蠢媽笨b英國歷險記

蠢媽笨b英國歷險記 Contact information, map and directions, contact form, opening hours, services, ratings, photos, videos and announcements from 蠢媽笨b英國歷險記, Travel and transport, Manchester.

//日本安比高原滑雪場//我家每年聖誕節目, 就係同笨B外遊滑雪一下! 今個冬天我地揀左番故鄉, 到了日本安比高原滑雪, 之後再去大阪玩幾日, 過一個快樂聖誕及新年😁安比高原位於日本東北岩手縣, 我地由英國飛關西空港, 再搭內陸機由大阪國際...
04/01/2026

//日本安比高原滑雪場//

我家每年聖誕節目, 就係同笨B外遊滑雪一下! 今個冬天我地揀左番故鄉, 到了日本安比高原滑雪, 之後再去大阪玩幾日, 過一個快樂聖誕及新年😁

安比高原位於日本東北岩手縣, 我地由英國飛關西空港, 再搭內陸機由大阪國際機場到花巻空港, 係花巻空港揸車一小時左右, 就到Appi Kogen Ski Resort!

安比高原附近民宿都比較貴, 為左價錢相宜一D又方便一D, 我地入住ANA Crowne Plaza Resort, 比ANA Intercontinental 平一截之餘, 仲較接近Ski Lift, 會合滑雪教練就相對方便啦

呢個滑雪場有超過20個slope, 最長43km skiable terrain, 當中有6條黑色雪道, 8條紅色, 7條綠色, 所以初學還是experienced既朋友都可以享受滑雪樂趣, 更設有night skiing, 晚上都可以繼續盡興

Ski Lift有7架, Blue Pass收費9500 Yen一天 (當中500 Yen係deposit, 還ticket時可取回)...至於租equipment呢..成人一日7000 Yen, 小童 4500 Yen, 包Ski, Boots同Pole, 頭盔成人一日1500 Yen, 小童 1000 Yen...滑雪前一日到店取, 第2日一早就可以開始滑雪啦

Ski Equipment不能帶上酒店房, 係滑雪場入口附近有locker可供租借

如果想跟教練, Resort都有Private或Group Lesson供選擇, 詳細可以睇睇以下網頁

https://www.appi.co.jp/snow-mountain-resort/

//Chamonix //之前提到Chamonix有好多餐廳食店, 呢篇就補番d美食照片, for同我一樣好怕只得burger & burger既朋友sss🥰😊
05/01/2025

//Chamonix //

之前提到Chamonix有好多餐廳食店, 呢篇就補番d美食照片, for同我一樣好怕只得burger & burger既朋友sss🥰😊

//Chamonix //又到一年一度滑雪既季節, 今個冬天到了法國Chamonix滑雪再去里昂玩幾日, 過一個快樂白色聖誕假期😁Chamonix係法國海拔最高既Town之一, 歐洲最高既Mont Blanc就位於Chamonix境內啦, ...
04/01/2025

//Chamonix //

又到一年一度滑雪既季節, 今個冬天到了法國Chamonix滑雪再去里昂玩幾日, 過一個快樂白色聖誕假期😁

Chamonix係法國海拔最高既Town之一, 歐洲最高既Mont Blanc就位於Chamonix境內啦, 1924年第一屆冬季奧運會曾經係呢到舉行賽事

由於係知名滑雪勝地, 旅遊業非常興旺..鎮中心有大量店鋪同餐廳, 不愁shopping無好野食🤪

風景如畫嘅小鎮, 充滿著阿爾卑斯山的美麗風景, 剛巧遇上下雪不斷既日子更加浪漫!

Chamonix在法國, 接近瑞士和意大利邊界..我地就選擇由瑞士日內瓦機場出發, 揸車個半鐘就到達今次入住Ski In and Out既酒店La Folie Douce Hotel

酒店有滑雪裝備可以租借4天€128, 但價錢比在鎮中心既店鋪貴...如果唔怕麻煩, 鎮中心都有好幾間租借既鋪頭! 我地係Ravanel租, 4日Ski Equipment(雙板, 鞋, poles, 頭盔)只係€77..網上預約好比訂金, 滑雪前一日到店取, 還裝備時才付餘額

滑雪笨B繼續跟ESF..教練收費€145兩小時, 全日7小時€450, 最多可以教3位..相約教練在酒店會合, 完結時將裝備放係Ski Room Locker就可以, 唔洗每朝係房拎去Ski Room

