ဥရောပသွားလည်ကြမယ်

10/03/2026

ဖီလစ်ပိုင်လေကြောင်းလိုင်း Royal Air Philippines ဒေဝါလီခံ

25/02/2026

(English version below)
ရန်ကုန်မြို့ရှိ ဖင်လန်နိုင်ငံသံရုံးသည် ဖေဖော်ဝါရီလ ၂၈ ရက်၂၀၂၆ ခုနှစ် နေ့မှ စတင်၍ ပိတ်သိမ်းမည် ဖြစ်ပါသည်။

ကောင်စစ်ဝန်ဆောင်မှုများ၊ ပတ်စ်ပို့၊ နေထိုင်ခွင့် လျှောက်လွှာဆိုင်ရာ နိူတြီထောက်ခံလက်မှတ်များအပါအဝင် ကောင်စစ်ဆိုင်ရာအလုပ်များအားလုံးကို ဘန်ကောက်မြို့ရှိ ဖင်လန်သံရုံးမှ ဆောင်ရွက်ပေးမည် ဖြစ်ပါသည်။

ကျေးဇူပြု၍ နေထိုင်ခွင့်လက်မှတ်(residence permits) လျောက်ထားရန် အတွက်အောက်ပါအီးလ်မေးကိုဆက်သွယ်ရန်
[email protected] or [email protected]

ဗီဇာနှင့်သက်ဆိုင်သောဝန်ဆောင်မှု့များအတွက်ဂျာမနီနိုင်ငံက ကိုယ်စားပြုလုပ်ဆောင်ပေးပါမည်။
https://rangun.diplo.de/mm-en

အခြားကိစ္စရပ်များနှင့် ပတ်သက်၍ဖင်လန်နိုင်ငံခြားရေးဝန်ကြီးဌာန၏ တောင်အာရှနှင့် တောင်အရှေ့အာရှဆိုင်ရာဌာနကိုဆက်သွယ်နိုင်ပါသည်။
[email protected].

The Embassy of Finland in Yangon will be closed as of 28 February 2026.
Consular, passport, residence permit and notarial matters are handled by the Embassy of Finland in Bangkok. Please contact: [email protected] or [email protected] (residence permits).
Concerning visa matters, Finland is represented by Germany: https://rangun.diplo.de/mm-en
With other issues, please contact the Finnish Foreign Ministry’s Unit for South and Southeast Asia: [email protected].

Suomen Yangonin-suurlähetystö suljetaan 28.2.2026 alkaen.
Konsuli-, passi-, oleskelulupa- ja notaariasioita hoitaa Suomen Bangkokin-suurlähetystö. Ota yhteyttä: [email protected] tai [email protected] (oleskeluluvat).
Viisumiasioissa Suomea edustaa Saksa: https://rangun.diplo.de/mm-en
Muissa asioissa ota yhteyttä ulkoministeriön Etelä- ja Kaakkois-Aasian yksikköön: [email protected]

16/02/2026

ကိုယ့်အစီအစဥ်နဲ့ ကိုယ် သွားချင်ကြပြီး tours တွေ၊ tickets တွေ စိတ်ကြိုက်ရွေးချင်ရင် ဒီ link ကနေ book လုပ်နိုင်ပါတယ်

Here is the link

https://www.viator.com/?pid=P00108153&uid=U00336036&mcid=58086

06/02/2026

ပြည်ပခရီးစဉ်တွေ အဓိကပြေးဆွဲနေတဲ့ MNA ဘိုးရင်း - 737- 800လေယာဉ် ပျံသန်းမှုရပ်နား

Connect Burma ၊ ဖေဖော်ဝါရီ ၅

မြန်မာစစ်အုပ်စု က အဓိက ထိန်းချုပ်ထားတဲ့ မြန်မာ အမျိုးသား လေကြောင်း(MNA) က ပြည်ပခရီးစဉ် တွေ အဓိက ပြေးဆွဲနေတဲ့ ဘိုးရင်း - 737-800လေယာဉ်‌တွေ ပျံသန်းမှုတွေ ရပ်နားထားတယ်လို့ သိရပါတယ်။

MNA မှာ ဘိုးရင်း လေယာဉ်နှစ်စင်း ပြည်ပခရီးစဉ်တွေ အဓိက ထားပြေးဆွဲနေတာဖြစ်ပြီး တစ်စင်းပြီး တစ်စင်း ပျံသန်းမှု ရပ်နားကုန်တာကြောင့် မြန်မာနိုင်ငံက ခရီးသည်တွေ အပေါ် သက်ရောက်မှုရှိတယ်လို့ လေယာဉ်လက်မှတ် အရောင်းဌာနတွေ နဲ့ လေကြောင်း ခရီးစဉ် ဆက်စပ်လုပ်ငန်း လုပ်ကိုင်သူတွေ ဆီက သိရပါတယ်။

MNA ဘိုးရင်း 737- 800 နှစ်စီးဟာ ရန်ကုန် - ဘန်ကောက် ခရီးစဉ်မှာ အဓိက ပြေးဆွဲနေတဲ့ လေယာဉ် တစ်စင်းဖြစ်တယ်လို့ လည်းသိရပါတယ်။

