09/02/2026
EK BUZURG KE SATH DHOKE-BAZI AUR EK BE-QUSUR PAR ZULM -
(1)- SHEHZADE & COMPANY KE ZARIYE HAZRAT KO DIYA GAYA PEHLA DHOKA -
Corona aur Lockdown ke nazuk daur me (Sep-Oct 2020 ke beech me)Hamza Ashraf ke sasur saheb ne mere jadd e mohtaram Hazrat Shaikhul Islam Allama Sayed Madani Ashraf Ashrafi Aljilani Saheb ko ek paper ye kah kar diya k : ye Home Ministry of India se aaya hai, aur ye paper mujhe Home Ministry ke ek bade officer ne chhup-chhupa kar bheja hai aur wo officer unka yani sasur ji ka gehra dost hai. Is paper me Hasan Askari ki taraf se Hamza Ashraf aur Shaikhul Islam trust ke khilaf 9 December 2019 ko sangeen ilzaam laga kar Home Ministry me complain darj ki g*i hai. Hazrat ko daraya gaya k ab aap sab ko jail jane ka bhi kharra hai.
Hazrat Shaikhul Islam ne 20 october 2020 ko Hasan Askari ko apne ghar bula kar sab kuchh bataya aur wo paper bhi dikhaya aur farmaya : kya tum ne ye kiya hai ? Askari ne inkar kiya aur kaha k : ye sab ghalat hai, ye kisi ki sazish hai,maine kuchh nahi kiya hai, main be-qusur hu’n. Hasan Askari ne Rabb e Ka’bah ki qasam bhi khayi, lekin us inkar o qasam ke ba-wajood sasur ji paper aur kahani ko saccha maana gaya aur Askari ko jhoota aur qusu-war maan kar saza suna di g*i. Askari ko us paper ki photo copy lene se rok diya gaya aur us complain paper ka reference number bhi nahi bataya gaya.
Phir Syed Hasan Askari aur kuchh dusre logo’n ne jab Home Ministry se ye inquiry ki k : kya 19 december 2019 ko aisi koi complain Home Ministry ke office ya portal me pahunchi hai ?to Home Ministry ne Askari ki saaf ye jawab diya k : 1 January 2019 se10 December 2020 tak aisi koi bhi complain Syed Hasan Askari ki taraf se Home Ministry me nahi aayi hai. (Dekhiye is post ka photo number-1).
Hazrat ke bahot chahne wale Maharashtra ke mureed ko bhi Home Ministry ne yehi jawab diya k :Hamza Ashraf aur Shaikhul Islam trust ke khilaf koi bhi complain Home Ministry me received nahi hui hai. ( Dekhiye post ka photo number-2).
Is se pata chala k Shezade ke Sasur ji ne Home Ministry ka kah kar jo complain paper Hazrat ko diya tha, wo puri tarah farzi tha aur sasur ji ne Hazrat se jhoot bola tha ki “unka koi dost Home Ministry me officer hai. Is tarah sasur saheb ne apne aur apni family ke mafaad ke liye Hasan Askari ke bare me ek jhooti kahani suna kar Hazrat ka ghalat istemaal kiya.
(2)-SHEHZADE & COMPANY KE ZARIYE HAZRAT KO DIYA GAYA DUSRA DHOKA-
Hamza Ashraf ne Hazrat aur Hasan Askari se ye bhi kaha k : Lucknow me Hamza Ashraf ke ghar par SOG - LIU - CID waghaira ki team ke 18 log sakht poochh-taachh ke liye aaye the aur un se Hasan Askari ki complain ki wajah se revolver samne rakh kar 49 sawalaat kiye g*e.
Hasan Askari ne jab is kahani ki asliyat janne ke liye Lucknow police aur Lucknow commissioner office se contact kiya to unka jawab aaya k : Hamza Ashraf ke ghar par kisi bhi tarah ki koi bhi sakati poochh-yaachika ki jaankari ki khabar kisi ke pas nahi hai. (Dekhiye post ka photo number- 3).
To dekha aap logo’n ne k : kitne shandar tariqe se Farzi SOG ki team ki kahani Hazrat ko sunayi g*i aur unhe daraya gaya.
