29/06/2026
في 2021 ومع بداية الأزمة الاقتصادية في مصر وارتفاع أسعار البنزين، أطلقنا خدمة أوّفر - Dinamo Offer واللي كانت بتقدم خصومات تصل إلى 40% من قيمة الرحلة وده عن طريق استغلال الرحلات الفاضية ،بالرغم إننا وفرنا على آلاف العملاء وقدمنا خدمة جيدة جدا ،إلا إن الخدمة كانت معتمدة على رحلات شبه يومية ومكنش فيها حجز مسبق، وده كان بيخلي مفيش التزام كامل، ولو مشوار الكابتن الأساسي اتلغى، الرحلة كلها كانت ممكن تتلغي، وده كان هيأثر على أهم حاجة بنيناها في Dinamo وهي الحجز المسبق والرحلات الخاصة اللي عملائنا متعودين فيها على الالتزام وتوفير البدائل لو حصلت أي مشكلة.
في نفس الوقت كنا شايفين إن في ناس كتير بتدفع تمن رحلة كاملة والعربية بترجع فاضية، وده بيعمل تكلفة كبيرة على العميل من غير أي قيمة حقيقية.
ومن هنا بدأت Dinamo Match.
الفكرة إننا نربط رحلتين أو عميلين ليهم نفس نقطة الانطلاق والوجهة ولكن في اتجاهين عكس بعض، وبعدها نختار عربية وكابتن من دينامو عشان يوصل العميل الأول ويرجع بالعميل التاني ،وبكده قدرنا نقدم خصومات تصل إلى 40% مع الحفاظ على نفس مميزات الخدمة الأساسية، رحلة خاصة بالكامل، حجز مسبق قبل الرحلة بأيام، والتزام كامل من الشركة بتوفير كابتن بديل لو حصلت أي مشكلة.
ومن 2022 وحتى اليوم، وبطرق مانيوال بحتة، نفذنا أكتر من 3,000 رحلة وساعدنا أكتر من 2,000 عميل على توفير مبالغ كبيرة وصلت في بعض الرحلات الطويلة إلى 5,000 جنيه في الرحلة الواحدة، خصوصًا للعربيات التربو والهاي إس المتجهة للمدن الساحلية في الصيف.
النهارده بنعلن عن تحول الفكرة بشكل تدريجي من المانيوال إلى الأوتوميشن من خلال موقعنا:
https://www.dinamo-app.com
واللي بنقدم فيه Dinamo Match Engine لمطابقة الرحلات، ومع الوقت الEngine هيتطور وهيكون ذكي كفاية إنه يمنع آلاف الرحلات الفارغة قبل ما تحصل ويقلل المسافات غير الضرورية، لحد ما تبقى عملية حجز الرحلتين ال Matched
Automated 100%
#دينامو
