Mostafa El Samra - مصطفى السمرة

Call Directions Contact the business

Mostafa El Samra - مصطفى السمرة رجل الأعمال المهندس مصطفى السمرة

09/10/2026

إمبارح كنا بنودع سيدة عظيمة لمثواها الأخير 💔

توفت أرملة الأستاذ جمال النهري بعد رحلة عمر طويلة كانت فيها الحبيبة والأم والأخت والزوجة الصالحة للأستاذ جمال في مشواره المهم والملهم.

مفيش وقت أنسب من ده تسمعوا قصة الأستاذ الملهم جمال النهري وإزاي كان سبب في تغيير طريقة تفكيري وحياتي.. وادعوا بالرحمة له ولزوجته لعل الله يجمعهم في الجنة 🙏🏻


احكوا لأولادكم قصة اليوم اللي قرر فيه أكثر من 35 مليون مصري يسيبوا بصمة أمل نعيش عليها عمرنا كله.فيه لحظات في تاريخ الأم...
06/10/2026

احكوا لأولادكم قصة اليوم اللي قرر فيه أكثر من 35 مليون مصري يسيبوا بصمة أمل نعيش عليها عمرنا كله.

فيه لحظات في تاريخ الأمم بتكون أكبر من مجرد انتصار في حرب؛ لحظات بتتحول فيها الهزيمة لبداية، والمستحيل لممكن، واليأس لأمل، وأكتوبر 1973 كانت واحدة من اللحظات دي.

حكاية أكتوبر ما بدأتش يوم 6 أكتوبر. الحكاية بدأت يوم 5 يونيو 1967. يوم النكسة اللي ساب للمصريين أسئلة صعبة: هل دي النهاية؟ هنقدر نرجع أرضنا من جديد؟

لكن يمكن أعظم حاجة في المصريين إنهم مهما واجهوا اليأس، بيفضل جواهم صوت بيقول: لسه نقدر نحاول ونتعلم ونغير وننتصر.

ومن هنا بدأت الرحلة.. رحلة طويلة من النكسة للنصر، ومن اليأس للنور، ومن الانكسار للكرامة، ومن الهزيمة للعبور، وفي الرحلة دي، ماكانش السلاح لوحده هو اللي بيحارب.

كان قدامنا ساتر ترابي ضخم، معمول عشان يمنع الجيش المصري من العبور، فظهر البطل المهندس باقي زكي يوسف بفكرة استخدام ضغط المياه لفتح ثغرات في الساتر الترابي.

وبعدين جه البطل محمد الحسيني عبد السلام، وكان له دور في توفير الطلمبات صاحبة القدرة العالية لتنفيذ الفكرة.

طيب والجيش هيعدي إزاي؟ وهنا ظهرت بصمة أمل من البطل أحمد حمدي، اللي كان له الدور الكبير في تطوير وتجهيز كباري ومعدات العبور.

وكان فيه خطر تاني مستني المصريين، النابالم اللي ممكن يحول قناة السويس لجحيم، فظهر البطل إبراهيم شكيب بفكرة تعطيل مواسير النابالم وسد فتحاتها، لتسقط واحدة من أخطر العقبات اللي كانت ممكن تعطل العبور.

وفي السماء، كان لازم يبقى فيه حد يحمي العبور.. وهنا ييجي اسم البطل محمد علي فهمي، قائد الدفاع الجوي، وصاحب الدور الكبير في بناء حائط الصواريخ اللي وفر مظلة الحماية للقوات المصرية.

وكان فيه البطل محمد جلال فهمي، رئيس مهندسي الجيش الثالث، والبطل أحمد شوقي فراج، رئيس مهندسي الجيش الثاني، ضمن منظومة الهندسة العسكرية اللي جهزت الأرض والعبور.

وكان فيه البطل أحمد سامي محمود فهيم، قائد أحد ألوية الكباري، ورجال كتير في وحدات الكباري اللي كان عليهم تحويل خطط العبور إلى جسور حقيقية تشيل الجيش.

وكان فيه البطل فاروق إبراهيم الشيخ، قائد كتيبة الكباري اللي ارتبط اسمه بإقامة أول كوبري في الحرب.

