Dhaliwal motors

30/01/2023

10/01/2023

🍃🌹💐

ਚੀਨ ਵਿਚ ਪੈਦਾ ਹੋਇਆ ਇਕ ਫ਼ਕੀਰ ਸੀ ਚਵਾਂਗ ਤਜੁ... ਲੋਕਾਂ ਨੇ ਉਸਨੂੰ ਸਦਾ ਹੱਸਦਿਆਂ ਹੀ ਵੇਖਿਆ ਸੀ, ਕਦੇ ਉਦਾਸ ਨਹੀਂ ਵੇਖਿਆ ਸੀ। ਇਕ ਦਿਨ ਸਵੇਰੇ ਉੱਠਿਆ ਅਤੇ ਉਦਾਸ ਬੈਠ ਗਿਆ ਝੌਂਪੜੀ ਦੇ ਬਾਹਰ! ਉਸ ਦੇ ਦੋਸਤ ਆਏ, ਉਸ ਦੇ ਚੇਲੇ ਆਏ ਅਤੇ ਪੁੱਛਣ ਲੱਗੇ, ਤੁਹਾਨੂੰ ਕਦੇ ਉਦਾਸ ਨਹੀਂ ਵੇਖਿਆ। ਚਾਹੇ ਅਸਮਾਨ ਵਿੱਚ ਕਿੰਨਾ ਹੀ ਹਨੇਰਾ ਛਾਇਆ ਹੋਵੇ, ਅਤੇ ਚਾਹੇ ਜ਼ਿੰਦਗੀ 'ਤੇ ਕਿੰਨੇ ਹੀ ਦੁਖਦਾਈ ਬੱਦਲ ਕਿਉਂ ਨਾ ਛਾਏ ਹੋਣ, ਤੁਹਾਡੇ ਬੁੱਲ੍ਹਾਂ 'ਤੇ ਹਮੇਸ਼ਾਂ ਮੁਸਕੁਰਾਹਟ ਹੀ ਵੇਖੀ ਹੈ। ਅੱਜ ਤੁਸੀਂ ਉਦਾਸ ਕਿਉਂ ਹੋ? ਤੁਸੀਂ ਚਿੰਤਤ ਕਿਉਂ ਹੋ?

ਚਵਾਂਗ ਤਜੂ ਨੇ ਕਿਹਾ, ਅੱਜ ਮੈਂ ਸੱਚਮੁੱਚ ਇੱਕ ਅਜਿਹੀ ਉਲਝਣ ਵਿੱਚ ਹਾਂ, ਸਮੱਸਿਆ ਵਿੱਚ ਹਾਂ ਕਿ ਜਿਸਦਾ ਮੈਨੂੰ ਕੋਈ ਹੱਲ ਨਹੀਂ ਪਤਾ।

ਚੇਲਿਆਂ ਨੇ ਹੈਰਾਨ ਹੋ ਕੇ ਕਿਹਾ, ਅਸੀਂ ਤਾਂ ਸੋਚਿਆ ਸੀ ਕਿ ਤੁਸੀਂ ਉਲਝਣਾ, ਸਮੱਸਿਆਵਾਂ ਵਗੈਰਾ ਤੋਂ ਅੱਗੇ ਚਲੇ ਗਏ ਹੋ। ਅਸੀਂ ਤਾਂ ਆਪਣੀਆਂ ਉਲਝਣਾ, ਸਮੱਸਿਆਵਾਂ ਲੈ ਕੇ ਤੁਹਾਡੇ ਕੋਲ ਆਉਂਦੇ ਹਾਂ ਅਤੇ ਸਾਰੀਆਂ ਸਮੱਸਿਆਵਾਂ ਹੱਲ ਹੋ ਜਾਂਦੀਆਂ ਹਨ। ਹੱਦ ਹੈ, ਤੁਹਾਨੂੰ ਵੀ ਕੋਈ ਸਮੱਸਿਆ ਆ ਗਈ! ਕੀ ਹੈ ਇਹ ਸਮੱਸਿਆ?

ਚਵਾਂਗ ਤਜੂ ਨੇ ਕਿਹਾ, ਦੱਸਾਂਗਾ ਜਰੂਰ, ਪਰ ਤੁਸੀਂ ਵੀ ਹੱਲ ਨਹੀਂ ਕਰ ਸਕੋਗੇ। ਅਤੇ ਮੈਨੂੰ ਲਗਦਾ ਹੈ ਕਿ ਸ਼ਾਇਦ ਹੁਣ ਸਾਰੀ ਉਮਰ, ਉਹ ਹੱਲ ਨਹੀਂ ਹੋ ਸਕੇਗੀ!

ਰਾਤ ਮੈਂ ਇਕ ਸੁਪਨਾ ਦੇਖਿਆ। ਉਸ ਸੁਪਨੇ ਵਿਚ ਮੈਂ ਦੇਖਿਆ ਕਿ ਮੈਂ ਇਕ ਬਗੀਚੇ ਵਿਚ ਤਿਤਲੀ ਬਣ ਗਿਆ ਹਾਂ ਅਤੇ ਫੁੱਲਾਂ 'ਤੇ ਉੱਡਦਾ ਫਿਰ ਰਿਹਾ ਹਾਂ।

ਚੇਲਿਆਂ ਨੇ ਕਿਹਾ, ਇਸ ਵਿਚ ਅਜਿਹੀ ਵੱਡੀ ਸਮੱਸਿਆ ਕੀ ਹੈ? ਮਨੁੱਖ ਸੁਪਨੇ ਵਿਚ ਕੁਝ ਵੀ ਹੋ ਸਕਦਾ ਹੈ।

