01/11/2022
ياتري ينفع اسافر لوحدي؟
واحده من ضمن العقبات اللي بتقف امام اي حد بيحب السفر انه مش لاقي حد يسافر معه مش كل الناس عندها نفس شغفك
كتير منا و خصوصا البنات بنخاف نسافر لوحدنا لحسن معرفش انبسط ، اتصرف ، احس بالوحدة
عايزه اقولك متخافيش تسافري لوحدك انا سفرت لوحدي و مع اصحابي و جربت الاتنين طبعا كل حاجه و ليها مميزات وعيوب لكن صدقيني مميزات السفر لوحدك اكتر
لما بتكونوا اكتر من واحد اوقات بيبقي في اختلاف في الميول حد بيحب حاجة و التاني لا
اختلاف في السرعه حد بيجهز بسرعة للخروج و الحركه عمومآ و التاني بطي
حد قلبه جامد و مغامر و عايز يجرب كل جديد و واحد خواف
لما بتكون لوحدك بتبقي انت سيد القرار عايز تروح فين ،تعمل ايه ، تجرب ايه انت حر
بنسبل الونس اغلب البلاد بيبقي فيها مكاتب سياحية بتطلع رحلات تفرجك علي بلدهم في مجموعات تقدر ساعتها تتعرف علي ناس جديده و تتسلي معهم ده اللي كان بيحصل معي يعني مش هتحسوا بالوحدة خالص
لو لاقيت حد يسافر معك ياريت ميبقاش اكتر من واحد أو اتنين علي الأكثر علشان اختلاف الآراء
اكبر ميزة لسفر حد معك ان انتم بتتقسموا تكلفة حاجات كتير مع بعض ذي الغرفه و المواصلات
انا مش بشجع حد يسافر لوحده بس لو اضطريت متخليش ده عقبه امام سفرك
سافروا ولفوا العالم و شوفوا حاجات جديده و اعملوا حاجات جديده و انبسطوا
الوقت اللي جاي هبقي اقولكم ازاي ترتبوا سفركم لوحدك
