East Shoa Zone Transport Agency communication page

06/01/2026

Muddee 28/2018
Godina Shawaa Bahaa
Aanaa Boosat
Magaalaa Oolan Citiitti
Hojii Eebbifamaan Raawwatame
""""""""""""""'''''''''''''''''''''''''''''''''''''''''''''''''''''''
Qindoomina Ejensii Geejjiba Godina Fi Waldaalee Deddeebisa Ummataa Godina Shawaa Bahaa waliin ta'uun mannii harmee tokko Aanaa Boosat magaalaa Oolan Citiitti ijaaramee xummuramee Bakka Hogganaan Ejensii Geejjiba Godinaa Obboo Alamaayyoo Masqalaa fi Bulchaan Aanaa Boosat Obboo Guutama Ibsaa akkasumas Koreen Boordii Waldaalee argamanitti Furtuun manichaa Harmeef dabarfamee kennamee jira.

Bulchaan Aanaa Boosat Obboo Guutamaa Ibsaa wayta yaada isaani kennanitti
Hojii Eebbifamaa kana fakkaatuu Aanaa keenya akka Godinaatti filattanii Mana harmee ijaartanii nuuf dabarsuu keessaniif galata guddaa qabduu jedhanii jiru.
Itti dabaluunis Hogganaan Ejensii Geejjiba Godina Obboo Alamaayyoo Masqalaa akka jedhanitti nama rakkate bira dhaabbachuun Geejjiba biratti kan baratamee ta'uu ibsuun, kun ni jalqabame malee isa xummuraatii miti mana qofa ijaaranii harmee kanaaf kennuun gahaa waan hin taaneef bu'uura irraa rakkoo harmee kanaa furuuf waan ittiin jiraattu gochuufin murteessaa ta'uu kaasuun, Lafti amma mana irratti ijaarre kuniis karaa Bulchiinsa Aanaa Boosatiin haalli mijateefii waraqaan abbaa qabeenyummaa lafaa mana jireenya harmee kanaaf akka kennamuuf dhaamanii jiru.
Waldaaleenis yaada wayta kennanitti harmeen tun waan jireenya ishee ittiin gaggeeffattuu fi ijoollee kana ittiinguddiftuu Dunkaana ijaarree fi akka daldalattu meeshaa dunkaanaa Shaqaxaa Shaqaxii akka waldaa deddeebisa Ummataa yeroo gabaabaa keessatti ni guunnaaf jechuun waadaa galanii jiru

05/01/2026

Muddee 27/2018
Godina Shawaa Bahaa
Bulchiinsa Magaalaa maqiitti
Sosochii nageenya tiraafikaa gaggeeffame.
qindoomna Ejeensii geejjiba Magaalaa Maqii W/ra Poolisii magaaala maqii,W/ra poolisii Aanaa Dugdaa fi Daandii fi Loojistikii Aanaa Dugdaa waliin ta'uun Bakka Kantiibaan Magaalichaa fi Hoggantoonni Aanaa Dugdaa fi magaalichaa argamanitti ayyaanichi bifa ho'aa fi miidhagaa ta'een kabajamee jira.

08/10/2025

Ministeerri Geejjibaa fi Loojistiksii Lakkoofsa Gabatee Konkolaataa haaraa ifoomse.
==============================
Ministirri Ministeera Geejjibaa fi Loojistiksii Dooktar Alamuu Simeen dhimmicha ilaalchisee miidiyaaleef ibsa kennaniiru.

Gosootnii fi mallattooleen Lakkoofsa Gabatee Konkolaataa haaraan akkaataa qajeelfama kenniinsa tajaajilaa fi murtoo lakkoofsa 1015/2017 qophaa’uu Dooktar Alamuun miidiyaaleetti himaniiru.

Bu’uura qajeelfamichaan lakkoofsi gabatee Konkolaataa moofaan isa haaraan kan bakka bu’u ta’uus dubbataniiru.

Kana dura haalli oomishaa fi raabsaa lakkoofsa gabatee konkolaataa hanqina qabaachuu Kan dubbatan ministirichi.

Gabateen haaraan kun garuu rakkicha kan furu ta'uu ibsaniiru.

Dooktar Alamuun itti dabaluun gabateen haaraan kun ibsituuwwan Itiyoophiyaa kan qabu fi Ulaagaa idil addunyaa kan guuttateedha jedhaniiru.

Yeroo ammaa gabateewwan kumni 50 agarsiisaaf qophaa’uu ibsuun.

Hojiin Diijitaalaa xumuramuun adeemsi jijjiiruu yeroo dhiyootti kan eegalamu ta’uus dubbataniiru.

