாளர்கள் நலச் சங்கம்
நிர்வாக இயக்குநர், TNMDEWA DAPPL
அலைபேசி :- 9600131725
கட்செவி அஞ்சல் (WhatsApp) :- 9566121277

எஸ்.பொன்மாரியப்பன் 9791072216
பொதுச் செயலாளர், TNMDEWA
இணை நிர்வாக இயக்குநர், TNMDEWA DAPPL

ஆர்.கிரி 9884375333
மாநில ஒருங்கிணைப்பாளர்
இணை நிர்வாக இயக்குநர், TNMDEWA DAPPL

எஸ்.முருகன் 9840009567
மாநில பொருளாளர், TNMDEWA
இயக்குநர், TNMDEWA DAPPL

எஸ்.சுரேஷ்குமார் 7299406066
மாநில ஒருங்கிணைப்பாளர், TNMDEWA
இயக்குநர், TNMDEWA DAPPL

ஜெ.அபுபக்கர் 9884056663
மாநில மக்கள் தொடர்பாளர், TNMDEWA
இயக்குநர், TNMDEWA DAPPL

ஆர்.கே.காண்டீபன் 9444708700
மாநில துணைத் தலைவர், TNMDEWA
இயக்குநர், TNMDEWA DAPPL

எஸ்.எம்.குமார், 8015265500
தலைமை ஒருங்கிணைப்பாளர், TNMDEWA

சொ.ராஜா, 9843412669
மாநில ஒருங்கிணைப்பாளர், TNMDEWA