Chamonix有好幾個Ski Areas (除Brévent - Flégère外不相連), 為可以盡情在不同Area滑雪, 建議Ski Pass買100% Ski Package Unlimited...成人4天~€262, 14歲以下4天~€220

https://en.chamonix.com/activities/winter/skiing/list-of-ski-areas

//Knossos Palace @ Crete//克諾索斯宮殿 (Knossos Palace)始建於公元前1900年, 係歐洲最古老的米諾斯文明遺下的青銅時代遺蹟, 面積約 14,000 平方公尺。王宮內房間總數多達1500間, 樓梯走...
25/08/2024

//Knossos Palace @ Crete//

克諾索斯宮殿 (Knossos Palace)始建於公元前1900年, 係歐洲最古老的米諾斯文明遺下的青銅時代遺蹟, 面積約 14,000 平方公尺。王宮內房間總數多達1500間, 樓梯走廊曲折複雜, 廳堂錯落, 佈置並不對稱, 在希臘神話中被稱為“迷宮”

1900年考古學家埃文斯發掘出呢個宮殿遺跡, 世人才開始認識這個燦爛的遠古文明...有人甚至相信柏拉圖所指既遠古高度文明亞特蘭提斯其實就是米諾斯文明

克諾索斯宮殿被認為係希臘神話傳說中米諾斯王的王宮...傳說米諾斯王后同公牛私通, 誕下牛頭人身既怪物米諾陶洛斯 (Minotaur)...米諾斯王不想家醜外傳, 所以起了這個迷宮關押起米諾陶洛斯

米諾斯王兒子安德洛革俄被人陰謀殺害...米諾斯為替兒子報仇, 給住在那裏既居民造成很大的災難...為了平息米諾斯王既憤惱, 雅典人要送上童男童女供米諾陶洛斯享用

雅典王子特修斯決心要誅滅米諾陶洛斯, 因為得到米諾斯公主幫助, 殺了米諾陶洛斯後在迷宮能成功找到出口

4000年前既遺蹟, 到Crete旅行怎可以不看看😁

收費€18/位, 另加€3.5可以download self audio guide參觀時邊睇邊聽了解一下

網址: https://knossos-palace.gr/product/future-entry-ticket-until-end-owith-digital-companion-guide/

//阿卡迪修道院 @ Crete//阿卡迪修道院 (Arkadi Monastery)係一座古老既東正教修道院, 始建於16世紀, 見證住一群克里特島民係1866年既起義, 為擺脫土耳其控制爭取民族自由既標記1669年奥斯曼帝國佔領左克里特...
23/08/2024

//阿卡迪修道院 @ Crete//

阿卡迪修道院 (Arkadi Monastery)係一座古老既東正教修道院, 始建於16世紀, 見證住一群克里特島民係1866年既起義, 為擺脫土耳其控制爭取民族自由既標記

1669年奥斯曼帝國佔領左克里特島, 及後1856年巴黎和約規定, 奥斯曼帝國境内的基督徒可享有跟穆斯林同等既待遇, 可惜執政當局沒有嚴格執行

1866年大批島民開始秘密結社尋求出路, 向奥斯曼帝國要求改善待遇, 但得到回應係以武力鎮壓, 稱如叛亂者不表示臣服就摧毁修道院

形勢越來越緊張, 更多難民湧入修道院...當土耳其士兵將修道院重重包圍... 最後希臘志願軍官約安尼斯決定和土耳其士兵同歸於盡, 點燃火藥桶令大部份難民同相當數量土耳其士兵一併於爆炸中死亡

16世紀既建築物, 莊嚴宏偉, 成人收費€4， 16歲以下免費 ..值得一看

https://www.arkadimonastery.gr/home.html

//Lyttos Mare @ Crete, Greece//暑假最後一擊, 帶笨B過一個陽光海灘玩水之旅...剛去完西班牙又唔想再去, 所以無選擇西班牙Majorca同Tenerife..千挑萬選最後決定去希臘克里特島Crete!笨B最愛...
22/08/2024

//Lyttos Mare @ Crete, Greece//

暑假最後一擊, 帶笨B過一個陽光海灘玩水之旅...剛去完西班牙又唔想再去, 所以無選擇
西班牙Majorca同Tenerife..千挑萬選最後決定去希臘克里特島Crete!

笨B最愛玩水, 最好全日痴住個泳池, 所以選Resort我地揀左間All Inclusive包一日三餐+ Snacks (hotdog, burgers, fries, etc) + 任飲 + 有Private Pool既呢間Lyttos Mare! 如果入住7天酒店會安排Free機場酒店接送😊

食: 有4間餐廳 (Main Restaurant每晚不同主題/ Asian Restaurant/ Greek Restaurant/ Steak House)

Asian Restaurant要提早一天係App book枱

Steak House就要提前兩天係Reception訂枱, 日子同時間depends on availability, 我地想book多天都因為full book唔到啦...扒好食既, 如果揀"Prime Cuts" Dishes就扣€20, 其餘不需另收費

