05/02/2023
因應琴日觀塘站行人天橋發生嚴重事故，觀塘迴旋處需要暫時關閉，以處理倒塌問題及保障民眾安全；🫣(附上車長群組嘅幾張圖片)我就臨時俾公司拉去開工。16M需要大幅改路，出左裕民坊要轉右，沿康寧道上山，再轉落協和街，入翠屏邨，並以翠屏道嘅觀塘法院代替觀塘站；而回程則需於通過觀塘迴旋處後，直駛至牛頭角調頭，加停牛頭角站、創紀之城(U3)，轉入康寧道，經物華街到達裕民坊（即兜一大圈），再入總站。此次改道增加行車時間，用車為ASB14(NV5818)；第一程1800裕民坊開，1808到興田，1823到裕民坊；第二程1825裕民坊開，1832到興田，1845到裕民坊分站，因趕住收工，倒後鏡又見唔到有人就唔入總站；點知去到康寧道公園先見到有個乘客，搞到要兜返落去落客，1850先入總站；之後1856就擺低部車喺順天收工。
原本就係收工，但公司又臨時拉我開工，喺慈雲山攞咗部益車開工做3D(ATE228(LV8077))，力水的確唔錯，就係引擎聲唔夠大。2229喺慈雲山開，2243就到裕民坊；而後車咁啱係劉車長的巴士駕駛生涯，於是裕民坊等埋佢先私彩虹；順便互相換車😛2300到彩虹，擺203E坑就終於可以收工啦🤠
