31/10/2022
بسم الله الرحمن الرحيم
أعلان عن وظائف للكباتن فقط
السلام عليكم و رحمة الله وبركاته
السادة الكباتن المحترمون تحية لكل واحد أمين شقيان تعبان ميأجر عربية أو صاحب عربية وصاحب بيت.
سمعنا كتير وشفنا كتير فى أخر 5 شهور عن المهزلة وهدر الحق والظلم وقلة الأدب ورمى البلة و النصب والخسارة الى بيتعرضلها الكباتن المحترمين من رقم واحد التطبيقات الى تبع شركات اجنبية مبيهمهاش ولا العميل ولا الكابتن بيهمها مكسبها وبس ورقم أتنين من العملاء الى فاكرة نفسها انا وبس ورقم ثلاثة من قلة من الكباتن الى بتمشى وراء الأكونتات المضروبة والفهلوة والى يجى منه أحسن منه.
ودلوقتى
يا ترى الكابتن الى اتسرقت عربيته أو موبيله أو فلوسه وعرقه الشركات عملتله أيه؟
يا ترى الكابتن الى مات فى حادث سرقة أو فى حادثة فى تشغيلة الشركات عملتله ايه؟
يا ترى الكابتن الى أتظلم من عميل الشركة حافظة على حقه أزاى؟
يا ترى الكابتن الى أتظلم بسبب كابتن تانى العميل والشركة عملتوا أزاى؟
يا ترى العميل الى فعلا أتسرق ولا حد أتحرش بيه ولا راحت عليه أتوبيسه وقطاره ولا حتى طيرته الشركات عملوله أيه؟
يا ترى لما البنزين وقطع الغيار والزيت أسعرها ولاعت وزادت الشركات زودتنا ولا قلت مننا؟
المشكلة مش فى التشغيلة الفيزا او المحفظة نهائيا دى بس الشرارة والحجة المشكلة الحقيقية فى أن الى أنت بتشغلة وبتكسبة مبيهموش أنت تكسب ولا تخسر ميهموش بيتك وعيالك ولا عربيتك ولا جبت فلوس الأيجار من فين وازاى ولا انت قاعد ومش شغال ليه
أنتبه أنتبه أنتبه أنتبه
ده أكل عيشك ومالك ومستقبلك الى بيخليك تصرف وتراعى و تربى ولادك و ....و.....الخ
الأن والأن وفقط الان حان وقت التغير الحقيقى لصالح المسْولية والامن والحق حان وقت الى يخاف عليك ويأمنك لأن امانك وأمان عربيتك وفوسك ومصلحك هو هو هو وبيساوى أمان العميل.
وأنتم عندكم صفحات التواصل الأجتماعى بتشوفوا منها كتير؟
الأن بس تم أنشاء شركة مصرية جارى أستخراج ترخيص لها بمعاونة ناس بتحب المسئولية والخير وتم الأتفاق وجارى خروج ابلكيشن مصرى جديد بمعاير الأمان الكاملة لكل الأطراف أبلكيشن فيه أكتر من 10 خدمات للنقل وغيرها تخليك تعتمد عليه طول ل ل ل ل ل ل عمرك كمصدر دخل حقيقى تفتح بيتك بى ومحدش يقدر يؤلك مع السلامة فى نص اليوم
ابلكيشن يديك الحق أنك تحصل على فلوس تموين العربية قبل ما تشتغل؟
أبلكيشن يخليك تاخد التشغيلة الفيزا والمحفظة وفلوسها تاخدها بعد أنهاء الرحلة؟
أبلكيشن يأمنك ويامن حياتك وعربيتك وشغلك وفلوسك ويامن عميلك منك ومنه؟
أبلكيشن أنت صاحبه وخد بالك أنت صاحبه أنت الى بتاخد من ربحه مش حد منعرفوش
وحاجات تانية كتير انتم لن تتوقعوها ابدا وكلها لكم وفى مصلحتكم؟
ودى مجرد بداية .
وعشان كدة كان لازم ولابد أن كل الى يعمل فى الابلكيشن ده يكون كابتن فقط كابتن فقط كابتن فقط كابتن فقط بداية من تقديم الخدمة وخدمة العملاء لأكبر حاجة ومنصب تتوقعوه وده عشان هو الكابتن اكتر واحد خبرة بالشغلانة دى.
وعشان كدة بنعلن الأتى:-
مطلوب عدد 250 كابتن من مصر من اى محافظة للعمل كموظفين فى أدارة الابلكيشن والشركة وأيضا للمشاركة بالابلكيشن كشركاء.
شروط التقدم :-
1- أن تكون شغال كابتن منذ عام على الأقل و حتى الأن ولا يهم اذا كان موظف ف احد الأماكن الأخرى أو مؤمن عليه.
2- أن تكون متعلم أعدادية أقل مؤهل.
3- أن تكون على أستعداد لترك عملك كا كابتن حين يتطلب العمل ذلك وأكيد مع تعويضك.
4- أن يكون قادر على العمل من المنزل او اى مكان لحين تقنينه باقرب مكتب او فرع لمنزله.
دلؤتى احنا الى حنبنى نفسنا بأيدينا وفلوسنا وكمان حنراى ربنا فى مصالحنا ومصالح الناس والعملاء.
أكيد فى ناس كتيييير موجودين هنا حتؤل ده عشم ابليس فى الجنة هى الحداية بترمى كتاكيت ده ..... و..... الخ
كل الناس دى عارفة ومأمنة اننا لو اتحدنا من جوانا محدش حيغلبنا و على فكرة انا اتعرض عليا مستثمرين بفلوس كتييييير بي رفضت عشان أحنا مش بنحب حد يمشينا على مزاجه ولا يتحكم فى رزقنا لكن فى قواعد واصول وقوانين حطاها الدولة نمشى عليها والحرام مهما كان سهل مش عاوزينه اما الحلال أهلا بيه.
طريقة التواصل والتقديم حيكون برسالةعلى الخاص فيها أسمك ثلاثى زى ما فى البطاقة مش عاوزين القاب الله يخليكم و رقمين تليفون ليك وبعد كام يوم حيتأسس جروب لكل الى تقدم من خلاله حنتناقش وحنتكلم وحنعرف بعض وحنقرر وكل الى حيتم الأتفاق عليه حيثبت بمحضر أدارى للشركة وبناء عليه حنضيف الشركاء الجدد فى سجلات الشركة القانونية واول ما تكتمل حنبداء الدعاية واعلان التسجيل وحنعلن عن المقرات فين والعمل حيبداء امتى وازاى.
نتمنى من الله عز وجل كل التوفيق لكل الناس.
