شركة المصطفى للأستيراد والتصدير بمصر والصين

24/11/2025

https://www.facebook.com/share/v/17RjzFPLS4/

11/01/2025

نسابق الزمن للإنتهاء من شحن كافة حاويات العملاء الكرام قبل بدء الأجازة الصينية 😀 😀

06/10/2024

18/03/2024

(نصائح رمضانية 2)
30 نصيحة لازم تقرأها قبل ' الاربعين ': نقلاً عن Abd El-Mageed Ewis
https://www.facebook.com/ab.ewais
(2)

11- البشر كائنات انانيه بطبيعتها ، دى فطرتهم ودا سلوكهم والى لقيته العكس يبقى هو الشاذ فى القاعده .
فمتتعشمش بزياده فى حد والا 'هتحبط' جدا ، واربط دايما مصالحهم مع مصالحك وهتلاقيهم بيحبوك وبيخدموك .

12- 12 % بس من اصدقائك الى هو فعلا هيساعدك تنجح * ودى احصائيه مطوله اثبتت دا بالدقه دى
يعنى اتخيل معايا من كل 100 صديق حواليك 7% بس هيبدو استعدادهم انهم يساعدوك و 1% فقط هو الى فعلا هيساعدك والباقى ولا كانه شافك ،
وجرب تنزل بوست عندك تطلب مساعده وشوف من وسط ( 1000) فريند كام هيرد وكام واحد فعلا هيساعدك .

13- متضيعش وقتك فى انك تكون علاقات بقى ، لكن استثمر وقتك انك تطور من نفسك ، وبالتالى هتكون ناجح وقوى ولما تطلب مساعده من حد وقتها هيديهالك بدون تردد ( لانه عارف انك هتردهاله فى المستقبل ) .

14- الناس بتحترم جدا الشخص الناجح ، وبتحب تكون حوالين القوى علشان تستمد منه قوتهم ، فخليك قوى لنفسك اولا وللى بتحبهم وللى حواليك ،
وقوتك هنا هتستمدها من اد ايه انت مستقل وناجح فى مجالك وتقدر مش بس (تعول) نفسك ، لا كمان تقدر تعول غيرك .

15- اقطع علاقتك فورا وبدون تردد بالى بيحبطوك ، والى ببخوفوك من حلمك ، والاهم ابعد عن الى بيعجزوك ، لانك كدا كدا هتقطع علاقتك بيهم فى المستقبل بس وقتها هيكونو هما الى بعدو عنك (وانت فاشل وضعيف ومحققتش اى حاجه ) فابعد عنهم واشتغل على نفسك كويس جدا وطارد حلمك .

16- متخافش من الاخطاء ، دا اكتر سن تقدر تعمل فيه اخطاء ومغامرات مجنونه وتاخد مخاطرات علشان تتعلم كويس لفتره النضج والاستقرار فى ال 30 ، وكمان مسؤليتك لسه بسيطه وانت فى السن دا .

17- الانجلش ، دا لازم يكون لغتك التانيه الان *( 90% من الابحاث العلميه مكتوبه باللغه الانجليزيه وال 10 % الباقين هما بقيه لغات العالم مجتمعين ) احصائيه .
*) اامحتوى العربى على الانترنت لا يتعدى ال 1 % ودى احصائيه برضو ، فالانجلش هو مفتاحك للنجاح فى اى مجال هتدخله .

18- بمناسبه النجاح والمجال ، جرب على اد ما تقدر مجالات مختلفه قبل سن ال 25 ، اشتغل ان شاء الله خمسين شغلانه ، لكن بعد ال25 ركز انك تكون محدد فى مجال واحد وتاخد خبره قويه فيه ، *( لان الخبره هى الى بتحدد مرتبك ودخلك بعد كدا ) فجرب ، ركز ، طور من نفسك ، اخلق لنفسك فرص كويسه بعدين .