飲: 有4間Bar分別係Lobby, Pool Side, Beach Side, 同一間係酒店範圍海灘附近既Rainbow Bar, 啤酒, House Wine同大部分Cocktail (Mimosa, Long Island, Dry Martini, Mojito, Margarita, etc)都係免費...笨B就飲果汁, Mocktail或沙冰

玩: 房間有Private Pool選擇, 唔入住Private Pool既都有好幾個大Public Pool + 一個Indoor Pool, Resort鄰近沙灘, 又有Water Park

Water Park有適合幼兒既一邊, 另一邊較刺激既有10條滑梯, 笨B上上落落巧忙

有Golf, Tennis,兒童Playground...另外有Dr Fish Spa盛為€10 for 20分鐘...不妨玩下

出去玩的話可以自駕, 酒店有個租車Counter "Royal Rental", 早一天book, 早上酒店Entrance取車, 晚上酒店還車, 非常方便

笨B對呢個旅程非常滿意, 問緊我幾時會再黎😆🤪

酒店網址: https://www.lyttosmare.gr/

//馬德里皇宮//終於等到暑假啦, 今次帶笨B去西班牙! 上次已經去左巴塞隆納, 今次就去馬德里啦🥰黎得馬德里, 當然要參觀一下西班牙文化財產 - 馬德里皇宮啦! 馬德里皇宮係歐洲最大的王室宮殿, 亦係西班牙君主既正式官邸, 但現在只用於國...
08/08/2024

//馬德里皇宮//

終於等到暑假啦, 今次帶笨B去西班牙! 上次已經去左巴塞隆納, 今次就去馬德里啦🥰

黎得馬德里, 當然要參觀一下西班牙文化財產 - 馬德里皇宮啦!

馬德里皇宮係歐洲最大的王室宮殿, 亦係西班牙君主既正式官邸, 但現在只用於國家典禮。群眾可以係國家典禮以外的時間自由參觀馬德里皇宮, 星期一至四 5pm - 7pm仲免費開放。

皇宮隔離就係阿穆德納聖母主座教堂, 同樣非常靚非常宏偉!

參觀可以揀選Free Visit或者Guided Tour, 我地就揀左英文時段既Guided Tour, 參觀大約一小時

除聖誕同新年外, 舉行國家典禮既日子都不對外開放, 計劃參觀的話記得上網看看

開放時間: 星期一至六 10am - 7pm; 星期日 10am - 4pm

收費: 成人€14 (Guided Tour €20), 5-16歲或65歲以上€7 (Guided Tour €13), 5歲以下免費 (Guided Tour €6); Free Visit亦可選Audio Guide了解多一點, 收費€5/位。

https://www.patrimonionacional.es/visita/palacio-real-de-madrid

//伊豆仙人掌動物公園//同笨B到日本, 其中一個指定項目係遊動物園, 探佢最愛既水豚君🥰今次去關東, 就帶笨B去伊豆仙人掌動物公園, 睇睇元祖水豚君露天溫泉Show1982年冬季被養在日本「伊豆仙人掌動物公園」的可愛水豚君, 因為天氣凍無...
07/01/2024

//伊豆仙人掌動物公園//

同笨B到日本, 其中一個指定項目係遊動物園, 探佢最愛既水豚君🥰

今次去關東, 就帶笨B去伊豆仙人掌動物公園, 睇睇元祖水豚君露天溫泉Show

1982年冬季被養在日本「伊豆仙人掌動物公園」的可愛水豚君, 因為天氣凍無法下水, 就群聚在用溫水打掃過的展示場, 飼養員就為水豚君準備了熱呼呼的溫泉, 大受水豚君的喜愛，之後就演變成每年一入冬動物園就舉辦既水豚君露天溫泉Show

今年既水豚溫泉Show定於2023年11月18日至2024年4月7日, 喜歡水豚君既朋友仔一定要去睇下啦

除左溫泉Show, 園中其他地方都可以找到水豚君, 可以200yen一束草餵餵小動物, 再行下睇下其他動物, 就過了難忘的一天

動物園營業時間9 30am - 4pm, 成人收費 2,800yen, 小學生收費1,400yen, 幼兒(4歲以上)收費700yen, 其他詳細資料可參考官網 https://izushaboten.com/

動物園附近就係大室山, 時間許可的話可以坐登山纜車到呢個死火山山頂, 從山頂上可遠望富士山以及環繞四海的伊豆大島景觀

//長野県白馬村五龍滑雪場//好耐冇帶笨B去玩, 於是襯聖誕Break黎個長旅行, 帶笨B去左日本長野白馬村滑雪長野係1998 年冬季奧運舉辦地, 而白馬村有好幾個滑雪場, 我地就去左白馬五龍同白馬47! 2個滑雪場相連接, 可共用同一張S...
06/01/2024

