09/05/2026
გაიცანით თეონა ლაგაზაშვილი, ,,ონვეის" კურიერი, რომელიც 1 წლის წინ შემოუერთდა ჩვენს გუნდს 😊
თეონას თავის საქმიანობაში უყვარს ადამიანებთან ურთიერთობა, გზავნილის მიწოდებისას მათი დადებითი ემოციების ყურება, ხოლო რაც არ უყვარს ლოდინი და ქალაქის საცობებია.
სულ ცდილობს ყველაფერი მოასწროს, თუმცა, ხანდახან გარემო ფაქტორები აფერხებს.📦
სამსახურის გარეთ თავისუფალ დროს, ძირითადად, ოჯახთან ერთად ატარებს, 5 შვილის დედიკო გახლავთ და მათთან ერთად გეგმავს სხვადასხვა აქტივობას.
ხშირად იკრიბებიან ბუნებაში, ერთად თამაშობენ და დროს სასიამოვნოდ ატარებენ.
როგორც თვითონ ამბობს, შვილების სახით ჰყავს საკუთარი ანსამბლი - ,,მხიარულად ვმოგზაურობთ დოლ-ფანდურითა და ცეკვა-სიმღერით.''
სჯერა, რომ მონდომების შემთხვევაში შეუძლებელი არაფერია.
მისი ცხოვრებისეული მოტო კი ესაა:
„თუ ღმერთი შენთანაა, არ აქვს მნიშვნელობა ვინ არის შენ წინააღმდეგ!“
მიუხედავად იმისა, რომ ბუნებით სულსწრაფია, ამ პროფესიამ მას ყველაზე მთავარი - მოთმინება ასწავლა.
შინაგანი ბალანსი ეხმარება, რომ პოზიტიური მუხტი შეინარჩუნოს და ეს ენერგია სხვებსაც გადასცეს.
თეონას მიზნები ყოველთვის რეალური და ხელშესახებია. როცა რაღაცას მოინდომებს, ზუსტად იცის, რომ ამას აუცილებლად გააკეთებს.
„საერთო ენა“, რომელიც თეონას ,,ონვეისთან" აკავშირებს პასუხისმგებლობის გრძნობა და საქმის ბოლომდე მიყვანის უნარია.
,,დამფუძნებლით დაწყებული, თითოეული თანამშრომლით დამთავრებული, ყველა მზად არის გვერდში დაგიდგეს და ოპერატიულად დაგეხმაროს.
ეს ურთიერთმხარდაჭერა ერთ-ერთი მთავარი ღირებულებაა, რომელიც ,,ონვეისთან" მაერთიანებს.''
მათ, ვისაც კურიერის პოზიციაზე სურს ძალების მოსინჯვა, თეონა ურჩევს, რომ საქმეს გააზრებული პასუხისმგებლობითა და პოზიტიური განწყობით მიუდგნენ.
,,საბოლოოდ, ჩვენი საქმე მხოლოდ გზავნილების მიტანა არ არის, ეს არის დადებითი ემოციის გაზიარება. როცა გასცემ დადებით ენერგიებს, აუცილებლად უკან გიბრუნდება ხან მადლიერი ღიმილით, ხან კი იმ შინაგანი კმაყოფილებით, რომ შენი საქმით ვიღაცას კარგი განწყობა შეუქმენი''
ვუსურვებთ თეონას წარმატებას, დადებით ენერგიებსა და საინტერესო თავგადასავლებს 😊
#ონვეისგუნდი