ਚਵਾਂਗ ਤਜੂ ਨੇ ਕਿਹਾ, ਜੇਕਰ ਮਾਮਲਾ ਏਨਾ ਹੀ ਹੁੰਦਾ ਤਾਂ ਠੀਕ ਹੁੰਦਾ। ਪਰ ਜਦੋਂ ਸਵੇਰੇ ਮੈਂ ਜਾਗਿਆ, ਤਾਂ ਮੈਂ ਫਿਰ ਤੋਂ ਚਵਾਂਗ ਤਜੂ ਸੀ। ਤੇ ਮੇਰੇ ਦਿਮਾਗ ਵਿਚ ਇਕ ਪ੍ਰਸ਼ਨ ਉੱਠਿਆ ਕਿ ਜੇ ਚਾਂਗਤਸੂ ਨਾਂ ਦਾ ਆਦਮੀ ਸੁਪਨੇ ਵਿਚ ਇੱਕ ਤਿਤਲੀ ਹੋ ਸਕਦਾ ਹੈ, ਤਾਂ ਕਿਤੇ ਅਜਿਹਾ ਤਾਂ ਨਹੀਂ ਕਿ ਹੁਣ ਤਿਤਲੀ ਸੁੱਤੀ ਪਈ ਹੋਵੇ ਅਤੇ ਸੁਪਨਾ ਵੇਖ ਰਹੀ ਹੋਵੇ ਕਿ ਚਵਾਂਗ ਤਜੂ ਹੋ ਗਈ ਹੈ! ਮੈਂ ਸਵੇਰ ਤੋਂ ਪਰੇਸ਼ਾਨ ਹਾਂ। ਜੇ ਇਕ ਆਦਮੀ ਸੁਪਨੇ ਵਿਚ ਇਕ ਤਿਤਲੀ ਹੋ ਸਕਦਾ ਹੈ, ਤਾਂ ਇਕ ਤਿਤਲੀ ਵੀ ਸੁਪਨੇ ਵਿਚ ਇਕ ਆਦਮੀ ਹੋ ਸਕਦੀ ਹੈ। ਅਤੇ ਹੁਣ ਮੈਂ ਇਹ ਤੈਅ ਨਹੀਂ ਕਰ ਪਾ ਰਿਹਾ ਹਾਂ ਕਿ ਕੀ ਮੈਂ ਇੱਕ ਤਿਤਲੀ ਹਾਂ, ਜੋ ਇੱਕ ਸੁਪਨਾ ਵੇਖ ਰਹੀ ਹੈ ਆਦਮੀ ਹੋਣ ਦਾ ਜਾਂ ਕੀ ਮੈਂ ਆਦਮੀ ਹਾਂ ਜਿਸਨੇ ਸੁਪਨਾ ਵੇਖਿਆ ਤਿਤਲੀ ਹੋਣ ਦਾ! ਅਤੇ ਹੁਣ ਇਹ ਤੈਅ ਕੌਣ ਕਰੇਗਾ? ਮੈਂ ਬਹੁਤ ਮੁਸ਼ਕਿਲ ਵਿੱਚ ਪੈ ਗਿਆ ਹਾਂ।

ਸ਼ਾਇਦ ਇਹ ਕਦੇ ਵੀ ਤੈਅ ਨਹੀਂ ਹੋ ਸਕੇਗਾ। ਚਵਾਂਗ ਤਜੂ ਸਹੀ ਕਹਿੰਦਾ ਹੈ, ਜੋ ਅਸੀਂ ਬਾਹਰ ਵੇਖਦੇ ਹਾਂ, ਕੀ ਉਹ ਵੀ ਖੁੱਲੀ ਅੱਖ ਦਾ ਸੁਪਨਾ ਨਹੀਂ ਹੈ? ਕਿਉਂਕਿ ਅੱਖ ਬੰਦ ਹੁੰਦੇ ਹੀ ਉਹ ਅਲੋਪ ਹੋ ਜਾਂਦਾ ਹੈ, ਗੁੰਮ ਜਾਂਦਾ ਹੈ ਅਤੇ ਵਿਲੀਨ ਹੋ ਜਾਂਦਾ ਹੈ। ਅੱਖਾਂ ਬੰਦ ਹੁੰਦੇ ਹੀ, ਅਸੀਂ ਕਿਸੇ ਹੋਰ ਸੰਸਾਰ ਵਿੱਚ ਹੁੰਦੇ ਹਾਂ। ਅਤੇ ਅੱਖਾਂ ਖੋਲ੍ਹ ਕੇ ਵੀ ਜੋ ਅਸੀਂ ਵੇਖਦੇ ਹਾਂ, ਕੁਝ ਸਮੇਂ ਬਾਅਦ ਹੀ, ਉਸਦੀ ਕੀਮਤ ਸੁਪਨੇ ਤੋਂ ਵੱਧ ਮਾਲੁਮ ਨਹੀਂ ਹੁੰਦੀ।

ਤੁਸੀਂ ਜ਼ਿੰਦਗੀ ਜੀਅ ਲਈ ਹੈ - ਕੁਝ ਨੇ ਪੰਦਰਾਂ ਸਾਲ, ਕੁਝ ਨੇ ਚਾਲੀ ਸਾਲ, ਕੁਝ ਨੇ ਪੰਜਾਹ ਸਾਲ। ਜੇਕਰ ਤੁਸੀਂ ਮੁੜ ਕੇ ਪਿੱਛੇ ਵੱਲ ਵੇਖੋ, ਉਨ੍ਹਾਂ ਪੰਜਾਹ ਸਾਲਾਂ ਵਿਚ ਜੋ ਵੀ ਵਾਪਰਿਆ ਸੀ, ਕੀ ਇਹ ਸੱਚਮੁੱਚ ਵਾਪਰਿਆ ਸੀ ਜਾਂ ਸਭ ਇਕ ਸੁਪਨੇ ਵਿਚ ਹੋਇਆ ਸੀ? ਤਾਂ ਕੀ ਫ਼ਰਕ ਜਾਪੇਗਾ? ਪਿੱਛੇ ਮੁੜ ਕੇ ਵੇਖਣ ਤੋਂ ਬਾਅਦ ਕੀ ਫ਼ਰਕ ਮਾਲੁਮ ਪਵੇਗਾ? ਜੋ ਵੀ ਸੀ - ਜੋ ਸਤਿਕਾਰ ਪ੍ਰਾਪਤ ਹੋਇਆ ਸੀ, ਜੋ ਅਪਮਾਨ ਮਿਲਿਆ ਸੀ - ਉਹ ਇੱਕ ਸੁਪਨੇ ਵਿੱਚ ਮਿਲਿਆ ਸੀ ਜਾਂ ਸੱਚ ਵਿੱਚ ਮਿਲਿਆ ਸੀ?