19- خبط على 100 باب ولو اتقفل يبقى اعرف انك لسه قدامك 1000 باب كمان ، اوعى تتعامل مع الرفض انه علامه فشل ابدا، الرفض جزء من عمليه نجاحك وحتى وقوعك وفشلك مره واتنين وتلاته مش معناه انه جه وقت استسلامك ابدا بالعكس افتكر انه هنا فرصتك فى النجاح زادت

20- اهتم بصحتك جدا ، وافتكر ان عاداتك الغذائيه فى سن ما تحت ال30 هى الى هتشكل مصيرك الجسدى لبعدين ، ولو اهملت فى نفسك فرصك فى الاصابه بامراض السكرى والضغط بتزيد بعدين . فمارس رياضه بانتظام وكل اكل صحى وبرضو متحرمش نفسك من اى اكله مش صحيه لو نفسك فيها ، بس متفتريش كفايه يوم او يومين فى الاسبوع تعك فيهم ، وسيب جسمك يتعافى بقيه الاسبوع وياخد ( مغذياته) .

شركة المصطفى للإستيراد والتصدير
WhatsApp: 01012970066

15/03/2024

(نصائح رمضانية 1)
30 نصيحة لازم تقرأها قبل ' الاربعين ': نقلاً عن Abd El-Mageed Ewis
(1)

1- استقل ماديا على اد ما تقدر ، وحاول انك دايما 'تعرف مصروفاتك'وتسيطر عليها وتعرف فلوسك بتروح فين وبتيجى منين ، ليه دا مهم ؟
لان التعامل مع الفلوس مهاره مش بيتقنها ناس كتير وبتاخد وقت وكل ما اتعلمت المهاره دىوفى سن صغير كل ما هتبقى شاطر وعندك حريه واستقلال مادى بعدين .

2- بمناسبه الفلوس ، متدورش على وظائف بتجيبلك دخل عالى وخلاص ، دور على وظائف بتديك خبره ومهارة وملهاش سقف فى الترقيات بتاعتها ،
مثال ( موظف كول سنتر ) مثلا وظيفه دخلها حلو نسبيا لكن ليها سقف مهما زادت سنين خبرتك برضو مرتبك مش هيزيد اوى
مثال ( مندوب مبيعات) وظيفه مرتبها قليل نسبيا لكن كميه المهارات والعلاقات الى هتاخدهم منها وفهمك للتحديات فى الحياه هيديك الفرصه انك ممكن تنتقل لاى شركه واى وظيفه واى مكان فى المجالات المختلفه لو خبرتك زادت .

3- حوش ما لا يقل عن 10% من دخلك الشهرى -- ادفنه- فى بير كدا ولا كانك قبضته وانساه ، المبلغ دا فى سنين ال2عشرينات هيفيدك جدا لو فكرت تعمل مشروع او حصلتلك كارثه ، او حتى جيت تتجوز فاحتجت حاجه زياده لشقتك وحياتك * هيفيدك اوى صدقنى .

4- ابعد عن اصحابك الى بيحبو قعده القهاوى دول فى عشريناتهم هيبقى كلامهم عن ( البنات ، العربيات ، الكوره ، ، السياسه واى حاجه هبله ) وبرضو لما هيبقو 30 وارببعنات هيفضلو يتكلمو فى نفس الكلام 'بيتكلمو' وبس وهيعيشو حياتهم يتكلمو ويحلمو مجرد احلام وامانى ،وبيعلقو كل فشلهم على شماعات ( الظروف ، واصل ابويا مسابليش فلوس كتير ، والهبل دا ) صدقنى الناس دى بتعيش وبتموت تعيسه .
دور على صداقات ناجحه وبتنجح وبتنجز اهدافها وكل كلامهم عن مشاريعهم الجايه ومستقبلهم وحياتهم العمليه والماديه هتبقى عامله ازاى
* خدها من عويس قاعده ( اصحابك بيغيرو ادراكك لمحيطك ) فكل ما نوعيه اصحابك زادت كل ما ادراكك هيزيد .

5- لو بتحاول تبقى رائد اعمال ( ودا مجالى لانى اسست حوالى 12 startup ) قبل كدا ، ابعد انك تشتغل فى شركات كبيره ، بالعكس دور على شركات صغيره لكن ناجحه لانك فى الكبيره ( وان كان مرتبك كبير) بتبقى عباره ' ترس ' فى مكنه مش عارف هو بيلف ليه ولا بيعمل ايه ،
لكن فى الشركات الصغيره هتعرف وهتشوف الطبخات ماشيه ازاى وهتبقى دايما فى عمليه صنع القرار وفهم السوق كويس .