MNA ရဲ့ပြည်ပခရီးစဉ်တွေကို ဘိုးရင်း- 737 -800
လေယာဉ် နှစ်စင်းနဲ့ အဓိက ပြေးဆွဲနေတာဖြစ်ပြီး လက်ရှိမှာ နှစ်စင်းလုံးပျံသန်း မှုကရပ်နားထားရတယ်လို့ သိရပါတယ်။

အခုလို ဘိုးရင်း လေယာဉ်နှစ်စင်းပျံသန်းမှု ရပ်နားထားတာကြောင့် ခရီးစဉ်အချိန်ပြောင်းလဲတာ၊ ခရီးစဉ်လျှော့ချတာ နဲ့ တချို့ ပြည်ပ ခရီးစဉ်တွေ ဖျက်သိမ်းတာတွေ ဖြစ်လာနိုင်တယ်လို့ လေကြောင်း ခရီးစဉ် ဆက်စပ်လုပ်ငန်း လုပ်ကိုင်သူတွေ ဆီကသိရပါတယ်။

လေယာဉ်ပြန်လည်ပြုပြင်ထိန်းသိမ်းရေး လုပ်ဆောင်ဖို့ ဆိုတဲ့ အကြောင်းပြချက်နဲ့ ပျဲသန်းမှုတွေ ရပ်နား လိုက်တာလို့လည်း သိရပါတယ်။

"MNA က ပြည်ပဆွဲတဲ့လေယာဉ်က တစ်စီးပဲရှိတာ အဲ့လေယာဉ်က မနေ့က မန္တလေးမှာပျက်နေတာ ပြည်ပခရီးစဉ် အကုန် Cancelled လုပ်ထားတယ်။ အခုရက်ပိုင်းတွေဆိုရင် ပြည်ပခရီးစဉ်ဆိုရင် Flight Cancelled ဖြစ်ထားတယ်။ ဖေဖော်ဝါရီ ၇ ရက်နေ့ အထိနောက်ဆက်တွဲကတော့ ဘယ်လိုလာမယ်မသိဘူး။ " လို့ လေကြောင်းလုပ်ငန်းနီးစပ်သူတစ်ဦးက ပြောပါတယ်။

လက်ရှိအချိန်မှာပြေးဆွဲ နေတဲ့ MNA က ဘိုးရင်း 737 -800 လေယာဉ် တစ်စင်း ပျံသန်းမှု ရပ်နားလိုက်တာကြောင့် ATR လေယာဉ် နှစ်စီးနဲ့ ရန်ကုန် - ဘန်ကောက် ခရီးစဉ်ကို အစားထိုး ပြေးဆွဲမယ်လို့ သိရပါတယ်

“ အစားထိုးပြီးတော့ ဆွဲပေးမယ်လို့သိထားသလို KG ကတော့ 20 KG ပဲပေးမယ်လို့တော့သိထားတယ် “ အဆိုပါ လေကြောင်းလုပ်ငန်း နဲ့ နီးပစ်သူကပြောပါတယ်။

MNA ဟာ ဘိုးရင်း 737 - 800 လေယာဉ် နှစ်စီး၊ ATR 72-600 ရှစ်စီးနဲ့ ပြည်တွင်း၊ ပြည်ပ ခရီးစဉ်တွေ ပြေးဆွဲနေခြင်း ဖြစ်တယ်လို့ သိရပါတယ်။

MNA လေကြောင်းလိုင်း ဟာ ယခင်က ရန်ကုန်မြို့ကနေ တရုတ်နိုင်ငံ ကူမင်းမြို့ကို ဘိုးရင်း - 737- 800 လေယာဉ်နဲ့ ပြေးဆွဲခဲ့ဖူးပြီး စက်ချို့ယွင်းမှုတွေကြောင့် ခရီးစဉ် ယာယီရပ်နားခဲ့ဖူးပါတယ်။

02/02/2026

ဥရောပက အလှဆုံး ရဲတိုက် ၄ ခု လို့ ပြောလို့ရတယ်

ဘယ်ရဲတိုက် မှာ နေမလဲ 🥰

#ဥရောပသွားလည်ကြမယ်

29/01/2026

🇫🇷 Paris မှာ လည်ဖို့ ၁ ရက်ပဲ အချိန်ရရင်
ပုံထဲက နေရာတွေ အထိက ရောက်အောင်သွားပါ

#ဥရောပသွားလည်ကြမယ်

28/01/2026

⛔️ Europe က အလစ်ကောင်တွေ အကြောင်း ⛔️

ခရီးတွေ သွားကြတဲ့ရာသီဆိုတော့ ကိုယ့်ခရီးစဉ်လေးတစ်လျှောက်မှာ သာသာယာယာ အဆင်ပြေပြေဖြစ်ဖို့ရယ် .... အန္တရာယ် တစ်စုံတရာ မကြုံတွေ့ရဖို့ရယ်က လူတိုင်းအတွက်အရေးကြီးပါတယ် !! ဒီတော့ ခရီးသွားရင်းရလာတဲ့ ကိုယ့်အတွေ့အကြုံလေးတွေကို ဖောက်သည်ချရင်း သတိပေးအုံးမယ် စဉ်းစားမိတယ် !!

