https://www.facebook.com/moneim.fayez.7/

عبدالمنعم فايز العناني, الدبوسي, Mansoura (2026)

02/01/2022

قريبا مع الطواف

29/12/2021

للتعيين فورا في السعوديه
مهندس كهرباء
مهندس ميكانيكا
للتواصل والاستفسار واتس اب
01028925325
01030797697

28/12/2021

من القاهرة الي جدة
يوم 3 يناير ويوم 7 يناير
طيران + حجر مؤسسي ب 8500ج
اقلاع 8:30 صباحا
وصول 11:35 صباحا
وزن 30+7
الحجر المؤسسي شامل (الوجبات+الانتقالات+2تحليل PCR) .......................
من القاهره الي الرياض
يوم 31 ديسمبر ويوم 4 يناير
طيران +حجر مؤسسي ب 10500
اقلاع 3:10 عصرا
وصول 6:35 مساءا
وزن 30+7 ك
فلاي ناس
الحجر المؤسسي شامل (الوجبات+الانتقالات+2تحليل PCR)

07/11/2021

الذكري الخامسة علي وفاة أخويا.
المهندس/ أحمد فايز العناني (عريس الجنة ) .
الله يرحمك ويحسن اليك ياحبيبي ويرحم أبويا وأمي وجميع أموات المسلمين .ويصبرنا علي فراق جميع الاحباب يارب

06/11/2021

محل 5M للٱكسسوارات الحريمي
شربين .شارع الجيش .برج الشهاوي .
تليفون : ‏‪01013868420‬‏

https://www.facebook.com/mirazin2021

30/10/2021

الناس الذين قاموا بأشياء خاطئة في حقك ، سيعتقدون دائماً أن منشوراتك موّجهة اليهم . .

28/10/2021

" لا تـراهـن علـي هزيمتـي ".✋
". فإننـي شخص تخطي أسوء أيامه بلا كتـف يستنـد عليـه

26/10/2021

مـن أحـقـر الـبـشـر عـلـى وجـه الـأرض ، مـن شـبـع مـنـك وأنـكر فـضـلـك ، وقـال عـنـك مـا لـيـس فـيـك

25/10/2021

لا تحزن عند الصدمات فلولاها لبقينا مخدوعين لمدة طويلة هي قاسية ولكنها صادقة ... صباحكم خير

25/10/2021

**أزمة فيلم "ريش".. هل مصر مفيهاش فقراء؟**

- امبارح انتشرت أخبار عن انسحاب بعض الفنانين من عرض فيلم "ريش" في مهرجان الجونة السينمائي، والسبب اللي قاله الفنانين دول إنه الفيلم يسيء لسمعة مصر وبيعرض صور غير حقيقية للفقراء.

- وبغض النظر عن الجدل الفني عن الفيلم لأنه لسه متعرضش رسمي ومعظم الناس مشافتوش، لكنه الكل سمع عنه لما حصل على جائزة من مهرجان كان السينمائي الدولي، كأول فيلم مصري في التاريخ ياخد الجايزة دي.

- في خضم الجدل دا ممكن نحاول الإجابة على أسئلة زي هل فعلًا مصر مفيهاش فقراء ولا عشوائيات زي ما قال بعض الفنانين دول كمبرر لانسحابه من الفيلم؟ وده اللي هنتكلم عنه في البوست ده.

********
إيه قصة فيلم ريش؟

- الفيلم هو من إخراج المخرج الشاب "عمر الزهيري" وأبطاله كلهم مغمورين وأول مرة يمثلوا، وقصته بتدور حوالين أسرة فقيرة في صعيد مصر اللي اتصور فيها الفيلم.

- قصة فيلم ريش بتتناول أوضاع المرأة المعيلة، وبعض المشكلات الاجتماعية والاقتصادية بالنقد الساخر. وهو من إنتاج مصري فرنسي هولندي يوناني مشترك، وساهم في إنتاجه من مصر المنتج محمد حفظي.

- الفيلم من اللي اتكتب عنه بيقدم صورة ممزوجة من الواقع والخيال، بيحكى قصة أم كانت معتمدة بشكل كامل على زوجها، وبتلاقي نفسها فجأة مسؤولة بشكل كامل عن أسرة المكونة من 3 أطفال، بعد ما الأب اتحول لدجاجة بالخطأ على يد ساحر جابه يسلي ولاده في عيد ميلاد ابنه الكبير.