ਮਰਦੇ ਵਕਤ ਆਦਮੀ ਨੂੰ ਕੀ ਫ਼ਰਕ ਮਾਲੁਮ ਹੁੰਦਾ ਹੈ? ਜੋ ਜ਼ਿੰਦਗੀ ਉਸ ਨੇ ਜਿਉਂਈ ਸੀ, ਉਹ ਇਕ ਕਹਾਣੀ ਸੀ ਜਾਂ ਜੋ ਉਸਨੇ ਸੁਪਨੇ ਵਿਚ ਵੇਖੀ ਸੀ, ਸੱਚਮੁੱਚ ਹੀ ਉਹ ਜ਼ਿੰਦਗੀ ਵਿਚ ਘਟੀ ਸੀ।
ਇਸ ਧਰਤੀ ਤੇ ਕਿੰਨੇ ਲੋਕ ਰਹਿ ਚੁੱਕੇ ਨੇ ਸਾਡੇ ਤੋਂ ਪਹਿਲਾਂ! ਅਸੀਂ ਜਿੱਥੇ ਬੈਠੇ ਹਾਂ, ਉਸਦੇ ਕਣ-ਕਣ ਵਿੱਚ ਪਤਾ ਨਹੀਂ ਕਿੰਨੇ ਲੋਕਾਂ ਦੀ ਮਿੱਟੀ ਸਮਾਈ ਹੈ, ਅਤੇ ਪਤਾ ਨਹੀਂ ਕਿੰਨੇ ਲੋਕਾਂ ਦੀ ਖ਼ਾਕ ਹੈ। ਸਾਰੀ ਧਰਤੀ ਇਕ ਵੱਡਾ ਸ਼ਮਸ਼ਾਨਘਾਟ ਹੈ, ਜਿਸ ਵਿਚ ਪਤਾ ਨਹੀਂ ਕਿੰਨੇ ਅਰਬਾਂ-ਅਰਬਾਂ ਲੋਕ ਰਹੇ ਹਨ ਅਤੇ ਮਿਟ ਗਏ ਹਨ। ਅੱਜ ਉਹਨਾਂ ਦੇ ਹੋਣ ਜਾਂ ਨਾ ਹੋਣ ਨਾਲ ਕੀ ਫ਼ਰਕ ਪੈਂਦਾ ਹੈ? ਉਹ ਜਦੋਂ ਰਹੇ ਹੋਣਗੇ, ਤਦ ਉਨ੍ਹਾਂ ਨੂੰ ਜ਼ਿੰਦਗੀ ਜਾਪੀ ਹੋਵੇਗੀ ਕਿ ਬਹੁਤ ਸੱਚੀ ਹੈ। ਹੁਣ ਨਾ ਜ਼ਿੰਦਗੀ ਰਹੀ ਉਹਨਾਂ ਦੀ ਅਤੇ ਨਾ ਉਹੀ ਰਹੇ ਅੱਜ, ਸਭ ਮਿੱਟੀ ਵਿਚ ਖੋ ਗਏ ਹਨ।

ਅੱਜ ਅਸੀਂ ਜਿੰਦਾ ਬੈਠੇ ਹਾਂ, ਕੱਲ੍ਹ ਅਸੀਂ ਵੀ ਗੁੰਮ ਜਾਵਾਂਗੇ, ਖੋ ਜਾਵਾਂਗੇ। ਅੱਜ ਤੋਂ ਹਜ਼ਾਰਾਂ ਸਾਲ ਬਾਅਦ, ਲੋਕਾਂ ਦੇ ਪੈਰ ਸਾਡੀ ਖ਼ਾਕ 'ਤੇ ਚੱਲਣਗੇ। ਤਾਂ ਜਿਹੜੀ ਜ਼ਿੰਦਗੀ ਆਖੀਰ 'ਚ ਖ਼ਾਕ ਹੋ ਜਾਂਦੀ ਹੈ, ਉਸ ਜ਼ਿੰਦਗੀ ਦੇ ਸੱਚ ਦਾ ਕਿੰਨਾਂ ਕੁ ਅਰਥ ਹੈ? ਜ਼ਿੰਦਗੀ ਜੋ ਆਖਰਕਾਰ ਗੁਆਚ ਜਾਂਦਾ ਹੈ, ਉਸ ਜ਼ਿੰਦਗੀ ਦਾ ਕਿੰਨਾ ਕੁ ਮੁੱਲ ਹੈ?