6- لو بتفكر تعمل مشروعك ، اشتغل الاول عند حد عنده نفس فكره مشروعك ولو بللاش دا بيدى فرصه لنجاح مشروعك كبيره وافتكر
98% من المشاريع الناشئه بتفشل بعد اول سنتين * احصائيه مبنيه على دراسه مطوله .
ففرص نجاحك هتزيد وتبقى من ال 2 % لو استحملت شويه تعب وعافرت ( وافتكر ان المشروع على الاقل بباخدله سنتين يعافر وبعدين ينجح )

7- متستعجلش النتائج : الشجره بتاخد وقت على بال ماتطلع ثمرتها، كذلك سياستك الماليه وتحويشك دا هياخد وقت وسنين علشان يبان ،
مش مشكله اصبر وحقق نتائج واستمتع بيها بعدين .

8- متشتريش قسط دلوقتى ، تجنب انك تحمل نفسك اعباء ماليه وفواتير وديون من دلوقتى ، خليك خفيف علشان لو حبيت تنتقل من شركه لشركه احسن بس محتاج تاخد كورسات مثلا 3 شهور تقدر تعمل دا وبحريه ، لكن لو ملتزم بكل شهر باقساط ثابته وكتيره مش هتملك الحريه دى ولا القرار دا هيبقى بايدك ، ومش مشكله لو عربيتك موديلها قديم ، اصرف عليها شويه لكن متستعجلش وتشترى واحده جديده على الزيرو قسط وتتسحل فيه سنين .
* متشتريش زيرو لو هتشترى جديد ، اشترى كسر زيرو كاش ، يبقى كدا على الاقل معلكش اعباء ماليه .

9- متشاركش حد متعرفوش اقل من 3 ل 6 سنين ، وابعد عن قاريبك على اد ما تقدر ، اسمعنى بقى لانى كعويس اتدبست كتير ، متفرحش بالحماس والابتسامه الى على وشه مع الوقت هتكتشف انه شخصيه تانيه وممكن يرمى الشغل عليك ويوقع مشروعك ويخسرك فلوسك ،
قبل ما تشارك حد ، لازم تبقى واكل شارب نايم قاعد شاكب راكب معاه على الاقل كام سنه كصديق وعارف هتبقى تتكلم معاه ازاى لو اختلفتو
* ومتخليش حد يغفلك ويقولك العقود والقانون ( مصر البيزنيس فيها بينجح بالعلاقات مش بالعقود والقانون زى امريكا ودول تانيه زى السعوديه حتى ) .

10- اصرف على نفسك ، متبقاش بخيل وتقفش فى كل قرش ، دلع نفسك لو بنت روحى سبا بفلوسك الى كسبتيها سافرى سفريه حلوه مع اصحابك ابسطى نفسك . ولو انت كراجل برضو دلع حالك هاتلك حاجه بتحبها كل فتره وروق نفسك وابسطها
لانك بكدا بترسل رساله للعقل الباطن عندك مفادها (.المجهود والتعب والمعافره دى هى الى بسطتك ونجحتك وجابتلك الى انت عاوزه وبتحبه ) ومن هنا عقلك الباطن هيبقى فرحاااان جدا هيديك طاقه تشتغل بيها تانى وتالت.

شركة المصطفى للإستيراد والتصدير
WhatsApp: 01012970066

10/03/2024

الحمد لله الذي تتم بنعمته الصالحات ..
تحميل أحد الشحنات الخاصة بأحد عملائنا الكرام ..
ربنا يحسن سوقها ويرزق الجميع

شركة المصطفي للاستيراد والتصدير
للتواصل
WhatsApp: 01012970066

20/11/2023

الحمد لله الذي تتم بنعمته الصالحات ..
تحميل أحد شحنات الكيماويات خاصة بأحد عملائنا الكرام ..
ربنا يحسن سوقها ويرزق الجميع

شركة المصطفي للاستيراد والتصدير

01/01/2023

* بعد حريق في أحد العمارات السكنية في مدينة اورومتشي وبعد عجز السكان عن الفرار من الحريق بسبب غلق المباني علي أصحابها خوفا من إنتشار كورونا .. أجتاحت الصين خلال شهر نوفمبر الماضي احتجاجات ومظاهرات صاخبة في الصين ضد سياسة (صفر كوفيد) وأعقب ده الغاء كافة القيود الصارمة اللي كانت مفروضة للحد من إنتشار الفيروس بما فيها حظر السفر للخارج اللي كان مفروض علي الصينين.