ဥရောပကို သွားလည်ကြတဲ့အခါ မြို့ကြီး ပြကြီး နိုင်ငံကြီးမို့ အထင်တွေကြီးပြီး safe ဖြစ်တယ် မထင်လိုက်နဲ့ ... နေရာတကာ အလစ်နှိုက်ဖို့ချောင်းနေတဲ့ကောင်တွေ တစ်ပုံကြီး!!
ကံမကောင်းရင် ပါလာသမျှပြောင်ပြီး သံရုံးကိုတောင်လမ်းလျှောက်သွားရတဲ့ အဖြစ်ရောက်သွားမယ် !!
ကိုယ်တွေ့မို့လို့ လန့်လဲ လန့် ... တော်တော်လဲ ကြောက်သွားတယ် !! ကိုယ်တွေဆိုတာက နေရာအသစ်တစ်ခုရောက်ပြီဆို ဟိုမော့မော့ ဒီမော့မော့တွေ မလား ... နည်းနည်းလေး သတိလစ်လိုက်တာနဲ့ မိနစ်ပိုင်းလေးမှာပဲ ပါလာတာလေးလဲ ကုန် ဖြစ်သွားတာပဲ !!!

ပြောပြအုံးမယ် ... အဖြစ်ကတော့ နည်းနည်းကြာခဲ့ပြီ!! 2018​ေ လာက်က အလုပ်ကိစ္စနဲ့ ပြင်သစ်သွားဖို့ပေါ်လာတော့ ပြင်သစ် နိုင်ငံ Paris မြို့ဆိုတာ ကိုယ့်စိတ်ကူး အိပ်မက်လေးလဲဖြစ် ... First time Europe trip လဲ ဖြစ်ပြန်တော့ စိတ်တွေခုန် ရင်တွေတုန်ပေါ့လေ....
ပြီးတော့ သွားရမှာက တစ်ယောက်တည်း ... ဟိုရောက်မှ လုပ်ဖော်ကိုင်ဖက်တွေနဲ့တွေ့ရမှာဆိုတော့ကာ ၁၄ နာရီခရီးကို ရင်တခုန်ခုန်နဲ့ ရောက်ခဲ့တယ်ဆိုပါတော့ !!

မသွားခင်ကတည်းကတော့ ကိုယ့် အထက်လူကြီး Foreigner ကသတိပေးရှာပါတယ် ... ပိုက်ဆံတွေ အများကြီး ထုတ်ထုတ် မကိုင်ဖို့ ... အိတ်တွေထဲမှာ နေရာတွေခွဲထည့်ဖို့ ... passport ကို ဓာတ်ပုံရိုက်ပြီး ဖုန်းထဲထည့်ထားဖို့ ...ပါလာတဲ့ အိတ်တွေကို ကိုယ်နဲ့မကွာထားဖို့ !! အဲ့တုန်းကတော့ အော် ... ဒီလူ ... ပူတတ်ရန်ကောပေါ့ ...!! Overseas trip တွေ ခဏ ခဏ သွားနေတာ ဒီလောက်ကတော့ အေးဆေးပါ ... သူပြောသလောက်လဲ မဆိုးလောက်ပါဘူးပေါ့ !!!

ဟိုလဲရောက်ရော တတိယနေ့တင် အထင်နဲ့ အမြင် တက်တက်ဆင်အောင် လွဲတော့တာပါဘဲ !!
အလုပ်က စီစဉ်တဲ့ ပွဲကြီး အပြီး ကိုယ်တွေ မြန်မာအဖွဲ့ တည်းတဲ့ hotel ရှေ့မှာပဲ ... ကိုင်ထားတဲ့ အိတ်လေးတွေ ချ ... အထုပ်လေးတွေ ဘေးပို့ပြီး ထုံးစံအတိုင်း ဓာတ်ပုံရိုက်နေကြတာပေါ့ ... ပတ်ဝန်းကျင်မှာလည်း ကိုယ့် အလုပ်က လူတွေချည်းပဲဖြစ်ပြန်.... တည်းနေတဲ့ မြို့လည်ကောင် Hotel ရှေ့တည့်တည့်လဲဖြစ်ပြန် ... Security တွေကလည်း မလှမ်းမကမ်းမှာ ရှိနေပြန်တော့ သတိလေးပေါ့ရော့မိတယ် ဆိုပါတော့...!!

ဓာတ်ပုံရိုက်နေတုန်း တန်းလန်းမှာပဲ အနောက်မှာ ချထားတဲ့ ကိုယ်တွေ အဖွဲ့ထဲက အမ တစ်ယောက်ရဲ့ ကျောပိုးအိတ်ကို လမ်းလျှောက်လာတဲ့ အပြင်လူတစ်ယောက်က ဖြတ်ခနဲ မသွားပါလေရောလား !!! ဒါတောင် အိတ်က ကိုယ့်အနားတင်နော် ... ဘယ်လောက်မြန်လဲ ကျွမ်းကျင်လဲဆို သတိတောင် မထားလိုက်မိဘူး ....
ယူပြီး အေးဆေးပဲ လမ်းလျှောက်သွားတာ ....
အဲ့ဒီ အမက သတိကောင်းပြီး နောက်လှည့်ကြည့်တဲ့အချိန်မှာ မရှိတော့ မှ အိတ်ပါသွားပြီဆိုပြီး ရှာကြတော့ မလှမ်းမကမ်းတောင်ရောက်နေပြီ ဟိုလူက...

