عمرتك معانا شرف لنا

12/07/2026

بسم الله الرحمن الرحيم
اولي رحلتنا وبرنامج عمرة النبوي الشريف
طيران عوده من المدينة مباشر
فنادق قريبة من الحرم
خصم خاص جدا للحجز من الان
للحجز والاستفسار 01204517819

12/07/2026

12/01/2026

لو ناوي تطلع عمره تعالي اقولك على شوية معلومات اتمنى تفيدك
الحرم له اكتر من ٢٥٠باب يهم حضرتك تعرف منهم ٥
1.باب الملك عبدالعزيز(1) وباب اجياد (2) ف الساحه الجنوبيه مقابل برج الساعة وشارع اجياد وشارع اجياد السد.
2.باب الملك فهد (79) ف الساحه الغربيه مقابل شارع إبراهيم الخليل وجبل عمر ودار التوحيد وابراج مكه
3. باب السلام (19) ف الساحه الشرقيه مقابل القصور الملكية وموقف محبس الجن جهة الصفا والمروة
4. باب العمره مقابل طريق جده وفنادق انجم ودبل ترى وحي التيسير.
وباب الفتح مابين التوسعه والصفا المروه فالمواسم رمضان والحج فقط حمامات النساء. 1ف شارع اجياد و4و5 امام مدخل برج الساعه العمومي و7 اول شارع إبراهيم الخليل
و9مقابل فندق انجم واخيرا حمام ابو جهل امام باب المروه
حمامات رجال 2و3 شارع اجياد 6و8 امام أبراج مكه مقابل باب م. فهد و10و11و12و13 ف الساحه الشماليه لتوسعة م. عبدالله علي يكون واحد منهم للنساء موسميا..
واخيرا حمامات القشاشيه ( ابو جهل وده الاسم العرفي)
افضل أماكن التسوق.. الكعكيه والعزيزيه و العتيبيه
بلاش تصوير فالاماكن المزدحمه أو في اضيق الحدود
بلاش تعبر شارع عمومي عشان دي مخالفه مروريه فوريه
حاليا بقا فيه غرامة على اللى يرمى اكل للحمام فى ساحة الحرم و الشوارع اللى جنب الحرم الف ريال
بلاش تفقد هويتك ووقارك بالتزاحم على منافز توزيع الاكل المجاني..
*لو معاك طفل هتلاقي وانت داخل من باب اجياد مكنه بتطلع لك اسوره ورقيه مغلفه مكتوب عليها اسمك ورقم تليفونك يلبسها طفلك.
*لو حبيت تروح الميقات(التنعيم) عشان تحرم وتعمل عمره تانيه هتلاقي عربيات بتحمل النفر ب١٠ريال رايح جاي
*لو حبيت تسأل عن فتوى هتلاقي تليفونات ف كل مكان فالحرم ارفع السماعه هيرد عليك شيخ يفيدك
* وزن طيارتك مكتوب فالتزكره متخليش حد يفتي لك ولو مش مكتوب الوزن بالأرقام هيكون مكتوب قطعه أو قطعتين القطعه ٣٠ك القطعتين ٢٣و٢٣
ربنا يرزق كل مشتاق...استغل كل وقتك في الحرم وصلي قيام الليل وحاول تختم القرآن مرة في مكة ومرة في المدينة حاول تروح قبل الاذان بساعة علشان الزحمة

