სახმელეთო ტრანსპორტის სააგენტო / Land Transport Agency

25/05/2026

15/05/2026

სსიპ სახმელეთო ტრანსპორტის სააგენტოს დირექტორმა ბაკურ მიქაძემ და დირექტორის პირველმა მოადგილემ კარლო ზურაბაშვილმა სამუშაო შეხვედრა გამართეს საქართველოში რეგისტრირებულ გადამზიდველებთან და მათი ასოციაციის წარმომადგენლებთან.

ქალაქ ბათუმში გამართულ შეხვედრაზე განიხილეს სანებართვო დოკუმენტების გაცემასთან დაკავშირებული საკითხები, საავტომობილო ტრანსპორტის სფეროში მნიშვნელოვანი თემები. შეხვედრის მონაწილეებმა ასევე იმსჯელეს სხვადასხვა, არსებულ გამოწვევებსა და მათი მოგვარების გზებზე.

ვიზიტის ფარგლებში სახმელეთო ტრანსპორტის სააგენტოს დირექტორმა ბათუმის სახელმწიფო საზღვაო აკადემიაში ასევე შეხვედრა გამართა კოდი 95-ის საწყისი კვალიფიკაციის (CPC მძღოლი) შემოკლებული სასწავლო კურსის მსმენელებთან. შეხვედრა ინტერაქტიულ ფორმატში გაიმართა, ბაკურ მიქაძემ სასწავლო კურსის მონაწილეებს მათთვის საინტერესო საკითხებზე დეტალური ინფორმაცია მიაწოდა.

აღსანიშნავია, რომ ტრენინგი ისეთ მნიშვნელოვან საკითხებს მოიცავდა, როგორებიცაა - საერთაშორისო გადაზიდვების სპეციფიკა, საავტომობილო ტრანსპორტის უსაფრთხოების სტანდარტები, სახიფათო ტვირთების გადაზიდვის წესები და მძღოლთა შრომისა და დასვენების რეჟიმი.

15/05/2026

გადამზიდველთა საყურადღებოდ
🚛 🇱🇹 ლიეტუვაში ამოქმედდა ახალი რეგულაცია, რომლის მიხედვითაც რუსეთისა და ბელარუსის საზღვრებიდან ლიეტუვის ტერიტორიაზე იმ სატრანსპორტო საშუალებების შესვლა იზღუდება, რომელთა ავზებში საწვავის რაოდენობა ⛽ 200 ლიტრს აღემატება.

🗓️ აღნიშნული შეზღუდვა უკვე ძალაშია და 2027 წლის 31 დეკემბრამდე იმოქმედებს. რეგულაციის დარღვევის შემთხვევაში, მძღოლს დაეკისრება ჯარიმა.

დეტალური ინფორმაცია იხილეთ ბმულზე:
https://muitine.lrv.lt/en/news/a-new-ban-on-fuel-imports-from-russia-and-belarus-tiE/

13/05/2026

ეკონომიკისა და მდგრადი განვითარების სამინისტროს სსიპ სახმელეთო ტრანსპორტის სააგენტოს დირექტორმა ბაკურ მიქაძემ ავტოსადგურების სერტიფიცირებისა და საქალაქთაშორისო რეგულარული სამგზავრო გადაყვანების ორგანიზების საკითხებზე რეგიონული განვითარების სამინისტროში სამუშაო შეხვედრაში მიიღო მონაწილეობა.

შეხვედრას, რომელსაც რეგიონული განვითარების მინისტრის პირველი მოადგილე ლევან ზაუტაშვილი უძღვებოდა, სახელმწიფო რწმუნებულები დაესწრნენ.

სამუშაო შეხვედრაზე განხილულ იქნა საქართველოს რეგიონებში საქალაქთაშორისო რეგულარული სამგზავრო გადაყვანების არსებული მდგომარეობა და აღნიშნული პროცესის მიმდინარეობა.