08/08/2024
ქვეყანა, სადაც ბავშვებთან ერთად უნდა იმოგზაურო 👇
პროლოგი: როცა ლუკა 7 თვის იყო, ბატეთის ტბაზე ხელით ავიყვანეთ. მაშინ შოკირებული ვიყავით ჩვენც და სხვებიც. როგორ შეძელითო?! ვივიკომ ლუკას რეკორდი გააუმჯობესა და 7 თვისამ დანიასა და შვედეთში იმოგზაურა 😍
👨👩👧👦მოკლედ, ამბავი იმაზე, როგორ ამოვყავით თავი ჰანს ქრისტიან ანდერსენის და ასტრიდ ლინდგრენის ქვეყნებში: ჩვენი ქორწინების 10 წლის იუბილე უცებ დავგეგმეთ. როცა ქვეყანას ვირჩევდით, ბევრი არც გვიფიქრია, ვიცოდით, რომ პირველ რიგში, გვჭირდებოდა ბავშვებზე ადაპტირებული ქვეყანა :) ასევე, ისეთი ქვეყანა, რომელშიც არც ჩვენ ვიყავით ნამყოფი. ჩვენი სკანდინავიის ქვეყნებისადმი სიყვარულმა, საბოლოო გადაწყვეტილებაც მიგვაღებინა.
ამგვარად, იხილეთ 10 რამ დანიის შესახებ 🇩🇰 და ცოტა შვედეთისაც...
1. ფაქტობრივად, 0-თან ახლოს იყო დისკომფორტის დონე ბავშვებთან და მით უფრო 7 თვის ბავშვთან მოგზაურობის გამო. ყველგან, აბსოლუტურად ყველგან ვიარეთ ეტლით, ქუჩაში, მუზეუმში, პარკში, ავტობუსში, მატარებელში, მეტროში, მაღაზიაში, კაფეში, არსად, ააარსად ეტლი ხელში არ აგვღია და მისი ხელით გადატანა არ დაგვჭირვებია.
2. დანია პატარა ქვეყანაა, თუმცა, ეს ხელს არ უშლით იმაში, რომ დედაქალაქ კოპენჰაგენში სივრცე იგრძნობოდეს, უდიდესი პარკებით, სკვერებით, სასეირნო ადგილებით;
3. თუ ბავშვებთან ერთად წახვალთ, კოპენჰაგენში პარკების გარდა არის უამრავი გასართობი ადგილი: უუუზარმაზარი აკვარიუმი, ჰანს ქრისტიან ანდერსენის თემატური მუზეუმი, Tivoli-ს პარკი, უამრავი გასართობებით და ა.შ.
4. კოპენჰაგენი იმ ყველა ქალაქზე მეტად ეკომეგობრული აღმოჩნდა, რაც კი ამ დრომდე გვინახავს (ოსლოს გარდა). ქალაქში ძირითადი ტრანსპორტი არის ველოსიპედი, შემდეგ მეტრო, შემდეგ ავტობუსი და ბოლოს მანქანა.
5. დანიელებს ეტყობათ, რომ ნორვეგიელების ბიძაშვილები არიან. ყველაფერში. გარეგნობიდან დაწყებული, შეგნებით დასრულებული.
6. მიუხედავად იმისა, რომ კოპენჰაგენი არაა დიდი ქალაქი, აქ უამრავი, ალბათ ათი მაინც სასახლე-მუზეუმი-ციხეა. ყველა ულამაზესია და თუ დიდი ხნით არ ხარ ჩასული, ვერც მოასწრებ ნახვას და არც ღირს თავის გაგიჟება. 1-2 საკმარისია.
7. ფასები - ძვირი არა, უძვირესი. (ერთი ნაკლი ძლივს მოვუძებნეთ). აქ ბიუჯეტურად მოგზაურობა რთულია. თუმცა შესაძლებელი.
8. Copenhagen Card - თუ ბევრი ღირსშესანიშნაობის ნახვა გინდათ, ეს უნდა იყიდოთ და მერე ყველგან უფასოდ დადიხართ, ამაში შედის ნავით გასეირნება და საზოგადოებრივი ტრანსპორტით მგზავრობაც. არის 1, 2 და 3-დღიანი CARD-ები და საკმაოდ დიდი შეღავათია.
9. ნავით გასეირნება - ეს ერთ-ერთი must-to-do ამბავია კოპენჰაგენში, ასე უფრო კარგად აღიქვამთ ამ ქალაქის სილამაზეებს.
10. ერესუნის ხიდი - ალბათ ყველაზე ცნობილი ღირსშესანიშნაობაა კოპენჰაგენში Little Marmaid-ის შემდეგ. ეს ხიდი ევროპაში სიგრძით მეორეა და იგი დანიას შვედეთთან აკავშირებს. ზღვაში აშენებულ ამ ხიდს გადის მატარებელიც და ავტობუსიც და ამ ხიდის გადავლა ალბათ, უნდა გამოსცადოთ, საიდანაც ჩანს წყალში განთავსებული ქარის ელექტროსადგურიც...
დანარჩენი იხილეთ ფოტოებში