ကိုယ်တွေလဲ ပြေးလိုက်ကြရော ... အနားမှာ အဆင်သင့်ရပ်ထားတဲ့ ကားပေါ် တက်မောင်းပြေးပါလေရော !!!
ဘယ်လိုမှ မမီလိုက်ပါဘူး ... ပါသွားပါတယ် .... အားလုံးပေါင်း မြန်မာငွေ ၁၅ သိန်း / သိန်း ၂၀ နီးပါးပါ !! လွန်ခဲ့တဲ့ ၈ နှစ်ဝန်းကျင်က သိန်း ၂၀ဆိုတာနည်းသလား​နော့!!
ပါလာသမျှ အကုန် အိတ်ထဲထည့်ထားတာဆိုတော့ သူမပြောနဲ့ကိုယ်တွေတောင် နှမြောလွန်းလို့ ရူးချင်တယ် !!
ရုတ်ရုတ်သဲသဲဖြစ်တော့မှ Hotel မှ security တွေ အပြေးရောက်လာပါတယ် ... ပါသွားတယ်လဲကြားရော သူတို့က ဖြစ်ရိုးဖြစ်စဉ်တစ်ခုလို အေးဆေးပဲ ... နင်တို့က သတိမှ မထားတာတဲ့ ... ကဲ !!!

ဖြစ်တာကလဲ hotel ရှေ့တင် .... ကိုယ့်လူတွေ ဝိုင်းနေတဲ့နားမှာ .... ကိုယ်တွေဆိုတာ မခံချည့်မခံသာနဲ့ပေါ့ ... ပိုဆိုးတာက Passport တွေ .. နိုင်ငံသားမှတ်ပုံတင်တွေပါ ပါသွားတာပဲ !! ဒီတော့ ဟိုတယ်က သံရုံးနဲ့ ရဲစခန်းမှာ အမှုဖွင့်ဖို့ပဲပြောတော့တာပဲ !!
ရဲစခန်းရောက်တဲ့အချိန်မှာ ... ကိုယ်တွေလိုပဲ ပိုက်ဆံအိတ်လုခံရသူတွေ .... အလစ်သုတ်ခံရသူတွေ ... foreigners တွေ ဟောတစ်ယောက် ... ဟောတစ်ယောက်ပဲ!! တချို့ဆို ခြေအိတ်ရဲ့ ခြေသလုံးနားမှာ ထည့်ထားတာတောင် ခွဲပြီး ရအောင်ယူသွားတာဆိုပဲ !! 😱😱
ရဲစခန်းကတော့ပြောတယ် ... passport တော့ ပြန်ရနိုင်အောင်ကြိုးစားပေးမယ် ... ဒါပေမဲ့ chance က 20% လောက်ပဲတဲ့ .... ပိုက်ဆံကတော့ လှူတယ်သာမှတ်လိုက်ပါတော့တဲ့ ... ကဲ 😷😷

သူတို့ဆီမှာ Pickpocket ဆိုတာ ထူးဆန်းတဲ့ အမှုမဟုတ်သလို အချိန်လဲ အကုန်မခံကြပါဘူး! ပါပြီ​ဟေ့ဆိုရင် အဆုံးလို့သာ မှတ်ပါ! တစ်​နေ့ကို ရာ​ထောင်နဲ့ ချီတဲ့ Tourist တွေ နည်းမျိုးစုံနဲ့ကို အနှိုက်ခံ​နေရတာ!

များ​သောအားဖြင့် သူတို့လုပ်တတ်ကြတာက petition ဆိုပြီး လက်မှတ်အတင်းလာထိုးခိုင်းပြီး အာရုံများ​အောင်လုပ်မယ် .. နောက်တစ်​ယောက်က အလုပ်ရှုပ်​နေတုန်း နှိုက်မယ်!
- ရွှေလက်စွပ်ကျခဲ့တယ်ဆိုပြီး ကြေးလက်စွပ်ကို အတင်းလိုက်​ပေးမယ် .. ယူမိရင် မုန့်ဖိုးဆိုပြိး ပိုက်ဆံ​တောင်းမယ်!
- Keychains တွေ အရုပ်​လေး​တွေ လိုက်​ရောင်းမယ် .. အာရုံမစိုက်မိတုန်း နောက်က နှိုက်မယ်
အစုံ အစုံပဲ!!

ကံကောင်းချင်တော့ အမှုဖွင့်နေရင်းတန်းလန်း ကိုယ်တွေတည်းတဲ့ hotel အနောက်ဘက်က အမှိုက်ပုံထဲမှာ အိတ်တစ်လုံးကောက်ရလို့ ပြန်လာအပ်တာ အဲ့ဒီ အမအိတ်ဖြစ်နေတယ် .... Passport တွေ ... မြန်မာငွေတွေ .... ပစ္စည်းတိုလီမုတ်စတွေတော့ ချန်သွားပေမဲ့ ငွေတွေကတော့ လုံးဝဆို တစ်ပြားမှ မကျန်တော့ပါဘူး ...!!! Passport လေးပြန်ရတာတောင် ကျေးဇူးတင်ရမလိုပါပဲ !!

