07/10/2022
【運費比較懶人包】5大熱門網店物流 - 本地篇
網店店主除咗要兼顧入貨、執貨、同埋客服之外，出貨嘅物流亦非常重要而且都係令店主非常頭痕嘅一樣安排😮💨Kube今次為大家整合5間現時熱門嘅網店物流公司俾各位店主參考，等各位店主根據自己嘅訂單需要同服務承諾選擇適合嘅速遞公司😎
1️⃣順豐速運
順豐係啱啱5月調整咗費用，店主無論係選用點對點送貨或自寄及自取都要留意返最新價格，所有續重（每0.5公斤）價格由$6上調至$7💰
順豐特快點對點派送速度最快上午寄下午就送到，啱晒有迫切需要嘅客人，大大提高網購吸引力👏🏻如果想運費平啲嘅話可以選擇自寄及自取，可以慳運費之餘仲24小時想幾時攞都得，夠晒方便。
2️⃣GOGO速遞
GOGO速遞提供三種送貨服務：
👉🏻「即時」速遞：落單後最快一至2小時內送達
👉🏻「4小時」速遞：落單後4小時內就會送達
👉🏻「即日」速遞：10:45前落單18:00前送達、15:45前落單18:00至22:00內送達。
GOGO速遞運費按運送地區計算，以荃灣送中環嘅5kg文件為例💁🏻♀️GOGO速遞嘅「4小時」、「即日」和「即時」嘅運費分別為$65、$50 和$105，頭兩種比順豐嘅$86平。若以10 kg文件為例，GOGO速遞嘅「4小時」、「即日」和「即時」嘅運費分別為$75、$60及$105 ，三種都比順豐嘅$151平好多。
總括而言，GOGO速遞無論係輕定重嘅文件運費上都比順豐平，而佢嘅「即日」和「即時」嘅速遞服務適合一啲顧客有急切需要或者係做食品銷售嘅網店。
3️⃣香港郵政
香港郵政設有「本地郵政速遞」，店主可以選擇到戶派遞服務，櫃位領件服務或「智郵站」領件服務。本地郵政速遞好處係所有服務地區不論遠近都係劃一收費，方便店主們計算運費👍🏻佢哋嘅服務範圍非常廣闊，星期日及公眾假期亦可照常$70上門收件。
速遞設有「月計」和「非月計計」服務，如果店主每個月寄件貨數量多嘅話建議使用「月計服務」，寄件越多每件收費越平🥳同順豐比較，只要店主每個月嘅速遞郵件數量達致50件以上嘅話，每件收費（重量上限為1公斤）都係$29.5以下，比順豐嘅每公斤$30平，咁店主們就可以減低運費成本😆
不過郵政速遞郵件的尺寸最大不超逾358毫米 x 250毫米、厚度不超逾50毫米，如果尺寸或重量超過咗嘅話就要選用「本地包裹」，其運費為1至3公斤$70，所以如果超過郵件尺寸嘅話選擇香港郵政服務就會冇咁化算。
4️⃣jumppoint
jumppoint主打運費平嘅速遞服務，設有「標準配送」及「即日配送」兩種服務。
「標準配送」會喺收件日後一日派送，只適⽤於室溫貨件，每單重量上限為20kg，首1kg運費為$28，2-5kg運費為$32，其後續重每1kg $2。
「即日配送」會喺收件日同日派送，適合於不同温度段的貨物，例如 -18°C的凍⾁🥩0-4°C的清酒🍶室溫的電子產品🖥重量限制為0-20公⽄，劃一收費為$68/單。
以jumppoint「即日配送」同「順豐特快」比較，0-3.5 kg嘅運費順豐會比較平，4kg以上的話jumppoint嘅$68劃一收費就會比較化算
jumppoint的合作司機部分使用多溫度車，同一部車可以同時運送 -18°C的凍肉、0-4°C的清酒及室溫的時裝、電器等💪🏻網店如果係售賣需要特定儲存溫度嘅貨品jumppoint就最適合不過，例如酒類及凍肉等。
5️⃣alfred24
alfred提供多種服務，例如送貨上門、網店退貨、OK便利店及7-Eleven自取等。
佢哋嘅服務收費主要分為兩種：「上門收件」及「自行送倉」。無論係上門收件定自行送倉，喺智能櫃同便利店自取運費必定會比其他物流公司平💰店主如果想慳運費嘅話不妨可以選用智能櫃，節省運費嘅同時可以提供更多免運費優惠比客人，增加佢哋嘅購買意欲😌
「上門收件」及「自行送倉」兩種收費模式送貨上門的收費都一樣，首kg $28續重 $4/0.5kg。以送貨上門的收費同以上4間物流公司比較，首重alfred同jumppoint收費最平，兩者都係$28🤩不過計埋續重jumppoint嘅2kg - 5kg都只係收$ 32，比alfred嘅續重$4/ 0.5kg平得多。
🌟想知更多運費比較快啲上我哋website 睇blog啦！Link in bio🌟
————————————————————————
快啲DM我哋了解更多啦！Get in touch with us now!😎
💬3953 5380
📧[email protected]
🌐https://www.kube.com.hk/
📍荃灣橫龍街59-71號荃灣工業大廈六樓A室
————————————————————————
#香港物流 #網店物流 #香港網店物流 #網店物流小幫手 #網店物流教室 #一站式物流 #一站式網店物流服務 #開網店 #網店教學 #貨物管理 #包裝服務 #網購 #存倉 #包裝 #迷你倉 #香港迷你倉 #倉庫 #倉儲 #物流倉 #網店