وطبعا كل هذا العمل العظيم للجيش المصري كان تحت قيادة الرئيس محمد أنور السادات، والمشير أحمد إسماعيل وزير الحربية، والفريق سعد الشاذلي رئيس الأركان، والمشير محمد الجمسي رئيس هيئة العمليات.

أسماء كثيرة جدا؛ ومعاهم مئات الآلاف من المصريين، وده اللي بيخليني لما أفتكر أكتوبر، ما أشوفش بس صورة الجندي وهو بيعبر القناة. أشوف معاه المهندس اللي فكر، والضابط اللي خطط، والعامل اللي صنع، والفني اللي صلح، والعالم اللي ابتكر، والأب والأم اللي اتبرعوا بابنهم علشان عزة بلدهم.

نصر أكتوبر بيقول لنا إن الأمل مش إنك تتمنى إن المشكلة تختفي؛ الأمل إنك تتحرك وتقاومها وتحولها لنصر يبقى بصمة أمل لمستقبل بلد كاملة.


03/10/2026

موقف حصلي وأنا طالب في جامعة ليفربول بإنجلترا غير حياتي بالكامل.. نوعين من الناس أنا اخترت أكون نوع معين منهم


29/09/2026

ناس كثير سألوني إيه هي فكرة بصمة أمل؟ الحكاية بدأت من هنا


25/09/2026

سوهاج بلد المواويل

على أرض قرية أولاد يحيى في مركز دار السلام بسوهاج، كان فيه خطوات بتسيب بصمة أمل، بطلها شاب قرر يترك أثر بمساعدة الناس وتسهيل الحياة عليهم.

دي قصة كريم عماد، واللي عمله في قريته بتطبيق ذكي لكن التحرك كان أذكى، فاسمعوا قصة كريم وشاركونا برأيكم فيها.. وبفكركم لو تعرفوا أصحاب بصمات الأمل زي كريم أحب توصلوني بيهم.

16/09/2026

قابلت كريم عماد ❤️

كنت كلمتكم عن كريم، الشاب الجميل اللي من سوهاج وقرر يسيب بصمة أمل ويساعد أهل قريته بابتكار تطبيق يخدمهم ويسهل عليهم حياتهم اليومية.. وقلت ليكم إني هتواصل معاه.

الحمد لله تواصلت مع كريم، وكان أول ضيوفي في حملة بصمة أمل، وحكى لينا القصة كاملة وكل اللي شافه في رحلته لخدمة ومساعدة غيره.

هعرض ليكم تباعاً قصة كريم عماد، علشان كلنا نستفيد من دروس رحلة كل صاحب بصمة أمل.

شاب في العشرينات بلا أي إمكانيات قرر يسيب بصمة أمل وأثر يعيش لسنين طويلة.وأنا بدور على كل صاحب بصمة أمل في مصر، أو بتابع...
12/09/2026

شاب في العشرينات بلا أي إمكانيات قرر يسيب بصمة أمل وأثر يعيش لسنين طويلة.

وأنا بدور على كل صاحب بصمة أمل في مصر، أو بتابع النماذج اللي حضراتكم بعتوها على الصفحة، وقفت شوية عند خبر يبدو بسيط لكنه حقيقي مؤثر وملهم.

كريم عماد، شاب من سوهاج وطالب في كلية الحاسبات والمعلومات، قرر إنه يستخدم العلم اللي بيتعلمه علشان يعمل حاجة لأهل قريته، بدل ما يشوف المشاكل اليومية اللي حواليه ويكتفي بالكلام عنها، فكر إزاي يحول المشكلة لفكرة، والفكرة لحل، والحل لخدمة يستفيد منها الناس.

ومن هنا بدأ كريم يعمل تطبيق يخدم أهالي قريته، يجمع لهم الخدمات اللي محتاجينها، ويسهل عليهم الوصول للمواصلات والأطباء والصيدليات وغيرهم من أصحاب المهن والخدمات.

يمكن في نظر البعض دي مجرد فكرة أو تطبيق صغير، لكن الحقيقة إن قيمة اللي عمله أكبر بكتير من حجم التطبيق نفسه، كريم اختار يبدأ من المكان اللي هو عايش فيه، ومن الناس اللي يعرفهم، ومن الاحتياجات اللي شايفها بعينه كل يوم.