09/01/2023

ਭਾਰਤੀ ਲੋਕਾਂ ਦਾ ਡਬਲ ਚਰਿੱਤਰ
ਭਾਰਤ ਵਿੱਚ ਜਦੋ ਕਦੇ ਵੀ ਸਰਕਾਰੀ ਦਫਤਰਾ ਵਿੱਚ ਕੰਮ ਕਾਰ ਲਈ ਜਾਂਦੇ ਹਾਂ ਤਾਂ ਉੱਥੇ ਆਮ ਲੋਕਾ ਦੀ ਖੱਜਲ ਖੁਆਰੀ ਬਹੁਤ ਜਿਆਦਾ ਹੀ ਹੁੰਦੀ ਹੈ । ਇਸ ਕਰਕੇ ਆਮ ਹੀ ਕਿਹਾ ਜਾਦਾ ਹੈ ਕਿ ਸਰਕਾਰੀ ਕਰਮਚਾਰੀ ਤਨਖਾਹ ਕਰਮਾ ਦੀ ਅਤੇ ਕੰਮ ਕਰਨ ਦੇ ਰੁਪਏ ਆਮ ਲੋਕਾ ਤੋ ਲੈਂਦੇ ਹਨ । ਇਸ ਦਾ ਰੌਲਾ ਆਮ ਲੋਕ ਤਾਂ ਘੱਟ ਪਾਉਦੇ ਹਨ । ਪਰ ਹੋਰ ਸਰਕਾਰੀ ਮਹਿਕਮਿਆ ਵਿੱਚ ਲੱਗੇ ਹੋਏ ਸਰਕਾਰੀ ਕਰਮਚਾਰੀ ਸਭ ਤੋ ਵੱਧ ਰੌਲਾ ਪਾਉਦੇ ਹਨ ।ਜਿਹੜੇ ਰੌਲਾ ਪਾਉਦੇ ਹਨ ਜਦੋ ਉਹਨਾ ਲੋਕਾ ਕੋਲ ਆਮ ਲੋਕ ਕੰਮ ਕਰਵਾਉਣ ਲਈ ਆਉਦੇ ਹਨ ਤਾਂ ਉਹ ਉਹਨਾ ਦੀ ਗੱਲ ਸੁਣਨ ਨੂੰ ਤਿਆਰ ਨਹੀ ਹੁੰਦੇ ।ਇਸ ਤਰਾ ਭਾਰਤੀ ਲੋਕਾ ਦੇ ਡਬਲ ਚਰਿੱਤਰ ਦਾ ਪਤਾ ਲੱਗਦਾ ਹੈ ।ਅਸੀ ਤਾਂ ਉਹ ਲੋਕ ਹਾਂ ਜਿਹੜੇ ਕਹਿੰਦੇ ਕੁੱਝ ਹਾਂ ਤੇ ਕਰਦੇ ਕੁੱਝ ਹਾਂ ।ਅਸੀ ਹੋਰਾ ਤੋ ਤਾਂ ਬਹੁਤ ਉਮੀਦ ਕਰਦੇ ਹਾਂ ਪਰ ਹੋਰਾ ਦੀ ਕਿਸੇ ਵੀ ਉਮੀਦ ਤੇ ਪੂਰਾ ਨਹੀ ਉੱਤਰਦੇ । ਅਸੀ ਦੂਜਿਆ ਨੂੰ ਉਹ ਕੰਮ ਕਰਨ ਲਈ ਕਹਿੰਦੇ ਹਾਂ ਜੋ ਅਸੀ ਆਪ ਨਹੀ ਕਰਦੇ ।ਸਰਕਾਰੀ ਸਕੂਲਾ ਵਿੱਚ ਪੜਾਉਦੇ ਬਹੁਤੇ ਅਧਿਆਪਕਾ ਦੇ ਆਪਣੇ ਬੱਚੇ ਸਰਕਾਰੀ ਸਕੂਲਾ ਵਿੱਚ ਨਹੀ ਪੜਦੇ ਪਰ ਉਹ ਆਮ ਲੋਕਾ ਨੂੰ ਆਪਣੇ ਬੱਚੇ ਸਰਕਾਰੀ ਸਕੂਲਾ ਵਿੱਚ ਪੜਾਉਣ ਲਈ ਸਰਕਾਰੀ ਸਕੂਲਾ ਵਿੱਚ ਮਿਲਣ ਵਾਲੀਆ ਸਹੂਲਤਾ ਬਾਰੇ ਕਹਿੰਦੇ ਰਹਿੰਦੇ ਹਨ ।ਇਸ ਤਰਾ ਸਰਕਾਰੀ ਹਸਪਤਾਲਾ ਵਾਲੇ ਆਖਣਗੇ ਕਿ ਆਪਣਾ ਇਲਾਜ ਸਰਕਾਰੀ ਹਸਪਤਾਲਾ ਵਿੱਚ ਕਰਵਾਉ ।ਪਰ ਉਹ ਆਪ ਆਪਣਾ ਇਲਾਜ ਪ੍ਰਾਈਵੇਟ ਹਸਪਤਾਲਾ ਵਿੱਚ ਕਰਵਾਉਦੇ ਹਨ ।ਵੈਸੇ ਤਾਂ ਨੈਤਿਕ ਤੋਰ ਸਾਨੂੰ ਉਹ ਕੰਮ ਜਿਹੜਾ ਅਸੀ ਆਪ ਨਹੀ ਕਰਦੇ ਦੂਸਰਿਆ ਨੂੰ ਨਹੀ ਕਹਿਣਾ ਚਾਹੀਦਾ ।ਪਰ ਵੀਰੋ ਇਹ ਸਾਡਾ ਭਾਰਤ ਮਹਾਨ ਹੈ ।ਇਥੇ ਤਾਂ ਕੁੜੀਆ ਨੂੰ ਦੇਵੀ ਵੀ ਮੰਨਿਆ ਜਾਦਾ ਹੈ ਤੇ ਅਤੇ ਸਭ ਤੋ ਵੱਧ ਭਰੂਣ ਹੱਤਿਆਵਾ ਅਤੇ ਬਲਾਤਕਾਰ ਵੀ ਹੁੰਦੇ ਹਨ ।ਇੱਥੇ ਤਾਂ ਹਵਾਂ,ਪਾਣੀ,ਅਤੇ ਵਾਤਾਵਰਣ ਨੂੰ ਮੰਨਿਆ ਤਾਂ ਦੇਵਤਿਆ ਵਾਂਗ ਜਾਦਾ ਹੈ ਪਰ ਇਹਨਾ ਨੂੰ ਦੂਸਿ਼ਤ ਕਰਨ ਵਿੱਚ ਸਭ ਸੰਸਾਰ ਤੋ ਮੋਹਰੀ ਅਸੀ ਹੀ ਹਾਂ ।ਸਾਡੇ ਤਾਂ ਸਵਿਧਾਨ ਨੇ ਵੀ ਧਾਰਮਿਕ ਗ੍ਰੰਥਾ ਦੀਆ ਝੂਠੀਆ ਕਸਮਾ ਖਾਣ ਦੀ ਇਜਾਜਤ ਦਿੱਤੀ ਹੋਈ ਹੈ ਇਸੇ ਲਈ ਤਾਂ ਹਜਾਰਾ ਭਾਰਤੀਆ ਅਦਾਲਤਾ ਵਿੱਚ ਰੌਜਾਨਾ ਲੱਖਾ ਹੀ ਕੇਸਾ ਵਿੱਚ ਝੂਠੀਆ ਕਸਮਾ ਖਾ ਕਿ ਕੇਸ ਜਿੱਤੇ ਅਤੇ ਹਾਰੇ ਜਾਦੇ ਹਨ । ਇਸ ਲਈ ਇਹ ਭਾਰਤ ਹੈ ਇੱਥੇ ਕੁੱਝ ਵੀ ਹੋ ਸਕਦੈ ਹੈ ਅਤੇ ਕੁੱਝ ਵੀ ਕੀਤਾ ਜਾ ਸਕਦਾ ਹੈ ।ਸਿਰਫ ਕਰਨ ਵਾਲਾ ਚਾਹੀਦਾ ਹੈ ।ਰਹੀ ਗੱਲ ਨੈਤਿਕਤਾ ਦੀ ।ਕਹਿੜੀ ਨੈਤਿਕਤਾ ਇੱਥਾ ਨੈਤਿਕਤਾ ਸਿਰਫ ਇੱਕ ਨਿਜੀ ਮਸਲਾ ਹੈ ???

