Allez Allez Sport Travel

04/06/2026

跟得Allez Allez 玩
希望球迷下季嘅comment
場波真係好好睇
個旅程真係玩得好開心
利迷！下季見！

04/06/2026

利物浦新帥伊拉奧拿
踢波要有情緒，要有熱情，要有激情。

上季睇波睇到眼瞓——無火花控傳、拉唔到空位嘅U 型傳球終於可以說聲再見。如果伊拉奧拿真係帶到佢開嗰套真情熱情足球返嚟，利物浦球迷要嘅Rock & Roll Heavy Metal 可以返嚟㗎。🔥

作為球迷，其實好簡單：
就係想入場唔係為咗「捱90分鐘」，係要睇到你有熱情有火咁去踢波，大家都係想睇到一場令人心跳加速、熱情火爆嘅賽事。

希望有心有力有一個利物浦英超＋歐聯：熱情火爆之旅。
令到來季全新利物浦可以令球迷有一個你會記一世嘅 moment。❤️🔴

30/05/2026

謝隊最佳生日禮物| 炒Slot| 感恩
FSG 痛定思痛
知道再撳落去
忠心如我嘅利迷都會拒絕入場
唔好講嘢
開個party先 🇬🇧🍺🏆🎂🏟

27/05/2026

《阿仙奴星級煞科朝聖團》 玩後感🔴⚪🏆

年年都搞「煞科朝聖團」
話就話大家都明永遠唔知隊波會唔會真係成功奪冠。
但相信大家點都有D 期待
呢D 控制唔到嘅因素又的確會令到個整個氣氛驟變
睇嗰D 一定覺得好刺激、但其實攪呢種活動都幾大壓力。

但點解 Allez Allez 依然堅持去做？

因為我地一直覺得，
足球最珍貴嘅，
從來唔只係90分鐘
賽果係好緊要
但唔係全部

最珍貴嘅係一班原本互不相識嘅球迷，
因為同一份熱愛，
飛到另一個國家，
一齊食飯、一齊追波、一齊癲、一齊笑，
最後變成一班真正會記得彼此嘅朋友
仲迫忠心利迷入廠🤣

由開團第一日，
到最後一晚喺 Emirates Stadium 門口影大合照，
其實阿仙奴都未正式100%鎖定冠軍。

但我見到，
嚟玩嘅呢班團友喺嗰晚都帶住笑容
對於Allez Allez 嚟講
呢D 回憶，
確係得來不易。

因為真正令一個旅程變得難忘嘅，
好多時都唔止係場波，
而係你喺旅程入面認識到嘅人、
一齊經歷過嘅事、
同埋大家一齊投入足球世界嗰份熱血。

買一張波飛俾本身點都會自己飛嚟睇波嘅球迷，
其實簡單好多。

但搞一個團，
可以令到本身未必會自己一個飛嚟睇波嘅球迷，
最後真係可以一班人一齊親身踏足夢想嘅球場、
實現人生其中一個夢想，
嗰個過程雖然難好多，
但滿足感真係咩都抵番晒。

但當你見到團友玩得投入、
見到大家由陌生變熟絡、
見到有人第一次踏入夢想球場、
見到大家最後攬埋一齊唱歌影相，
你就會明白：

原來呢啲額外嘅快樂、
友情、回憶、Bonding，
先係搞團真正賺到嘅嘢。

而呢樣嘢，
其實比起公司層面嘅利益，
更加珍貴。

所以我地好希望，
Allez Allez 之後都會繼續咁搞落去。

我哋之前做完利物浦，今次做左阿仙奴
希望嚟緊可以有更多機會同唔同嘅球隊、唔同嘅平台、唔同嘅KOL & 唔同嘅Partner 合作，一齊搞更多真正屬於球迷嘅睇波朝聖團！

Allez Allez呢段時間同唔同嘅合作伙伴，包埋KOL, Social Media Platform, 當地嘅Partner 以及香港嘅旅行社，一路累積落嚟嘅經驗，令到我地更有信心行多一步

所以如果你本身都：
⚽ 想搞球迷團
⚽ 想合作搞活動
⚽ 有 KOL / 球迷平台 / 品牌合作想法
⚽ 想一齊將足球文化玩得更大

都真係歡迎搵我哋傾吓 ❤️

最後，
真係好多謝今次一齊合作嘅朋友、
佩芝
兵工廠世界 Arsenal World
Holication 旅遊
發發發.發叔Match Day
仲有低調得嚟亦掩蓋唔到光芒背後幫手嘅兄弟
最最最重要係每一位參與今次旅程嘅團友。

多謝你哋一齊創造咗今次回憶 ❤️

足球有時會完場，
但有啲旅程，
真係會記一世。

25/05/2026

24/05/2026

【英超落幕|利物浦篇| 送別一個年代】

利物浦球迷今日個心情都係愁緒多過興奮，不捨多過開心，終於捱完呢個球季
呢個"捱"字出自利物浦球迷口中，相信就算你係咩立場，應該都冇乜異意，今年利物浦喺輸波同差嘅數據上面，可以話多次突破肓腸，今日終於頂到今季最後一場

但既然英超煞科，點都要恭喜下今日捧盃阿仙奴，今季利物浦終於捱完，而阿仙奴亦終於拎到英超冠軍。
阿迷嗰種忍咗廿二年嘅苦、比各大球迷揶揄笑阿迷又係差少少嗰種感覺，今次真係可以真正放低。