- بتقرر الأم تعيش مع الدجاجة على أمل إنها تتحول تاني ويرجع زوجها. بتنزل تشتغل في بيئة معادية للستات، وبتواجه قسوة الحياة وتحرش من صديق الزوج، لحد ما الزوج بيرجع للواقع مرة تانية لكنه رجع مشلول، وبيضيف عبء جديد على المرأة اللي بتشتغل وترعى أطفال منهم طفل رضيع، وزوج غير قادر على الحركة.

- الفيلم حصل على جائزة النقاد من مهرجان كان الدولي، وده أول فيلم مصري "طويل" ياخد جائزة من النوع دا في المهرجان، واللي بيتم منحها بعد رأي مجموعة من النقاد والمخرجين الدوليين في المهرجان، وبتكون المنافسة على الجائزة دي ما بين أفلام كتير من دول وجنسيات مختلفة.

- ونتيجة للنجاح التاريخي ده تم تكريم جميع صناع الفيلم من وزيرة الثقافة إيناس عبد الدايم في شهر أغسطس اللي فات، وصرحت وقتها إنها سعيدة بالإنجاز التاريخي ده، وأشادت بالمستوى الفني للفيلم، وبإنها خطوة لاستعادة الريادة للسينما المصرية.

- لكن مع عرض الفيلم في مهرجان الجونة السينمائي، انسحب مجموعة من الفنانين على رأسهم شريف منير، واللي قال في مداخلة مع عمرو أديب إنه الفيلم بيسيء لسمعة مصر، وإنه بيتكلم عن الفقراء والعشوائيات بشكل مبالغ فيه، وإنه دور الفن يجمل الصورة، وإنه مصر مبقاش فيها عشوائيات وفيها إنجازات وميصحش ده يتعرض.

- وبعد الموقف ده انطلق بعض الصحفيين والإعلاميين والبرلمانيين في نفس النغمة بالرغم من إنهم مشافوش الفيلم، لكن بقت موجة واحدة إنه ده فيلم ممول ومعمول عشان يرضي الأجانب ويدوله جوايز، والفيلم ما بيرصدش إنجازات الرئيس وغيره من الكلام.

- لدرجة إن فيه محامي تقدم ببلاغ للنائب العام ونيابة أمن الدولة العليا ضد مخرج وسيناريست ومنتج فيلم ريش لإساءته للدولة المصرية والمصريين، واتهمهم بتعمد إظهار صورة مسيئة وغير حقيقية لحياة المصريين والمجتمع المصري بأحداث الفيلم، وطالب بالتحقيق فيما ورد ببلاغه وإحالة المبلغ ضدهم للمحاكمة الجنائية العاجلة.

- دا كله لو بيحصل في إطار فني واعتراض مجموعة من الفنانين على شيء فني أو درامي معين كان ممكن يكون مقبول ويعدي سواء اتفقت أو اختلفت معاه، لكن اللي بيحصل الآن دا مطالبة بـ "إنكار واقع المصريين" أو البديل "التخوين"، وهنا بتكمن المشكلة ولازم نتناقش ونتكلم عن موضوع "الفقر" في مصر كواقع بعيدا حتى عن الفيلم.

*******

هل فعلًا مصر مفيهاش فقراء؟

- مصر لو مفيهاش فقراء ولا عشوائيات ولا مشكلة متجذرة، فليه الدولة بتعمل برامج زي نقل سكان العشوائيات لمساكن آدمية؟ أو مبادرة حياة كريمة اللي غرضها إنقاذ الريف من حالة نقص الخدمات الكبيرة اللي بيعاني منها؟ ببساطة لأنه الفقر زيادة جدًا وبشكل كبير وفي ملايين المواطنين في أوضاع شديدة الصعوبة.

- وهنا لما بنتكلم بنقول إن المشكلة موجودة وأها حصل بعض مجهود لتحسين الوضع، لكن الوضع بالأرقام لسه صعب جداً ومحتاج سنوات من العمل والتركيز ووضعه في الأولوية، لأننا موصلناش لسه لمرحلة القضاء على الفقر أو إنه ينزل لنسبة تكون الأقل في تاريخ مصر مثلا.