30/12/2022

ਜ਼ਿਆਦਾ ਤਰ ਬਾਜ਼ਾਰਾਂ ਵਿੱਚ ਵਿੱਕਣ ਵਾਲੀਆਂ ਸਬਜ਼ੀਆਂ ਕਿਸਾਨਾਂ ਵਲੋਂ ਤਿਆਰ ਕੀਤੀ ਜਾਂਦੀਆਂ ਹਨ,ਪਰ ਜੇ ਤਹਾਨੂੰ ਦੱਸਿਆ ਜਾਵੇ ਕਿ ਇਹ ਸੁੰਦਰ ਦਿਖਣ ਵਾਲੀ ਸਬਜ਼ੀਆਂ ਜਿਸ ਨੇ ਤਿਆਰ ਕੀਤੀਆਂ ਉਸ ਨੇ ਇਹਨਾਂ ਨੂੰ ਪਾਣੀ,ਧੁੱਪ,ਠੰਡ ਤੋਂ ਬਚਾਉਣ ਲਈ ਕਈ ਮੁਸ਼ਕਲਾ ਦਾ ਸਾਮ੍ਹਣਾ ਕੀਤਾ ,ਉਸ ਨੂੰ ਇਹਨਾਂ ਸਬਜ਼ੀਆਂ ਦਾ ਮੁੱਲ ਬਜ਼ਾਰ ਦੇ ਰੇਟਾਂ ਨਾਲੋਂ 4 ਗੁਣਾ ਘੱਟ ਮਿਲਦਾ ਹੈ, ਫਿਰ ਦੱਸੋਂ ਕਿਸਾਨ ਦੀ ਮਿਹਨਤ ਵਿੱਚ ਕਮੀਂ ਜਾਂ ਆੜਤੀਆਂ ਦੇ ਨੁਮਾਇੰਦਿਆਂ ਦੀ ਏਕਤਾ, ਮੈਨੂੰ ਲੱਗਦਾ ਹੈ ਕਿ ਸਰਕਾਰਾਂ ਨਹੀਂ ਚਾਹੁੰਦੀਆਂ ਕਿਸਾਨ ਸਬਜ਼ੀਆਂ ਦੀ ਕਾਸ਼ਤ ਕਰਕੇ ਅਮੀਰ ਹੋਵੇ,ਸਰਕਾਰਾਂ ਦੀ ਨੀਅਤ ਸਾਫ਼ ਹੋਵੇ ਤਾਂ ਸਬਜ਼ੀਆਂ ਦੀ MSP ਤੇ ਖ਼ਰੀਦ ਕੀਤੀ ਜਾਵੇ , ਜਿਸ ਹਿਸਾਬ ਨਾਲ ਸਾਡੇ ਬੱਚੇ ਬਹਾਰ ਦੇ ਮੁਲਕਾਂ ਵਿੱਚ ਜਾਂ ਰਹੇ ਨੇ ਸਬਜ਼ੀਆਂ ਦੁੱਧ ਦੀ ਕਾਸ਼ਤ ਬਹੁਤ ਘੱਟ ਜਾਵੇਗੀ, ਫਿਰ ਵੇਖਿਓ ਪਾਕਿਸਤਾਨ ਵਾਂਗੂ ਟਮਾਟਰ,ਦੁੱਧ,ਲੱਸਣ,ਆਟਾ, ਆਦਿ ਖਰੀਦਣਾ ਬਹੁਤ ਮੁਸ਼ਕਲ ਹੋ ਜਾਵੇਗਾ। ਮੇਰੇ ਕਿਹਣ ਦਾ ਭਾਵ ਹੈ, ਘੱਟੋ ਘੱਟ ਪਿੰਡਾ ਵਿਚੋ ਦੁੱਧ ਤਾਂ ਖਰੀਦੀਆਂ ਕਰੋਂ, ਬਹੁਤ ਔਖੀ ਹੈ ਖੇਤੀ ਕਰਨੀ,ਤੇ ਡੰਗਰ ਸਾਂਭਣੇ ।🙏