အဲ့ဒီနေ့က စပြီး နောက်နေ့တွေ သွားလေရာ ကိုယ်တွေအဖွဲ့ ကျောပိုးအိတ်ကို ရှေ့ လွယ် ... လက်နဲ့ပိုက်ပြီး လုံးဝ မျက်စိအောက်ကကို အပျောက်မခံရဲကြတော့တာပဲ !! ငွေ သိန်း ၂၀ ဖြင့်ရင်းလိုက်ရသော အဖိုးတန် သင်ခန်းစာပေါ့ !! 😷😷

📍📍ဒီတော့ ဘယ်နိုင်ငံပဲသွားသွား ကိုယ့်ပါလာသမျှ ပစ္စည်းတွေကို သတိထားပါ!!
- အထူးသဖြင့် Europe နိုင်ငံတွေ သွားတဲ့အခါ ရွှေငွေ လက်ဝတ်ရတနာတွေ အများကြီး ဝတ်ဆင်မသွားပါနဲ့
- ငွေသားတွေ အများကြီး မသယ်သွားဘဲ Credit card, debits card လေးတွေ လုပ်ထားပါ (card လဲမပျောက်ပါစေနဲ့အုံး ... card ပျောက် ဇာတ်လမ်းလေးတွေလဲ Facebook မှာ ခဏ ခဏ တွေ့လို့ရယ်)
- ပါလာတဲ့ ငွေတွေကို အိတ်တွေထဲ ခွဲထည့်ပါ ... တချို့ကို ဟိုတယ်က safe box မှာ ချန်ခဲ့ပါ
- အိတ်ကို အရှေ့ဘက်ပဲ ထားလွယ်ပါ ... ဖြစ်နိုင်ရင် ကျောပိုးအိတ်... ရှေ့လွယ်အိတ်လေးတွေ ယူသွားတာကောင်းပါတယ်
- ဘယ်နေရာရောက်ရောက် သတိလက်လွတ် မနေပါနဲ့ ... ကိုယ့်ကို အလစ်သမားက အချိန်မရွေးစောင့်ကြည့်နေမှာပါ .... အထူးသဖြင့် Asian မျက်နှာမလည်မဝယ်နဲ့ဆို ကိုယ်ဟာ သူတို့ သားကောင်ဖြစ်သွားနိုင်ပါတယ်
- ဖုန်း.. ကင်မရာစသည်တို့ကို ကိုယ်နဲ့မကွာဆွဲထားလို့ရမဲ့ ကြိုးလေးတွေဆောင်သွားပါ.. ဟိုတင် ဒီချ မလုပ်ပါနဲ့
- ကိုယ်မသိတဲ့ တစိမ်းတစ်ယောက်ယောက် ကိုယ့်အနားကိုကပ်လာပြီး စကားပြောဖို့ ကြိုးစားလာရင် သတိလက်လွတ်မနေပါနဲ့ .. ဖြစ်နိုင်ရင် ပြန်ကို မပြောပါနဲ့ ... စကားပြောသလို လမ်းမေးသလိုနဲ့ ခါးပိုက်နှိုက်တတ်လို့ပါ !
- အဖွဲ့လိုက်သွားတယ်ဆို အဖွဲ့မကွဲပါစေနဲ့
- Passport ကို ဖုန်းနဲ့ ဓာတ်ပုံရိုက်ထားနိုင်သလို ကိုယ်နဲ့မကွာ အမြဲဆောင်ထားပါ

Europe ဘက်မှာဆို France, Spain, Italy and UK တို့က လုံးဝနာမည်ကြီး Pickpocket သမား​တွေ ကျက်စားရာပဲ!
အဲ့ထဲမှာမှ
Barcelona
Paris
Rome
Prague တို့က World Famous Iconic Pickpockets Cities တွေ!

Barcelona သွားတုန်းကဆိုလည်း ဟိုတယ်ထဲက ထွက်တာနဲ့ကို ကိုယ့်ကို တစ်​ယောက်​ယောက်က စောင့်ကြည့်​နေတယ်လို့ကို ခံစားရတာ .. စပိန်ခရီးစဉ်တစ်​လျှောက် အိတ်အစုတ်နဲ့ပဲ နှစ်ပါးသွားခဲ့တာသာကြည့်!! 🥴🥴

ဒီအချက်လေးတွေက ကိုယ်နဲ့ အစိမ်းသက်သက် ဘယ်နိုင်ငံကိုပဲ သွားသွား သတိပြု ဆင်ခြင်စရာလေးတွေပါ ! ပျော်ရွှင်တဲ့ ခရီးစဉ်လေးတွေ ဖြစ်ကြပါစေနော် !!