- وعشان نكون أكثر دقة خلينا نتكلم بالأرقام، بحسب آخر تقرير للجهاز المركزي للتعبئة العامة والإحصاء 2019- 2020، نسبة الفقراء في مصر 29.7% يعني حوالي تلت المصريين، والجهاز هنا بيعتبر الفقير هو الشخص اللي دخله الشهري 857 جنيه، يعني حوالي 30 مليون مواطن مصري فقر باعتراف الدولة.

- وخلينا نقول تعريف الفقر بالنسبة الجهاز المركزي للتعبئة العامة والإحصاء المصري "بأنه هو عدم توفير الحد الأدنى من الاحتياجات الأساسية للفرد أو الأسرة، وتتمثل هذه الاحتياجات في الطعام والمسكن والملبس وخدمات التعليم والصحة والمواصلات".

- وبغض النظر عن إنه في مشاكل في تحديد حجم الفقراء بالنسبة دي وبالأرقام دي لأن تضخم أسعار السلع الغذائية متزايد، وبالتالي قيمة الفلوس بتقل مع الوقت، وإنه الشخص اللي دخله الشهري 1200 جنيه هو برضه شخص فقير ووضعه المالي سيء وميقدرش ينفق إلا على الاحتياجات الرئيسية جدًا من الأكل والشرب والسكن والمواصلات.

- كمان كشف تقرير، تضمنه بحث الدخل والإنفاق أجراه الجهاز المركزي للتعبئة العامة والإحصاء، للفترة من 2019-2020، أن معدلات الفقر على مدار 21 سنة في مصر من 1999 حتى 2020 استمرت في الارتفاع التدريجي، ولم تنخفض وتتراجع لتنكسر مرة أخرى إلا في عام 2020 فقط.

- عندنا في مصر حجم عمالة غير منتظمة بيتراوح من 8 لـ 11 مليون عامل، كتير منهم مسؤولين عن أسر، وغالبية عملهم متقطع وغير منتظم زي عمال التراحيل مثلًا، يشتغل يوم في الأسبوع أو أربع خمس أيام في الشهر كله، والمفروض يدخر من دخله اللي بيجيله عشان يكفيه باقي الشهر.

- عندنا في مصر برضه 3.6 مليون أسرة دخلهم الشهري جاي من برنامج الدعم النقدي تكافل وكرامة، واللي بيدي دعم شهري بمقدار من 400 لـ 500 جنيه، عشان يطلع الناس دي برة دايرة الفقر أو يمنعهم من الجوع الكامل بالمنحة دي.

- الأرقام الرسمية الصادرة عن الجهاز المركزي للتعبئة العامة والإحصاء بتقول إن فيه 3.3 مليون أسرة مصرية تعولها نساء، ما يعني أن ما لا يقل عن 15 مليون مصري تضمن بقاءهم على قيد الحياة نساء، ودا جزء من موضوع الفيلم اللي بيسلط الضوء على "المرأة المعيلة".

- ولو كملنا في نفس النمط برصد أشكال وأوجه الفقر في مصر سواء في التعليم أو التغذية أو الصحة أو سكان العشوائيات هنلاقي أشكال كتيرة جدًا من الفقر، وميصحش إنه يكون فيه ناس عايشين معانا في نفس البلد ومش حاسين بإنه في ملايين الناس عايشة تحت خط الفقر، ودا واقعهم فعلا.

- طيب هل الفنانين دول ميعرفوش بتصدر صعيد مصر (مكان تصوير الفيلم) قائمة المحافظات الأكثر فقرا في الجمهورية بأرقام مفزعة بتعدي 50% في بعض المحافظات (يعني فيه محافظات كاملة في الصعيد أكثر من نص سكانها فقراء).

- والأبعاد دي بتقول إن نسبة الفقر في مصر مش بس المؤشر على زيادة الفقر، لأنه الفقر في مصر متعدد الأوجه، يعني مش فقر فلوس بس زي ما قولنا فوق، على سبيل المثال مصر لسه بتعاني من ارتفاع معدل البطالة بين الشباب، اللي هو حوالي 17 % يعني ضعف معدل البطالة العادي، دا غير أرقام التعليم والصحة وغيره.