(3)- HAZRAT KO DIYA GAYA TEESRA DHOKA-
Shehzade & Company ne apni sazish ko yahi tak baaqi nahi rakha, balki Askari par lagaye g*e JHOOTE ilzaamaat ko mazeed pakka karne ke liye Home Ministry ki farzi mohar, farzi signature ke sath ek farzi final report banva kar Hazrat ke hath me rakh diya aur Hazrat inke dhoke me phir aa g*e aur usko asli Final Report samajh liya. Iske bad Hamza Ashraf ne Hazrat ko Facebook par Live la kar Hasan Askari ke khilaf ek lamba bayan jari karwaya ( jis me zyada-tar bate’n Hazrat se jhoot kahalawayi g*i thi). Phir Hamza Ashraf ne 27 December 2020 ko us farzi final report ko social media par post kar ke awaam ko bhi gumraah karne ki koshish ki thi. (Dekhiye photo number 4 aur 5).
Hasan Askari ne Home Ministry se phir puchha k : jab maine aapki ministry me kisi ke bare me koi complain ki hi nahi hai to mere khilaf ye final report aapki ministry se kaise jari ho g*i ? Tab Home Ministry ne jawab diya k : ye report hamari ministry se jari nahi hui hai. (Dekhiye photo number- 6).
Iske 3 mahine bad Home Ministry ki janib se is farzi final report ke khilaf Delhi police me ek FIR bhi darj ki g*i. (Dekhiye photo number-7).
Shehzade ne Delhi ke khoob chakkar lag*e aur wo khoob rupye barbaad karte rahe, lekin phir bhi Hazrat se sab kuchh chhupa kar unhe dhoke me hi rahne dena munasib samjha.
(4) Shahzada ke zariya Hazrat ko diya gaya chautha aur sabse bada dhoka:
Shahzada and Company ko is baat ka khatra tha ki 27 December 2020 ko farzi (fake) "Final Report" ke nashr (publish) hone ke baad, unki dhokebazi aur saazish ka raaz jald hi khul jayega. Kyunki Hassan Askari ko ab Ministry of Home Affairs se final report ke farzi hone ka jawab mil jayega. Phir to Hazrat aur saare awaam-o-khwaas ko company ki dhokebazi ka ilm ho jayega aur duniya jaan jayegi ki Hassan Askari ne Shahzada aur unke trust ke khilaf 2019 mein koi bhi complaint kahin bhi nahi ki thi. Phir mureedin, Shahzade aur unke sasural walon ko kabhi maaf nahi karenge.
Isi liye Shahzada and Company ne mureedin aur Hazrat ko phir se dhoka dene ke liye ek nayi chaal chali. Agle hi din (Next day) yaani 28 December 2020 ko company ne Syed Hassan Askari ke naam se Hamza Ashraf aur Sheikh-ul-Islam Trust ke khilaf Home Ministry ke PG Portal par kisi email ID ke zariya ek complaint darj kara kar use confirm kiya, aur saath mein wahan Hassan Askari ka mobile number bhi darj kara diya. Taaki agar koi Askari ke number ke zariya portal khole, to usko Askari ke naam se ki gayi complaint nazar aaye.
Iske kuch arsa baad, Shahzada ne apne Mohsin Abbu (Hazrat) aur apne kuch jahil "Andh-bhakton" ko portal dikha-dikha kar ye kaha ki: "Ye dekho, ye Hassan Askari ki 2019 wali hi complaint hai." Hazrat aur kuch bhole-bhale log to company ke is fareb ka phir shikar ho gaye, lekin company ke mujrim ye bhool gaye ki jab in umoor (matters) ka koi jaankar aur padha-likha aadmi is portal ko kholega, to wo wahan sirf complaint nahi dekhega, balki uski Date of Receipt (milne ki tareekh) aur uska Reference Number bhi dekhega.