* بعد الغاء القيود دي .. تزايدت بشكل خرافي حالات الاصابة بالفيروس في الصين وتخطت المليون أصابة يوميا .. المشكلة أن تزياد الاصابة مع فتح السفر للخارج بشكل غير مسئول وبشكل مفاجئ ممكن يسبب أنتشار موجة جديدة من الفيروس مع متحوراته الصينية في العالم وندخل في دوامة جديدة وكأن تاريخ الثلاث سنوات السابقة يعاد ما جديد.

* اللي أفهمه حقيقي .. إنك كدولة مسئولة والمصيبة بدأت من عندك قبل كده .. أنك علي الاقل حفاظا علي سلامة العالم يا أما تبقي علي حظر السفر لحد ما الامور عندك تستقر .. أو أنك تطلب من مواطنيك شهادة فحص الخلو من الفيروس حفاظا علي العالم وحتي لا تتكرر المأساة.

* لكن الصين لم تفعل ذلك .. وعلشان كده بدأت بعض دول العالم في طلب أثبات خلو من الفيرس قبل صعود الطائرة لمواطني الصين اللي عاوزين يسافروا لهذه الدول ومنها أمريكا واستراليا و بريطانيا.

* علي الجانب الآخر .. الحكومة المغربية أخدت أقوي رد فعل حتي الآن .. وأغلقت الحدود بشكل كامل في وجه القادمين من الصين .. ولو الأمور تطورت .. انا متأكد أنها هتقفل تاني الحدود بشكل كامل في وجه الجميع كما حدث من قبل .. حقيقي برافوا شابوه لمسئولين عندهم درجة الحساسية العالية دي في حماية مواطنيهم.

* أحنا هنا في مصر المسئولين غالبا نايمين في العسل ولسه معندهمش علم باللي بيحصل .. فهل ممكن نسارع في أتخاذ إجراء ما سواء بالغلق أو طلب الفحص من المسافرين الصينين .. قبل فوات الأوان !!!

ربنا يستر

30/12/2022

03/09/2022

تعلن شركة المصطفى للإستيراد والتصدير عن حاجتها لأخصائى أستيراد وتصدير للعمل بالشروط التالية:
1- الامانة
2- ذكور فقط
3- السن لايزيد عن 35 سنة
4- مقيم فى القاهرة أو الجيزة ويفضل القرب من مصر الجديدة أو مدينة نصر
5- اجادة الانجليزية تحدثا وكتابة
6- مؤهل جامعي
7- الالمام باساسيات التعامل مع مواقع التجارة العالمية (Alibaba - MadeinChina - AliExpress)
8- الألمام بأساسيات الشحن البحرى والجوى
9- أن يقبل بأن لايمارس أي نشاط يتعلق بالاستيراد والتصدير غير تحت مظلة شركة المصطفي خلال فترة عمله بالشركة.
10- أن يقبل بالعمل من مقر الشركة أو خارجه وفق أحتياجات العمل.
10- العمل سيكون يومياً من الساعة 9 صباحاً - 4 عصراً لمدة خمسة أو (ستة أيام أسبوعيا اذا دعت الحاجة لذلك)

يتم التقديم للوظيفة والإستفسار (فقط) من خلال إرسال السيرة الذاتية إلى الإيميل ([email protected]) على أن تعنون الرسالة بإسم المتقدم وذلك فى موعد أقصاه 20 ستمبر 2022.

شركة المصطفى للإستيراد والتصدير
+20 1012970066

29/08/2022

الحمد لله ..
تحميل كونتنر كيمياويات من الصين ..
ربنا يحسن سوقهم ويبارك لصاحبهم

المصطفي للاستيراد والتصدير
01012970066

07/07/2022

Thank to those who offered me condolences for death of my father
أتقدم بخالص الشكر والعرفان والتقدير لكل من قدم واجب العزاء لنا بالحضور أو التليفون أو من خلال وسائل التواصل الإجتماعى فى وفاة والدي الحاج/ مصطفي ف*ج (وشهرته الحاج صفا ف*ج) رحمه الله.

شكر الله سعيكم و أعظم أجركم و جزاكم الله عنا خير الجزاء

من كل في قلبه ذرة حب له أو لنا فليدعوا له بالرحمة والمغفرة في هذه الأيام المباركة .. وجزاكم الله خيرا