03/05/2026
Nai, es luz no meu camiñar,
coma faro que guía no mar,
en Corrubedo aprendín
que o teu amor non ten fin.
Entre ondas, vento e sal,
medrei co teu querer leal,
coma os mariñeiros ao voltar,
sempre en ti quero ancorar.
Es a forza que me ergueu,
cando o vento forte soprou,
coma barca que sabe loitar
sen medo a naufragar.
No teu colo aprendín
que o amor non ten fin,
que unha aperta pode curar
o que o mar non pode calmar.
Es marea que vén e vai,
pero nunca me deixa atrás,
es porto firme e fiel
cando a vida se volve cruel.
Se algún día me perdo no mar,
sen rumbo nin sinal,
sei que en ti podo atopar
terra firme onde chegar.
Por todo o que me das,
por estar sempre detrás,
hoxe quérote cantar
coma as ondas ao chegar.
Nai, fogar xunto ao mar,
raíz fonda de Corrubedo e sal,
grazas por tanto amor dar,
hoxe e sempre… Feliz Día da Nai. 💐