ခရီးသွားနေကြတဲ့ သူငယ်ချင်းတွေကို share ပေးခြင်းနဲ့ ကူညီလိုက်ကြပါအုံး 💕💕

Your travel buddy
Chris 💞
#ဥရောပ #မြန်မာ #ဗဟုသုတ

Sharing is Caring
Xoxo
Christ

28/01/2026

"ဒီနေ့ (2026/01/27) က စပြီး မြန်မာနဲ့ ရုရှား အကြား ဗီဇာမလိုဘဲ ရက်၃၀ အလည်အပတ် သွားလာလို့ရပြီ" ဆိုတဲ့ အင်္ဂလိပ် ကြော်ငြာတခု မထင်မှတ်ဘဲ တွေ့လိုက်ရတယ်။ ကြည့်ရတာ မြန်မာစာဖတ်တဲ့ ပရိသတ်ကို ရွေးပြီး ပြတယ် ထင်ပါတယ်။ အဲဒါလေး မြင်တော့ လွန်ခဲ့တဲ့ နှစ်ပတ်လောက်က ကြည့်လိုက်ရတဲ့ ရုရှား"ကျားဖြန့်" သတင်းဆောင်းပါး တပုဒ်ကို သတိရမိတယ်။
ဆောင်းပါးထဲမှာက ရုရှားအမျိုးသမီးတဦးက တယ်လီဂရမ်ချန်နယ် ကနေတဆင့် နိုင်ငံခြားသား စစ်သားစုဆောင်းရေးတွေ လုပ်ပေးတဲ့ ဖြစ်စဥ်ကို အသေးစိတ် ရေးထားပါတယ်။ ယူကရိန်းစစ်ပွဲကာလမှာ ရုရှားဘက်က စစ်သား မလောက်တော့ဘူး။ အတင်းအကြပ်ခေါ်လည်း ထွက်ပြေးကြတယ်။ မြောက်ကိုရီးယားကလည်း ခေါ်တယ်၊ မလောက်ဘူး။ ထောင်သားတွေကို အပြစ်ဒဏ်ပလပ်ပြီး တိုက်ခိုင်းတဲ့အထိပါ။ ဒါလည်း စစ်သား အလုံအလောက် မရှိချင်ဘူး။
ဒီတော့ ဆင်းရဲတဲ့ နိုင်ငံခြားသားတွေကို ပစ်မှတ်ထားလာတယ်။ သူတို့မှာ အဲလို စစ်သားရှာပေးတဲ့ ပွဲစားတွေ ရှိပါတယ်။ သူတို့က ဆင်းရဲတဲ့ နိုင်ငံ၊ မတည်ငြိမ်တဲ့နိုင်ငံ၊ အလုပ်ကိုင်ရှားတဲ့နိုင်ငံတွေကို ပစ်မှတ် ထားပါတယ်။ ဒီပွဲစားတွေထဲမှာ "ပေါ်လီနာ"​ဆိုတဲ့ အမျိုးသမီးက နာမည်ကြီးတယ်။ သူ့နာမည် အပြည့်အစုံကတော့ Polina Alexandrovna Azarnykh ပါ။ ပေါ်လီနာ လို့ပဲ ခေါ်ပါ့မယ်။
သူက အဓိက ပစ်မှတ်ထားတဲ့ နိုင်ငံတွေကတော့ ဆီရီးယား၊ အီဂျစ်နဲ့ ရီမန် နိုင်ငံတွေပါ။ သူ့ကြော်ငြာက "ရုရှားမှာ တနှစ် စစ်မှုထမ်းရုံနဲ့ ရုရှားနိုင်ငံသား ရမယ်။ တလကို ဒေါ်လာ ၂၅၀၀ ရမယ်။ စစ်မှုထမ်း စာချုပ်ချုပ်လိုက်တာနဲ့ ဆုငွေ ဒေါ်လာ ၅၀၀၀ ရမယ်။ ရှေ့တန်းမသွားချင်လည်း လုပ်ပေးလို့ရတယ်" တဲ့။ သူရဲ့ ကြော်ငြာတွေကို အာရပ်ဘာသာ နဲ့ လုပ်ထားတယ်။ ဒီတော့ ရုရှားပြင်ပက နိုင်ငံခြားသားတွေ၊ ပြည်တွင်းမှာ ရောက်နေတဲ့ နိုင်ငံခြားသားတွေက ဒါဟာ အခွင့်အလမ်းကောင်းပဲ ဆိုပြီး စိတ်ဝင်စားကြတယ်။
ဆီးရီးယား လူတစု ဆိုရင် ရုရှားက စက်ရုံမှာ အလုပ်ရမယ် ဆိုလို့ ပိုက်ဆံတွေ ပေးပြီး ရုရှား ရောက်လာတယ်။ ဟိုရောက်တော့ အလုပ်က အတု ဖြစ်နေတယ်။ လေဆိပ်မှာ လာမကြိုဘူး။ ပြန်ဖို့ကလည်း လေယာဥ်လက်မှတ်ဖိုး မရှိတော့ဘူး။ ဒါပေမဲ့ သူတို့က ပေါ်လီနာ အကြောင်းကို ကြားဖူးကြတယ်။ ဒါနဲ့ သူ့ကို တယ်လီဂရမ်ကနေ ဆက်သွယ်လိုက်တယ်။ ပေါ်လီနာက နာရီပိုင်းအတွင်း လေဆိပ်ကို ရောက်လာပြီး သူတို့ကို စစ်သားစုဆောင်းရေးစခန်း တန်းခေါ်သွားလိုက်တယ်။