26/07/2025

ما تيجوا كدة نشوف العمرة وخطواتها إزاى ببساطة ونعيش اللحظات مع بعض وكأننا جهزنا شنطنا ومعانا التذكرة والتأشيرة وطالعين العمرة بكرة ♥️❤️♥️
لو رايحين من مصر لجدة يبقى هانروح مكة الأول ..اغتسلو فى البيت وضعوا المزيل والبسوا عادى وصلوا ركعتين سنة وضوء وقضاء الحاجة وتدعوا ربنا ييسرلكم الطريق والإجراءات والعمرة مش هاننوى الإحرام فى البيت لأننا مش فى الميقات ( الرجال بتلبس ملابس الإحرام فى البيت أو المطار .النساء مالهاش ملابس إحرام ) ..هاتركبوا الطيارة لما بنبدأ نقرب على الميقات الكابتن بينوه وينبهنا قبلها إننا على الميقات تنوى الإحرام وتقولى لبيك اللهم عمرة عن نفسى لاسمعة فيها ولا رياء خالصة لوجهك الكريم اللهم إن حبسنى حابس فمحلى حيث حبستنى وتبدأوا فى التلبية طول الطريق هو دة الذكر اللى على لسانك ..توصلوا الفندق ممكن تاخدوا شاور عادى بصابون بدون رائحة وتلبسوا العباية اللى مجهزينها للعمرة ( ممكن تفردى نفسك شوية على السرير ترتاحى من مشقة السفر علشان تستمتعى بالعمرة وماتبقيش تعبانة ومجهدة ) تستمروا فى التلبية لحد ما تدخلوا الحرم وتشوفوا الكعبة تدعوا ربنا وليكوا دعوة مستجابة عند رؤية الكعبة لأول مرة تتوقفوا عن التلبية وتقولوا اللهم زد هذا البيت شرفا وتعظيما ومهابة وتكريما وزد من شرفه وعظمه ممن حجه او اعتمر تشريفا وتعظيما وتكريما ومهابة ..تبدأوا الطواف من عند الحجر الأسود وبيكون متعلم مكانه بضوء أخضر لأن من الزحام مش بنشوفه بسهولة وتبدأوا تعدى سبع أشواط يبدأ من الحجر الأسود وينتهى به تشيروا إليه وترفعوا يدكم وتقولوا فى أول مرة بسم الله الله أكبر اللهم إيمانا بك وتصديقا بكتابك ووفاءا بعهدك واتباعا لسنة نبيك ..تدعواة وتذكروا الله أثناء الطواف لأن الدعاء مستجاب وتغفر الذنوب مع كل خطوة ..بنوصل للركن اليمانى ودة قبل الحجر الأسود بنقول ربنا أتنا فى الدنيا حسنة وفي الآخرة حسنة وقنا عذاب النار لحد مانوصل للحجر نرفع ايدينا ونشير له ونقول الله أكبر ( ربنا يبعث الحجر الأسود يوم القيامة له لسانا وشفتين يشهد لكل من قبله أو استلمه أو أشار إليه) وتكملى السبع أشواط وبعد ما تخلصوا تروحوا وراء مقام سيدنا ابراهيم عليه السلام او مكان قريب منه بعيدا عن الزحام للوراء وتقولوا واتخذوا من مقام ابراهيم مصلى وتصلى ركعتين تقرأ فى الأولى قل يا أيها الكافرون وفى التانية قل هو الله أحد ...بعدين هاتلاقوا كلامن مياه زمزم اشربوا منها سنة كما فعل الرسول صلى الله عليه وسلم( المفروض سنة نتضلع بماء زمزم يعنى نشرب كتير لحد ما المية تملأ الضلوع بس ممكن دة يتعبك شوية وتحتاجوا حمام فممكن نخلى التضلع بعد نهاية العمرة ولو احتجتوا الحمام فيه دورات مياه لها مخارج من عند المروة تخرجوا وتتوضوا وترجعوا تكملوا من مكان ما توقفتوا ) وبعدين تروحوا على الصفا والمروة..بنبدأ بالصفا
وهاتقولوا نبدأ بما بدأ به الله ( إن الصفا والمروة من شعائر الله فمن حج البيت أو اعتمر فلا جناح عليه أن يطوف بهما ومن تطوع خيرا فإن الله شاكر عليم ) وتقولوا لا إله إلا الله وحده لا شريك له له الملك وله الحمد وهو على كل شيء قدير لا إله إلا الله وحده أنجز وعده ونصر عبده وهزم الأحزاب وحده لاشريك له وتتجهوا بوجهكم ناحية الكعبة وتدعوا هنا الدعاء مستجاب وتبدأوا السعى من الصفا للمروة شوط ومن المروة للصفا شوط تانى تدعوا وتذكروا الله كتير لحد ما توصلوا للمروة تقولوا اللى قلناه عند الصفا وتدعوا برده دعاءك مستجاب وتكملوا السعى سبع أشواط بنفس الطريقة تنتهى السابع عند المروة كدة خلصتواة العمرة وهاتتحللوا لما ترجعوا الفندق حد من اللى معاكى فى الحجرة يقص حتة من طرف شعرك ودة الأفضل بعيدا عن الرجال وعمرة مقبولة بإذن الله...

03/07/2025

يعني ايه أرخص عمرة في مصر ؟!
يعني فنادق بعيدة جدا عن الحرم، لا تستطيع أداء الصلوات في الحرم.
يعني فنادق مستوياتها غير آدمية.
يعني غرف فيها سبع أفراد في الغرفة الواحدة وأكثر.
يعني لا يوجد مشرف ديني وإداري مصاحب للرحلة.
يعني تنقلات بباصات متهالكة.
* العمرة زيها زي أي سلعة، هتتوقع ايه لو سمعت عن واحد بيعلن عن أرخص سيارة في مصر، تفتكر السيارة هيبقى شكلها ايه؟!
بعض الناس بيظن إن العمرة شئ واحد، لكن الحقيقة إن خدمات العمرة بتتفاوت تفاوت كبير جدا.
اختصارا : أرخص عمرة في مصر = أقل خدمات مقدمة.
أرخص عمرة في مصر مش معناها إن الشركة المنفذة لها مبتكسبش، وإنما معناها إنها وفرت في الخدمات المقدمة أكثر توفير.
* نصيحة متجريش خلف السعر وخلاص، أسأل على أسماء الفنادق ومستوياتها، وأسأل على الشركة اللي انت طالع معاها كويس، ممكن توفر ألفين جنيه من البرنامج وبعد ما تروح هناك تندم أشد الندم.
بوست يحترم والمفروض يكون توعيه لكل حاج ويلف الفيس لانه مش موسم حرق كفايه حج الزيارات وبهدله الناس

