في وقت معين من السنة وبالذات فصل الصيف مش بـ يكون فيه حاجات كتير تـ تعمل أو أماكن تتراح وبـ تكتر الزيارات العائلية عشان مفيش حاجة تانية تـ تعم
ل. لو عايز تغير الروتين ده هـ نقولك على فكرة جديدة، سفرية على البحر الأحمر وبالتحديد في العين السخنة، وتعمل مغامرة بحرية بـ تأجير يخت وتدخل بيه جوة البحر طول اليوم، وتهرب من زحمة الدنيا وملل الوقت ده من السنة. إيجار اليخوت شغال طول السنة بس الطلب بـ يزيد عل
يه في الوقت اللي بين الشتاء وأول الربيع، حضَّر كريم حماية البشرة بتاعك واستعد لرحلة فريدة من نوعها.
ممكن تستمتع بأقل تكلفة ممكنة والأسعار دي بـ تختلف حسب حجم اليخت وبـ ياخد كام فرد.
اليخت بـ يتحرك من مرسى قدام «بورتو سخنة» مباشرة، تتحرك بيه في المية زي ما انت عايز وتستمتع بالشمس وتتنفس هوا نقي، أو ممكن تقضي اليوم في حمام شمس طويل ومركز، ولو جالك قلب ممكن تنزل تعوم في المية المتلجة.
اليخت تحت أمرك من 6 الصبح لـ6 المغرب، وقت معمول مخصوص عشان تلحق منظر الشروق والغروب الهايل، بس موضوع الوقت ده يرجعلك فما تقلقش انت مش لازم تروح الفجر كده
المية والهوا طبعاً هـ يجوعوك، ممكن تاكل السمك الطازة بـ يتباع مشوي ومعاه رز وخضار بـ يحضرهم الكابتن بتاع المركب٬ والسمك ده ممكن انت تـ تصطاده أو هـ طاقم اليخت اللي معاك، لو مش حابب تعمل كده ممكن تجيب معاك أكلات خفيفة. ولو بـ تحب الصيد ممكن تستخدم السنارات اللي في اليخت، بس لو انت صياد محترف أكيد هـ تحب تجيب عدة الصيد الخاصة بيك، الطاقم اللي شغال في اليخت هـ يحمسك أنك تصطاد لأن طول الوقت هما بـ يصطادوا
ممكن تشغل مزيكا أو تلعب مزيكا أو تلعب كوتشينة وتاكل وتشرب وتصور فوتوغرافية المناظر البديعة حواليك، أو تنزِّل الهلب وتنزل تغطس شوية. في سماعات وستريو بـ يتوصل عليه iPod ، لو عايز تجيب الأغاني اللي بـ تحبها على سي دي أو فلاش يكون أحسن.
رحلة رائعة ليوم واحد برة القاهرة وبأقل التكاليف، إسترخاء وهوا نضيف وشمس ووقت ظريف مع أصحابك على شواطئ العين السخنة، وليك الحرية انك توقف المركب في أي وقت عشان تستمتع بالجو أو حتى تغطسلك غطسين.
إزاي تعمل الرحلة: عشان تحجز أو تستعلم عن أي حاجة إتصل بـ 01111831219
Alerts
Be the first to know and let us send you an email when ايجار يخوت فى العين السخنة posts news and promotions. Your email address will not be used for any other purpose, and you can unsubscribe at any time.
