21/12/2025
نداء هام وعاجل 🔈🔈🔈🔈
لكل أهلنا في الفيوم… في يوسف الصديق… في الشواشنة… وفي أبشواي كمرحلة أولى
لكل أهلنا سواء كنت من قرية أو نجع .
رسميًا إطلاق مشروع “أنَس للتنمية البيئية والمجتمعية”
مشروع من قلب الفيوم، علشان يرجّع قيمة بلدنا، ويحوّل شغل الناس وحِرَفهم وبيوتهم لفرص دخل حقيقية.
بالتكنولوجيا، وبالاحترام، وبشراكة المجتمع.
الفيوم مش “مكان حلو” وبس… الفيوم كنز عالمي:
وادي الحيتان موقع تراث عالمي لليونسكو ، ووادي الريان منطقة محمية ومهمة بيئيًا ، وتونس قرية فن وخزف ومعارض وحكاية شغل نظيف اتبنى بإيدين أهلها .
اللي ناقصنا مش موهبة… الناقص “سوق عادل + تنظيم + تدريب + نافذة بيع” توصل صوتنا لبرّه.
أنَس هتعمل إيه ببساطة؟
• هنربط منتجاتكم بالتكنولوجيا: تصوير بسيط + تسعير + عرض المنتجات أونلاين + توصيل… علشان البيع يبقى أسهل والدخل يزيد (خصوصًا لربات البيوت).
• هنفتح مسارات تدريب وتوظيف: شباب وبنات… خريجين… طلبة… ستات بيوت… مزارعين ومزارعات… كل واحد له مكان ودور.
• هنوثّق تراثنا وحكاياتنا: تحت ورث العنب، في الورش، في الحقول… وهنحوّل ده لمحتوى محترم يرفع قيمة بلدنا بدل ما يضيع.
هنخلق اثر لكل مكان في بلدنا
“يوم أنَس” مش يوم “تجارب”.. ده يوم “ناس”
✔️ يوم تعارف وحوار مجتمعي وتسجيل فرص.
✔️ هدفه نسمع منكم ونعرف.
✔️ مين عنده منتج؟ مين محتاج شغل؟ مين مستعد يتعلم؟ مين عنده حرفة؟ مين عنده فكرة؟
🥰 في اليوم ده هيكون فيه استمارات 🥰
1. استمارة الانضمام لمشروع أنَس (تدريب/توظيف/تطوع/شراكة)
2. استمارة بيانات الحضور علشان نعرف بنتكلم مع مين واحتياجاته ومهاراته بشكل منظم
مين مطلوب ييجي؟
• ربات البيوت اللي عندها وقت وطاقة ومهارة حتى لو بسيطة بس مش لاقية فرصة مناسبة.
• البنات الخريجات والطالبات اللي “قاعدين في البيت” رغم الكلية/المعهد/الدبلوم.
• الشباب اللي عايز شغل بكرامة ويتعلم مهارة سوقها مطلوب.
• الفلاحين والفلاحات وأصحاب المنتجات الزراعية والغذائية والحرف.
• أي حد عايز يشوف الفيوم ترجع “مركز ثقافة وفن وتكنولوجيا” بأيدينا إحنا.
مكان/ميعاد اللقاء
📍 المكان:قرية تونس
🗓️ اليوم: سيتم تحديده لاحقاً
📋📋 للتسجيل المسبق : أبعت لنا واتس أب
على الرقم 01030609048 او تعال واحنا هنساعدك تسجل على الورق.
رسالتنا واضحة:
أنَس مش مشروع “حد لوحده”… أنَس مشروع “بلد كاملة”.
تعالوا نبدأ خطوة حقيقية… ونرجّع اللي اتكسر: الدخل، والكرامة، والهوية، واللمة.
#أنس #الفيوم #الشواشنة
المتحدث الرسمي لمحافظة الفيوم