03/12/2022

ਪੰਜਾਬ ਅੰਦਰ ਬਥੇਰੀ ਦਿਆਲਤਾ ਹੈ, ਸੇਬਾਂ ਦੇ ਟਰੱਕ ਤੋਂ ਪੰਜਾਬ ਦਾ ਨਿਚੋੜ ਕੱਢਣ ਵਾਲਿਓ ਜੇ ਤੁਸੀਂ ਡਰਾਈਵਰ ਦੇ ਹਮਦਰਦੀ ਬਣੇ ਹੋ ਤਾਂ ਸਾਰਾ ਪੰਜਾਬ ਗਰਕਿਆ ਕਿਵੇਂ ਹੋ ਸਕਦਾ?
ਚੰਦ ਕੁ ਲੋਕ ਮਗਰ ਸਭ ਨੂੰ ਇੱਕੋ ਰੱਸੇ ਨਹੀਂ ਬੰਨ੍ਹ ਸਕਦੇ, ਜਿਹਨਾਂ ਇਹ ਸ਼ਰਮਨਾਕ ਹਰਕਤ ਕੀਤੀ ਉਹਨਾਂ ਨੂੰ ਬਥੇਰੀਆਂ ਲਾਹਨਤਾਂ ਪੈ ਗਈਆਂ ਜੋ ਹੱਕਦਾਰ ਵੀ ਸ਼ਨ ,
ਘਟਨਾ ਬੇਸ਼ਕ ਬਹੁਤ ਨਿੰਦਣਯੋਗ ਹੈ ,ਪਰ ਸਾਰੇ ਪੰਜਾਬ ਨੂੰ ਟਾਰਗੇਟ ਨਾ ਕਰੋ । baba g jo hoia woht galt hoia

17/11/2022

"ਵਿਸ਼ਵਾਸ ਸਿਰਫ ਮਾਂ ਵਿੱਚ ਹੁੰਦਾ ਹੈ।"

ਜਦੋਂ ਵੀ ਇਹ ਤਸਵੀਰ ਸਾਹਮਣੇ ਆਉਂਦੀ ਹੈ ਤਾਂ ਮਨ ਦਰਦ ਨਾਲ ਭਰ ਜਾਂਦਾ ਹੈ। ਇਹ ਤਸਵੀਰ ਕੁਦਰਤ ਦੀ ਸਭ ਤੋਂ ਬੇਰਹਿਮ ਸੱਚਾਈ ਹੈ। ਇਸ ਵਿੱਚ ਪੂਰੇ ਦਿਲ ਵਿੱਚ ਦਇਆ ਫੈਲਾਉਣ ਦੀ ਅਦਭੁਤ ਸ਼ਕਤੀ ਹੈ। ਉਦਾਸੀ ਇਸ ਦਾ ਇੱਕੋ ਇੱਕ ਸਥਾਈ ਅਹਿਸਾਸ ਹੈ। ਇਸ ਨੂੰ ਦੇਖ ਕੇ ਕੋਈ ਵੀ ਦਿਲ ਵਾਲਾ ਦੰਗ ਰਹਿ ਜਾਵੇਗਾ।

ਜਦੋਂ ਮੈਂ ਇਹ ਤਸਵੀਰ ਪਹਿਲੀ ਵਾਰ ਦੇਖੀ ਸੀ, ਮੈਂ ਕੁਝ ਦੇਰ ਲਈ ਇਸ ਨੂੰ ਇਸੇ ਤਰ੍ਹਾਂ ਦੇਖਦਾ ਰਿਹਾ। ਵਾਰ-ਵਾਰ ਮੇਰੀਆਂ ਨਜ਼ਰਾਂ ਉਸ ਪਿਆਰੇ ਛੋਟੇ ਬਾਂਦਰ ਦੇ ਚਿਹਰੇ 'ਤੇ ਜਾ ਰਹੀਆਂ ਸਨ।

ਉਤਸੁਕਤਾ ਬਾਰ-ਬਾਰ ਬਣੀ ਰਹਿੰਦੀ ਸੀ ਕਿ ਉਸ ਤੋਂ ਬਾਅਦ ਦਾ ਦ੍ਰਿਸ਼ ਕੀ ਹੋਵੇਗਾ! ਹਰ ਪਲ ਮੇਰੇ ਦਿਲ ਵਿਚੋਂ ਇਹ ਅਰਦਾਸ ਨਿਕਲ ਰਹੀ ਸੀ, ਕਾਸ਼ ਇਹ ਬੱਚਾ ਬਚ ਜਾਵੇ। ਰੱਬ ਕੋਈ ਚਮਤਕਾਰ ਕਰੇ, ਪਤਾ ਨਹੀਂ ਅੱਗੇ ਕੀ ਹੋਵੇਗਾ।

ਇਸ ਤਸਵੀਰ ਵਿੱਚ ਬੱਚੇ ਦੀ ਦਹਿਸ਼ਤ ਅਤੇ ਮਾਸੂਮੀਅਤ ਦਾ ਮਿਸ਼ਰਤ ਪ੍ਰਗਟਾਵਾ ਹੈ, ਬੱਚੇ ਦੇ ਪੈਰ 'ਤੇ ਡਿੱਗ ਰਹੀ ਖੂਨ ਦੀ ਇੱਕ ਬੂੰਦ। ਉਸ ਦੀ ਮਾਂ 'ਤੇ ਸਖ਼ਤ ਪਕੜ ਹੈ। ਇਸ ਗੰਭੀਰ ਸਥਿਤੀ ਵਿੱਚ ਵੀ ਉਸਨੂੰ ਆਪਣੀ ਮਾਂ ਤੋਂ ਵੱਧ ਭਰੋਸੇਯੋਗ ਕੋਈ ਨਹੀਂ ਮਿਲਦਾ।