講返利物浦先，大家都知：一個年代真係完緊。
Salah、Robbo 呢代功臣，唔係淨係入波助攻咁簡單——佢哋係「利物浦最光輝嗰十年」嘅符號。
拎過嘅冠軍、打過嘅硬仗、救過嘅命……全部都係實實在在嘅汗馬功勞。

今季利物浦高山低谷都走過，亦都令球迷內部嘈到七彩。
成績差、戰術、換人、買人、傷兵、球員狀態、將帥不和打發沉悶、記者會勝利——問題多到講唔晒。
嗰種「You never give up」嘅狠勁——少咗。

最近 Salah 臨尾嗰段批評，成為傳媒同球迷茶餘飯後嘅話題。
但老實講，我反而覺得佢講得出呢段最終死諌，正正就係解釋左點解佢會成為利物浦嘅傳奇：
佢的確唔係嚟同你交差，佢係嚟同你爭冠。
之前有啲球迷話：「唔通年年都要拎英超咩？」
相信Mo 嗰段最終死諫已經講咗利物浦攞歐聯資格，其實係最基本，利物浦就算年年攞唔到英超，但都要年年"爭"英超冠軍。

我其實可以接受輸，但你唔可以接受「放低標準」去合理化做得唔夠好嘅問題；況且，今年利物浦唔係做得唔夠好，其實係做得非常差。
球迷可以有唔同意見，但唔應該將嗰班想利物浦更好、更有野心嘅人，話呢班人「唔現實」。
因為你買波飛入場睇波，相信唔會想睇一隊踢得差。戰術悶，比賽節奏慢，仲要最尾贏唔到波嘅球隊。

最後，真心多謝呢個 Page 入面每一個人。
因為足球、因為英超，我喺英國生活入面認識到更多朋友、更多唔同嘅球迷。
呢度唔止係賣波飛同睇波團嘅平台，亦成為左大家「講波」——一齊發洩、一齊吹水、一齊撐過低潮嘅地方。

2026 球季完咗。
再次恭喜阿仙奴。
利物浦---下季再嚟。

22/05/2026

一篇阿仙奴球迷嘅血淚文

22年的堅持……

由高貝利到酋長球場，由《Invincibles》嗰份光輝，到一次又一次喺四月五月失落冠軍；由雲加離開時嘅不捨，到球隊跌入低谷時俾人恥笑；由每年開季充滿期待，到季尾帶住失望收場。作為一個阿仙奴球迷，呢22年，真係經歷過太多太多。

星期一，坐喺酋長球場睇今季最後一場主場比賽，當終場哨子吹響嗰一刻，其實心裡面仲帶住一絲忐忑。明知道命運未完全掌握喺自己手中，但望住場內每一位球員、每一位球迷，大家都知道～我哋已經盡咗力，亦已經踢出屬於阿仙奴嘅足球。

然後去到星期二，收到曼城失分嘅消息。
嗰一刻，真係百感交集。
等咗22年，阿仙奴終於再次成為英超冠軍。🏆

冇人明白一班阿仙奴球迷捱過幾多失望。曾經睇住法比加斯離開、雲佩斯轉投曼聯；曾經喺歐聯16強年年止步；曾經被質疑「阿仙奴已經唔係爭冠球隊」。呢幾年更加經歷過重建，聯賽第八、無緣歐聯，被人笑話球隊已經失去昔日光芒。

但真正愛阿仙奴嘅人，從來冇離開。
因為我哋愛嘅，從來唔只係勝利，而係嗰份足球理念、嗰份優雅、嗰份即使跌倒都想重新站起身嘅精神。

一個永不放棄嘅男人～阿迪達用幾年時間，一步一步將球隊帶返正軌。由一班年輕球員開始建立信念，沙卡、馬天尼利、奧迪哥特、迪格蘭懷斯……佢哋唔只係球員，更加係呢個年代阿仙奴精神嘅象徵。睇住球隊由被人睇低，到今日重新站上英格蘭之巔，真係有一種陪住佢哋一齊成長嘅感覺。

今次冠軍，唔只係一個獎盃。
而係對22年堅持嘅回報。
係對所有曾經失望、流淚、被嘲笑，但仍然高唱 “North London Forever” 嘅球迷，一份最珍貴嘅禮物。
而家，終於可以驕傲咁講一句：
「阿仙奴，係今屆英超冠軍。」

展望今個星期日作客水晶宮，心情又會係另一種感動。當水晶宮球員列隊歡迎呢支英超冠軍球隊步入球場，嗰一幕一定會令人熱淚盈眶。因為呢條路，阿仙奴行咗22年先重新走返到呢個位置。

到時再次見證隊長高舉英超獎盃，望住紅白色旗海喺作客看台飄揚，所有等待、所有痛苦、所有希望，都會化成最純粹嘅喜悅。

足球最動人嘅地方，就係佢會令你相信～只要一直堅持，總有一天會等到屬於自己嘅時刻。
而屬於阿仙奴球迷嘅呢一天，終於來臨。
Come on Arsenal.
North London Forever.

🔥熱血阿仙奴球迷幸運貓🐱🎰

22/05/2026

世界盃門票分組賽/淘汰賽全部有售
日本 vs 瑞典 £395起
荷蘭 vs 瑞典 £455起
英格蘭 vs 加納 £650 起

20/05/2026

利物浦煞科戰
Mo & Robbo 最後一舞
門票£360 起
Hospitality: £525

20/05/2026

你地又夠膽死嚟玩
又比你地拎到冠軍
欣賞你地嘅前膽
多謝你地嘅參與
你們值得擁有
Arsenal Star Tour
Arsenal Champion Tour 2026