- وهنا بنتكلم على بلد أكتر من 100 مليون يعني الأرقام دي بتترجم لملايين الناس مش أرقام بسيطة ولا حاجة وعايشين في مصر، ومتكلمناش هنا لا عن الطبقة الوسطى ولا العدالة والمساواة بين المصريين، لكن بنتكلم عن مصريين مبيحصلوش عن أساسيات الأساسيات، فهل ينفع حد يعترض على تقرير الواقع دا في فيلم؟

*****

نشوف ايه من دا كله؟

- في النهاية وبغض النظر عن موقف الفنانين الغريب من "موضوع الفيلم" ومهاجمته، بنشوف إنه مينفعش نقول للفنانين دول يعملوا ايه وميعملوش ايه عموما في فنهم وأعمالهم اللي بتعبر عن وجهة نظرهم اللي نتفق أو نختلف معاها، لكن في المقابل عليهم واجب هما كمان إنهم ميتجاهلوش واقع مجتمعنا لصالح دعاية سياسية تطوعية، لأنه ميصحش أبدا يكون عندنا فنانين وممثلين مش شايفين المجتمع المصري خارج أسوار الكومباوندات المغلقة والإعلانات، ويكون عندهم رفض لتصوير الفقر والفقراء واعتباره "شيء مسيء" لمفهومهم عن مصر.

- قضية الفقر حاضرة في الفن المصري من أيام الملكية لأنهم مشكلة مستفحلة تماما ومتوحشة، وتسليط الضوء عليها شيء إيجابي في العموم، والأمثلة عن الأفلام اللي بتتكلم عن الفقراء لا تعد ولا تحصى.

- الأغرب بقى إن بعض الفنانين اللي بيهاجموا موضوع الفيلم شاركوا في أفلام شبيهة اتكلمت عن أوضاع الفقراء في مصر، ووقتها محدش قال "إنت بتشوه سمعة البلد".

- التوسع في اتهام "الإساءة لسمعة مصر" مش دليل صحة أبدا، وربما يفسر على إنه حساسية ملهاش أي داعي، أو يفسر تفسير سيء إنه تطبيل وتملق، ومشكلة الفقر مش هتنتهي لو الأفلام سكتت أو الناس بطلت تتكلم.

- كتير من الفنانين والمبدعين تعرضوا لاتهامات مشابهة، مفيش عليها أي دليل على مر عصور مختلفة، بل إن الواقع بيصدق أفلامهم بالأرقام وعيون الناس اللي عايشه واقعها هي اللي بتحكم.

- كنا نتمنى إنه يحصل نقد حقيقي للفيلم اللي عمل إنجاز مصري مش قليل يستحق الاحتفاء، مش يتعرض لنمط دعاية سلبية ذات طابع سياسي جوا مهرجان فني، رغم إن الدولة نفسها مقالتش عنه كده بل كرمته.

********

-

25/10/2021

**انقلاب عسكري في السودان.. خالص التضامن والدعم لأهلنا في السودان**

- من حوالي ساعتين بدأ الحديث عن عملية انقلاب عسكري في السودان بشكل متكامل، قوات عسكرية بدأت باعتقال أعضاء من الحكومة من المدنيين واعتقال مجموعة من رؤساء الأحزاب، ووضع رئيس الوزراء السوداني عبد الله حمدوك تحت الإقامة الجبرية.

- أبرز المعتقلين لحد الان وزير الصناعة، والي الخرطوم، محمد الفكي سليمان عضو مجلس السيادة، وزير الإعلام، وزير الاتصالات، المستشار الإعلامي لرئيس الوزراء، رئيس حزب البعث، رئيس حزب المؤتمر، رئيس حزب التجمع الاتحادي، والعديد من الأسماء المدنية البارزة.