ဟိုရောက်တော့ သူတို့ကို စစ်မှုထမ်းစာချုပ် တန်းချုပ်ခိုင်းတယ်။ သူတို့လည်း တလုံးမှ မဖတ်တတ်တဲ့ ရုရှားလိုရေးထားတဲ့ စာချုပ်ကို ပေါက်တဲ့နဖူး မထူးဆိုပြီး လက်မှတ်ထိုးပေးလိုက်တယ်။ ဒီလိုနဲ့ သူတို့ အားလုံး ရုရှားစစ်သားတွေ ဖြစ်သွားတယ်။ ပေါ်လီနာက ပြောသေးတယ်။ သူတို့ ရမယ့်ဆုငွေ ဒေါ်လာ ၅၀၀၀ ထဲက ၃၀၀၀ သူ့ကို ပေးရင် ရှေ့တန်း မသွားရအောင် စီစဥ်ပေးမယ်တဲ့။
ဒါပေမဲ့ ၁၀ရက် စစ်ရေးလေ့ကျင့်ပေးပြီး သူတို့အားလုံးကို ရှေ့တန်း ရောက်သွားကြတယ်။ ပေါ်လီနာက သူတို့ကို ဒေါ်လာ ၃၀၀၀ ဆက်တောင်းတယ်။ ရှေ့တန်းရောက်သွားပြီ ဖြစ်လို့ မပေးနိုင်ဘူး ဆိုတဲ့အခါမှာ ပေါ်လီနာက သူသိမ်းယူထားတဲ့ သူတို့ ဆီးရီးယားပတ်စပို့ ကို မီးရှို့နေတဲ့ ဗီဒီယိုကို ပြန်ပို့ပေးလိုက်တယ်။ အခုဆိုရင် သူတို့အုပ်စုထဲက အတော်များများ မရှိတော့ဘူး။ ယူကရိန်းစစ်မြေပြင်မှာ ကျသွားကြပြီ။
ပေါ်လီနာက ဆင်းရဲတဲ့ အာရပ်နိုင်ငံတွေကို အဓိက ထားပါတယ်။ ဒီစစ်မဖြစ်ခင်က သူက အဲလို အာရပ်နိုင်ငံတွေကနေ ရုရှားမှာ ကျောင်းလာတက်ချင်သူတွေကိုလည်း ပွဲစားလုပ်ခဲ့ဖူးတယ်။ စစ်ဖြစ်ပြီးတော့ စစ်သားရှာ ပွဲစား ပြောင်းလုပ်တယ်ပေါ့။ သူ့အရင်က အဆက်အသွယ် ရှိခဲ့တဲ့ အာရပ် ကျောင်းသားတွေကိုလည်း အခုလိုပဲ မက်လုံးပေးပြီး စစ်ထဲ ဝင်စေတယ်။ သူအနေနဲ့ စစ်သားတယောက် ရှာပေးရင် ဒေါ်လာ သုံးရာ ရတယ် လို့ ဆိုတယ်။
ခက်တာက ပေါ်လီနာရဲ့ ကြော်ငြာထဲက အချက်အလက်တွေဟာ အကုန် မမှား သလို အကုန်လည်း မမှန်ဘူး။ ဥပမာ ရုရှားအစိုးရက အခုအချိန်မှာ အဲဒီလောက် လစာတွေ ပေးပြီး နိုင်ငံခြားသား စစ်သားတွေ အသည်းအသန် ရှာနေတယ်။ ဒါပေမဲ့ တနှစ်ပဲ လုပ်ရမယ် ဆိုတာ တကယ် မဟုတ်ဘူး။ ရုရှားရဲ့ ပြင်ဆင်ထားတဲ့ ဥပဒေအရ သူတို့က ထွက်ခွင့်ပေးမှ ထွက်လို့ ရတယ်။ နောက်ပြီး နိုင်ငံသားပေးမယ် ဆိုတာလည်း သူတို့ သဘောပဲ။ ရတဲ့သူတွေလည်း ရှိတယ်။ အများစုကတော့ လပိုင်းလောက်ပဲ ခံလိုက်တယ်။ နောက်ပြီး ရှေ့တန်း မထွက်ရအောင်လည်း သူလုပ်ပေးလို့ မရဘူး။ သူ့ပေးပေး၊ မပေးပေး ရှေ့တန်းတော့ ကြိမ်းသေပေါက် ရောက်မှာပါ။
ယူကရိန်းရဲ့ အကျဥ်းထောင်တွေထဲမှာလည်း ဒီလို နိုင်ငံခြားသား စစ်သား သုံ့ပန်းတွေ အများကြီး ရှိတယ်။ အဲလို ဖမ်းမိလို့ သုံ့ပန်း ဖြစ်သွားရင်လည်း ရုရှားဘက်က လစာ ဆက်မပေးတော့ဘူးတဲ့။ သေပျောက်စာရင်း သွင်းလိုက်တဲ့သဘောပါ။ ဒီတော့ ဒီစစ်မပြီးမချင်း သူတို့က ယူကရိန်း ထောင်ထဲမှာ ဆက်နေကြရမယ်။ တချို့လည်း သူတို့ မိသားစုနဲ့ အဆက်အသွယ် ပြန်ရတယ်။ ယူကရိန်းဘက်က ဆက်သွယ်ခွင့် ပေးပေမဲ့ ပြန်တော့ မလွှတ်ပေးဘူး။