Bara 2018 keessa guutummaatti jijjiiruun xumuruuf qophiin barbaachisu xumuramu Dooktar Alamuun ibsaniiru.

17/08/2025

Tajaajila geejjibaa ammayyaa'aa, si'ataafi dhaqqabamaa taasisuuf qindoominaan hojjechuun murteessaadha.

Ejensiin Geejjibaa Godina Shawaa Bahaa tajaajila geejjibaa qaamolee dhimmamtoota waliin raawwii hojii bara 2017 ciminootafi hanqinaalee jiran irratti mari'achuudhan karoora 2018 fi appilikeeshinii adabbii tiraafikaa irraatti leenjii hubannoo uumuu kennaa jira.

Tajaajila geejjibaa ammayyaa'aa, Si'ataafi dhaqqabamaa taasisuuf qindoominaan hojjechuun barbaachisaadha jedhan Itti Gaafatamaan Ejensii Geejjibaa Godina Shawaa Bahaa Obbo Alamaayyoo Masqalaa.

Qindeessaan Nageenya tiraafikaa Godina Shawaa Bahaa Itti Aanaan Inispeektaraa Warqinaa Sarbeessaa, nageenya tiraafikaa eegsisuun lubbuufi qabeenya badu oolchuuf qindoominaan hojjechuun murteessaadha jechuun nageenya tiraafikaa eegsisuun gahee nama hundaa akka ta'e himan.

26/05/2025

Caamsaa 18/2017
Go/sha/Bahaa Aanaa Booraatti torbeen nageenya tiraafiikaa kabajame.
Duula torbee nageenyaa kana irrattis Barattoota manneen Barnootaa Aanichaafis hubannoon kennameera.
Go/sha/Bahaa Aanaa Booraatti w/ra Too'attoonni Daandii fi Loojistikii fi Too'attoonni Poolis tiraafiikaa waliin ta'uun qindoominaan balaa tiraafiikaa lubbuu namaa fi qabeenya irratti miidhaa geessisaa jiru xiqqeessuuf duulaan hubannoo hawaasaa kan cimsan ta'uu It/kutaa To/Nageenya tiraafikaa waajj/po/Aanaa Booraa Insp/ol.Abrahaam Asaffaa fi It/gaf/To/Ejansii Geejjibaa Aanichaa Obbo.Yaa'ii Raggasaa
Balaan tiraafiikaa dhibee kamiiyyuu caalaa lubbuu namaa kan miidhaa jiru kana xiqqeessuun Guddina diinagdee biyyi keenya qabattee jirtu galmaan gahuuf miidhaa balaan tiraafiikaa geessisu hawaasa hubachiisuun namni kamiiiyyuu danbii naamusa Geejjibaa kabajuu akka qabu It/gaf/kutaa To/Nageenya tiraafiikaa Qaj/Go/sha/Bahaa Insp/It/A.Warqinaa Sarbeessaa fi It/gaf/Ejansii Geejjiba Go/sha/Bahaa Obbo Alamaayyoo Masqalaa himaniiru.
Deeggartoonni tiraafiikaa dubbisnes hubannoo arganiin balaa tiraafiikaa xiqqeessuuf gahee isaanii akka bahachuu qaban dubbataniiru.

03/03/2025

Guraandhala 24/2017
Ejensii Geejjibaa Godina Shawaa Bahaa fi Qajeelcha Poolisii Godina Shawaa Bahaa waliin ta'uun Aanaalee fi Magaalota irratti deeggarsaa fi hordoffii gaggeessaa jiru.
Sirna Deeggarsaa kanaanis rakkoolee Al-naamusummaa geejjiba daandii fi rakkoo qindoomina sadarkaa sadarkaan jiru irratti mariin bal'aanis taasifamee kan jiruu fi keessattu al-seerummaa geejjibaa magaalota ollaa irraa ka'u irrattis mariin kun qaama ilaallatuu fi qooda fudhattoota waliin kan gaggeeffamu ta'uu Gareen deeggarsaaf qindoominaan Godina irraa gadi bu'e kaasanii jiru.

27/02/2025

Guraandhala 20/2017
Ejensiin Geejjiba Godina Shawaa Bahaa Mata duŕee Haaromsa Aadaa Oromoo irratti Hojjattoota Mana hojiitiif hubannoon Itti Gaafatamaa Ejensichaa Obboo Alamaayyoo Masqalaatin kennamee jira

25/02/2025

Gurraandhala 18/2017
Adaamaa
/////////////////////////////
Qindoomina Ejensii Geejjiba Godina Shawaa Bahaa fi Qajeelcha Poolisii Godina Shawaa Bahaatiin leenjiin qindeessitoota Tiraafika Aanaalee, Too'attoota poolisi Tiraafikaa Daandii Saffisaa, Dursitoota Garee Nageenya Tiraafikaa fi Too'attoota Tiraafika Daandii fi loojistikii Aanaalee fi Too'attoota Ejeensii Magaalotaatiif Mata dureewwan gara garaa kan akka Laanjii nageenyummaa daandii, Dambii naheenya tiraafikaa haaraa lakk. 557/2016, Naamusa iddoo hojii fi Dambii Inshuraansii qaama 3ffaa lakk 554/2016 irratti leenjiin kennamee jira.