مقالش أنا لسه طالب، ولا قال إمكانياتي محدودة، ولا استنى لما يبقى عنده شركة كبيرة أو فريق ضخم علشان يبدأ .. بدأ باللي معاه، وباللي يعرفه، وبالامكانيات المتاحة قدامه، وبشكل تطوعي بدون ربح.

وده بالضبط هو المعنى الحقيقي لـ بصمة أمل.. إنك متستناش الظروف المثالية علشان تعمل حاجة كويسة، ومتستناش إن حد يديك الفرصة، لكن تبص حواليك وتسأل نفسك: أنا أقدر أعمل إيه؟ وإيه الحاجة الصغيرة اللي ممكن أطورها؟

وكريم بالنسبة لي مش مجرد شاب عمل تطبيق، كريم نموذج لشباب كتير في مصر عندهم القدرة والأفكار، لكن محتاجين بس حد يقول لهم: ابدأوا بنية طيبة وتوكلوا على الله.. وربنا هيكمل معاكم اللي بدأتوه.

تحية لكريم عماد، ولكل شاب اختار إنه يكون جزء من الحل، ولكل إنسان قرر يسيب أثر طيب يعيش .. أنا هتواصل مع كريم عماد، علشان أقابله وأسمعه ونستفيد كلنا من تجربته، وياخد الدعم اللي يستحقه.

فيه ناس بتنتهي قصتها لما تموت .. وفيه ناس بيفضل أثرها عايش مهما غابوا. المهندس جمال النهري كان من الناس دي.. راجل تجاوز ...
06/09/2026

فيه ناس بتنتهي قصتها لما تموت .. وفيه ناس بيفضل أثرها عايش مهما غابوا.

المهندس جمال النهري كان من الناس دي.. راجل تجاوز الـ 70 سنة، شاف حديقة مُهملة ومليانة قمامة في محيط منطقته.. فقرر يعمل الشيء الصعب.. إنه يرفض التصالح مع الغلط حتى لو كان لوحده.. وإنه ميقعدش ينتقد وبس، لكن يبادر ويحاول.. مش بالضرورة يقدر يغير العالم، لكنه على الأقل يغير مساحته اللي عايش فيها.

جمال النهري حوِّل حديقة مهملة في مصر الجديدة من "مقلب قمامة" لـ "بهجة القلوب" وشعارها "زهر وعطر وتمر".. لأنه زرعها نباتات شكلها حلو ونباتات تانية ريحتها بديعة ونباتات تالتة مُثمرة.

جمال النهري عمل دا وهو مريض روماتويد وفِضل يشتغل في صمت لآخر يوم في حياته لأنه مات وسط الحديقة وهو بيشتغل فيها رغم كبر سنه.. لأن كان عنده رسالة أكبر من مجرد تطوير حديقة .. "ابدأ بنفسك" حتى لو هتبدأ بترتيب سريرك، بيتك، المحيط بتاعك، وهكذا .. لأن النقد عمره ما غيَّر حاجة.. والأمل في التطوير لازم يكون قرار وشغل قبل ما يكون مجرد احساس.

ده مش رثاء لشخص مؤثر وملهم.. ده أمل أخدناه من جمال النهري.. وطريق هو بدأه وقررت أكمله بطريقتي.

تخليد نهج جمال النهري مش هيكون بلوحة تتعلق .. ولا بمجرد بوست يتنسى بعد يومين.. ولكني هبدأ من دلوقتي حملة "بصمة أمل".. علشان تكون الصفحة دي باب نور بنفتحه لكل شخص قرر يغير ركن في بلده، أو شارع في حيه، أو إنسان في حياته.. ونعرض قصته ونشوف ممكن ندعمه إزاي.. لأن لازم بصمات الأمل اللي في كل ركن في بلدنا تنتشر وتتشاف وتاخد الدعم الصح.

علشان كده الفترة الجاية هتشوفوا هنا كل بصمة أمل تستحق النور.. وشاركونا بنماذج مصرية تستحق نسلط عليها الضوء كبصمة أمل وسطنا.


Address

Cairo

Telephone

01270008899

Website

Alerts

Be the first to know and let us send you an email when Mostafa El Samra - مصطفى السمرة posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Mostafa El Samra - مصطفى السمرة:

Shortcuts

Share