//長野県白馬村五龍滑雪場//

好耐冇帶笨B去玩, 於是襯聖誕Break黎個長旅行, 帶笨B去左日本長野白馬村滑雪

長野係1998 年冬季奧運舉辦地, 而白馬村有好幾個滑雪場, 我地就去左白馬五龍同白馬47! 2個滑雪場相連接, 可共用同一張Ski Pass

兩個滑雪場共擁有19座纜車和24條滑雪道...而五龍滑雪場既滑雪道就比較適合初階或中階滑雪者! 呢次係笨B第二次滑雪Trip, 今次仲同教練滑過Double Black Ski Runs添 (笨B話好斜好驚所以好慢)

滑雪我地當然幫襯番香港人鋪啦..租ski equipment我地去左白馬日和 (https://www.sunshinehakuba.jp/), 事前whatsapp溝通好小朋友幾大幾高要租咩, 例如鞋, 板, rope, 頭盔, 一set收費每天3,000yen, 早預約有early bird優惠, 取用具時店內付款

日和4點開鋪, 還equipment時如果鋪未開, 只需放於店門前影相話聲比店主知道便可

至於教練, 我地就經日和搵左JSF (IG search japansnowboardfreaks)私人一對一教學6天, 每天6小時, 由9點半開始玩下滑雪場close 3點半下課, 午餐都係教練帶笨B在滑雪場食, 食完又可以立即再玩lu

教練收費60,000yen一日, 收費同上年到法國差不多, 係貴一點但更快上手, 學成下年就可以自己跟學校去玩啦

//Young Driver Experience//係英國真係好多野比細路玩, 今日笨B就去揸真車, 試下揸棍波🚗🚕🚙!! Young Driver Experience係比大於10歲既小朋友 (min. height 142cm)係未可...
04/09/2023

//Young Driver Experience//

係英國真係好多野比細路玩, 今日笨B就去揸真車, 試下揸棍波🚗🚕🚙!!

Young Driver Experience係比大於10歲既小朋友 (min. height 142cm)係未可以學車前體驗下揸車既感覺, 揸既係Vauxhall Corsa或同級! Experience可以揀自動波或棍波, 有分30mins (收費£47.99)或60mins (收費£87.99), 另加£12.99可以in car filming, 拍低小朋友既第一次留個紀念

開始前reception會派本Drive Diary, 完成後會係Diary mark低小朋友學左d咩做左d咩...見笨B Junctions, Roundabouts, 窄路, 泊車咩都玩齊

以下係Young Driver Experience既網站, 大家去睇下屋企附近有冇場地呀

https://www.youngdriver.eu/lessons_and_experiences

4-10歲小朋友未可以揸真車, 都可以試Firefly Sport Kids Driving Experience, 學下控制油門扭軚殺車

除左以上, 仲有Super Cars體驗, 大人細路都可以試揸Ferrari, Lamborghini等 (成人必需有有效車牌), 詳細資料大家可以係以下網站望望😁

https://www.drivingexperience.com/driving-experience/supercar/

//LOUTRE OSAKA 水瀨CAFE//同笨B除左探佢最愛既水豚, 仲要探下可愛水瀨! 呢間水瀨Cafe係大阪同京都都有, 我地就去左大阪果間😁大阪店開下午2點到晚上7點, 不設預約, 收費2000yen一位50分鐘, 網上稱不招待1...
03/09/2023

//LOUTRE OSAKA 水瀨CAFE//

同笨B除左探佢最愛既水豚, 仲要探下可愛水瀨! 呢間水瀨Cafe係大阪同京都都有, 我地就去左大阪果間😁

大阪店開下午2點到晚上7點, 不設預約, 收費2000yen一位50分鐘, 網上稱不招待15歲以下小朋友

由於笨B好希望親親水瀨, 我地就預先問左店主11歲是否可以參加, 店鋪亦回覆OK! 有興趣既朋友如果同行有較細既小朋友都可以事前先問問呀

雖然不設預約, 如果唔想排隊等好耐的話, LOUTRE可以一星期前預約Private Course, 收費20,000yen, 最多8人參加, 時間係開店前12點到1點, 咁就可以獨霸水瀨sss一小時

留意雖然話係Cafe但其實係無飲品或野食既, 大家可以自己帶備膠樽飲品! 期間可以摸下佢地, 餵下佢地, 同佢地玩下波, 樽蓋, 牙刷同飲筒! 係! 原來水瀨係玩呢d🤣 畢竟好少機會同水瀨近距離接觸, 笨B玩得超級開心!!!

https://www.loutre-kyoto.com/

Address

Manchester

Website

Alerts

Be the first to know and let us send you an email when 蠢媽笨b英國歷險記 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category