ACTÚA SOSTIBLE
sustentabilidade, responsabilidade social e medio ambiente
ACTÚA SOSTIBLE
é unha consultoría destinada a servir ás empresas, ás administracións públicas e ao terceiro sector e a achegar os seus coñecementos en materia de sustentabilidade, responsabilidade social empresarial e medio ambiente. Para iso ACTÚA SOSTIBLE mantén unha estreita colaboración con persoas e empresas cuxa actividade ten como obxectivo avanzar na mellora dos procesos e dos seus obxectivos ambientais. A crecente aplicación do concepto de desenvolvemento sostible en todos os ámbitos, fai referencia a un modo de desenvolvemento que responde ás necesidades do presente sen comprometer a capacidade das xeracións futuras de satisfacer as súas propias necesidades. Polo tanto, é necesario actuar desde unha tripla perspectiva: na procura dun desenvolvemento economicamente eficaz, socialmente equitativo e sostible desde o punto de vista ambiental. Para conseguir este obxectivo é fundamental partir dun coñecemento concreto dos problemas. É neste punto onde ACTÚA SOSTIBLE ponse á súa disposición para ofrecerlle os seus servizos nun proceso de mellora continua.