- تجمع المهنيين السودانيين أطلق نداء للشعب السوداني بالتحرك ضد الانقلاب العسكري الساعي للاستيلاء على السلطة، قال فيه "تتوارد الأنباء عن تحرك عسكري يهدف للاستيلاء على السلطة..نتوجه بندائنا لجماهير الشعب السوداني وقواه الثورية ولجان المقاومة في الأحياء بكل المدن والقرى والفرقان، للخروج للشوارع واحتلالها تماماً، والتجهيز لمقاومة أي انقلاب عسكري بغض النظر عن القوى التي تقف خلفه."

- وأطلق التجمع بيان تاني من دقايق بيحذر فيه من قطع خدمة الانترنت، وهو اللي حصل فعلًا بقطع جميع وسائل الاتصالات في السودان.

- كمان الأخبار بتقول إنه حصل إغلاق كامل لجميع الطرق المؤدية للخرطوم لمنع أي تجمعات أو مظاهرات، وفي انتظار إعلان رسمي من الجيش عن عملية الانقلاب حتى الآن، ومين في مقدمتها بالظبط.

- التحركات دي بعد أيام قليلة من مظاهرات ملايين السودانيين الداعمة للحكم المدني، وقبل أسابيع من موعد تسليم السلطة للمدنيين حسب الاتفاق الموقع بين أطراف الثورة السودانية من المدنيين وقيادات الجيش، واللي حصل فيه وساطة دولية كبيرة وبارزة.

- ومن أسابيع، بيتصاعد التوتر بين المكونين العسكري والمدني في السلطة الانتقالية على خلفية انتقادات وجهتها القيادات العسكرية للقوى السياسية بعد إحباط محاولة انقلاب في 21 سبتمبر اللي فات والخلاف بشأن ترتيبات تسليم رئاسة مجلس السيادة إلى المدنيين وفقا للوثيقة الدستورية.

- مش معروف قادة الانقلاب العسكري هيعتمدوا على أي دعم من الخارج، خاصة مع وجود دور بارز لدول إقليمية وقوى دولية كبيرة في محاولة الانتقال الديمقراطي للسلطة في السودان، وحتى الزيارات الأخيرة من المبعوث الأمريكي الرسمي كانت بتحذر من أي انقلاب وبتدعي للتعاون لإتمام عملية التحول الديمقراطي بما فيها الزيارة الأخيرة واللي كان الحضور فيها البرهان (قائد الجيش) وحميدتي (قائد قوات الدعم السريع) وحمدوك (رئيس الوزراء).

- والمحاولة الانقلابية دي بتيجي بعد ساعات بس من الإعلان عن تقديم الولايات المتحدة مقترحات لحل الأزمة السياسية الراهنة، وتعهد رئيس مجلس السيادة الانتقالي الفريق أول ركن عبد الفتاح البرهان بدراستها مع رئيس مجلس الوزراء عبد الله حمدوك، لكن فوجئ الجميع دلوقتي بأنباء إن حمدوك قيد الإقامة الجبرية.

- اللي بيحصل دا واللي هتبان تفاصيله أكتر في الساعات اللي جاية وهنتابعها معاكم، رِدّة قوية عن مسار الديمقراطية في السودان، وانقلاب على "المرحلة الانتقالية" من جانب المكون العسكري على الشركاء المدنيين في الحكم.

- وبحسب البيانات المتاحة من المتوقع إن المكون المدني في السودان هيقاوم عملية الانقلاب الجارية بعد تحذيرات كتير من الانقلاب على الثورة السودانية اللي قامت ضد الحكم العسكري بالأساس.

- خالص الدعم لكل السودانيين اللي بيواجهوا عملية انقلابية بدأت باعتقالات لمدنيين لفرض أمر واقع ضد كل الاتفاقات السابقة بين الأطراف السودانية.

- ربنا يحفظ السودان وأهلنا وأشقائنا هناك، وينجيهم من الانقلاب العسكري، ومن سفك الدم لأجل السلطة.
منقوله منقوله منقوله منقوله منقوله منقوله منقوله منقوله منقوله
*****

عبدالمنعم فايز العناني

02/01/2022

29/12/2021

28/12/2021

07/11/2021

06/11/2021

30/10/2021

28/10/2021

26/10/2021

25/10/2021

25/10/2021

25/10/2021

Address

Telephone

Website

Alerts

Contact The Business

Shortcuts

Share

Category