03/07/2025

⬅️هنرجع تاني لنغمه اقل سعر ف مصر😂 وافضل برنامج مع الحاج فلان😂 قبل ما تدفع فلوس💸 وتجري ورا السعر الرخيص🏃🕋 افهم برنامجك كويس 🙋كل جنيه بتوفره بينقص من خدماتك في رحلتك 🇸🇦 (اقل سعر= اقل خدمه )👌✈️
#عمرتك معانا شرف لنا

03/07/2024

مسجد الجن في مكة المكرمة ... مسجد الجن أحد مساجد مكة المكرمة ويقع الشارع المؤدي إلى مقبرة المعلاة "
وبين شرع المعلاة وسمي بهذا الاسم نسبه الى المكان اجتمع فيه النبي صلى الله عليه وسلم بالجن ليلا وكان بصحبته الصحابي عبد الله بن مسعود رضى الله عنه "
وحيث خط له النبي عليه الصلاة والسلام خطا على الأرض وامره ان لا يتجاوزه حتى يرجع اليه ثم انطلق النبي صلى الله عليه وسلم إلى الجن وظل يعلمهم الاسلام ويجيب على أسئلتهم حتى طلوع الفجر وفيه انزلت سورة الجن "

22/11/2023

- قيام الليل بنسبة ٩٠% هو أهم أدوات السعي لأي شيء أنت تريده، فكرة الخلوة بالليل بنفسك والناس نائمة من حولك وأنت قائم تصلي وتدعي وتبكي كفيلة إنها تصلح أي شغلة دمرت عندك (نفسياً ومعنوياً ومادياً)
- قال أحد السلف:
(أتعجبّ ممّن له عند الله حاجة كيف ينام وقت السحر)
- يكفيك ربع ساعة أو ثلث ساعة فقط من الليل تركع لله فيهم.
احفظها عني جيداً :
سهام الليل لا تُخطئ الهدف أبداً حتى وإن لم تصبه إصابة كاملة.
أعظم ما قيل في قيام الليل :
- ألا يَكفيك أَن اللَّٰه إصطفاك من بين أَهل بيتك و بلدتك لِتُناجيه و يُطلِق لسانك بالدُعاء لِيَستجيب لَك ؟!
- ‏أما يَكفيك أنه حِين تَغيب ليلة عن قِيام الليل فَتنظُر الملائكة علىٰ بيتك فتَراهُ مُظلم و قد اعتادت أن تَراهُ مُنيراً كل يوم ...
- فَتسأل عليك ما أصَابَك فَتَخَلفتَ الليلة عن قيام الليل !!
- ‏فإن كُنت مريضاً دَعوا لَكَ بالشِفاء و إنْ كُنت مَهمومَاً حَزيناً دَعت لَك بأن يُفرَّج هَمك !
‏ - أما يَكفيك أنهُ ستكون لَكَ صُحبةٌ فـِ السماء فإن غِبت عنهم سَألوا الله عليك !
لا تنسَ قيام الليل
" دعاء قيام الليل مستجاب "
"اللهم الثبات"

27/09/2023

اللهم صلي وسلم علي نبينا وحبيبنا محمد صلي الله عليه وسلم
كل عام وانتم بخير

26/09/2023

مشعر منى وادي تحيط به الجبال من جبهتيه الشمالية والجنوبية وجمرة العقبة من جهة مكة المكرمة ووادي محسر من جهة مشعر مزدلفة، وتبلغ مساحة مشعر منى 16.8 كيلومتر مربع، ويقع على بعد 7 كيلومترات شمال شرق المسجد الحرام.
وتشير المرويات التاريخية إلى أن اسم منى يعود إلى الدماء المشروعة التي تراق في الحج، وقيل أن سبب ذلك تمني سيدنا آدم في هذا المكان الجنة ويستند البعض أن التسمية سببها اجتماع الناس لأن العرب قديما كانوا يطلقون على أماكن التجمع منى.
يستوعب مشعر منى أكبر مشعر من حيث المساحة 2.6 مليون حاج ومساحته 2.5 مليون متر مربع، ومصمم بشكل يوفر الأمن والسلامة للحجيج، ويتحول المشعر إلى أكبر مدينة خيام في العالم.
ويعد التواجد بالمشعر أثناء شعائر الحج من السنن المؤكدة، وفيه يقضي الحجاج أيام التروية ويتزودوا بالماء ويبيتون به في طريقهم للوقوف بمشعر عرفة اقتداء بما فعله النبي محمد، وينفر الحجيج مع مغيب الشمس يوم عرفات إلى مزدلفة ثم يعودون إلى منى صبيحة اليوم العاشر (أول يوم العيد) لرمي جمرة العقبة والنحر والحلق والتقصير والتوجه إلى مكة لأداء طواف الإفاضة.
يتواجد الحجاج في منى في أيام التشريق الثلاثة الموافقين 11 و12 و13 ذو الحجة لرمي الجمرات الثلاثة (الصغرى والوسطى والكبرى) ويمكن للمتعجل اختصارها في يومين، وبعدها يتوجه الأشخاص لأداء طواف الوداع الذي يعد آخر منسك من مناسك الحج.