ပေါ်လီနာတို့ ပွဲစားတွေဟာ နောက်ပိုင်းမှာ စျေးကွက်ကို ချဲ့လာတယ်။ အခုနောက်ပိုင်း အာရှနဲ့ အာဖရိက နိုင်ငံတွေကို ခြေဦးလှည့်လာတယ်။ တောင်အာဖရိက နိုင်ငံမှာ ဒီလို ရုရှား စစ်သား စုဆောင်းပေးတဲ့အတွက် အဖမ်းခံရတဲ့အဖွဲ့ တဖွဲ့ ရှိတယ်။ အဲဒီအဖွဲ့နဲ့ တောင်အာဖရိက သမ္မတဟောင်း သမီးဟာ ဆက်စပ်မှု ရှိနေတယ် လို့ ဖတ်လိုက်ရတယ်။ ပြောရရင် လူကြီးသားသမီးတွေလည်း ကိုယ့်နိုင်ငံသားကို စစ်သားအဖြစ် ရောင်းစားကြတဲ့အထဲ ပါတယ်။ အာရှမှာလည်း နီပေါတချို့ အဲဒီလို စစ်သား ဖြစ်နေတယ် လို့ ဆိုတယ်။
ဒါကတော့ ရုရှားစစ်သား စုဆောင်းရေး ကျားဖြန့် အကြောင်းပါ။ အွန်လိုင်းပေါ်ကနေ အမှန်တဝက်၊ အမှားတဝက် မက်လုံးပေး၊ သွေးဆောင်ဖြားယောင်းပြီး ပိုက်ဆံရှာနေတဲ့အတွက် ကျားဖြန့်လုပ်ငန်း လို့ ပြောတာပါ။ အချက်အလက် အမှန် ကြိုသိရင် ဒီလူငယ်တွေလည်း ဘယ်လောက် လခရရ ဝင်ချင်မှ ဝင်ကြမှာပါ။
ပြီးတော့ ဒီယူကရိန်းစစ် စကတည်းက ရုရှားဘက်က စစ်သား တသန်းကျော် ဒဏ်ရာရ၊ ကျဆုံးခဲ့တယ် ဆိုတဲ့အချက်၊ ဒီဇင်ဘာ ၂၀၂၅ တလထဲမှာ စစ်သား နှစ်သောင်းခွဲလောက် ကျသွားတယ် ဆိုတဲ့ အချက်မျိုးတွေ ပါသိခဲ့ရင် ဒီလောက် အကျများတဲ့ စစ်တပ်ထဲ ပိုတောင် ဝင်ဖြစ်မယ် မထင်ပါဘူး။
ပေါ်လီနာတို့ အုပ်စု ကျနော်တို့ မြန်မာပြည်ဘက်လည်း ခြေဦးလှည့်လာနိုင်ပါတယ်။ အရင်လို ဗီဇာ မလိုတော့လို့ အလုပ်အကိုင် ရှားပါးနေတဲ့ လူငယ်တွေကို "ငါတို့ စစ်ထဲ တနှစ်ပဲ ဝင်စမ်းပါ၊ လခနဲ့ ဆုကြေးပေါင်း ဒေါ်လာ သုံးသောင်းခွဲလောက် ရမှာ၊ ရုရှား နိုင်ငံသားလည်း ဖြစ်မှာ" ဆွဲဆောင်ခဲ့ရင် မက်လောက်စရာ ဖြစ်လို့ လိုက်သွားနိုင်ပါတယ်။ မြန်မာပြည်မှာ ဒါမျိုးပွဲစားတွေ ရှိလာရင်လည်း မအလတို့က မျက်နှာလွှဲထားမှာပါ။ ဒါကြောင့် ဒီလို ကျားဖြန့် ထောင်ချောက်ထဲကို ဝင်မသွားမိဖို့ သတိပေးချင်ပါတယ်။ အချင်းချင်းလည်း မျှဝေ အသိပေးကြပါ။
____________________________
AKMoe 2026/01/27
(ဓာတ်ပုံကတော့ ပေါ်လီနာနဲ့ သူရှာပေးတဲ့ စစ်သားတစု ပုံပါ။
ဒီဆောင်းပါးထဲက အချက်အလက်တွေကို BBC World Service ရဲ့ Putin's Foreign Fighters ကနေ ယူပါတယ်။ ကြည့်လိုသူများအတွက် YouTube link ကို ကော်မန့်မှာ ပေးထားပါတယ်။ တနာရီလောက်တော့ ကြာတယ်။)

27/01/2026

Subscribe to get exclusive benefits:
အမျိုးတို့ရေ

https://www.facebook.com/100075528597196/subscribenow

Subscribe to ဥရောပသွားလည်ကြမယ် and get exclusive benefits

27/01/2026

ဥရောပ နိုင်ငံတွေကို ကိုယ့်အစီအစဉ်နဲ့ကိုယ်၊ ကိုယ့်မိသားစု သီးသန့် သွားမယ်ဆိုရင်

လိုအပ်တဲ့ tour တွေ၊ ticket တွေကို ဒီကနေ မိမိစိတ်ကြိုက် ရွေးဝယ် လို့ရပါတယ်

ဒီ site က ကမ္ဘာ့အကြီးဆုံး ခရီးသွားဝန်ဆောင်မှုတွေ စုစည်းထားတာဖြစ်ပါတယ်။ နိုင်ငံတိုင်း မြို့တိုင်းက tour တွေ၊ ဝင်ခွင့် လက်မှတ်တွေ၊ ကားအကြို အပို့တွေ ရှာဖွေ ဝယ်ယူနိုင်ပါတယ်။

မန့်မှာ လင့်ချပေးထားပါတယ်

#ဥရောပသွားလည်ကြမယ်

27/01/2026