Portal par darj is complaint ki Date of Receipt 28/12/2020 hai aur uska reference number MINHA/E/2020/16353 hai (Dekhiye Photo No. 😎. Ab is portal ki complaint ko jo bhi jaankar aadmi dekhega, wo dekhte hi kahega ki ye complaint portal par 2020 mein darj karayi gayi hai, 2019 mein nahi. Kyunki date aur reference number dono mein 2020 darj hai. Lehaza, is complaint ke mazmoon (content) ko dikha kar kisi ko ye kehna ki ye 2019 ki hai, us shakhs ko bewakoof banana aur dhoka dena hai.
Jaisa ki ye kaam khud mere chhote dada Ghazi-e-Millat sahab ne sab kuch jaante hue bhi kiya (Dekhiye Photo No. 9). Aur "Ghulam Syed" jaise kaazib (jhoote) ke naam se to mazloom Askari ke khilaf 31 pages par mushtamil ek jhooti aur farebi kitab hi likh daali gayi, aur kai zabano mein uska tarjuma karke muft taqseem kiya gaya (Dekhiye Photo No. 10). Is kitab mein bhi portal wali complaint ke talluq se logon ko dhoka dene ki koshish ki gayi hai.
Aur yahi dhoka Hamza Ashraf ne apne azeem mohsin baap aur apne tamam hamiyon (supporters) ko diya hai. Hamiyon se meri murad "Andh-bhakt" nahi, balki wo nek log hain jinhein ab tak sachai ka ilm nahi tha.
Allah hum sab ko kisi be-qasoor Aal-e-Rasool ya kisi bhi be-qasoor insaan ko takleef pahunchane se bachaye, aur apne ghar ke kisi bhi buzurg ke saath aisi zyadti aur dhokebazi se har bete ko bachaye.
Alhamdulillah, maine apni be-qasoori ke saboot 5 saal pehle hi ulema ke ek wafd (delegation) ke saath jaakar Jadd-e-Muhtaram Hazrat Sheikh-ul-Islam ko de diye the. Syed Shaukat Ali Bapu aur Bartania (UK) ke Hazrat ke kuch mureedin ne bhi tehqeeq ke baad Hazrat ko meri be-qasoori ke baare mein kaafi pehle bata diya tha. Syed Alamgir Ashraf sahab ki pehal par, Sahid-e-Sajjada aur khanwada ke kuch afraad ki tayeed (support) ke saath Hazrat Ashraf-e-Millat ne bhi 4 saal pehle hi meri be-qasoori ka elaan farma diya tha. Agar Hamza Ashraf mein zara bhi ghairat hoti to wo Hazrat ko fareb na dete; unhein chahiye tha ki wo 28 January 2026 ko mujhe Hazrat se milne dete.
Mujhe ye itminan hai ki maine Shaukat Ali Bapu ke saath Hazrat se mulaqat karne ki koshish ki aur mulaqat se pehle hi apna ek tafseeli khat (detailed letter), jo 8 pages par mushtamil hai, Hazrat ki bargah mein pahuncha diya hai, jisme saare haqaiq aur saboot maujood hain. Shahzada ne bhi khat ab tak padh hi liya hoga.
Shahzade! Ab jabki aap sab padh aur samajh chuke ho, aur Askari ne apni be-gunahi ke saare saboot de diye hain, aur meri saari sachai aur aapki company ka fareb duniya jaan chuki hai—to hona to ye chahiye tha ki "Maskan" se bhi ek mazloom ke haq mein faisla hota aur mujrimon ko saza di jaati. Lekin afsos ki yahan duniya wale ye dekh rahe hain ki asal mudde aur asal qaziye (yaani Ministry of Home Affairs wali complaint aur aapke sasur ke Home Ministry wale jigri dost) par sawalat aur jaza-o-saza ke mutalibe ke bajaye, Mohsin-e-Azam Mission band karne ka mutaliba karwaya ja raha hai.
Kya us Mission ko band kar diya jaye jo qaum-o-millat ki falahi khidmat mein masroof hai? Jo har kamzor ko sahara dene ka azm rakhta hai aur har musibat mein apne biradran-e-watan ke saath khada nazar aata hai?
Aakhir mein bas yahi kahunga:
"Tu idhar udhar ki na baat kar, ye bata ki qaafila kyun luta,
Mujhe rah-zanon se gila nahi, teri rahbari ka sawaal hai."
~ Syed Hassan Askari ibn Arabi Ashraf Jilani
