12/09/2025
https://www.facebook.com/100090946917117/posts/737997415908482/?mibextid=rS40aB7S9Ucbxw6v
الجبنه المثلثات 🙂🙂
و ما ادراك بالجبنه المثلثات 🙄🙄
طبعا من اسهل الوجبات اللى ممكن تتعمل سندوتشات للاطفال و هما رايحين المدارس
جبنه مثلثات و على رغيف عيش فينو و بقا سندوتش اد الدنيا
مغذى
اه طبعا مغذى
ما هو جبنه
يعنى لبن
يعنى كالسيوم
الا ان يا عزيزى اسمحلى احكيلك القصه الصغنطوطه دى 😊😊
روحت اشترى علبة جبنه مثلثات لان فى نوع معين انا مراجع مكوناته كذا مره و اتأكدت انها خاليه من الدهون النباتيه ( زيت نخيل)
مره لقيتها بحاجه و عشرين جنيه
و روحت اشتريها المره اللى بعدها هى هى بس من محل تانى لقيتها ب حاجه و اربعين جنيه 🙄🙄🙄
قولت فبالى الراجل دا غالى مش هشترى من عنده تانى 😏😏
رجعت للراجل الاولانى لقيت عنده علبتين شبه بعض و جمب بعض
واحده ب حاجه و عشرين جنيه و التانيه بحاجه و اربعين جنيه 😁😁😁
الله بقاااا 🙄🙄🙄
انتو بتصعبوها علينا ليه 🙄 مكانتش علبة جبنه دى 😔
المهم مسكت الاتنين اقارن ما بينهم بقا
المكونات هى الفيصل 🙂🙂
لقبت مبدأيا كدا فى اختلاف بسيط فالشكل
واحده مكتوب عليها قشطه اكتر (الغاليه)
قريت المكونات
اكتشف ان الرخيصه دى معموله من زيت نباتى
بينما الغاليه دى دهون حيوانيه طبيعيه ولا تحتوى على زيت نباتى 🙂🙂🙂
الشركه عايزه ترضى الزبون 🙂
فعملت النوعين
اللى حابب النباتى ياخدها
و اللى عايز الطبيعى ياخدها
قولت يا واد اومال باقى الانواع دى نباتى ولا طبيعى
و عاملين نفس الحركه ولا ايه؟؟! 🙄🤔
لفيت تقريبا على اغلب الانواع و الانواع المعروفه و الشركات اللى ليها اسم
لقيت ان الاغلب
معمول بزيت نباتى
و الشركات الكويسه عامله نوعين النباتى و الطبيعى
و تقريبا شركه واحده بس او اتنين هما اللى مش بيعملو نباتى نهااااااائى
خلاصة الكلام
بالرغم من ان الجبنه المثلثات مش الاختيار الامثل لوجبه صحيه لطفلك
بس لازم ناخد بالنا من النوع اللى بيحتوى على زيت نخيل
زيت النخيل الغنى بالدهون المشبعه
الدهون المشبعه المتهم الاول فى امراض مقاومة الانسولين و السكر و الدهون الثلاثيه و الكوليسترول و السمنه و فى الاعمار الصغيره
و متنساش
لو ابنك او بنتك محيط خصرهم كبير ( تخان فى منطقة البطن) و عندهم اسمرار فى جلد الرقبه و الابطين و بين الفخذين او زوايد جلديه
و دايما بيعانو من تعب و ارهاق و قلة تركيز
فدا ممكن يكون بسبب مقاومة الانسولين
و متقولش الواد صغير يجيله ازاى
شوفنا و بنشوف
نتيجه لطبيعة الاكل اللى بناكله و اللى مليان ملح صينى و زيت نخيل و دهون مشبعه و خلافه
الوجبه الصحيه للطفل لازم تتكون من ال ٣ عناصر دول 👇
🔴 بروتين ( بيض- جبنه طبيعيه مش نباتى- فول)
🔴 خضار ( خيار-جزر- فلفل اخضر)
🔴 نشويات او سكريات مصدر للطاقه ( عيش حبه كامله اللى هو العيش المصرى بتاعنا- او يحصل على السكريات بشكل طبيعى من الفاكهه و دا افضل)
👈 بلاش:
🔴 جبنه نباتى الدهن ❌️
🔴 بلاش سندوتاش بلح بالسمنه ❌️
🔴 بلاش سندوتشات حلاوه او حلاوه بالقشطه ❌️
🔴 بلاش اندومى ❌️
🔴 بلاش شيبسى ❌️
عرف و وعى غيرك
🔴 و متنساش
لو حابب تتابع معايا بشكل خاص على الواتس تغذيه سليمه و انقاص وزن او زياده وزن او متابعه بعد عمليات التكميم او تظبيط سكر و دهون
ابعت على رسايل الصفح كلمة " جزر🥕" و انا هبعتلك التفاصيل علطول 🙂
كان معكم من قلب الصيدليه و الحقن و اللبوسات
✋️😎