Leenjii kennamu kanarrattis argamuun Haasaa baniinsa wayta taasisan Itti Gaafatamaa Ejensii Geejjiba Godina Shawaa Bahaa Obboo Alamaayyoo Masqalaa hammeenyummaa Balaa tiraafiikaa lubbuu namaa fi qabeenya mancaasu xiqqeessuudhaaf leenjiin kennamu kun murteessaa ta'uun hubatamee leenjicha xiyyeeffannoo addaan akka hordofamu himan.

Leenjiichas kan kennan Qindeessaa poolisii Tiraafikaa QajeeIcha Poolisii Godina Shawaa Bahaa insp.Warqinaa sarbeessaa fi Dursaan Garee Ejensii Geejjiba Godinaa Obboo Addis Alamaayyoo akka himanitti leenjii Danbii haaraa Fooyya'ee bahe akkaata hojjirra oolchuun rakkoolee Balaa tiraafiikaa fi komii hawaasni Geejjibarratti qabu xiqqeessuudhaa fi ciminoota jiran itti fufsiisuudhaa fi hanqinootaa raawwii hojii keessatti mul'atan maqsuudhaaf leenjiin kun kan barbaachise ta'uus dubbataniiru.

Suukaneessummaa Balaa tiraafiikaa lubbuu namaa fi qabeenya irra gahu hawaasni fi qooda fudhattootni hundi gahee isaanirraa eeggamu bahachuu akka qabuus himuun,Leenjii hubannoo uumuu kana irrattis keessatti hanqinoota akka naamusa konkolaachiftootaa ,rakkoolee Abbootii qabeenyaatiin kan wal-qabate dursanii teeknika konkolaataa sirreessuu dhabuun, fi konkolaataa dhoksuun,mallattoolee tokko tokko iddoo balaan uumamutti dhaabbachuu dhabuu,gahumsa konkolaachisaa, wal-qabatee,lafoo deemtotni bitaa isaanii qabatanii imaluu dhabuun,Darbaa fe'uun,taarifaan ala kaffalchiisuu konkolaachistootaa,Boolloo,Inshuraansii qaama 3ffaa hin qabne irratti kutannoon hojjechuu dhabuun,al-naamusummaa too'attoota bira kan jiru maqsuuf haal-duree tokko malee hojjechuu akka qaban irratti mari'atameen booda Itti Gaafatamaan Ejensii Geejjiba Godina Sh/Bahaa Obboo Alamaayyoo Masqalaa kallattii hojii fuuladuraas kaa'aniiru.

21/02/2025

Guraandhala 14/06/2017

Ejensiin Geejjiba Godinaa Shawaa Bahaa fi Qajeelcha Poolisii Godina shawaa Bahaatti Diivizyinii mirkaneessa Nageenya Tiraafikaa waliin ta'uun Bakka Hogganaan Ejensii Geejjibaa Godinaa Shawaa Bahaa Obboo Alamaayyoo Masqalaa argamanitti marii qindoomina hojii gaggeeffame jira.

Marii qindoominaa kanaanis raawwii hojii
ji'oottan darban keessatti raawwatame gamaaggamuun cimana ture daran akka itti fufuu fi hanqinaalee jiran immoo cheek-liistii qindoominaatiin yeroo gabaabaa keessatti xiyyeeffannoo addaan akka irratti hojjatamuu fi hojiin hundi qooda fudhattoota sadarkaa sadarkaan jiran waliin qindoominaan hojjatamuu akka qabuu, Hogganaan Ejensichaa Obboo Alamaayyoo Masqalaa kallattii hojii fuula duraa kaa'anii jiru

20/02/2025

Guraandhala 13/06/2017
Ejensii Geejjiba Godina Shawaa Bahaa
Caffe Donsaa
Sosochiin Torbee Nageenya Tiraafikaa Aanaa Gumbichuutti Kabajame.