17/10/2022

ਦੁਕਾਨਦਾਰੀ ਤੇ ਇਮਾਨਦਾਰੀ ///// //// :---ਦੁਕਾਨਦਾਰੀ ਤੇ ਇਮਾਨਦਾਰੀ ਇਕੱਠੀ ਦੇਖੀ ਮੈਂ, ਤਰਨ ਤਾਰਨ ਸ਼ਹਿਰ ਅਸੀਂ ਵੀ ਕੱਪੜਾ ਲੈਣ ਗਏ ਤੇ ਸਾਡੇ ਬੈਠਿਆਂ ਹੀ ਕਿਸੇ ਪਿੰਡ ਤੋਂ ਵਰੀ ਦਾ ਕੱਪੜਾ ਲੈਣ ਆਏ ਸੀ,ਘਰ ਵਾਲੇ ਤੇ ਨਾਲ ਵਿਚੋਲਣ ਸੀ ਵਿਚੋਲਣ ਵੱਲੋਂ ਦੁਕਾਨਦਾਰ ਨੂੰ ਇਸ਼ਾਰਾ ਕਰਦਿਆ ਕਿਹਾ ਕਿ ਭਾਈ ਸੂਟ ਦਿਖਾਓ ਸਾਨੂੰ ਵਰੀ ਲਈ, ਤਾਂ ਦੁਕਾਨਦਾਰ ਨੇ ਮੁੰਡੇ ਨੂੰ ਕਿਹਾ ਮੁੰਡੇ ਨੇ 2/3 ਸੂਟ ਅੱਗੇ ਰੱਖੇ ਤੇ ਕਿਹਾ ਲਓ ਦੇਖ ਲਓ ਬੀ ਜੀ, ਵਿਚੋਲਣ ਵੱਲੋਂ ਰੇਟ ਪੁੱਛਣ ਤੇ ਦੁਕਾਨਦਾਰ ਨੇ ਕਿਹਾ ਭੈਣੇ ਇਹ 300 ਦਾ ਮਿਲ ਜਾਊਗਾ ਤੁਹਾਨੂੰ ,ਜੇ ਹੋਰ ਗੁੰਜਾਇਸ਼ ਹੋਈ ਤੇ ਉਹ ਵੀ ਕੱਢ ਦਿਆਂਗੇ ,ਵਿਚੋਲਣ ਨੇ ਰੇਟ ਸੁਣਦੇ ਹੀ ਵਗਾਹ ਸੂਟ ਭਾਈ ਵੱਲ ਮਾਰੇ ਤੇ ਕਹਿਣ ਲੱਗੀ ਭਾਈ ਮੁੰਡੇ ਦਾ ਵਿਆਹ ਆ ਕੋਈ ਛੋਟਾ ਮੋਟਾ ਥੋੜ੍ਹੀ ਫੈਕਸ਼ਨ ਆ,ਤੇ ਨਾਲ ਹੀ ਨਾਲ ਆਏ ਪਰਿਵਾਰ ਨੂੰ ਵੀ ਕਹਿਣ ਲੱਗੀ ਚਲੋ ਭੈਣ ਹੋਰ ਕਿਸੇ ਦੁਕਾਨ ਤੇ ਚਲਦੇ ਆ,ਇਹਨਾਂ ਕੋਲ ਹੈ ਨਹੀਂ ਲੱਗਦੇ ਤੇ ਭਾਈ ਨੇ ਤੁਰੰਤ ਮੌਕੇ ਨੂੰ ਭਾਂਪਦੇ ਕਿਹਾ, ਨਹੀਂ ਭੈਣਾਂ ਤੁਸੀਂ ਕਿੰਨੀ ਕੋ ਰੇਂਜ ਚੋ ਲੈਣੇ ਤੇ ਵਿਚੋਲਣ ਨੇ ਮੂੰਹ ਪਾੜ੍ਹਦੀ ਨੇ ਕਿਹਾ 1000 ਤੋਂ ਉੱਪਰ ਹੀ ਹੋਏ, ਭਾਈ ਨੇ ਫਿਰ ਮੁੰਡੇ ਨੂੰ ਕਿਹਾ ਉਪਰੋਂ ਲਾਹ ਕਿ ਦਿਖਾਓ ਭਾਈ,, ਉਸਨੇ ਸੂਟਾਂ ਦਾ ਅੱਗੇ ਢੇਰ ਲਗਾ ਦਿੱਤਾ, ਲੱਗ ਭਗ ਰੇਟ 1500 ਤੋਂ2000 ਦਸਿਆ ਵਿਚੋਲਣ ਵੱਲੋਂ ਬਹੁਤ ਪਸੰਦ ਕੀਤੇ ਗਏ ਸੂਟ, ਤੇ ਨਾਲ ਆਏ ਮੁੰਡੇ ਦੇ ਬਜ਼ੁਰਗ ਪਿਓ ਨੂੰ ਦੇਖ ਕਿ ਬਹੁਤ ਤਰਸ ਆ ਰਿਹਾ ਸੀ ਇੱਕ ਦਿਹਾੜੀਦਾਰ ਬੰਦਾ ਸੀ ਹੱਥਾਂ ਉਪਰ ਪਏ ਨਿਸ਼ਾਨ ਦੱਸਦੇ ਸੀ ਕਿ ਲੋਕਾਂ ਦੀਆਂ ਇੱਟਾਂ ਚੁੱਕ ਚੁੱਕ ਕਿਵੇਂ ਲਕੀਰਾਂ ਘੱਸ ਗਈਆਂ ਸੀ ਤੇ ਆਪਣੀ ਗਰੀਬੀ ਦਾ ਜਲੂਸ ਕਿਵੇਂ ਨਿਕਲਦਾ ਆਪਣੇ ਅੱਖੀਂ ਦੇਖ ਰਿਹਾ ਹੈ,ਚਲੋ ਵਿਚੋਲਣ ਵੱਲੋਂ 25000 ਹਜਾਰ ਦਾ ਮਾਲ ਪਵਾ ਕਿ ਪੈਸਿਆਂ ਲਈ ਬਜ਼ੁਰਗ ਵੱਲ ਹੱਥ ਕਰ ਦਿੱਤਾ, ਕੰਬਦੇ ਹੋਏ ਹੱਥਾਂ ਨਾਲ ਮੇਹਨਤ ਦੀ ਪਾਈ ਪਾਈ ਨੂੰ ਗਿਣਦਾ ਹੋਇਆ ਦੁਕਾਨਦਾਰ ਦੇ ਹੱਥ ਉਪਰ ਰੱਖ ਦਿੱਤੇ। ਪੰਡ ਬੰਨ ਕਿ ਤੁਰਦੇ ਬਣੇ,ਬਾਹਰ ਨਿਕਲਣ ਲੱਗੇ ਬਜ਼ੁਰਗ ਦੀ ਚਾਦਰ ਨੂੰ ਥੋੜ੍ਹਾ ਖਿੱਚਦਿਆਂ ਦੁਕਾਨ ਵਾਲੇ ਭਾਈ ਨੇ ਕਿਹਾ ਇਹਨਾਂ ਨੂੰ ਅੱਡੇ ਤਿ ਛੱਡ ਆਓ ਬਜ਼ੁਰਗੋ ਤੇ ਤੁਸੀਂ ਇਕੱਲੇ ਆ ਥੋੜ੍ਹਾ ਜਿਹਾ ਕਪੜਾ ਹੋਰ ਲੈ ਜਾਣਾ, ਬਜ਼ੁਰਗ ਨੇ ਉਹਨਾਂ ਨੂੰ ਅੱਡੇ ਤਿ ਛੱਡ ਕਿ ਆਪ ਦੁਕਾਨ ਤੇ ਆ ਗਿਆ ,ਪਰ ਬੜੀ ਕਮਾਲ ਹੋ ਗਈ ਤੇ ਜਦੋਂ ਮੈਂ ਇਹ ਵਤੀਰਾ ਦੁਕਾਦਰ ਦਾ ਵੇਖਿਆ, ਜਿਵੇਂ ਲੱਗਾ ਕਿ ਰੱਬ ਅਸਮਾਨ ਵਿੱਚ ਨਹੀਂ ਏਥੇ ਧਰਤੀ ਤੇ ਲੋਕਾਂ ਵਿੱਚ ਵੱਸਦਾ ਹੈ,25000 ਚੋ 7000 ਆਪਣੀ ਸੇਲ ਦੇ ਪੈਸੇ ਰੱਖਦਿਆਂ ਬਾਕੀ ਉਸ ਬਜ਼ੁਰਗ ਦੇ ਹੱਥ ਉਪਰ ਰੱਖ ਦਿੱਤੇ ਤਿ ਬਜ਼ੁਰਗ ਇਹ ਸਭ ਦੇਖ ਕਿ ਹੈਰਾਨ ਸੀ,25000 ਵਾਲਾ ਕੱਪੜਾ 7000 ਚੋ ,ਦੁਕਾਨਦਾਰ ਨੇ ਬਹੁਤ ਧੀਰਜ ਨਾਲ ਕਿਹਾ ਬਾਪੂ ਜੀ ਜੇ ਮੈਂ ਇਹਨਾਂ ਸਸਤੇ ਸੂਟਾਂ ਦਾ ਰੇਟ ਮਹਿੰਗਾ ਨਾ ਦੱਸਦਾ ਤੇ ਮੇਰੇ ਗਰਾਕ ਖ਼ਰਾਬ ਹੋਨੇ ਸੀ ਤੁਸੀਂ ਕਿਸੇ ਹੋਰ ਦੁਕਾਨ ਤੋਂ ਲੁੱਟੇ ਜਾਣਾ ਸੀ,ਮੈਨੂੰ ਪਤਾ ਤੁਸੀਂ ਪੈਸੇ ਬਹੁਤ ਮਿਹਨਤ ਨਾਲ ਕਮਾਏ।,ਬਜ਼ੁਰਗ ਅਤੇ ਹਰ ਦੇਖਣ ਵਾਲੇ ਦੀਆਂ ਅੱਖਾਂ ਨਮ ਸੀ ਇਸ ਇਮਾਨਦਾਰ ਦੁਕਾਨਦਾਰ ਦੀ ਕਾਰਗੁਜ਼ਾਰੀ ਦੇਖ, ਓਧਰ ਬਜ਼ੁਰਗ ਵਾਰ ਵਾਰ ਉਸ ਦੁਕਾਨਦਾਰ ਨੂੰ ਅਸੀਸਾਂ ਦੇਂਦਾ ਨਹੀਂ ਥੱਕ ਰਿਹਾ ਇਹ ਸਾਰਾ ਕੁਝ ਆਪਣੀਆਂ ਅੱਖਾਂ ਨਾਲ ਦੇਖ ਸਾਡਾ ਵੀ ਵਿਸ਼ਵਾਸ ਉਸ ਨਾਲ ਪੱਕਾ ਹੋ ਗਿਆ ਇਹ ਦੁਕਾਨਦਾਰ ਰੱਬੀ ਰੂਹ ਹੈ ਇਸਦੇ ਵਿੱਚ ਰੱਬ ਵਸਦਾ ਆ, //ਲੇਖਕ:- ਜਗਜੀਤ ਸਿੰਘ ਡੱਲ, ਤਰਨ ਤਾਰਨ ਪ੍ਰੈਸ ਮੀਡੀਆ,9855985137,8646017000