20/08/2026
شهر عسل جوا مصر ولا بره؟ 💍✈️❤️
داخل على جواز وعايز تقضي شهر العسل ومحتار تروح فين؟!
🔹اسيل ترافل حتشاركك في الاختيار وتنفذهولك وتجهز كل حاجه
هات كوبايتك اللي فيها شاي أو قهوة ☕️، وركز معايا شويتين تلاتة كده وأنا هاديك الزيتونة 😁
1️⃣ الجزء الأول من البوست عن شهر العسل اللي بره مصر:
والجزء التاني هاتلاقيه تحت عن جوا مصر 👇
✈️ الأول: بره مصر
إنت في شهر العسل بتبقى محتاج “رفاهية وانبساط ودلع”، فهنركز على الدول اللي فيها الكلام ده، وهاقولك مميزات وعيوب كل دولة.
🌴 شرق آسيا بالترتيب ده:
* بالي
* تايلاند
* المالديف
المميزات:
1️⃣ الرفاهية مقابل السعر، يعني مثلاً ممكن تحجز برايفت فيلا فيها حمام سباحة
2️⃣ التعامل مع الناس هناك سهل جداً وطيبين لأقصى درجة ممكنة.
3️⃣ الفيزا يا عند الوصول يا سهلة جداً تعملها.
4️⃣ بحر وأكتيڤيتز وانتخة وكل حاجة.
العيوب:
1️⃣ أسعار الطيران 🔥
2️⃣ أكلهم مش ألطف حاجة (بتعتمد على السوبر ماركت والمطاعم الفرانشيز والإيطالي).
3️⃣ مسافات طيران بعيدة عن مصر.
⸻
🇱🇧 لبنان
المميزات:
1️⃣ أكل ولا أروع.
2️⃣ طيران رخيص مقارنة بالباقي.
3️⃣ شعب بيحبنا جداً وبيتكلموا نفس لغتنا، فالتواصل ولا أروع.
4️⃣ فيزا عند الوصول.
العيوب:
1️⃣ هو عيب واحد بس، إنك قبل ما تسافر تتأكد ان الدنيا امان، وحاليا امان الحمدلله
⸻
🇪🇺 أوروبا
المميزات:
1️⃣ أسعار طيران رخيصة.
2️⃣ أكل حلو.
3️⃣ أكتيڤيتز ومزارات ولا أروع.
العيوب:
1️⃣ كل حاجة أسعارها أغلى من الدول اللي فاتت (إقامة - أكل - شرب - مواصلات… إلخ).
2️⃣ اللغة، كتير منهم مش بيتكلموا إنجليزي.
3️⃣ فيزا صعبة وإجراءاتها رخمة (بتختلف من حالة لحالة).
تركيا 🇹🇷
1️⃣ اجواء طبيعيه ومزارات وخروج و اكل حلال وجبال وتلفريك ومزارات وتاريخية
بس يعيب عليها غلو الفيزا
🤔 طيب إحنا كعريس وعروسة نحدد إزاي أنهي الأنسب لينا؟!
1️⃣ البادجيت بتاعتكم عليها العامل الأكبر. لو بادجيت كبيرة فالاختيارات كلها متاحة، لو مقبولة يبقى عليكم وعلى لبنان.
2️⃣ اقعدوا مع بعض وشوفوا إنتوا حابين تعملوا إيه هناك:
* عايزين انتخة وريلاكسنج واستجمام وبس؟ يبقى المالديف مثلاً.
* عايزين حركة ومزارات ونايت لايف؟ أوروبا.
من الآخر، ادرسوا دولة دولة وشوفوا إيه اللي بيتعمل فيها قبل ما تاخدو قرار
⸻
2️⃣ زي ما اتكلمنا على بره، يلا بينا نتكلم على جوا مصر 🇪🇬❤️
🌊 سهل حشيش والغردقة
دي الوجهة رقم 1 لشهر العسل في مصر.
ميزة سهل حشيش إنها Fancy أكتر وهادية، وريزورتس كتير فيها Adults Only.
ميزة الغردقة إنها فيها أكتيڤيتز.
والاتنين بحرهم جميل ❤️
أنسب وقت: أي وقت ماعدا 6 و7 و8 وأول 9.
⸻
🏖️ شرم الشيخ
مش محتاجة كلام 😁
بس الجو بيبقى أحر من الغردقة وسهل حشيش، فابعد تماماً عن شهور الصيف من أول 5 لحد آخر 9.
والميزة بقى للي بيحب الأكتيڤيتز إنها أكتر بكتير في شرم الشيخ عن أي مكان تاني.
⸻
🌅 الأقصر وأسوان
ناس كتير مش بتحطها في الاعتبار كشهر عسل، بس عايز أقولك لو فرحك في يناير أو فبراير فدي هاتبقى واحدة من أحلى الأماكن اللي ممكن تقضي فيها شهر عسلك.
وهاتلاقي ريزورتس كتير فخمة وهاتتبسطوا جداً بالأجواء عموماً.
⸻
🌴 سيوة
دي بقى بتاعة شهر أكتوبر ونوفمبر أو مارس وأبريل.
بتاعة انتخة واستجمام وأجواء فصلان عن الدنيا كلها ❤️
⸻
🌊 مرسى علم
لو هاتروحها شهر عسل يبقى لازم طيران، لأن مشوارها فرهدة جداً وإنت مش هاتبقى ناقص فرهدة 😂
وبردو تبعد تماماً عن شهور الصيف 😁
⸻
🏝️ مرسى مطروح
ممكن تستغرب إني أرشحها، بس لو فرحك في الصيف أحب أقولك إن مطروح خيار جميل جداً.
وماتخفش من الزحمة وكده، لأن فيها ريزورتس أسعارها أغلى من شرم والغردقة أصلاً ومستواها عالي جداً.
⸻
❌ أماكن في مصر مانصحش بيها كشهر عسل:
* طابا
* نويبع
* دهب
دول بتوع فرهدة وLow Cost Travel أكتر منها شهر عسل 😁
⸻
❤️ طيب إيه الأحسن، بره ولا جوا؟!
مافيش أحسن وأوحش، فيه إنتوا قادرين على إيه؟
كده كده الأساس إنتوا، لو الدنيا صح بينكم هاتتبسطوا في أي مكان إنكم مع بعض! ❤️
وربنا يفرح قلوبكم كلكم
❤️اسيل ترافل
معاكم في الي يفرحكم
📞01061956565
📞01006600146