Qindeessummaa Wra/Daandii Fi Loojistiksii Fi Wra/Poolisii Aanaa Gumbichuutiin Sosochiin torbee nageenya tiraafikaa Kabajame

Itti Gaafatamaan Ejensii Geejjiba Godina Shawas bahaa Obbo Alamaayyoo Masqalaa Sosochii geejjibaa sirnaan yoo itti fayyadamuu baanne miidhaan balaa tiraafika qabeenya fi Lubbuu nama irratti qaqqaabsisaa olaanaadha jedhan.

Itti Aantuun bulchaa, fi I/G/W/Qonnaa, Horsisee Bulaa fi Lafaa Aanaa Gumbichuu Shamarree Mabraat Ballaxaa Of-eeggannoo fi itti gaafatamummaadhaan yoo konkolaachisnee fi ummanni daandii irra yeroo sochii taasisu of-eeggannoodhan yoo sochoo'e balaa tiraafikaa hir'isuun akka danda'amu dubbatan

23/11/2024

ADAAMAA, Sadaasa 13/2017(EShC)-
Ejensii Geejjibaa Godina Shawaa Bahaatti Adeemsa Nageenya Tiraafikaa Too'attoota Aanaalee fi Magaalota keenya hundaaf Qajeelfama Nageenya Tiraafikaa irratti Leenjii gabaabaa hubannoo isaanii cimsuu kennuu fi dabalataaniis gamaaggama raawwi hojii Kurmaana 1ffaa Magaalaa Adamaatti gaggeesse jira.

Itti Gaafatamaan Ejensii Geejjibaa Godina Shawaa Bahaa Obbo Alamaayyoo Masqalaa haasa'a baniinsaa fi kaayyoo waltajjichaa wayta barsiisanitti , Hanqinaalee fi ciminnoota raawwii hojiiwwan keessatti mul'atan adda baasuun fayadamummaa ummataa mirkaneessuu galmoota karoora xiiqii qabameen ariitii fi qulqulinaan hojjachuu qabna jedhan.
Itti dabaluunis sababa balaa tiraafikaan dhufu hir'isuuf hojiin too'annoo gaggeessuu fi hubannoo akka uumamuu xiyyeeffannoo yoo kennamee miidhaa lubbuu namaa fi qabeenya manca'uu hambisa jedhan.
Dursaa Garee Mirkaneessa Nageenya Tiraafikaa Godina Obboo Addis Alamaayyoo wayta leenjicha kennanitti, hubannoo argattaniin qulqullummaa fi Naamusa gaariin ummata keessan tajaajiluun isin akka irraa eeggamuu fi Raawwii hojiiwwan kurmaana 1ffaa keessatti hojjetamaanii Milkaa'ina argaman cimsuun itti fufiinsaan hojjachuu fi hanqinaalee mul'atan yeroo gabaaba keessatti sirreessuu barbaachisaa jedhan.
Hoogganaa Ejensii Geejjiba Godina Shawaa Bahaa Obbo Alamaayyoo Ma'qalaa Leenjii kennamee fi Gamaaggama Raawwii kana irratti argamuun kallattii hojii kaa'anii jiru. kallattiiwwan kaawwaman keessaayis:-
1. Hoggantoonnii fi Dursitoonni Garee Hojiiwwan akka Mana hojiitti raawwataman wal-tumsuun Hawwattummaa tajaajila Geejjibaa daran dabaluu qabdu Keessattuu Too'annoon daandii karaa alseerummaa geejjiba keessa jiru dhabamsiisuun danda'amuun irratti xiyyeeffatamee hojjetamuu akk qabu.
2. Too'annoon gaggeeffamu komii hawaasa irraa ka'uu darbaa fe'uu fi taarifaa olkafchiisuu hambisuun mirga imalaa kabachiisuun Qixa Uummanni nurraa eeguun tajaajila kennuun nu irraa eeggama jedhani jiru
3. Hanqinoota Raawwii hojii keessatti mul'atan xiyyeeffannoo addaan raawwatamuu qaba
Dabalataaniis jedhan hojiin alseerummaa naannoo baajaajii jiru aanaaleefi magaalonni yeroo gabaabaa keessatti qulqulleessuun gara seera qabeessatti akka dhufan irratti hojjechuun murteessaa ta'uu himanii jiru
4. Sosochii Torbee Nageenya Tiraafikaa Aanaalee fi Magaalota hundarrattuu gaggeeffamuu qaba
5. Konkolaattota bobbii irraa badanii seeran ala Aanaa keessan keessatti tajaajila sarviisii dhaabbilee gara garaaf kennan irratti hojjechuun seera bobbiitti deebisuu qabduu jedhan
6. Qindoominni sadarkaa sadarkaan jiru karooraa fi sagantaan deeggaramee cimuu akka qabu kallattii hojii keessatti kaa'anii jiru.

07/10/2024